Misual thian te thil hre zau zawkin in rawn post ka beisei reng a, he lampang hawi zawng (Rel kawng & Tlawng khuah) hmuh tur ala awm tlat lo mai.
River Tlawng by XaiA a thlalak 3, Tlawngah insu ang aw by father_sphinx. NTPC to set up 460 MW hydel project in Mizoram by Tawia Pachuau, Sairang thlenga rel luh/luh loh by st, Prof C. Lalremthanga’n rel kawng duh lo by ZOaTlau.
Bairabi leh Sairang inkar Rel kawng by ThaiBoy tih vel te a ni a, Tlawng khuah nen sawi dunna a awm lo, an duh loh chhan pawh chimral, culture chhia ang, thil tha lo lo lut ang etc tih vel te a ni a.
Zozamah “13 Jul 2009 … Mizoram sorkar hian bungraw phurh man tlawm tur a ngai pawimawh a nih chuan Tlawng khuah chu thil tangkai zawk fe turah a ngai...” tih vel te…
Nia, ka han post chhan tak chu Rel kawng hi Sairang thleng rawn lut ta se, SRJAC in a thlawp angin thatna tamtak sawi tur a awm ngei ang. Mahse, Tuirial (210-MW ), Tuirial Hydro Electric Project (60 MW), serlui B (12 Mega Watt), Tuivai (60 MW ), Bairabi Thermal Power Plant (22.92 MW) etc. Khitiang plan hrang hrang ai pawh a lian hnianghnar taka Mizoramin power kan neih theihna ber tur chu engtikah mah kan khuap thei dawn ta lo tih hi thil chiang tak niin ka hre ve mai mai a, a kum telin kan Mega Watt mahmawh zat a sang telh telh mai si a.
Small scale atanga large scale industries zawng zawng hi power a innghat a ni si a. Industry leh Factory tel lovin ram a thang tak tak thei dawn em ni?
Tlawng Khuap lovin Mizoram hi kan intodelh thei tak tak ang em le?
Rel kawng hian a dal vek tur hi a pawi zawkin in hre ve em? Sairang, Sihhmui leh Dinthar (an ni khaw tan bik phei chuan rel kawng hi duhthusam)ang ni lovin a Mizoram pumhuap ang zawng zawkin enge in ngaihdan? Rel kawng nen khian thil inkawp a ni reng em, mithiam te khan han sawifiah deuh teh u…
Similar Posts:
- NTPC to set up 460 MW hydel project in Mizoram
- Tuikhuah
- Ngaihtuah Peih Te Tan
- Sairang ah Life Guard??
- Prof C Nunthara’n Rel kawng duh lo
August 5th, 2009 at 2:24 am
Men rei manah kawmen hmasa ber te’ng! Electricity lana intodelh thei reng reng lo, khuah tur nei tha si nih reng mai hi a inawm zozai ta khawp mai. Rel chu lolut zel rawh se.Switzerland (tak tak) ah pawh relin a tlawhloh a awm loh thu Pu mz-an a sawi hi, rel tlawhpawh nih hi a tha a niange
Report this comment
August 5th, 2009 at 6:55 am
Builum khua compensation pawh a fel thei lo a nia. Tlawng khuah dawn ta se!!!!!! ZORO in Zo reunifacation an buaipui ang vel lek a ni mai long maw?
Report this comment
August 5th, 2009 at 9:40 am
Kei chu Tlawng khuah chu ka ui deuh toh e. Bairabi leh a chhehvelah khuan Mizoram a kan leilet neih that leh enkawl puitlin tawh a tam si a. Khung te an chim ral mai tur te khu ka ui a ni. Kolydyne khuah an sawi tho ani lawm ni? Tin, Tlawng ah chuan Compensation a tam duh viau toh ang.
Khuap tak tak an nih chuan ka leilet LSC atang ringawt pawh khuan 30 lacs+ chu min pek a ngaih hmel si a (Kolasib Dist a thil hrang hrang a an compensation rate chhutin) kei aia leilet nei lian an tam nasa ropui si a. Bairabi leh a chhehvela concrete in ding te khu.. teak huan.. kuhva huan puitling.. sangha dil etc.. eee a tam nasa ngawt ang.
Sum a uihom… khuap lul lo sela ka va ti ve
Report this comment
August 5th, 2009 at 9:58 am
Tlawng hi chu khuap duh se Congress sawrkhar hei term thumna an hmang meka, an sawiri rih si loa, MNF term hnih sawrkhar khan an tum tak tak bawk si loa, Tlawng khuap thei leh khuap duh tak tak serious sawrkhar hun nghak mai ang u.
Tuna Rel kawng pawh hi Tlawng nakina khuah theih loh nan a chim ngei turah te hian Rel kawng hi an lo zawng reng lo maw a hria chuan zep lo ila
Report this comment
August 5th, 2009 at 10:05 am
Thupui hawngtu duhthusam ang mithiam ni miah lo mah ila,cawmen hmasa pawl kan ni ve hrim2 ange.He kan ram riangte mai nilo,kan chhehvel state a bikin Manipur te khi chunglam atang khian han tlir ve mah teh u,kan tluklo chiang vai vai lutk tlat.Keini ram hi chu chunglam emaw,kan pu Chhurbura lo en angin emaw pawhin en ila,kan la nep em em a,kan CM hmasa Arakan returnee khan infrastructure ropui tak tak nei ve tawh angin a tawng ve berh berh na a,kan la neilo tih erawh chu a hre chiangtute vek kan ni awm e.Hemi thil ka sawi duah na chhan ber chu khawvelin changkanna kailawn atana a hman tangkai em em thil ropui hi kan ramah hmuh tur a la awm ve miahlo.Kan nihna diktak ah erawh chuan kan phak tawk te te in kan zai el el a,zaithiam local te te ngaisangin kan tu leh fate pawh kan tihhmuh zel a, a bak thil ropui tak hnutchhiah tur kan nei miahlo.Chuvangin Rail kawng hian vai a rawn phur lut teuh emaw,kan chhehvel ram dangin an lo neih tawh vangin vai an nei teuh tawh emaw pawh ni raw sek sek,kan hotu lian Central hruaitute hmalakna kal lai mek hi chu mahni inveng ru ran chungin i lo welcome zawk ang u aw,kei ni kutkawih chuan engtik khawtikah mah kan neih ve phak miahloh tur thil ropui a nih hi.Kan thenawm hnai state pawh nilo,district pakhata khaw pakhat Silchar fahran pawh el pha tur hian kan ram hruaitute hian eirukna leh felhlelhna tel miahlo pawhin hmasawnna hna hi kum 10 chhung pawh thawk ngar2 sela,tu a mah hi kan le el phalo tih hi hre chiang ila,helai kan tapchhak zawla mahni ngaihdan mawl te te thawh chhuah puia lo iak ve chiam hi i sim tawh ang u,a hawizim thlak lulai em mai.I in kha hnamdang luah tir tawhlo la,a luahtir thin i hriat pawhin YMA takin hma la zawk teh. I hming chhete kha hnamdang ten kan rama sumdawnna atana bu an khuar theih nana i lo hman tir thin a nih chuan sim hmanhmawh tawh la,chutiang ti thin i hria a nih pawhin zilh hrep chungin hmalak dan tur dap zawk rawh le.Rs 200 bawr vel i lo neih ve ngawt theih nana vai thirchhe zawng mai mai i lo sponsor ngawt thin kha thil zahthlak lutuk,mahni hnam hralhna hmanrua tenawm lutuk a ni tih hre tawh la,chutiang tih ching i hriat chuan zilh nek rawh..He ram hian India ram zau taka kan state pui te um phak tur chuan a chhia emaw,a tha emaw pawh khawm rawp rawpa mei kawha kan tan a ngai lutk tawh.A tawp berah chuan hei hi hre rawh.”He ram hi a nihna angin diktakin hmangaih la,ngaihdan mawl te te kawngro su pha tak taklo tur chu phuhchhuak ve sek lovin ngawih chuh hram hram la,hmasawnna turin i theih tawk leh thiam tawk chhuahin hna thawk rawh lem”…….
Report this comment
August 5th, 2009 at 10:57 am
Tlawng hi lo khuap pawh nise a khuahna hmun a thu in Bairabi hmunhma thalai ti chhe lo zawng pawhin a khuah theih ngei ang :!:
Lo khuap pawh nise a tul chuan Rel pawh Sairang thleng chuan a kal tir theih tho ngei ang :!:
Lo khuap dawn ta se a ram tih chhiat tur chin leh a man zat tur chu chhut lawk vek ni in project cost ah chuan an telh ngei ang :!:
Hei pawh Tlawng tho https://img269.imageshack.us/im.....gp4573.jpg
Report this comment
August 5th, 2009 at 1:48 pm
2014 nghak pawh mai teh ang u. Hemi hma hian eng tin nge kan lo in ven fimkhur ang a. Pawn lam mite hnathawh dan turah te, an rawn ken luh turah te… sawrkar hian MoU a sign sa leh a sign leh tur thleng hian i khel tawh zawk ang u.
Hna tau tet tur hi keini aia mi dang hlawk pui tur an awm ang em? Hlawkna Zofa te chan ve turah hian a hausa leh awmthei deuh te tan chuah em ni?
Sairang thleng chuah a rawn luh dawn chuan…. hlawkna tel tu tur kan lo neitu te tan hian an khua atanga Sairang thlenna kawngpui te atha hman dawn em? Nge darkar khata km 10 chuah a kal bek bekin an thlen pui dawn?
Kan thlai thar ve te hi… cold storage leh packaging lam te thleng hian hnam dang mi kan cha wlut dawn em? Nge keimahni mi te ngei hian an chang ve ang a, chung mite chu pawn lammi te a puih thin ang tho hian sawrkar hian tax break leh power subsidy thleng hian a phal ve tho ang em?
Kan cottage Industries ho te tan pawh hian an mahni duhthal in an zuar chhuak ve ngawt dawn nge Sarwkar hian marketing lamah engtiang takin nge hma alak pui dawn tih te leh…. chuti ni lo hian khawi lai Marwri kal tlang lo khan a theih loh leh ang em?
Kan ILP te hi immunity fihlim a ni thei dawn ang em? Immigration problem lam te hi… engtin nge ni ang? Hausa ai mah hian rethei in min pur dawn si a.
Tuna, arms smugglig route kan ni mek te leh drug trafficking lar mek zel te hi hetiang a kalpawhna a lo awmsam tak hian eng tiang dan nge kan siam dawn? Assam ho dan kan hman na te hi a rei tawh in ti ve em?
Human trafficking pawh a lang ve ta zauh zauh maite leh AIDS hluar mek te hi he relkawng hian enge nghawng a neih ang!
A la tam thei ang. Chhun chaw ei zawhah chuan rilruah a lang kim vek thei tlat lo….
Kum 5 kan la neih chhung hian sawrkar hian heng isssue te hi a en dawn em? Rel kawng chuah ni loin ZOkhawthar International Trade Centre te, Koladan Multi Modal Project kum 2011/2012 a zawh mai tur te pawh hi i ngaihtuah tel teh ang u???
Report this comment
August 5th, 2009 at 2:27 pm
Kei chu ka down tawh! Misual hoin min rawnkai tho leh thin hi chu ka va lawm em!
Kan Aizawl khawpui khi plan awm lova din a nih angin siamthat theih tawh rual lohvin a hnawk a, a chep rep rup a.
Tuna hmasawnna kan tih tamtak(thenkhatin an um ruak ruak) pawh hi nakin lawk a siamthat theih rual loh va Mizoram tân a hnawksak, zofate’n a pawi kan la ti mai ang em le??? Kan hamara desh lah hi developed country ni turin a inbuatsaih mup mup chu a ni tawh si a.
Report this comment
August 5th, 2009 at 2:35 pm
Tlawng hi zawng engtikah mah an khuap lovang keini mitmen ve chhung hian. Rel kawng erawh hi chu an ti tak tak dawn a ang riau mai, sawrkar hian dan an siam that hle loh chuan vaiho hi chu an pung thur thur dawn tih a hriat sa, Mizo tlangval te kan thanharh a hun ni berin ka hria, dan lo tum engang mahila kan sawrkar hian kaltlangpui a tum si a, lo invenlawk dan hi kan ngaihtuah chhuah vat a ngai a nih hi, hei ha
Report this comment
August 5th, 2009 at 4:19 pm
@XaiA
Bairabi khua chu tichhe lo tur leh tibuai lo tur mai nilo khawpui a nih zawk nan Tlawng khuahna tur hi Chhimluang chhuah thlang chiah Suarpui bulah ani an khuah dawn.
Tui hian Meidum vel erawh tlem a ti buai ang, i hria emaw Chhimluang hi Meidum bula luang Bairabi kawngin a kan kha ania, finutu lui te neuh neuh poh a nei. Chhimluang kama leilet lo hi chu leilet chimtur a nei mang chuang hlei nem.
Mi pamham thangkamna Teak Rubber etc plantation, engmah thar hlawk em em lem lo an ni mai.
Sairang khua erawh a chuan hnuai chu a chim dawn thung. Tichuan Rel lam lo sawi tawh ila … duh leh duh lo kan awm reng dawn, mahse kan ram tan chuan kan chhawr ngei ang tih hi ka ngaihdan anih rualin ….
… tuna Sairang Rel te chi ang hi ni lo medern electric train, Rajdahani ang type hi passenger phur nise. Chung ang chu goods train poh nisela. Hetiang Rel te lem chi hi chu a duhawm loh ka lo ti ve asin kei misual hian
Report this comment
August 5th, 2009 at 4:44 pm
chicken leh egg ang deuhin Tlawng kan khuah chuan rel kawng kan siam thei dawn silova, khuap lo mai ang, rel kawng kan siam chuan tlawng kan khuap thei dawn silova siam lo maiang. perfect excuse for backward losers
Report this comment
August 5th, 2009 at 5:17 pm
@Aryan
Tlawng khuap bawka Rel kawng siam bawk a theih. Tlawng khuah tur hi Flood laia a chimsan ber tur hi 240m above sea level ani. Bairabi khua tang hian chumi level tur chuan Rel kawng hi zawng sela 250m to 300m MSL vel zelah alignment hi zawng se an intibuai miah lovang.
Loh thieh lova in cross ngai anih pohin bridge siam a har chuang lo
Report this comment
August 5th, 2009 at 5:44 pm
Sairam rel kawng tur an sawi hi Topographical map en hian chu ti vaka altitude hniam chu a nih loh hmel. Tlangram tui lian tih te chu a ziaawm a alawm. Rel kawng an siam reng reng in tuiin awlsam taka a chim phak lohna turah an survey tlang pui. Mahse, bridge siam si a harsa ber zawkin ka ring ve tlat.
Report this comment
August 5th, 2009 at 5:45 pm
Rel kawng hi.. tive leh teng
hriat tlem hle mahse..
Tlawng khuah ai chuan ka mamawh hmasa zok ni tlatin ka hria.
Nakinah kan ILP min la hlihsak hun a awm ngei don, He rel lo lut tur hi lo inzir lawk nan(ILP nei reng chungin) kan hmang dawn lom ni..?
Marketing hi a sure phawt chuan mizoram in enge kan thawh chhuah ang tihah hian buai ngai lovah ka dah. A chianna chu sawhthing ah bawk. Kg ah rs30-40 vel anih kha chuan kan ching remrum mai ani lawm ni..??
Rel a rawn luh chuan 20-30% hi transportation ah kan hlep nghal pang, chutah mainland India tlen phak nan Siliguri market thlen phakna tha leh awm chhun (tun bikah) niin ka hria. Sorkar hnathawk leh Sumdawng hausa ka soi tel lo, Kuthnathawk, Mizoram population 75% above te tan ani ka soi ni. Kan thlai thar te awlsam zok leh man man zawka kan hralh theih na tur kawng in hawng hi a va tha em!!! Kan dinhmun te alo that phah ve dawn te chuan duh leh vai te chu tam ang hmiang..!! Kan ram ania, Dan leh hrai pawh tuma rel sak kan ngailo, keimahni siam vek..
Vai phur lo chi
Cargo train hi chu engtikawng zong pawn ka support reng e. Mizoram sorkar tan pawh thil tha aniin ka hre ve bok. transportation mumal loh vangin, Buhfai vang thut, gas vang, petrol & diesel etc. a tam mai.. Rel hian kan sorkar pawh a chhawk viau in ka ring.
ka lawm e.
Report this comment
August 5th, 2009 at 5:46 pm
#13 : sairam – sairang
Report this comment
August 5th, 2009 at 5:48 pm
@mzvision
I sawi takah chuan kan thangharh ruak ruak mai dawn nih hi, kei ni misual hi,khitiang chiah khian kan sorkar hian plan ngei rawh se.
Mhs, kan vision kan phak leh lovang tih ka va hlau em!!!
Pu Zorama tawngkam takin ‘Switzerland of the east chu ka vision a ni a, ka vision hi um phak zel ila vision nei lo CM ka ni dawn si a’ a ti em ni kha?
H.Vangchhia i ngaihdan han thawh ve teh…Hairehai…
Tlawrh, Tlawrh!
Report this comment
August 5th, 2009 at 5:56 pm
Vision tih leh duhthusam han sawi liam puat puat hi chu thil dang daih a ni. Kan pu te ho khan an awih lem loh tur, an duhthusam thil an sawi liam ve puat puat a, chu chu ‘vision’ pawh niin ka hre lo. Mz-a vision ang hi a ni, vision ka tih chu. Inthlan dawn tep ‘vision’ ang ni lovin.
Report this comment
August 5th, 2009 at 6:19 pm
Thupui hawng tu’n ka khar tawh dawn…
THU TLUKNA
1. Tlawng Khuah leh Rel Kawng siam hi a tih kawp theih.
2. Rel kawng chu rawn lut ngei rawh se.
3. Nakin zel a tlawng khuahna dal lo turin.
4. Engtik niah emaw Tlawng hi la khuap ngei rawh se. [base-xaiA,mzvision etc.]
A eng emaw zawk chauh tih hlawhtlin theih ang a ngaihna a awm lai a ‘paih dawn leh sa ni si’ ti a rilru inkhap buai rawtui a ngai tawh lo deuh ang chu.
(A duh tan a haw leh theih tho).
Report this comment