Khampat khua hi Myanmar (Kawlram) ram Tamu District chhung khawpui ve tak pakhat (Town) a ni. He khua din tur hian Mizoram aţanga pem lut Pu Thanghleia, Pu Hranghmingthanga leh a ţhian mi 7 te chu February 9, 1952 khan tuna Bung awmna hmunah hian an kal a.
Pi pute kut hnu ngei nia an hriat avangin khaw din an rem ti ta a, Tahan leh a chheh vela an ţhian ţhate sawmin he hmunah ngei hian khua chu din a lo ni ta a ni.
Khampat Bungpui picture thar nen. May 14, 2009.
Similar Posts:
- Khampat Bungpui tungding dawn
- Khampatbungpui lo tlawh ve r’u
- Tahan awmna khawpui Kalaymyo tuilian
- Khampat Bung concert ka chhim ve a
- “PATHIAN” tih Tawngkam Lo Chhuahna
July 5th, 2009 at 12:55 am
Khampat bungpui ka theihnghilh che chuan ka lei hian in-tih-sap a lo zir nasa hle tawh tihna a ni ang a,
Ka hriat rengloh che chuan ka kut hian a thil thiam zawng zawng theihnghilh in awm awl kut no chum but a ni tihna a ni ang.
Ka pub kal te, coaktail party chhim te, punch apple ei te ai a ka thlan loh che chuan kan pipute khan thlan a tangin ‘he thangthar kawlhrawng zet hi delete keuh tur a ni’min ti mahse thiam thu sawi thei ka ni lo ang.
Report this comment
July 5th, 2009 at 1:01 am
ka pu unaute hi Ngopa atrangin Khampat ah chumi hnuah Zohmunah an pem, Chhunbuaia
a ni, a tu leh tu chhuan te chu an la awm ngei ka ring. Khampat tihlai tak hi eng trawng nge ni ang le :?:
Report this comment
July 5th, 2009 at 1:02 am
Hehe Pu Ditto a chu a rawn patriotic tha khawp mai
Chuan Pu Serc, “Khampat” tih hi enge a awmzia tak?… etymologically speaking. Kham hi thil kan kham (lukham etc) ang hi a ni ngei anga, chuan enge “pat” ve thung hi?
Report this comment
July 5th, 2009 at 1:04 am
Hahaha… kan zawt rual a nih hi, pu mz.
Report this comment
July 5th, 2009 at 1:42 am
i zawhna hi ka zawhna aiin a CK :roll:
Report this comment
July 5th, 2009 at 2:08 am
Mahni sum seng pawh nise he Khampat hmuna kal dan ngaihtuah thei awm se ka va ti em. misual enkawltute khan han bengvar teh u. remchang a awm phawt chuan kei chu ka kal ngei ngei ang.
Report this comment
July 5th, 2009 at 2:41 am
Khampat tih chu Shine tawng chuan Thri-hmun tihna a ni a. Hmanlai chuan he khampat hmun velah hian Shine ho an lo awm tawh thin a, thri hi a tha em em thin a ni awm e. Chuvangin Khampat tih hi an lo phuah phah ta nia sawi a ni a. Thi ka tih hi nghawnga awrh chi, mawi tak mai a ni awm e. Chuvangin Khampat tih chu “Thri thra hmun” tihna a nih ber chu.
Tin, he khampat khaw dintute zinga la dam awmchhun Pu Chalhranga hi Evangelist thin Kalsiama pa a ni a. Mizorama Zawlsei khaw mi a ni a. Vanchhawng hnam an ni nghe nghe. Tin, a dintute zinga mi tho, Pu Keimana (K.Mana) hi Champhai Zotlang khua a ni thung a. Pu Chalhranga hian Serthlum huan zau tak mai a nei thin a, a vul tak tak lai chuan phurh sen loh a thar e, an ti thin a. A tunu Kalsiama fanu hmingah pawh Orange-Thangi a phuah phah ngat a ni.
Khampat khuaa Mizote hi Champhai lam atanga pem lut tawk chu awm tho mah se, Ngopa leh a chhevel atanga Manipura lut chho, chuta atanga Moreh-Tamu-Zohmun-Kanan to Khampat pem lut an tam hle a. Hmunzawl nuam tak, luipuiin a hual tlat a ni a. Huanthlai pawhin a ngeih hle a niang. Kanan khaw ho phei chuan zawrh sen loh khawp huanthlai an thar chhuak thin an ti.
Article-in a tarlan ang khian hla pawh nalh tak tak an phuah chhuak hlawm a, Khampat Bungpui tih hla bakah he hla hi a hunlai kum 1954 vel chuan sak lar hlawh pawl tak a ni:
KHAMPAT TLANGAU
Phuahtu: Biaktuala
A thluk: Lianthuama
1. Khaih khaih e, lo ngaithla theuh rawh u,
Khuatina mi suihlung in mawl rei lua e;
Kan vangkhuaah lo zuangtum ve mai u;
Chutin ngur nun reng in ngai lovang.
Chorus:
Kan hlawh sawmfang leh thlai tinrengte,
An hring nghial nghial thinlai an hnem e;
Mal tin sawmtu khuanu leng zarah,
Lo pung zel se Zofate nun timawi an.
2.Pipu sulhnu Khampat bunghmun hi,
Zofate tan renga khuanuleng ruat chu;
Rairahriang leh pachhia chanhaite tan,
Tunah luhna kawng a inhawng ta.
3. Khua tin chhiara sum tin tuak aiah,
Ram tuan kan rel e, vo hmuna thawk hovin,
A ni telin ka ro a sang tual e,
Inthurual chu chakna a ni si.
4. An sel naa laldang khua zawng chuan,
Kan zam chuang lo hmatiang kan sawn zel dawn e,
Thang leh thar zelah Zofate nun hian,
Kawl-Vai pui nun reng a khum hma chuan.
Report this comment
July 5th, 2009 at 2:53 am
Hei hi hmanah ka chhiar fuh tawh a, a interesting reuh em a, ka han copy & paste mai e:
According to a prophecy, it was believed that the Mizos planted a Banyan tree in Khampat, Myanmar and said they would come back to the same place when the roots of the Banyan tree touched the ground. Lt. Gen. S.K. Pillai, who has done research on Mizoram quotes a part of the old Mizo song on the great Banyan tree that goes:
“It thrives under the protection of the Supreme Being.
Wait until the earth is touched by its branches spreading,
That shall be the time to restore
Our principal town as times before.”
Some of the branches of the tree touched the ground in March 1916. Hearing about this, some 40 families migrated back from India to Khampat. Later on 12 March 1952, Mizo visitors from India found that the top of the tree had broken and fallen to the ground. A month later on the 25th of April, 1952, the Autonomous Mizo Hills District Council was formed under the 6th Schedule of our Constitution. This was the first time in Mizo history that a unified Mizo political entity was formed (earlier there were only several large Chieftainships). So in a way, the Khampat prophecy was fulfilled — an area was restored which identified all of them as a group.
That was the beginning of the history of Mizoram. Mizoram or the Land of the Lushais lies to the southern tip of the north-eastern region. It is a land mass that protrudes from the Indian subcontinent to fall between Bangladesh and Myanmar. This mountainous region became the 23rd state of the Indian union in 1987. Till 1972, it was one of the districts of Assam. Thereafter, it became a Union Territory, and later, a full-fledged state. Mizoram means the land of the Mizos.
Source: https://www.indiaprofile.com/de.....izoram.htm
Report this comment
July 5th, 2009 at 3:07 am
Vanchhawng ka nia kan chipui te khaw din lo zu ni reng maia. zorunpui i ti lawmawm thin e
Report this comment
July 5th, 2009 at 3:19 am
Khampat = Thi-awmna/thi hmun (Sian)
Report this comment
July 5th, 2009 at 9:31 am
Pute mzvision leh sandman, in zawhna chu Pu Zorunpuia te’n an rawn chhang tha khawp mai.
Pu Zorunpui, Shine = Shan? Khampat tih chu “RANGKACHAK HMUN” tihna tiin Primary School-ah khan kan zir thin kha a ni a. Manipur tihna nen pawh awmze thu hmun ni lo maw?
Report this comment
July 5th, 2009 at 10:57 am
@Serc, Thanks, Shan tih zawk tur a nih ka ring a. Tuna China ram depa khawsa Shan ho sawina a ni awm e. Khi Shan ramah khian Mizo Pipute kha kum 200 lai an khawsa an ti. Dawithiam hnam nia sawi an ni thin bawk a. Mizo Thawnthua Lalruanga chanchin pawh hi Piputen Shan ram vela an awm lai ngaihruat leh zeldin nia sawi an awm thin a.. tak tak ni maw..
Ni e, hnam fing leh ropui apiang te hian a historical place te an hmun hlui te hi an humhim thain an ngaipawimawh thiam em em a. Khampat bungpui pawh khi kan history ah hmun pawimawh tak a luah tlat avangin hetia Mizoram atanga humhalh nachang hria kan awm hi a ropui ka ti hle mai.
He khua hi a te na a, Mizo hnam aiawha lar hat hi an chhuak veleh chawk thin.
Report this comment
July 5th, 2009 at 12:00 pm
Khampat leh Bungpui hi 3km velin a kar a inhlat.. Khampat leh Bungpui inkarah kawl khua pakhat a awm bawk..
chuvangchaun Bungpui hmunah Khua an dinlo tih chu hriattur. Sawive mai mai ila Khampat ah hian ka piang ani.
Report this comment
July 5th, 2009 at 12:32 pm
Khampat bungpui hi a kianga lui luangin a la trep tawh a ni awm asin.Thawk khat lai khan “Chhaktiang Zofa Zirlaite” khan humhalh a trul zia thu an tlangaupui nasa in ka hria.”Chhaktiang Zofa Zirlai lah chu a pachhe em em mai leh nghal.engtin nge an tih tak ni?tui lianin kumtin asir lei bang a la la hek reng a nih chuan kum tam kan hmu tawh lo maithei.
Report this comment
July 5th, 2009 at 3:22 pm
Laysia, a va nuam awm bik ve! Kei chuan Bungpui hi a hmunah ka lo hmu hleinem! Mahse, tun dam chhung hi chuan Rih Dil nen hian hmuh ve ngei ka tum ve tlat!
Bawmrang, Bungpui chhanchhuah hna hi thawh mek a ni a. Bulldozer a ri vut vut reng a nia. A kianga lui kha an divert daih dawn!
Report this comment
July 5th, 2009 at 3:49 pm
Serc, chu.. chanchin lawmawm a nih chu.khawi lam sumin nge aww hna an thawh? a ropui hle mai.
Report this comment
July 5th, 2009 at 5:00 pm
Zoram lam mi tamtak hian Mizo insuihkhawm lam han sawi hian kan rilruin a kawh chu Myanmar lamte,Tripura lam,Assam lam, Manipur lam etc a Zohnahthlak te Mizoram mi rawn ni vek a INDIAN vek emaw greater Mizoram(beisei ngam vak lo chungin)nih hi kan aim deuhin ka hria.Heti zawng hian ngaihtuah chhin ta ila, Khampat bungpui piputen anlo phun tum a anthu lo delhkilh ang hian Mizoram chawp hian chhoh pui ta zawk ila khi lamah khian “New or greater Mizoram” bul hi tan tum ta zawk ila, Indian ngalsang ho ai chuan kawl hnam ho lakah khian racial discrimination hi kan tuar tlem zawk lawng maw?..!!
Report this comment
July 5th, 2009 at 5:34 pm
Bawngkv; mizoram chawp a rawn chhuk pui chu beisei duhlo mai rawh.kawl phaiah pawh Kawl chheho in chin souh (bawm chhia / bawmrang chhiava) min ti ve tho.
Kawlphai a awm chu tawrh chhel hle a ngai a nia.India ah i kal anga “burma nghapih pawichhia” an lo ti che a nga,burmaah i kal leh anga “chhin souh” an lo ti leh che a nga.Tu hriat hlei lohvin nangmahin I phun ang I phun ang anga India leh Burma an chhia I lawh I lawh mai ang.
Report this comment
July 5th, 2009 at 5:56 pm
Bawmrang, hma latute hi Khampat Bungpui Humhalhtu Committee, Aizawl an ni awm e. Tin, mi thahnemngaite’n sum lamin an pui bawk. Rs. Nuaih tela pui pawh an awm. Mizo hnam hmangaihtu an lo la awm a niang, ti raw? Serchhip MZP pawhin Bungpui Concert te an nei a. An sum hmuh ang chhun2 te pawh KBHC tan an hlan vek!
Report this comment
July 5th, 2009 at 6:07 pm
Bawmrang, keini pawhin Kawl Ke rang, Vai chhia, Vai ngalsil etc.. kan ti ve tho alawm le. Heng te chu huat tur pawh a ni hleinem.. Meitei ho pawh Ral leng kan ti a, Naga ho pawh Chalrang kan ti a.. kan hmusit em em vang a ni bik chuang lo. Kan koh nawmnahna a ni ve mai zawk. An ni pawhin an tawngin min kohdan an lo nei ve thei tho bawk.
Report this comment
July 5th, 2009 at 6:20 pm
Meitei hi Chalrang, Naga ho hi Ralleng an ti zawk. Mihring re re hi mihring an nihna hian zah thiam kan zir a trul hle ani. Kawl an ni emaw Vai an ni emaw trhianah siam thei zel zawk ila duhthusam chu a ni. Trhian a kan siam em loh pohin in-hmelmak lo ila.
Kan cultural heritage te hi humhalh kan tum trang trang pawh a trul. KBHC hma latu te pawh an fakawm thlawt a lawm le.
Report this comment
July 5th, 2009 at 6:28 pm
@Bawmrang, chu engtin nge kan awm tak ber ang? chhin souh tih nge tuar hrehawm ang a Chinky tih hi le?.Khawilam zawk nge nek theih deuh ang aw….
Report this comment
July 5th, 2009 at 6:34 pm
khampat te chu serc hian a hre viau ang, khampat.com neitu pa te zinga mi a nia lawm… tiro serc… :lol
Report this comment
July 5th, 2009 at 6:58 pm
Serc, a ropui hle mai.Mizoram lam In han chet meuh hi chuan thilhi a fel duak duak mai a nih hi.
Zorunpui, kei te chuan ka haw reng2 hleinem.Kawl ke rang leh Vai ngal sang ho te chu ka in tih hmuhsit ve nak lai a.
Bkv, Mizoram a thlamuang tak a awm kha a nuam ber zawk in ka ring.
Kawlphai a rawn in suan kher lovin Mizoram atrang khan hma rawn la zel u la, kan chin u naute rilruna hi thawi dam dan ngaihtuah ila hlim takin kan su dial dial thei ngei in ka ring.
Report this comment
July 5th, 2009 at 7:09 pm
Meitei ho hi RALLENG
Report this comment
July 5th, 2009 at 7:10 pm
Sorry… Meitei ho hi RALLENG kan tih kalo hr eve ngai miah lova, kan pi leh pu te ah khan khawikhaw ho emaw chuan an lo ti a ni mahna… keini lam pi leh pu te chuan NAGA ho kha ania RALLENG an lo tih thin. hairehai. Fact file… no excuses
Report this comment
July 5th, 2009 at 7:11 pm
tra la la la la
Report this comment
July 5th, 2009 at 7:19 pm
@Bawmrang, Myanmar a Democracy ram a nih hun chuan a nuam dawn em a,Zohnahthlak an thahnem ve sia tanrual phei chuan Kawlkerang ho hmuhsit theih kan ni bik dawn silova,chutih hun thlir chuan Zoram suan chhoh mai hi kan duh hlawm ngeiin ka ring deuh tlat a lawm, mahse min huphurh leh si angah..!! eh..
Report this comment
July 5th, 2009 at 8:05 pm
hai re hai HV
Report this comment
July 5th, 2009 at 8:14 pm
Myanmar hian democracy hi a hmuh theih meuh pawh ka ring nek love.
Democracy kan lo hmuh tak hlauh chuan in duh leh in rawnn in suan thla vek dawn nia.mahse…kei ni ho chu harsat luat vanga huphurhna ngah em em vek hi kan ni a.Kan lo huphurh lovang che u tih a sawi theih miah loh..
Report this comment
July 5th, 2009 at 8:19 pm
@bawmrang khi,a thusawi last line khi,ka duh trawh trawh lutuk.Liando te unau unau… :0
Report this comment
July 5th, 2009 at 8:32 pm
SuuKyi leh midang zawng zawng te tawrhna hi a thlawn ngawt theilo hrim hrim,Pathian in a phal ka ring lo,Christian te tawngtaisakna zawng zawng te hi thlawn thei a nilo.Khampat Bungpui vang hrim hrim pawh hian kei chu Democracy sual tute hi ka thlawp tawp.Ka thlawp mailova ka ring tlat hlawm. Kawlkeranglehrihlo ho pawn an bei a lawm…!!
Report this comment
July 5th, 2009 at 11:01 pm
Hlawhtling ta se enge Khampat bungpui chu enge a chanchin ni zel tur le? ka man phalo heih heih khawp mai. Democracy sualtu te chu thlawp ngei turah keimah chuan ka ruat a mahse, Khampat bungpui vanga democracy sualtu te thlawp chhan tur a nihna lai tak hi ka man lo. Min han ti var teh..
Report this comment
July 5th, 2009 at 11:47 pm
Hotute hriatna in rawm ti zau leh ta! Khampat Bung pawh keini thangthar ho chuan kan lo theihnghilh hman tep tawh a lawm
Report this comment
July 6th, 2009 at 7:46 am
Khampat bung khi Hmawng
Report this comment
July 6th, 2009 at 12:33 pm
@HV kan pipute hi khilam a tang a lo chhuk,Khampat bungpui bul a inthendarh tate ni awm tak ani,chuan thu anlo tiam a khi bungpui khi an phun a ,a zarin lei a sik hunah hetah hian kan intawkkhawm lehang/kan insuihkhawm leh ang anlo tia,khilai khi zofate insuihkhawm lehna tur bul chu niawm a ni kan thlahtute thu lo dah dan chuan.Mahse khi anlo buai ta em em a,khita insuihkhawm leh chu sawi loh anmahni pawh awm hleithei loin ram hrang hrangah anlo darh ta a,Democracy ram chu nise CHANCE a awm mahna, tih vel ani, ka sawithiam teh nuaih lo….
Report this comment
July 6th, 2009 at 1:42 pm
Khi ti lai velah khian Irre a tei lauh lauh chak, lapawchini ei chungin….
Report this comment
July 6th, 2009 at 3:01 pm
Bungpui zar chuan lei a si ta a,mahse zofate insuihkhawm/ kan Jerusalem a kir leh tur chuan a ram inrelbawl dan khian zir rih hek lo retheih hmabak ngawt a kir thu awm suh, kirna tlak, ram nuam a siam phawt a, Zofate/zohnahthlak zawng zawng te Pathianin rem a tih a kan inthurual chuan KHAWVEL hriat tham kan lo ni thei dawn a,chuan DEMOCRACY ran a nih phawt khi a trul tlat a lawm.
Report this comment
July 6th, 2009 at 7:13 pm
Khampat hi Siam/Sian/Shan/Thai/Dai trong a ni a,
Kham chu Rangkachak (Gold) tihna a ni a, Pat chu Thri (hngawnga awrh chi hi) tihna a ni.
Report this comment
July 7th, 2009 at 1:28 am
“PAT” tih hi “HMUN” (thil awmna hmun) sawina a ni zawk lo’m ni?
Report this comment
July 7th, 2009 at 3:46 am
chepa kha a nu zawh tir mai ru.A nu shan hnam a nih kha.
Report this comment
July 7th, 2009 at 5:01 am
Bawngkuaivuna… Unau hmelhai awm lovin/inen hranna awm tawh lo chuan kan leng za thei mahna mahse, India/Myanmar/Bangladesh ah te kan awm nuaih avang erawh hi chuan, Khampat lam a kir chu thawnthu mai a chang tawh a nih ber hi maw. Tin, insuihkhawm tih pawh hi… unauhmelhai awm tawh lo se tih bak chu hma kan sawn vak ka ringlo… bakah India ram Zohnahthlak zia leh Myanmar Zohnahthlak zia a dang tawh lutuk… Burma lamin, Kawlvai zia an nei a, India lam a mi te tamtak in Thlangkawrvai zia an nei tawh bawk a… Nepolean khan,”there is nothing impossible” a tih ngawt ang kha chu kan harsat viau maithei a ni.
Report this comment
July 7th, 2009 at 5:03 am
Bawngkuaivuna…i nick pui roh hi…(out of curiosity) bawng hi ilo kuai vun tak tak roh em ni le…hairehai
fiamthu, thuhle hlu arek pachal nam rem rum
Report this comment
July 7th, 2009 at 5:05 am
Rangkachak thi….
Report this comment
July 7th, 2009 at 6:55 pm
Kan pi leh pu te, pu leh chhawng, chhawng leh, leh chhawng leh leh te kha China ram a cheng thin an ni a. Pu Chinlung a thlah kan ni ti te pawh kan awm. Pu Chinlung/Chhinlung chu mi pakhat ve mai a lo ni a, cave ah te an biru thrin. Ei leh intur te zawngin kan kal thla ta zel a Burma ram kan thleng thla. Shan hote nen pawh kan in ep thrin ani.Indo leh in nghirnghona te a om reng mai si, tlang/kham ram intranna bul vel a an omna khua chu Khampat (kham=slopes/hill) pat=starting tih hming a pu ta ani. Khamtung mi=Zomi/Mizo/Zohnahthlak
Report this comment
July 7th, 2009 at 9:53 pm
Ekhai, Pu khamguite, hrilhfiahna chikhat tha tak a nih hi mawle.. I han sawi takah chuan a ni thei viau dawn mai.. A paite dialect zawng pawhin, Khamtung tih hi Tlangmi tihna ang te pawhin a hriatthiam theih tlat dawn mai.
Khampat khuaa Mizote an pem khawm laia hotu chan chang ber kha Pu Thanghleia(L) kha a ni a. Midang a chawk phur thiamin an lung pawh a rual tha hle thin a. Eng emaw chen kha chu buh leh balah te pawh an hausa hlawm em em vek mai thin a. Kawl Vai khum kha an tum ber a ni a. Mahse, Kum 1962 atangin Sipai sawrkarna a rawn nih chhoh atang khan Pu Thanghleia bawk hian, kan duh loh tawp tur sawrkarah kan tlu lut dawn tlat mai. Hawh u, i kir leh mai ang u khai, nakinah chuan kan buai tulh tulh zawk ang, a ti a. Khatih laia a tawngkam lar tak pakhat chu “A hnu hnung hnung phungin seh” tih kha a ni a. A kir thla hmasa apiang an vannei ang a, a kir hnuhnung apiang an vanduai ang, a tihna a ni a. Kir leh ta lo, tun thlenga la chambang te dinhmun leh khatih laia pem thla leh ta te dinhmun chu inthlau tak a ni reng a. Pu Thanghleia kha a lo fing ngawt mai, an ti fo thin.
TIn, MNF hunlai khan Khampat khaw tlangval kha Mizo Sipaiah an lut deuh vek a. A khua zawng chuan sawi dawn se, a thi hnem ber pawh an nih a rinawm hial, an ti thin a. Vai sipai kut aiin Kawl sipai kuta thi an tam hle an ti thin a. Khawlaiah te hian Silai ri an hriat chuan, tu ber nge an kah leh tak tiin inchhung atangin an in rinsiak thin a. Khampat tlangval Mizo hnam tana thi kha an thahnem ngei hle nia sawi a ni thin.
Report this comment
July 8th, 2009 at 3:23 am
In hre ril phian hlawm mai!
Report this comment
November 29th, 2009 at 2:04 pm
Zorunpui,i ti tha hle mai..tlang au hla te khi i ron tar lang a..ka ngai sang in ka duh teh mai a sin..Bungpui hla nen.Ti ve hlek ila,Khampat tih om zia cu rangkachak hmun ni lo in,’rangkachak thi”tih na a ni zok e.Kei poh Khampat chhuak ka ni ve reuh a!
Report this comment
July 26th, 2011 at 10:52 pm
ÑÒÎÈÌÎÑÒÜ ÄÅÌÎÍÒÀÆÀ ÇÄÀÍÈÉ…
minny…
Report this comment