PS Chawngthu hla ka ngainat leh zaiho nikhua-a sak ho hlawh tak hi misual thiante lunghlui kaitho turin, amah PS Chawngthu irawm ngei ka han dah a ni e.
Aizawl-ah zan khat ka leng haw-in kawng sira ka thianpa nula rim hawng kawngthlang lam hawia ngui taka lo thu tung lar mai hi ka hmu a, lungte hian eng eng emaw a vawm zeuh zeuh a, ka han thutpui ve ta ringawt a. A darah ka han kuah a, chutia a awmna chhan chu ka zawt a. Ani chuan thildang vak pawh sawi lovin, nula rima zantin maia a birh tlut tlut thin thu chu min hrilh a. Chu nula çhuan amah chu duh ve hle anga lang siin han, titi-pui emaw, han sawi dunpui tum emaw chuan a ngawi tlat mai si thin a; inleng dangte pawh hian an thlahfal ve hle tawhnain, amah (nula) hnen atang hian duhna thu emaw duh loh thu emaw, a enga mah pawh a hre ngailo reng reng a.
Chuvangin, a rilru nuam lo a thu mai mai a ni tih min hrilh a. Kei chuan chu nula chuan a duh lo a nih ka rin thu ka hrilh tlang râwt a. Ani chuan chutiang chu a nih rin loh dante min hrilh a. Thu a sawi lovin a endan leh a khawsak dan chuan duh ve hle anga a awm thu min hrilh a; engtia tih tur nge ni ang tiin min zawt nghe nghe a.
Kei lahin hre der bik hek suh i. Mahse zankhat nã nâ nâ chu léndun ka rawt a, kan lendun zan, chuan kei chu ngaihzawng loh-te ina leng tih hriat fahranin fiamthu leh dâwtin ka ri hlut a, a chang leh ka.han dem dun vel trhin. Dar 9 velah an pahnih chuan ka chhuahsan ta a. Ka rilru chuan ka fiamthu atrang khan inbe chhunzawmin an inhrilh pawp thei tak maw? ka ti a. A tukah ka zawt leh a, titi dang sawi chuan a phul hlut thin a; mahse han hnaihchilha insi riala han thut dun tawh pawh hian han zawt se a ngawi leh tlat mai si tih chu min hrilh leh a. Bansan mai a duh tawh hial thute pawh min hrilh a. Hmeichhe thenkhat hi mak ták an ni reng a ni. Chumi hnu-ah chuan Calcutta lam ka pan ta a. Zan khat Dance hall-a kan music tum tur chu kan Band leader chuan remfel turin mi tir a. Orchestration hlir mai phek sei pui pui ban chen chena sei inthlep khawm, musical instrument chi hrang hranga part hrang hranga tum khawm tur chi hlir a ni a. Ka sam ka sam kawi lai vel chuan dance music pakhat ‘Tonight or Never tih chuan ka mit a la ta riau mai a; Ka en ka en a, a thu pawh a tel zel a, a chang tawp berah chuan –
“Time after time I’ve told you how I love you
When will I know the thrill of your caress?
There’s not a soul that I would place above you, Now is the time for you to whisper, ‘yes’.”
tih hi a lo awm a. Aizawla ka thianpa chungchang chu ka hre chhuak leh ta zawk a. Chumi thu zul deuh chuan hla ka phuah ta a, chumi ka hla phuah chu amah (ka thianpa) tan bik ah ka dahin, a copy leh ka thluk siam pawh chu Aizawlah ka thawn ta a. A sa thintute hian a thluk dik lo deuhvin an sa thin a, tun hñuah Rebecca Saimawii’n ka phuah chhuah ang chiahin, a thu leh a thluk ngeiin Vanapa Hall-ah mipul hmaah a sa a, ka lawm hle a ni.
Update –
.
Similar Posts:
- Hrilh mai rawh…
- Sap hla thluk lak hi!
- Ka Hla Phuah Dan Kalhmang Leh A Chhehvel – Zirsangzela Hnamte
- Help!! Email source tracing
- A love story
June 23rd, 2009 at 2:45 pm
He hla hi ka thianpa pa sipai bang chuan hla kan ti thin a ti :!: An chawlh hmang nula rim te han sak khum nan an hmang thin a ni awm e. A thu te pawh dah tel theih ni nghe nghe se a va duh awm ve.
Report this comment
June 23rd, 2009 at 2:46 pm
Hla Emergency kan ti thin tih tur!
Report this comment
June 23rd, 2009 at 2:57 pm
Sailothangin aw tham deuh trik triaka a sak pawh kha a nalh ve khawp mai.
Pu J. Lalsangzuala (RIP) pawh khan tuna a nupui Pi Zokhumi hi hmangaih thu a fah hmsak ber tum chuan, “Khumi, ka hmangaih che, i awih loh chuan Pianmura (Kulikawn Venga a thianpa) zawt mai rawh”, a ti tawl mai asin
Report this comment
June 23rd, 2009 at 3:07 pm
I va han post tha thin em,kan hriat phak riai ruai i han thawh thin a,mzvision hi bei tha thei khawp mai. thanks
Report this comment
June 23rd, 2009 at 3:15 pm
Hun hei leh chen hi i sulhnu zuiin,
Biahthudi sawi sawi ni tam reng nen;
Engtik nge nang ngaih biahthudi kan hril,
Dam ten min chhan ve dawn ang le?
A fal ten kan intawng leh tawh long e,
Zan a rei khua ka tlai thlawn e;
Ka hril tam lua e i tawngka nghakin,
Aw min hrilh rawh zaninah ngei.
Engtik an nge maw kei ka lawm nan reng,
Ka lam hawia anka nemin;
Biahthudi dam ten thlah ve zai rel a,
I lunglen thu min hrilh dawn le?
Mahriaka lunglen tuar zawng ka zuam lo,
Lung ka mawl tinkim dawn hianin;
I suihlung ruka i duhleng thlang la,
Tum tawk helin ka kal tang e.
Report this comment
June 23rd, 2009 at 3:24 pm
A satu tam zawk chuan Aw min hrilh rawh zanin ngeiah an ti thin. Kei pawhin heti hian ka hre hmasa.
Hla lungkuai ka tihte zing a mi a ni a, a thluk hi ka duh hle bawk. Waltz lam hawi hla hi ani tluka mizo hla-a phuah thiam an awm lo hialin ka ring. Sak ho a chakawm mange..
Report this comment
June 23rd, 2009 at 3:40 pm
Kan Zohnahthlak unaute zinga hnam khat chuan “Mizo ho chu in manmawh kan chi mah mah a ni” an ti e an tia lawm he hla vang hian!
A va han nalh tak em!!! PS Chawngthu ka ngai… Pu mzvision chu i rawn thawh ropui hle mai a. Ka chhuang che!!!
Report this comment
June 23rd, 2009 at 3:48 pm
@vaiva, hareihai.. i han sawi takah chuan ka hrechhuak thar thut pek a.. paite unaute fiamthu a ni mai thei e.. i rawn tarlan ang chiah hian, he hla lar lai khan fiamthu thawh nan tak an hman thin kha mawle..
PS Chawngthu hi a ril ngawt mai. A hla siam ho reng reng hi a nalh em em vek zel mai a. “Chhuatpui rem mam laiah”(Ka Kiangah) tih hla te hi Mizo hlaah chuan chuai thei lo tur zinga mi a ni ngei ang.
Report this comment
June 23rd, 2009 at 3:51 pm
@Zorunpui: Hotupa, tu a te pawh lo ni se Zohnahthlak unaute tihah khan duh tawk rih phawt ang aw!
Exclusivity ah kan lut leh ang e!!!
Fiamthu vek!
Report this comment
June 23rd, 2009 at 3:55 pm
Hehe, nia tiraw, ka sawi tum tak an hrethiam tho a, an la kawi bik lovang.. Unau pawh han in chhawnchhaih fiamthu chang te hi chu a awm ve tur alawm. “Aw min hrilh rawh zanin ngeiah” han tih chu a hmanhmawh thlak ve bawk em a ni..Keinin thla tel kan rim pawh inleng an neih lai phei chuan kilkhawr berah kan thu ve ngam tawk a ni si a..:) aw, min hrilh rawh zanin ngeiah, han tih chu a hnai lo khawp mai..:)
Report this comment
June 23rd, 2009 at 4:13 pm
A fal tea han tawmduna (hmanlai inrim ang nilo) dar kuah thawi huak thuak chauh la thlenphak laia, duh lam ril siin, han vehthlemna hla ah ka lo ngai maia, a lo va ril ve male
Report this comment
June 23rd, 2009 at 4:22 pm
Chang 3 na hi a lungchhiatthlak mange. He hmeichhia hi a sual ka ti ngawt mai. ‘Yes’ or ‘No’ tala chhan ve mai awm.. te ka lo tihpui a. Tu emaw style kha apply ve mai awm Ngawih reng chuan ‘AW’ tihna style kha
Mahse, beidawng takin ‘Tumtawk helin ka kal tange’ a ti chuai raih mai a ni.
Report this comment
June 23rd, 2009 at 4:29 pm
Admin
he hla thu tonic solfa nen-a inziak hi ka post tela, khawngaihin min han tarlan tel teh u pliss in
https://img375.imageshack.us/im.....lhrawh.jpg
Report this comment
June 23rd, 2009 at 4:49 pm
Khai PS-a chu ka pa pian hma deihin calcutta ah vanglai a lo chen jak jaks toh nih khi a, Waltz lam hi ka thiam miah nang, tawn suk buai ve top bak chu. Zaninah ngei tih leh Zanin ngei ah tih hi a danglamna poh ka hre love
Report this comment
June 23rd, 2009 at 4:52 pm
BM-a chuan “Zaninah ngei” a ti
Report this comment
June 23rd, 2009 at 4:53 pm
@mz – dah tawh e.
Report this comment
June 23rd, 2009 at 5:47 pm
VaiVa khi zohnahthlakah bawk buai leh dawn e. Keini lam chuan, a man mawh lua kan ti..an tia lawm..
Report this comment
June 23rd, 2009 at 6:51 pm
A hmeichhia hi a zakzum lituka, a duhthu a sawi ngam hlawl lo aniang. Anih loh chuan a duh thlawt lo tih hmaichhanah a hrilh hreh ani awm sia. Khawi zawk nge dik zawk ang aw??
Keipawh ‘zanin ngeiah’ tia sak ka ngaithla tawh.Same difference
Report this comment
June 23rd, 2009 at 7:38 pm
@hmangaiha: Hmangaihna a lan hi chuan i awm thiam lo a ni lo maw?
Yes or No tih mai chu ni lo deuh a ni. Lunglen thu hrilh pawh atan chuan lawmna a tling. Mah se he hmeichhia kher kher hian a tum si lo. A chang tawp ber khi han en nawn leh u la,
“I suihlung ruka i duhleng thlang la,
Tum tawk helin ka kal tang e.”
He tlangval hi a khawngaih thlak ngawt mai! A zeldinna ah kha nula khan ngaihzawng ruk neiah a han tin zawn a, “Tum tawk helin ka kal tang e” a ti thlawt mai a. A va han beidawn thlak em?
Mah se, he tlangval hian beidawnna piah ram a la thlir a, tum tawk leng dal ah a la in nghat ve fan a. Amaherawhchu hei pawh hi he nula luhlul tak mai hian a la tih failed sak leh zel hi chu khawngaihthlak tak ani. He hla phuah a mawi na em em chu lungkuai lo chuang miah si lo a beidawnna piah lama he tlangval enna a la kawhhmuh det det hi a ni. “Fam ka chang mai ta nge” chu a ti bik miah lo. Mah se, a nuna he nula pawimawh zia hi a ti bo chuang miah si lo!!!
Report this comment
June 23rd, 2009 at 8:23 pm
Pu Sena thianpa khan be thlu ta tak maw aw!!! A thianpa hming lah hi a zep tlat mai lehnghal a ni awm a.
Report this comment
June 23rd, 2009 at 10:08 pm
Pu Sena thianpa khan he hla a rawn phuahsak hma kha chu, lungleng leh khawhar reng rengin chhun ni leh zan a hmang thin a. He hla hi Pu Pahlira hian a rawn phuahsak ta a, a Solfa nen thlap a thawn a. Tha a tiin a duh em em a, a rilru zawng zawng a rawn pho chhuahsak hian a hre hial a ni. A sawi thiam si loh a rilru chhungril awmdan nen lam a rawn phuahchhuak ta kil kel mai si!! Tichuan, a chang tawp ber hi a hmang tangkai ta a, fuihna thu ang deuhah a ngai a ni ber mai. Tum tawk helin a kal ta a nih kha.. A khawngaihthlak hnu hnu a nia… tih hi ka ngaihtuah zawm dan a ni e.
Report this comment
June 23rd, 2009 at 10:25 pm
@Kawnga
khatia a trhianpa Sena’n a hlaphuah a thawn leh a rim pui inkar kha thla tam fe a liama, a lo beidawng hman tawh a ni. Chutih rual chuan Tum tawk helin ka kal tang e tih hresa ang hrimin leng dang a lo chhai ve ani, rilru a beisei bo chuang si lovin.
Dakpu in he hla an pek veleh hian a va kal leh ta, he hla hian Zoram a deng chhuak nghal. He nula poh hian heti tak maia amah duhtu chu a lo duh ve ta telh telh a, kumtluang atan tihpui turin a suihlung ruka a duhleng ngei chu a thlang ta ani :roll:
Report this comment
June 23rd, 2009 at 10:43 pm
Pu MZ, a lo chuti zawk elo? A chu tih vang chu ni maw kan lo hetih tak! Lo chuti lo sela chuan kan heti lek lo tur..
Tak tak a, he nu hi hman deuh a misual hovin kan buaipui rawn chiam a thiannuin top up a lo thunsak thin vang emaw ni a, a bialpa ban ta, a bialpa rilru na vel kha nih duh hmel riau. Kha engtinnge kan awm tak zel hlawm aw… Report rawn pek leh hun ta viau sin mawle.. Thurawn kan pe sap sap hlawm kha nia..
Report this comment
June 23rd, 2009 at 11:03 pm
@Kawnga ka risk mai mai anih kha khang hunlai ami te kha zawng an la dam paw’n tar tak an ni tawh anga. Ramthar nula bem tu kha nia a reh daih maia funny te khan han au tho sela, a trha ang a :lol:
Report this comment
June 23rd, 2009 at 11:49 pm
He hla hi chu a nalh ve thlot ani, mahse a dohthei hla mah mah in ka hria. A hmeichhia poh hianin ni e “Yes” ‘No” tal in han chhang se in ti itom kual vel lovin an rilru poh a thoveng hma don ni mai tur ania. Mihring in an loh vang ah ngai mai ang.
Report this comment
June 23rd, 2009 at 11:57 pm
Nula Yes hma lutuk chu buan chak lo kan ti leh sia Yes vat lo se han inti itawm vel se. Tin, mizia te poh hi inhre tak tak tur chuan hun hi a liam ve deuh a trul alawm. keichu he hmeichhia hi ka ngaihsan zawng zu ni ve tlat a
Report this comment
June 24th, 2009 at 10:52 pm
he hla hi ka pa hian a duh thei lutuk a..lung len deuh hi chuan thlawt ve ziah thrin..tun thleng hian a thu nawn hi chu ka la vawn reng phah..
Report this comment
June 24th, 2009 at 11:09 pm
he hmeichhia hi mizo minu zawng zawng role model ah ka it
Report this comment
June 24th, 2009 at 11:29 pm
a mipa zok khian duh hle anga lang siin a chhang tawp ber ah khian “tum tawk helin ka kal ta’ng e” ti leh bok si a……..a chhana pawh nghak hman lo a kalsan tum a nag em mai…mahse a hla hi chu a nalh hrim hrim.
Report this comment
June 24th, 2009 at 11:48 pm
mipa te chu patience run out hma em alawm. mipa hmeichhe thei deuh kan tih hi an dawhthei zek zel. hairehai an bawh chuk chuk ngailo tlangpui. Upa te’n hmeichhia leh uite chu a chul nel peih peih an lo tih hi a la dik reng 100%
Report this comment
June 27th, 2009 at 9:32 pm
Khitilai ‘still image’ (solfa) khi scanner atanga i lakluh chu a nih loh hmel, camera fiah tha tak i nei a ni maw…ha..ha…Tunhma kum 65 kal ta vela khitiang inlémna hla ril ltk khi cuan a suihlungruk chu a hrilchhuak chiang khawp ang???
Report this comment
June 28th, 2009 at 10:23 am
@RuataKPI
he hla hi PS Chawngthu an a hlate rolting a dah thatna bu Nghilh loh na Par atranga ka scan ania, ka trhianpa in min hcei sak anih hi PS-in. Thil i chik hle mai. ka lawme
Report this comment
August 10th, 2009 at 11:56 pm
A va han ngaihnawm tak èm! A ril raih mai! “Zàninah ngei” tiin nge “Zànin ngeiah?” ti hian ka buai fo trhìn! A chiang kuar ta mai! Hetiang lam hi rawn ti-uar deuh ula maw le!
Report this comment
October 13th, 2011 at 10:51 pm
Report this comment
October 13th, 2011 at 10:56 pm
Ka chhiar châk! Ka hman silo a save mai teh ang
Report this comment
October 13th, 2011 at 10:57 pm
a ori tawp a thlalak khi, a post pawh hi
Report this comment