Concert hnuhnung leh video album thar tlangzarh tum Zorock, Rosangliana chuan Inrinni khan Shillong atangin Aizawl dam takin a lo thleng a, him taka a lo thlen theih avangin a lawmthu a sawi. Motor-a a in sawhnaah a kawng a ti sil deuh niin a sawi a a performance erawh a ti buai dawn lo niin a sawi bawk.
Zorock concert-ah hian album tlangzarh nghal tur a ni. August ni 10 hi Zorock a piancham niin kum 53 a ni ve dawn tawh a. ‘Ka piancham’ tih hla te kha Zorock a hian a lo phuah ve tawh bawk a, a huhovin sa dual dual mai ila a special ngawt ang. Organiser chuan Zorock a hi birthday cake an siamsak a, Hall chhungah cake chu an zai dawn a, mipui lam pawh ‘Happy Birthday to Zorock” tiin an zai rual bawk ang.
Hla 14 awmna tur video album ah hian tunlaia a phuah thar hla lar tawh tak ‘UMI’, ‘Mobile’, ‘Vala lu a hai’ leh ‘Ka Pheikhawk’ te pawh a tel a. Hla hlui thun tha lehin music nalh taka siam leh vek an ni. ‘Chunnunem’, ‘Pianchampha’, ‘Ka thai’, ‘Vanglaini’, ‘Sailo’, ‘Zoram Ngaihhla’, ‘Ka Pi Daktawr’, ‘Sunday Monday’ te an ni. Music video hi CYMA President JH. Zoremthanga’an a release ang. Album hi a hmunah lei tur a awm nghal dawn a. Concert en man hi Rs 300 leh Rs 100 a ni ang.
Zorock hian sound system lam tihpui a tum viau a, Active Sound a hmang dawn a, anni hian Das Line Array, Spain siam ngat an hmang dawn a ni. Sound hi an neih thar a ni a open air ah pawh vawrh zo veh vawh tak, international standard a ni.
Similar Posts:
- Ka Pheikhawk – Zorock (featuring Hard Ray)
- Zorock Live Concert 1992?
- CCR for Mizoram
- Zorock-a Music Video thar en theih leh ta…..
- Daduhi video album released
a tha khawp mai
August 2nd, 2009 at 1:42 pm
Mizo zinga Rock lama mi hmasa ani bawk a… belh chian pawh a dawl khawpin ka hria. Ri deuh rum rum teh ang u..
Report this comment
August 2nd, 2009 at 2:11 pm
En ve a va chakawm ve aw.. ka pheikhawk tih hla hi ka ngaithla tawh a, nalh dangdai lehpek khawp mai. Chawimawi phu Zorocka hi chawimawiin awm mawlh teh se..
Report this comment
August 2nd, 2009 at 2:43 pm
Zorock cassette hmasa ber kha ka la nei a,kha ta mi, ‘Ni berin a lang’ tih kha a thu a tha in a philosphy a sang zek,ka duh khawp thin mai :!:
Report this comment
August 2nd, 2009 at 2:57 pm
Pachang nih inthup trut trut in, concert ah kal leh chhek ila ni mai alom
Report this comment
August 2nd, 2009 at 7:27 pm
Hmanni chu pizawnnu nen Auto an chuang kava chi bai hram kha Zorock hi ka ngaisang tawp.
Report this comment
August 2nd, 2009 at 8:28 pm
Kei pawh Zorock hi ka ngaihsan a tawp thei lo.
Report this comment
August 2nd, 2009 at 8:29 pm
solomon_n, Mizo zinga rock lam a mi hmasa han tih ah, engtia mi hmasa i sawina nge mawni le aw?
Lammual a concert a neih tum khan ka kal ve a, a inchhir awm loh khawp mai. Tun tum erawh chu en chak tak chungin, ka chan dawn ta a nih hi. Thik thu a chhe thei mai dawn alawm mawle.
Zorock hi chu, a hla phuahdan style hi a unique riau a, belhchian a dawlna pakhat niin ka hria. A chhuanawm ngawt mai. Mi ramah zawng, lunglen a na e!
Report this comment
August 3rd, 2009 at 3:29 am
Report this comment
August 3rd, 2009 at 6:22 am
Heihi, ngaihthlak anuam.
Report this comment
August 3rd, 2009 at 6:23 am
mak ve aw, youtube video dah ka tum a, theih miah loh chu le. Site dangah ka ti thei lawi si a!!? kia hua
Report this comment
August 3rd, 2009 at 5:41 pm
Zorock-a chu lung avin tileng ve! A biang hi a thep ve lituk a, a zai lai hian a bian puar deuh nan, alu ( potatoes) a hmuam thin an ti !
Ka alawm e
-LVK
Report this comment