Zoram luhkâ leh chhuahkâ kawngpui pawimawh ber National Highway 54 bawhtu boruak chu a rit churh a. Nipui leilung ro leh châr tawh takina fûr ruahtui châka hù a chhuah chuan boruak a ti-uap zual hian a hriat a. Mizoram State Transport Bus “ZRX 82”-a chuangte erawh chuan khaw lum chu an hre chang lem lo ni berin a lang. Mahnî ina haw tùr leh mahnî tum-ram thleng tùrte an nih avàngin hlim takin an phûl hlùt hlawm a.
A hmî nî-a Shillong an rawn chhuahsan hnuah, tluang takin Vairêngtè-ah zàn an riak a. He mi July nì 7, 1981 Thawhleh tùk hian Aizâwl lam panin an luai chhuak leh ta a ni. Tukverh bula thute chuan sam chhâwl lêng dàwr dàwrin zothlifîm an inchhèmtîr a. Chuta thlifîm lo thaw heuh heuh chu nausên thaw ang maia thiang leh duhawm a ni.
Bus-a chuangte chu mi chi hrang hrang an nih avàngin an titi duhzâwng leh an khawsàkphung pawh a inang lo zùng hlawm a. A tam ber chu Shillong-a lehkha zir an ni a. A bàk zawng chu —sumdâwng, khualpâng zin, inentîr haw leh sipai chawlh là-te an ni. Mizo zirlaite’na haw-na tùra an chah avànga he bus hi Mizoram sorkârina a thawn a ni a. Motor veivàk a la tlêm bawk a, an inèkbeng a ni ber. Mi 45 hnènah ticket an pe chhuak zet a, a hnuah mi 11 dang an pe leh a. Ticket nei lo mi 1o chuang an chuan belh bawk a, motor chhûng leh chungah bungraw rit pui pui an phur tel teuh bawk nèn —thawk rip tak an ni. ….
A chhiar zawm duh tan Zolife website ah a chhiar theih e
Photo: He thawnthu tawi innghahna —Lungphun, Kàwnpui daia mi, tùnah hian hmuh theihin a la awm reng. He thawnthu tawia hming leh nihna hrang hrangte hi a tak tak nèna inang an ni kher lo tih erawh chhiartute’n kan hre dâwn nia. He thawnthu hi Kàwnpui dai chhiattawhna champhaphàk vawi 28 hriatrengna leh lusûn chhûngte tân liau liauva Mafâa Hauhnâr ziak a ni. — Ed.
A ziaktu Mafâa hi kum 1975-a he leilunga rawn sànchhuah a ni a; kum 1981-a thilthleng, lungkuai tak leh ril taka a rawn ziak thei hi mi namai chung lam, a nu pawhin amah ang hring leh tùra a peih tawh ngang loh a ni. Thu hi a thiam m a, Telephone Directory pawh hi lungchhe tak chung leh ngaihnawm ti takin a chhiar thei vek bawk, an ti.
Similar Posts:
- Vawih Thawnthu
- A Hawlphum by Thara Tlau
- Esopa thawnthüte kha . . .
- Mihring, Zukchal leh Keipui Intlansiak Ropui
- Mizo thli chi hrang hrang te
August 28th, 2009 at 10:38 am
Kan nau Mafaa hi chu a kum ngaihtuah lemlo pawhin chhuan tham a ni ve a nia. Mizo zingah chuan Saptawng thiam tia kan hriat larte hi chu Mizotawng thiam hmingthang an ni deuh zel a.. engtika a ziah nge aw? nge la release loh zawk? Zolife website chu kan bel chhin teeng..
Report this comment
August 28th, 2009 at 11:12 am
May be related to this POST
Report this comment
August 28th, 2009 at 2:20 pm
A ngaihnawm hle mai. a ziak tupa hi thin natna vangin damdawi in ah a awm an ti.
Report this comment
August 28th, 2009 at 3:11 pm
A ziak tha leh ta tlat mai.. he nau hi chu aw… han awm tha duh deuh phei se chuan aw.
Report this comment
August 28th, 2009 at 3:23 pm
Mafaa hi thu leh hla lama ka mi ngaihsan amah vanga thu leh hla lam hi tui ta ka ni ve tlat.A’chawlhna tuikam ah reng ka chawl zing malh malh mai.Ka kawm ve nual tawh.Pa ho ve tak erawh a niin ka hria.
Report this comment
August 30th, 2009 at 6:36 am
taia-pa kei pawh H.Lalrinfela chawlhna tuikam hian mizo thu leh hla lamah tawk fang chu min kai lut ve a sin.
Sabereka khuang kaih- editor a nih lai pawh khan a chanchin bu kha burma a trang a harsa a harsain ka chah chhuak ve hram trhin.
“Chawlhna tuikam” a chhuah tirh khan Aizawlah ka lei ve a.Hei chu a bu pum hian vawng vek law law ila ka tih lai in ka trhian pa’n min hawh bo sak daih a, ka ui teh a sin.
Report this comment
October 27th, 2011 at 1:23 am
Nia, a ziak thiam thlawt alawm.
Report this comment