India ram hi ramchangkang zawkte hnungah kum 20 in a tlai an ti. Mizoram hi kum 10/15 velin kan tlai leh chhawng bawk a. Mihring pung zel mamawh zawng zawng hi tu sorkar mah hian a tlin vek zel sen a nih loh a vangin human resource nena in ngheng reng mai.
Transportation te, Education leh Health sector ah te hian private sector te nen a thawh ho mai loh chu hmabak a awm lo. Do leh dan chi lah a ni hek lo. State puitling leh fingte chuan an tha leh sumpai bakah an resource engmah ui lovin an puibawm char char tawh mek zawk a ni.
Transport department en ta ila, khawtin chhunin kawng tha tak sorkar in min pek tak avangin state bus service tir kher lovin a aia service tha zawkin sumo a tlan ta sup sup a.a neitu leh a hlawkna Zoramah a luang.
Education ah pawh sorkar sikul aiin private school-ah naupang an tam tial tial. Sorkarin a tir lamah do viau mahse an senso tel lo leh an zirtir chhuah te mizo fate tho ni bawk chu an thangharh ta a niang. Tanpuina te pe in hindi teacher te an pe ta hial a.an tihtur diktak an ti ve a ni mai.
Hei ai pawh hian thuam leh zel se a awm hliah hliah zawk a ni.Healh sector ah hian an muhil rei deuh mai pawh a ni. Mizoram mipui lo pung zel milin an ngaihtuahna an seng si lova, private hospital lo ding zel hian a chhawk hlauh zawk a ni.
Sorkar hian kan damdawiin a leng bak an luangliam tih hre chang lovin a hmu ‘khan chhuk’ deuh atih theih awm e.india ram laipui leh state puitling zawk te chuan an hnathawhpui tu an nihna hrerengin lawm takin an thawhpui hmiah hmiah tawh mai a nisi a.
Gwahati a eye hospital te, cancer hospital te khu a chhawrtu an mipuite tih thinlung pu in Assam sorkar chuan hmanrawtha leh sum tam takin an tanpui a. Sorkar lamin an neih sum leh man power thlengin an tanpui nasa em em a ni.
Mizoram a private leh mission hospital te pawh hi sorkar hian fahrah en lutuk hi bansan deuh ta se, tanpuina sum leh pai pek a harsat rih a nih pawh in sorkar doctor ten an hun awlah an puih theih dan turte hi zawng zawk ta se la, a finthlak hle ang.
Sorkar damdawiin civil Hospital a leng lo leh enkawl sen loh te hi mahni in lama tuar mai tur a beisei theih an ni lo ang bawkin phailam a refer a kal tir vek zel a rem thei lo ang hi a ni. Private damdawiin te hi a neitu Mizo, an enkawl te Mizo, a thawkte Mizo, a hlawkna mizoram tan, a chhawrtu Mizo bawk kan ni reng si a.
Similar Posts:
- Private Practise Vs NPA
- Non Farm Sector ah Mizoram a tan a ngai
- Mizo Mi hlawhtling Chhuanawm te
- Mizoram a sorkar hnathawk hlawh hi a tam lutuk em, Tax pe ve dawn ta ila
- Bank hnathawktuten Public Sector Bank privatised duh lo
July 9th, 2009 at 1:48 pm
Power hi privatise hmasak a tan ka rawt e.
Report this comment
July 9th, 2009 at 2:05 pm
A pawimawh hmasa tur chu kan privatise chuan Mizopa ngeiin la thei se, hnamdang laka kan kun kurh kurh a hlauhawm thei tho mai…
Report this comment
July 9th, 2009 at 2:05 pm
A pawimawh hmasa tur chu kan privatise chuan Mizopa ngeiin la thei se, hnamdang laka kan kun kurh kurh a hlauhawm thei tho mai…
Report this comment
July 9th, 2009 at 2:32 pm
Private hospital a sorkar doctor inhlawh ve hi chu dik ka ti lo. An thiam na leh experience te kan mamawh em em rual in, main income aia side income ngaih pawimawh palh a hlauhawm riauvin ka hria. Dan ang thlap a an thawh hun tur leh pawn lama an thawh theih hun tur te hi bithliah anih law law chuan ngaih dan a dang ang chu. Chu ti lo chu neuh neuh a tam em mai.
Report this comment
July 9th, 2009 at 2:52 pm
Privatization hi chu thil tul tak a ni, mahse dan leh dun mumal takin siam ni zel sela, dan leh dun a kan tih fel loh chuan nakinah ‘min bum alawm maw le’ te hi kan la ti mai mai ang tih a hlauhawm.
Report this comment
July 9th, 2009 at 3:00 pm
Doctor lam thlurbing takah chuan, hmanni lawk khan Civil Hospital ah thingtlanglam atanga kan unaute, an naute thla khat mi vel lek hi luak leh kaih pahfawm in engmah eitheilo, Oxygen pek ngai hialin, a thi mai tawh dawn a nih hi kan ti hial a, Aizawl hmunpui ti a Sorkar damdawiin nge nge chu ti a damna beisei taka lo kal chu Doctor leh Nurse te enkawl danah chuan an lungdum zan lovin, Durtlang Presbyterian Hospital panpui mai an rawt ta a, chutia mangang ta chu Staff leh doctor rual chuan kan nau Tlangval tawngkam thiam vak manglo hnenah chuan “Damdawiin te zawkah kan referred thei lo, heta a damtheihloh chuan hmundangah pawh a dam thei chuang lovang” tiin an inhnialpui zek mai a, hetiang ang a Doctor rual te nen a an inhnial hnu chuan a hma a Blood Bank atanga thisen an pek aman chawi tura an tih pawh chawi ta lovin, Doctor leh Nurse te chuan that an chhuah ta em em mai a,Pathian leh Doctorte thahnem ngaihna zarah tunah chuan dam takin an lo chhuak ta, a lawmawm kan ti tak meuh a ni.
Amaherawh chu hetiang taka kan naute damlohna avanga, Doctorte leh Nurse te nena an inhnialna hian ka ngaihtuahna a ti thui khawp ta mai a,tuna kan han thawhlawm dial dial ang hian kan sorkar pawh hian kan damdawiin chauh lo Education Department thleng hian nakinah chuan min la Privatize mai te pawh a la rinawm hial in ka hria a, mahse, facility tha leh belhfakawm zawk na chu private mah ni se, keini ang miharsa zawkte tan chuan neihthinglung tak meuh meuh a kan bawh kha a ngai ve kan ti miau si a, chuvangin he thu hi chu kei pawhin ka ngaimawh khawp mai.
Report this comment
July 9th, 2009 at 3:45 pm
Damdawi zuar ho pawh saw biak har tak an ni.An in duh hlom ve reuh a nia.Sawrkar hnathawk hi biak har an ti an ti a,kei chu Mobile dawr nghak tute,damdawi zuar ho hi biak an har fe zawk ka ti.
Report this comment
July 9th, 2009 at 5:18 pm
Cell world nula chhawr ho saw customer ai chuan an tin an buaipui zawk in ka hria.
Back to topic: Private Hospital hi tanpui theih chu a tha khawp mai.Mahse private an nihna ang in donor money tel lova hospital run tur in facilities leh infrastructure te an changtlung thawkhat tur a ni.
Sorkar hian Health sector ah hian hmalakna tur hi layman in kan chhut piah lam ah an nei a, Immunization coverage te, Institutional delivery leh disease control te hi tha thlah ai chuan kum hmasa ai a tan lak ngaihna zel a ni.
Chuvangin Private Hospital mipui chhawr em em kha Sorkar in a puih lo a nih pawn thil dang tangkai zawk ah a in rawlh ah ngai ang.
Health Sector privatise hrim hrim hi socialist principle kan zawm a nih chuan a tih chi lo hrim hrim in ka hria.
Public Private Partnership (PPP)erawh hi chu pilot project ang a en chhin ve chu a chakawm khawp a, Gujarat ah khuan Immunization hi Pilot Project in kalpui a ni tawh a, an hlawhtling viau in an sawi.
Report this comment
July 9th, 2009 at 5:42 pm
In han sawi hi a dik ka ti ngei mai…Damlohna chung changah hian duhthu a sam thei thlawt lo. Eng na pawh mi mangang a case hre ve silo ten kan pan thin a, mang an ti ang zual thin….sawi nat lutuk a hlauhawm thin hle mai. Nia.. Mobile zuar te chu lo induh mai mai rawh se kan ti ve deuh , an induh te hi chu (an huantthu suhah) va inhlawh ve te kha an nia.. dawr CK deu a han awmvang hian rilru an contro lo niin ka hria. Zir tur kan va ngah em Mizo te hian ‘Hawh u i dinthar teh tak ang u’ kan Zoram hi, kan ti ve a ni e….
Report this comment
July 10th, 2009 at 12:57 am
khawvel ram changkangte tih dan phung a ni a,mahse kan state hian a tlin meuh a ngemaw chu, hetiang practice tur hi chuan developing state/country nih a ngaiin ka ring.hnathawktute kumkhaw nun ngaihtuah a ngai a tuna sorkar a an benifit neih ang zawng zawng hi an tlin thei a ngem? private sector hi thil tha chu a ni mahse kan ram hruaitute hian ram an siam hmasak a ngai a ni.
Kan ram hruaitute hian thil tha chu an hria a mahse tih nachang an hriat loh bakah a hun an hre lo lui thin hi a mangan thlak zawng chu a ni e.
Report this comment
July 10th, 2009 at 5:38 am
Ka bo rei deuhna a – privatization kan rama hlawhtling langsar pawl chu Greenwood hospital saw a ni. Pu Chawngkunga Health Minister anih lai khan huaisen takin hma a la khatih lai CM Pu Hawla khan a phurpui bawk. Kudos to all those that matters.
Pvt Hospital dang a lo ding zel heng ho in employment an generate hi direct leh indirect in 500 chu an chuang ngei tawh ang.
Health care chauh lo privatisation tih theina leh kan tih mek ho te han tarlang ila –
1)Education – School din grant tel lo pawha hlawhtling thei ngei turin. Govt in a hlawhtling te healthy competition siam turin result oriented in grant pe se
2)Bawlhlawh paih – he thu hi ka post tawh. khawvel ram CK zz ah an privatize, sumdawnna hlawk fai leh thianghlimna leh hriselna a rah chhuak ang
3)Motor workshop – sawrkar chu kan fail let der private ho hlawhtlinna avangin Govt vehicle tihtlem a ngai bill thiam taka bill a tam lutuk avangin mainly due to nexus between the shop and drivers. Tih zel tur mahse sawrkar rate leh pvt vehivle siamna rate hi inang sela. Mechanic ah mizoram mi kan tlem lutuk hi a pawi
4)Govt leh Pvt Office job – heihi privatise theih ani, employment pawh a generate ang, a rang rang leh thiam thiam leh rinawm awm chungnun na tur. Peon, Grade IV hna hrang hrang leh Clerical hna te hi. PWD in Contractor ruaia hna an thawk pawh hi privatisation chikhat chu ani tho. PHE tuisem te P&E hna tamtak pawh hi a privatise theih. Dak sem leh inneih sawmna sem tep awh hi a theih vek.Any kind of maintenanance – computer road water pipe or electrical lines any machineries XRay khawl thlengin a theih vek. Vellore hospital khawl zz khu pvt contractor te maintain deuh vek zuk nia.
ka dek sei lutuk dawn duhtawk rih ang
Report this comment
July 15th, 2009 at 12:41 pm
Millenium centre a security te, motor parking te, hmunphiat te saw privatised (outsourced) ni lo ta se an service hi tun ai sawn a that zawk nge kan rin a chhiat zawk?
Report this comment