Mizo khawtlang inkaihhruaina leh inrelbawlnaah hian kohhran hian dinhmun a sawh nghet tual tual a, a verh thuk tawlh tawlh a, ngaih pawimawh a hlawh tawlh tawlh a, pal liam mai ngam lo kan pung tual tual a ni.
Mizo society-a kohhran rim a nam hma daih hian khawtlang kha felfai taka inkaihhruai a ni a, harsatna eng eng emaw chu tawk ve thrin mahse fel taka chinfel a ni mai zel. Kristianna a rawn lut a, Mizo rilru nghet lo leh thle dual mai zel kha kan kristian ta dual a, kohhranah kan inchhung lut ta dual a ni.
Hei vang hian mi tam zawkte ngaihtuahna chu kohhran hian a la peng ti tih a. Kohhrana inhmang takte chu kan hmu sang viau bawk a, kan ngaisang em em bawk a, chumi tur chuan kan rilru leh thluak suksak kan ni. ‘Kohhran zahawmna vang a ni’ kan ti maithei. Mahse ngaihsan tur kan inzirtir dan hi a dik tawk lo em? Mimal ngaihsan tur niawm zawk tak kha a ruaitu kohhran kan inngaihsantir tlat hian khawtlang inrelbawlna leh Mizo society-ah harsatna thuk tak a thlen thei tlat a ni. Hei vang hi a nia tunhnaiah ngaihsan tur dik kan inzirtir tak chuk chuk ni.
Khawtlang leh kohhrana hruaitu hna chelh kawpte hian kan ngaihtuahna kan sen viau a ngai thrin a, ngaih pawimawh loh tur zawk kan ngai pawimawh hmasa fo thrin. Khawtlang hi a pawimawh berah dah thiam ila, chumi hnuah kohhran. Chutiang ni lova kohhran kan dah pawimawh hmasak zawk fo chuan kohhran lam hruaitu, khawtlang lama chanvo chelhve lote hian min hmuh dan a dik lo va, khawtlang inrelbawlna an ngaihthah fo thei tlat a ni.
Tun hnai maiah kohhran Zo nun ze mawi tidaltu ni anga thu thang han awm maite hi ngaihtuah chian chuan heng ang hruaitu ni kawpte hun hman thiam loh vang hi a ni ti ila kan sawi sual awm lo ve.
Similar Posts:
- …tual tual…
- Kan value system
- Val upa thihna atanga ka in hmuhchhuahna te.
- Krismas Ruai.
- Inni ve thrin em?
July 12th, 2009 at 4:26 pm
Society a cheng kan nih miau avangin khawtlang hi chu kan ngaihpawihmawh theuh a thra khawp mai, tu ate pawh hian. Amaherawhchu Kristian kan nih na zawn atranga en erawh chuan Kohhran hi kan dah pawimawh hmasak a thra ka ti.
Kohhran hrang2 kan awm a, khawtlangah chhiatni thratni te kan tawk thrin a, hetiang nikhua hian kan intrawiawm chu a thra khawp mai. Mahse Kristian kan nih ang takin kan tum ber chu Vanram anih miau avangin Kohhran hi chu dah pwimwh a thra.
Hemi avang hian khawtlang a pawimawh loe tihna erawh a ni chuang lo. Amaherawhchu khawtlanga inhmang em2, kohhran ngaihsak mang miah lo an awm. Hetiang ho hian khawtlanga an in hman kha an rawngbawlnaah an ngai thrin. A dik viau rualin ngaih sual theih thil awmin ka hria.
Khawtlang rawngbawlna hian Vanram min thlen dawn loa, Vanram kaina chu Kohhran chhungah chiah a awm. Chuti nise Kristian nilo khawtlang tana hna thawk thra mi tamtak he khawvelah hian an awm.
Amaherawhchu Kristian kan nih vang zawkin khawtlangah, chhiatni thratni ah tlawmngaia thawk tur kan ni. Tun hma kristian kan nih hma pawhin kan culture ah a bet tawh kha kristian kan nih hnu hian a thra lai chu kan chhawm zel anga, a thralo chu kan paih ngam tur a ni.
YMA leh khawtlang hruaitu, mi tlawmngai tak2 ten kohhran aiawha khawtlang tana rawngbawlna hi Pathian tana rawngbawlnaa in ngai an awm thrin a, hei hi dik ka ti lo kei misual hian
Report this comment
July 12th, 2009 at 4:42 pm
Off Topic lawk teh ang.
Eng nga ti nge Misual.com a kan thil ziah reng reng article emaw comment-ah hian T(tri) hmanna turah hian thin nilovin ‘thrin’ tih te chhiatni thatni nilovin ‘chhiatni thratni’ kan hman a :?: School kal lai pawn exam naah te ‘thrin’ emaw ‘chhiatni thratni’ kan ti ngai silova, ‘Thin’/'chhiatni thratni’ tiin kan ziak mai kan hre thiam vek, a hnuai a ka chhut loh a tam zawk.
Report this comment
July 12th, 2009 at 4:45 pm
‘Thin’/’chhiatni thatni’ tiin kan ziak mai kan hre thiam vek ka tihna :lol:
Report this comment
July 12th, 2009 at 4:48 pm
A nih loh le T(tri) aiah tri/thra/threuh…etc. kan tih tawh zawk mai dawn:?: in ngaimawh zawng a ni ve em:?:
Report this comment
July 12th, 2009 at 4:57 pm
Nia mawle, mi pawn an tia kan han ti tr ve ta mai lawm le. Chhan vak awm pawh ka hre bik lo. Its Juz like that
Report this comment
July 12th, 2009 at 6:03 pm
THIN tih chuan liver lamte a kawk thei, web khawvelah hian TRI a awm hma chuan TR hmanga ziah hi a pawi lo, mahse kei pawh hian ka uar tawh lutuk a, ka thil ziahah te ka lo hmang leh zauh thrin pawi khawp
Report this comment
July 12th, 2009 at 6:05 pm
Kristian kan nih avanga Kohhran ngaihpawimawhna tak hi lawm ka buaipui chu. Naupanlai ata inkhawm ve ngai lote chu kan hmu nikhua lo nghal, kohhran mi leh sate chu ngaisang tura thluak suksak kan ni. Chumi lo chhuahna pawh chu sap missionary te tho kha a ni.
Khawtlang kan ngaihpawimawh hmasak loh avanga kan dinhmun chhiat zia hi chhut tham a tling reng a nia
Report this comment
July 12th, 2009 at 6:48 pm
Kohhran a in hman hi a tha a.Mahse kan ti lutuk ka ti.Khawtlang leh kohhran ah chuan in hman tur.Society a kan tel loh chuan mi pangai phak lohna chikhat deuh a ni a.Mahse a chin tawk awm lo in Mizo te chuan kan atchilh tlat thin.A bik takin zirlai tan te hian in hman dan chin tawk hi thiam a ngai khop mai.
Report this comment
July 12th, 2009 at 7:08 pm
John 18:36 ah chuan, My Kingdom is not of this world a tih kha maw
Report this comment
July 12th, 2009 at 7:57 pm
Kan kohhran theuh te hian an an role an play dik tak chiah lo niin a lang. Hmaikawr chauha koihhran hmang, mahse a taka kohhran mi lem si lo, a hming chauha kristian tha em em, inkhawm taima tak, mahse a nunpui lama pachhe ve tak tak vek mai kan nih deuh furna hian kohhranten memberte min enkawl kawngah hian in enfiah tur an ngah hlein ka hmu.
Tin, kan khawtlang inrelbawldan pawh hi enfiah a hun ta hle mai. kan kalphung pangngai tah tak kha kan zawm reng thei tawh lo a nih chuan reform ve tawh ila, kan thatpui zawk ngei ang.
Report this comment
July 12th, 2009 at 8:30 pm
Vanram kaina chu kohhran chhungah chauh a awm tih khi ka hrethiam chiahlo,Vanram kaina chu Isua thisen avangin, chumi ringtute chu kohranho.Anihna takah chuan Kohhran mi tamtakin kan tih hi Pawl, hemi a kan activities hi vamram min luhtir tu a ni lo, mahse chanchinthra hrilhdarhna atan chuan Pawl hi a pawimawh. Khawtlang veitu pawhin chatuan nuna nei chungin veise,thilthra tih hi ringtute activities a ni a lawm, a in kalh em em pawh ka hrelo.
Report this comment
July 12th, 2009 at 8:41 pm
Kan trangkai ve theihna tur ah hian inhmang ila a trha ber mai. Nihna duh vanga kohran rawngbawl te tlawmngai pawl a tuina leh tihtak zetna nei si lova hruaitu nih duh tlat te hi a awm theih heihi a trha lo in ka hria.
Kohran lehnghal phei hi chu, Pathian ruat ngei ni thei se a trha hle. Tlawmngai pawl a hotu lian pakhat an veng vela trhahnem si lo, a headquarter lama nihna nei thei riau te pawh hi a awm theih ania, inthlang ram kan ni miau a.
Veng chhung tlawmngai pawla mi inhmang kohran rorel kalh ching te pawh a awm theih. Xtian ram kan nih ang ngeiin kohran leh tlawmngai pawl te hi thu inmhu takin thawkho thei zel se duhthusam tak niin ka hre ve trhin kei misual hian
Report this comment
July 12th, 2009 at 9:25 pm
‘Theology of the two kingdoms’ hi Pathian thu thiam ho paw’n an chai nasat em em a ni. Engpawhnise Mizo kan nih a, kristian kan nih bawk chuan kohhran rawngbawlna avanga kan hnam hmasawnna leh khawvel mual eng hmu ve phaka kristianna in min siam dan hi hmuh hmaih theih rual a ni lo. Chuvangin kohhran mi rinawm tak nih leh khawtlang tana mi tangkai nih hi thil inkalha ngaih tur a ni lo. Chawhpawlh dan chin leh lakhran dan chin thiam a ngaih chang erawh a awm fo.
Tin, kan inzirtir em em avanga kohhran hi ngaisang kan ni paw’n kei ka lo hre lo. Kohhran hnathawh chhuanawm takte avang hian kohhran hi kan ngaisang mai niin ka hria. Hei hi kohhranin a kalsan chuan kan ngaisang lo leh mai ang. Kohhran ka tih hian denominations ka sawi lo.
Lansarh leh dinhmun khel a, kohhran hmanga mihring zahawmna hlawh chhuah tum hovin kohhran hmel an ti chhe thin erawh hi chu a pawi ngawt mai.
Report this comment
July 12th, 2009 at 9:43 pm
Dolien-a rawn sawi hi a dik khawp mai. Kan ram chu Kristian deuh vek kan nih avang hian kohhran a in hmang leh hmang lo hi fel leh fel loh teh nan te’n kan hmang fo mai a, hei hi chu chhutchian angai tawh khawp mai. Kohhrana hruaitu, rawngbawltu, Ringtu tha a inngai, a nitin hnathawhna leh inthenawm khaw venna a, dikna leh felna thlachham anih chuan, ngaihsan tlak ani lova nga.
Kohhrana in hmangtak, an nihna Rev, Upa, Missionary nihnate remchangah hmanga, sorkara hamthat duhna leh duhsakna te an beisei anih phei chuan chungmi te chu ngaihsan tlak ani lem awm love. Heng rawngbawlna kawnga nihna hi, khawvela hamthatna tur um nan ani lova, chhiahhlawh rawngbawlna ( servanthood leadership) ani zawk si a.
Chutiang bawkin, khawtlang ngai pawimawh tak, Ringtu intisiin kohhran ( not denomination) angaih pawimawh leh si loh chuan, chumi Ringtu nun chu ngaihtuah ngun a ngai ve tho vang. Ringtu tha chuan Ringtute inpawlkhawmna ( fellowship) angai pawimawh tur ani si a.
Tin, Mizo rilru nghetlo Zosapten Mizote tluak min suk sak a, ngaihsanleh ngaihsan loh tur min rawn thlir sak anga ngaihdan awm erawh hi chu a dikhlel deuh awm e a!
A thu hrimin, khawtlang nunphung inkhaihhruaina kha kan Zosapte pawh khan an ngaipawimawh hle a. Chuvang chuan, tuna Khawtlang lam inrelbawlna kawnga kan hman rim ber YLA (YMA) pawh min din sak anih zawk khaw maw!
Report this comment
July 12th, 2009 at 9:48 pm
Kohhran hruai tu te hi khawtlang ah hian a tak tak a luhchilhin in rawlh sela chuan kan ram hi a tha sawt in ka ring..he tia in rawlh tak tak mang si lo a thu viau tum ringngawt ai chuan.
Report this comment
July 12th, 2009 at 10:16 pm
I thlirdan hi a dik ve thei viau..Mahse Kohhran hi a ropui asin!! Van lamho nena kan inzawmna, Lal Isua thisena a lei a ni..Khawngaihna avanga kohhranho kaltlanga rawngbawlna kan chanvote hi sawinep mai a awl thin..A aia hlu leh ropui a awm hlei nem!!! Thildangte hi chu a kentel tur chauh zok a ni.Chu kohhran hnathawh tur chu hlen thei ila khawtlangah pawh sawisel tur kan awm kher lovang.
Amaherawhchu famkimlo mihring kan nih miau avangin kohhran leh khawtlanga nihna chanvo kawp(duh vang reng leh chak vang a awm theih ang), a lehlam phai ta thin Mizo ah chuan kan tam thin. A bikin thingtlang mi kan indaihtok lohna ah a tam leh zual. KTP e.g. Leader kha YMA leh thildangah an mamoh tlat thin, midang kan awm loh avangin.. A tha ber chu- A iak iak ho hi Kohhran lamah kan awl deuh a nih chuan Kohhran lam nihna ngah tak hote hi awl thei ila, nihna hi kawp ten tun lo ila..Hmantlak hi tam ila, heng kan induhkhawplohna te hi chu a ziaawm ang..Kohhran hi Sawinep chi zawng a ni lo e., a ropuina hi sawizel zik tur. Kan thluak suksak kan ni” han tih em te phei hi chuh…THLARAU THIANGHLIM ZARAH Kohhran tihropuia a awm vang zok a ni.Mihringte tih theih a ni lo ve..
Report this comment
July 12th, 2009 at 11:50 pm
A tlangpuia thu in Kohhran sawisel ching hi chu kohhrana inhmang tak tak peihlo ho hi an ni duh khawp mai.
Report this comment
July 12th, 2009 at 11:51 pm
A tlangpuia thu in Kohhran sawisel ching hi chu kohhrana inhmang tak tak peihlo ho hi an ni duh khawp mai. Thlahtute atangin
Report this comment
July 12th, 2009 at 11:55 pm
Kohran sawi laia lo khawvel riau te khawtlang sawi laia lo kohran riau te hi diktak chuan thil hrang na na na chu mix loh hi a trha ka ti
Khawtlang thil tih re re ah hian kohran nu ho mihlim te hi rawn khup-thlep zuai zuai se kan ning ngawt ang. A hmun leh hun hi a awmin ka hre ve tlat intih Xtian lutuk pawh hi a ni ber em aw ka ti deuh kei misual hian
Report this comment
July 13th, 2009 at 12:06 am
Kohhran hi Isua Krista, lungpui chunga din a nih tlat avang hian a ropuiin a ngaihsanawm lo thei lo.He khawvela kan awm chhung rei lote mai nilo, kan thih hnu piah lam ramthlenga min hruai theitu a nih miau avang hian tu han hnualsuat theih a ni lo.Hun reilote chhunga Kristiana kan inleh pukna hi kan rilru ngheh lohna lam ni lovin Pathian khawngaihna avang liau liau niin ka ngai zawk.
Kohhran hi a ropui rualin a chhangchhe lo thei lo.Buh lem leh buh tak to tlanna khawvel anih avang hian a lem pawh an lo awm ve teuh ngei ang.Chmi thliar hran hna erawhchu a thawktu tur kan ni lo. Ram pawn lama tladah ve tak takte pawhin lan mawi an duhna avanga kohhran an belh hian kohhran ropuina a tilang fiah zual niin ka hre tlat a ni.
Kohhran leh khawtlang erawh hi chu innek lovin kal tlang mai tur niawm tak a ni.A khawi emaw zawk thlauhthlak a nih chuan a pawl ni lovin a mihring thiam loh zawk a ni ngei ang.Khawvela kan awm chhunga kan mamawh tlat avangin khawtlang inawpna hi kristiante tan chuan ngaih pawimawh hliah hliah tur chi tho a ni.
Report this comment
July 13th, 2009 at 1:11 am
Chawlhni a inkhawm peih miah lo te, kum khata chawlhni vawikhat awm se, chu pawh hmeichhe inkhawm ni nise ti pawl ho te hian Kohhran sawi chuan sawi tur an ngah ber an ti! Politics leh kohhran sawi hi chuan kuhva dawra thu mai mai leh nula ina zantin nui thler duarh duarh pawh hian dawrawn khat tal chu sawi tur an pai ve ziah e an tih leh bawk chu!
Kohhran, khawtlang, sawrkar kan vei tlang a, a that lohna lai kan hre theuh a. Kan sawi tliar tliar a. Amaherawhchu, engtin nge niang kan siam that ang? Kan discussion tam zawkah hi chuan solution aiin problems hi a tam zawk fo thin. A diklohna lai/ a felhlelh na lai hi chu kawngkam vur zuar leh mutia baalu pu pawhin an hre fur a sin.
Report this comment
July 13th, 2009 at 1:47 am
Kan minister tam zawk hi kohhran upa an ni hlawmin alang a. Kan CM te ngat phei chu sunday sikul zirtirtu an ni fo. Mahse ram hruaitu an nih miau avangin politics inchirhthehna hrang hranga an bang thei bik lo va. Chutiang zelin kan kan khawltang hruaitute pawh kohhrana inhmang tak tak leh kohhran upa te an lo ni ta zel a. Hei hian a hrin chu chawhpawlh nun a ni a. Lum law law si lo, vawt law law bawk si lovin kan awm a, kan thlarau nun leh society nun pawh a nu ta bat vek mai a ni. Chuvangin Kaisara thil chu Kaisara hnenah, Pathian thil chu Pathian hnenah tih angin Pathian rawng leh Ram (Politics)hi chu chawhpawlh lo thei ila, hun lo kal zel atan kan thatpui zawk ka ring.
Report this comment
July 13th, 2009 at 2:48 am
“Theology of Two Kingdoms” tih takah chuan, zawhna ho te – why does there have to be two kingdoms?
Kohhran nge ngaih pawimawh zawk tur khawtlang tih zawhna chungchangah hian, kei ka ngaih ve dan mai maiah chuan, Kristian dik tak kan nih chuan khawtlang hi kan ngai pawimawh lo ngam dawn em ni? Ngaih pawimawh zawk kan nei thei dawn em ni? Bible chuan, “Nangmah i inhmangaih angin i vengte hmangaih rawh” min ti mauh mai si a!
Khawtlang ngaihsak ringawta Kohhran hawisan chuan vanram min thlen dawn lo, a chiang sa. Mahse, Kristian dik ka ni ti tur chuan ka vengte (‘vengte’ – ka bul leh a vela mi ka tanpui theih zawng zawng te) kei ka inngaih pawimawh ang tluk zetin ka ngai pawimawh tur a ni si a, chu a nih si chuan, Kristian dik chuan Kohhran a ngaih pawimawh ang tluk zetin khawtlang pawh a ngai pawimawh tur tihna a ni mai lo’ng maw? Kohhran ‘interest’ leh khawtlang ‘interest’ hi a inkalh tak tak em? Keimahni ‘selfish interest’ a lo inrawlh ve zawk mai thin hi a ni lo maw? Nge Kohhran ‘interest’ kan tih te, khawtlang ‘interest’ nia kan hriatte hi thil inang si kan ‘interest’ te hmangin kan then hrang mai mai?
Zawhna hlir!
Report this comment
July 13th, 2009 at 4:59 am
Ka sawi tum dan hi ka sawichhuak thiam lo nge min man fuh sak lo aw? tih ka ngaihtuah.. Kohhran lam sawichhe viauvah min ngai niawm tak a ni. Kohhran ka sawi chhia a ni lo va, kohhran leh khawtlanga hruaitu ni kawpte chanchin ka sawi a ni.
Hengte hian ngaihpawimawh tur dik ngai pawimawh ta se, mizo society chiri lutuk siamthrat tuma tuna taka kan tharthawh hi a bo zawk ang ka tihna lam a ni mah.
@nell_maiden: Kohhrana inhmang tak tawh lo ka ni. Ka duhtawk chu ka inhmang tawh I hrethiam em? inhman nachhan tur tak hi ka hre lo. Mi hman chungchuangte tana inpenparhna leh inlak guru na hmun pakhat hmuhin ka hmu e.
@Vaiva: Solution chu ka nei a, ka tarlang bawk. I chhiar thra leh dawn nia. Helamah an puitling hlawm an tia, in nawi hlawm tlat in komment hi. Post khi chhiar lovin comment hi in chhang a ang riau mai.
@muantea: I ngaihtuahna i bawk dan hi a felhlel deuh em aw te ka lo tia…. Kristian kan nihna hi changchawia hmatheh fo a ngai ka ti hran lo. Kan kristianna hmanga kan rawngbawlna hmasa leh pawimawh ber chu khawtlang hi a ni dawn lawm ni? Chumi hnuah Kohhranah chuan le ka ti ve tlat…
In nawi nuah mai! Post khi uluk takin chhiar ula… inhnial vak a ngai lo tih inhrethiam maiin ka ring…
Report this comment
July 13th, 2009 at 11:37 am
Kohhran hi keni ringtu te chuan kan ngai pawimawh em em tur ah ka ngai.Kohhran hi a zahawm a Pathian in a duh tak a din ani chuvangin i sawichhia lovang u Pathian pawi kan sawi palh ange.. Mathaia 16:18 he lungpui chungah hian ka kohhranho ka rem chho ang a, Mitthi Khaw kulh kawngkharte chuan chu chu an ngam lo vang tih hi pathian thu chhuak ani
Report this comment
July 13th, 2009 at 1:17 pm
@dolien: Ka chhiar chian loh takin ka han chhiar nawn leh e.
dolien quotes “Khawtlang hi a pawimawh berah dah thiam ila, chumi hnuah kohhran”
Heta khawtlang i tih leh kohhran i tih hi enge a awm zia? Arpui nge upa artui tih ang deuh khan Kohhran leh khawtlanga hruaitu nikawpte hi i hnualsuat/ discourage anih si loh chuan khawtlang hi i dah pawimawh hle tih na a ni a. Zawhna pakhat, sociologist chu ka ni miah lo na a, khawi ram leh hnam nge ni a sakhuana nena kaihrang thei rorelna nei roreltu te inhnamhnawih miah loh na?
Khawvel pian tirh a ta tawh Bible piah lamah i ti teh ang, Rome mite kha khua leh tui te enkawlna lama sulsutu an ni ngei mai a. An roreltu te zingah khan sakhuana a inhnamhnawih lo chu i hre tlem ve viau lo maw? Imperialism kan ti a, Industrialization in a hrin chhuah, kha ta sulsu tu pawimawh tak te kha chanchintha puang darh tu te an ni. A hnuah leh zel pawh rorelna ah khan sawi an nei thui em em zel ani.
Kristianna pawn lamah pawh ti i la. Pathian awm ka ring miah lo emaw Kohhran/ sakhuana chu khalamah lo kal ve bek bek u la. Keinin ei leh barah kan lo chawm ang che u ti kha chu an daih rei lo khawp nia. Mahatma Gandhi nunah khan ka han teh khin chhin teh ang! Sakhaw dang a ngaih pawimawh ai a nasa khan Hinduism kha a ngaisang a sin. Mao Zedong a kha Budhist sakhaw hnuaia seilian mah ni se, Pathian awm ring miah lo, sakhaw lam thil chu thil tul lo a ngai tu a ni a. A nunrawn zia tun thlengin kan hrilh fak anih hi. Hitler a kha, atheist niin sawi awm thin mah se la Kristian te sakhua hi a pawm ngheh tlat thu a sawi chamchi a nih kha amah ngei pawhin.
Chumi awmzia zawkah chuan sakhuana leh ram rorelna hi kaihran a har lo maw? Pathian awm ring chuan a Pathian tana atheih ang tawka ro arel loh te chuan ringlo nen an inang reng dawn a. Pathian awm ring miah lo kha chuan Pathian awm ringte duh dan chuan ram leh hnam a kaihruai hauh lo ang a. Amaherawhchu, rorelna chu mipuite kutah kan ti bawk si a. Mipui te aia thu roreltu kan neih chuan Dictatorship ah kan let leh dawn tihna ani bawk si a.
Khawtlang rorelna leh sakhaw rorelna hi a inrem bek bek a kalpui chi ani zawk lo maw? Pawimawh zawk a awm thei dawn em ni? Secularism kan ring anih bawk si chuan Kristianna chauh ni loin midang te rinna pawh kha kan hmaih thiang lo ang.
I duh ang hi emaw i solution rawn phawrh chhuah hi tha tawp mah ni se la, a idealism deuh lo maw? Tin, a hrinchhuah/ out come ah kan lungawi ang em? Sakhuana a inhnamhnawih miah lo, emaw tlar hnung chuh chat reng mai kha chuan Mipui tam zawk te zui chu a hrethiam meuh ang maw? Mipui tam zawkte tana roreltu chuan khawtlang tan ro a rel tihna a ni thei ang em? Chuti anih chuan i solution proposal hi dik chiahah i ngai ngam em?
Report this comment
July 13th, 2009 at 2:04 pm
A bengvar thlak thin teh e. Kohhran leh khawtlangah hian kan tlin tawka inhman hi tha ka ti a, a tlin thui deuh kal thui se, thiam thil te a inan loh avangin. Amaherwhchu, Kohhran a inhmang tak tak te chu an zahawm zawkin ka hmu thin.
Report this comment
July 13th, 2009 at 7:45 pm
Kohhran hi tha deuh a ni, a in ti thu thu an thu mai. Iak iak lo hian in ti thu theuh mai ang u :smile:
Report this comment
July 13th, 2009 at 11:19 pm
Khawtlang hruaitu an nihnain misual an vua in an sawisa a,kohhran hruaitu an nihnain an trawngtai sak a,an vei leh em em a,ngaihdmna thu uar takin an sawi leh a,a ni mai a lawm:)
Report this comment
July 14th, 2009 at 7:29 am
In comment hi kan CM in a chhiar a, a ngaihdan kan zawt a, “Kohhran rawn phawt loh chuan &^%#@*&%#….” a ti nih chu.
No Offence
Report this comment
July 14th, 2009 at 10:38 am
Ka awmna vengah chuan Khawtlang hruaitute hi Kohhran mi leh sa tha tak takte an ni hlawm a, a ziaawm viau. Tun hma lama mitthi lumenna har (har – hre lo kan awm takin, mei chhemna, thingpui lumna hmun) vela zurui pawr tak tak awm thinte kha thalai fel tak takin an thlak tawh a, zuruite an inkiltawih tawh zawk mah, a tha ka ti khawp mai. Zurui ho tam vanglai kha chuan zana mitthi ina thingpui sem pawh mipa vekin an tih hun laite a awm thin kha. Tunah chuan hun a inher danglam ta niin ka hria.
Tin, tlawmngaihna hi YMA-ah emaw a awm ti tlat mihring hi an la tam khawp mai a, tlawmngaihna hi Mizo kan nihna leh ringtu (Kristian) kan nihna hian a keng tel zawk tih hriat a tha.
Report this comment
July 14th, 2009 at 11:50 am
Kohhran kan sawisel thin hi kohhran sawisel hrim hrim duh vang ni lovin kohhran hruaitu zingah mi thenkhat, kohhran kawr a hmang, mi diklo, kohhran hruaitu ni tur a kan beisei dan pha lo an awm thin vang a ni maiin ka ngai.
Report this comment
July 14th, 2009 at 12:14 pm
Keini vengah chuan a khawtlang hruaitu(YMA ti deuh bik mai ang) tak te hi chu Kohhranah inhmang over chu an ni lemlo a..Mahse..YMA active member te erawh hi chu KTP/TKP etc. a active member te tho kha an ni.. Chuvangin YMA hruaitute pawhin kohhrana mi inhmang te hi an sawisel ngawt theilo..An tello chuan YMA ah active member mumal awm heklo..
Mitthi lumen, thlan laih , zualko etc ah pawh KTP active member te tho kha a taima ma an ni tho.. Kohhranah mah inhmang peihlo ho hi chu khawtlangah phei chuan an peihlo lehzual…
Exceptional case tlem azawng(Khawtlang ringawt atchilh) te chu an awm ve tho a
Report this comment
July 14th, 2009 at 12:50 pm
Mizo te hi kan kristian na leh kan khawtlang nun a inzawm tlat avangin kan theih ang tawk theuh a kohhranah leh khawtlangah kan inhman hi a tha. Amaherawhchu kan phak tawk leh tlin tawk hria ila, kan chhungkua leh kan hnathawh/eizawnna erawh ngaih pawimawh tur. Kohhran leh khawtlanga inhmang leh thahnemngai tak tak te avangin kan kohhran a nung a, kan khawtlang a nuam thin.
Report this comment
July 14th, 2009 at 1:20 pm
Kha tah tak khan ani in enchian a tulna. A tha lo lai leh kal sual lai kan hre theuh a. Engtin nge niang hetiang kohhran leh khawtlanga in hmang, kawra hmang te hi kan siam that thieh ang? Mi fel tam tak ai chuan misual pakhat in sawi a hlawh zel a. A thlen chin pawhin nghawng a nei zel lehnghal.
Kohran leh khawtlanga hruaitu dinhmuna hlangkai tu te chu keimahni, mipuite hi kan ni. Ka tel ve lo i ti anih pawhin i thenawmpa, i makpa emaw i laizawn emaw i fapa emaw i laichin hnai leh thenrual hnai te zingah an awm ve ngei ang le. An tlem zawk ngei bawk ang. A tam zawka te chuan kawngtha nia kan hriat leh mitha nia kan hriat ate kha thlang ngam i la. Kohhran hi mawhpuh chi ani lo. Keini ho hi kohhran te chu kan ni si a. Mipuite inzirtir leh kawngdik inkawhhmuh hi kan tih makmawh ani e. A sawt chuang lo ti a kan an kan an chhung hi chuan kan ang reng dawn tihna ni mai lawm ni?
Report this comment
July 14th, 2009 at 3:34 pm
Nang i hmunah, kei ka hmunah i ti tlang mai ang u hmiang, a offence zawng ngawt zawng lovin.
Kohhran a mitangkai tak, thlanlaih ni khua ah pawh lang miahlo, chhiatni thatni ah pawh inhmang ngai miah lo an awm thei a, A lansarhna lai hre thei deuh te pawh kan awm thin.
Kawng lehlamah chuan A kila lung pawimawh tak angah i ngai mai ang u, Biakin chhunga lam ngai miahlo active em em a present tlauh tlauh, inkhawm thulh tum bau lo te pawh an awm a, mahse, Item, chanvo pek dawn a inkiltawih tlat mi an awm thei bawk, tiang chiah hian phailama Mizo welfare ah pawh mitangkai an awm rualin, a sum leh pai a tangkai ve thei tak te pawh an awm ve tho.
Khawtlang inkaihhruaina YMA a inhmang tak, mahse sakhuana lam ngaipawimawh miahlo pawh kan tam ta, hengah te pawh hian a Kohhran mite a tang hian eitur an hmu lo em ni zawk…? “A chhung ata lo chhuak ula, a hrangin awm rawh u” tih a vang a Kohhran atang a hming thaichhe ta pawh eng emaw zat an awm, kalsual chu an in ti bik miah lo, kei ni zawk hi min hmu Jentail hru mai zawk a nih hi.
Chuvangin, kan thatna laite inphawrh sakin kan hringnun kan hman chhung hian, hnamfing zawk te tih angin, Mi in a tling ve tawk a ni tih kan va hriattir leh a thatna lai ah kan va fak khan a mahah inrintawkna neiin khawvel hi a tha zawng a hmu in a chhung a mite hi a hmalam hun lo kal zel tur atan thiltha tih duhna a lo neih phah zawk ang, tuna kan thupui para tawplamah khian hmanni lawka kan ramhruaitu zinga mi thusawi rawn zehtel zeuh a neih “Kohhranhruaitute rawn hmasak a ni ang” a tih kha, tih lamah ka lo kuaiher deuh a, dik maw…? Kaisara thil chu Kaisara hnenah, Pathian thil chu Pathian hnenah ti thei hi kan vang a nih hi.Chuvangin tumah hian kan denghlum hmasa thei silova, a thalam kawng chu bumboh deuh mahse zawh i tum tlauh tlauh mai zawk ang u, kan theih dan chen zelin.
Report this comment
July 14th, 2009 at 4:47 pm
Kohhran a in hmang nihna sang tak tak nei si an nuna entawn tlak loh tam tak sawi dawn chuan kan hre teuh ang. Khawtlang tana in hmang tak pawh sawi selna lai tur zawn chuan kan hmu teuh ang. Keini teh tur a ni lova mi vang maia kohhran a in hmang lo te hian Rorelna ni ah thiam an chang chuang lovang chuvangin sual chung chung pawh a kohhran belh hram hram hi a that zia a taka hmu tu ka ni mi dang hi keini aia fel ah han ngai phot i la a lo tha ber.
Tin zirlai te tan hian in hman dan tawk thiam a ngai kan ti fova mahse kan vengah sawn exam lai pawh a in khawm thulh duh miah lo KTP ah pawh in hman thulh chuang lo a awm a mahse a zirna ah chuan a ti tha ber ziah. Rawngbawlna ka dah pawimawh hmasak loh chuan ka ti tha ngai lo a ti. Chuvangin a pawimawh ber dah pawimawh hmasak hian malsawmna dawn na a ni daih mai. Zirlai nih laia in hmang duh lo ho hian an tluk ngai lo.
Report this comment
July 14th, 2009 at 6:58 pm
Dolien-a rawn sawi tum hi man fuh vak lo, kohhran a inhmang hrim hrim sawiselna emaw ti kan awm thei dawn tlatin alang!
Tihian han tuihnih leh ila. Kan ramah hian kan kohhran ( kohhran i ti mai ang, kan hrethiam tlang vek tho e ) leh hruaitute hi kan dah lal ta lutuk leh kan zah der ta lutuk a. Hei hian hrin tha lo anei thei tlat ani. Europe ramah kum zabi hmasa lam thil thleng, kohhran leh kohhrana hruaitute an lal em em hunlai ang kha kan thleng ve ang tih a hlauhawm tan tawh viauin alang.
Report this comment
July 14th, 2009 at 7:44 pm
Kohhran rawngbawl loin Pathian rawngbawl zawk ila engkim hi a dik thlup mai.Piangthar dik tak chu a hnaah a rinawm,inkhawmnaah chauh niloin,kohhran rawngbawl thrin te hian Pathian rawngbawltute hmai antibal a khawtlang inrelbawlna leh kan rilru sukthlek antibuai.Kohhran a inhmang tak kohhran thil chhuanlam a hnathawhna atrang a ban hma dil fo, hlawh cut then chu phal miahlo thawk tluanparh te hlawh ang hlawh tlat tum tho an tam lutuk, kohhran a nihna chhuanlam a sorkar therhlo beisei tlat te hian Pathian rawngbawltute inti loin Kohhran rawngbawltu inti law law se.Ringtu thra chuan ram dan a zawm tha a a mawiah niloin Isua a vang zawkin Kaisara thil te chu Kaisara hnenah dik takin a pe mai thrin.Dan leh dun khawtlang leh ran inrelbawlna dan te hi kan Kristianna kalh a nih loh chuan kan zawm tur a ni.Ngaihsan tur kan zawng a nih chuan Pathian rawngbawltu tak ngaisang ila,Kohhran rawngbawltute hi endan tawk thiam ila,an inti tua vawn leh hmuam up, inla KING vel hi menah thlak sak ila, hnunglamah nuih ru tet tet mai ang u.
Report this comment
July 27th, 2011 at 2:00 pm
ÄÅÌÎÍÒÀÆ ÄÀ×ÍÛÕ ÄÎÌΠÖÅÍÛ…
minny…
Report this comment