Ber thla kan chuangkai ta. Mizo thla chhiar danah Mimkut Thla tih a ni a. Presbyterian leh Baptist Kohhrante chuan September thlaah Beihrual an hman thin avangin Beihrual Thla tiin an sawi bawk thin. Fur ruahtui a hul tan a, khua a thiang ta vuk mai le…
(Click Images for Larger Size)
Similar Posts:
- Aizawl khawchhung hmun thenkhat
- Why men cannot be car models!!
- Ngei ngei tlang an tia mi kha?
- Tunlai vrs Traditional Dress
- “The Hunt” ah Zonunmawii a chak ta!
September 2nd, 2009 at 9:08 pm
Romei bawlhlawh leh ninawm fur ruahtuiin an tlengfaia, FURKHAWTHIANG ah thlala thiam takin in han thawh thrin hi misual nih a va nuam tak em. Ka lawme samuelapa
Report this comment
September 2nd, 2009 at 9:16 pm
@samuelapa : A va han mawi hlawm kèk kàwk ve le! I la fuh her-hawr hlawm ngei mai! Picture #1 khi Bethlehem Vêng chung a ni hial em —ràlkhata Tlùngvèl ka han hmuh theih mai dànah! A foregound-a thinglènbuang zâr i rawn chhawp vèlte hian a art a tiphuisui ngei mai!
Synod Conference Hall, Sikulpuikàwn chuanchung i han dai bìk a … kan lamlian kawi kualte pawh hi dik tak chuan a lang mawi ve asin! Sikulpuikàwn, MG Road kawng kual, tùna Hmâwng kung awmna kiangah khian kum 1960 hun laite kha chuan Street Light Post a ding ve thìn a, khàwnvàr hi tlai tin a chhi èngtu hian leilàwn (ladder) dawhin a chhi èng ziah thìn, zîngah a chhêm mìt leh thìn bawk.
Tùna Telecom Exchange thlang lawk khi kum 1970 hun laite kha chuan Buhfai Godown an ni khep khup thìn bawk a, chùng thil hre lo ‘kan chanchinbu ziak mi’ kan neihho zîngah pawh an awm ve nual tawh mai thei. Tùnah chuan Circuit House leh a thenawm chu mi awmtheiten an lo insem zo ta.
Picture-a development thar langsàrte chu … Mualpui ram vèt chhuak World Bank motor kawngpui chu blacktop hial a ni tawh ni àwmin a lang e —a va làwmawm ve le. Tin, Sikulpuikàwn atanga Tuikhuahtlâng pan chhohna ulh kawng zîm kual thìn kha retaining wall nghet hmêl tak leh kawngpui tihzauh hret a ni khi … a fuhin a mawi khawp bawk! Sikul ram laih hèk a ni tih a chiang mai! An hotute an fakawm e. Pu Dênga Meichher chu a la sâng tha hle hlawm e …hei ber kher hi chu Synod Conference Hall tuala mi kha a nih a rinawm e… a chunga chhum (drifting clouds) awm dànah khian !!! Awihawm lo hrets! Ha ha
Report this comment
September 2nd, 2009 at 9:33 pm
@chawnghilh
Sikul sen hlai phaltute chungah lawmthu ka sawi rualin, thrahnemngai Mission Veng khawtlang hruaitute ka fak rualin tuifinriat rala, Aizawl khawpui change awm manglo zinga change awmchhun tlemte in hmu hmaih lo hi, i mit a fingin Aizawl chu i bel hle mai tih ka hrilh rual chein kan nu’n “ani te chu kilkhawr deuh deuh hi a khawrh ril peih miril ani” a tih thu ka hrilh rual chein a hminga hemi hmalatu zinga ka telve avangin thlalatu – thiam taka latu hi ka fak mawlh mawlh duh bawk. mi-sial tak ani.
Report this comment
September 2nd, 2009 at 9:43 pm
Ka lung a lêng tlat! Thlalàk thlîr nawn leh a, kan pâwn ka va chhuak zuai a, kan climate pawh a thlasik tan tlat hetah pawh! Kan neighborhood ka rawn tilang ve zuai ang, thlalàk tharlâm deuhvin.
Assam Rifles ram, Zokhawsâng ka lo thlìr hmaih … leivùng thar ka hmu tlat, bàwkte an khawh thar ve nual em ni? Assam Rifles sùlhnu thar nge, mi thiltithei deuhte’n in hmun an lo nei leh reng tawh zàwk?
I contribution-ah ka chhuang hle che … ram changkàng hmu hnem i ni a, ram changkàngte tih ang han tih ve chàk tùr chu i ni khawp ang, budget mawlh hi a tlêm thei si ale! Tin, Mizo chu ram hlai deuh pawh nei mah ila, chèp taka inhnawh lui zèl mi kan ni tlat! Kan insect hràm mawi tak nèn khân kan inang —kan nipui thereng chi khat CHEPCHEP kha! Chêpchêp pawh hi hmun thâwl takah pawh fu mah se, “chechep” a ti tho tho!
Report this comment
September 2nd, 2009 at 9:55 pm
Pu Laldenga’n Assam Rifles ho Khatla ram an thingtuah tur lakna hmun atana hman hawh tir in benbel tum te eviction order a pektir atranga lo intran, AR ho sawnchhuahna hmun tur saw tunhnai mai khan Contractor in hma a la tran anih saw.
AR chhuahna tura GOI leh GOM ten thuthlung an thlun atranga kum 20 tlin trepa vung chhuah tran hi chu a muang lu hrat ka ti lo thei lo. Mahse tawpsan an nih loh avang erawh chuan lawmna tur a bo lo thung.
Romei kan khawvel hliah mawilo tu pawh tute emaw chuan hla thra tak an phuah chhuak ve tho e.
Report this comment
September 2nd, 2009 at 10:12 pm
Hei hi tùn maia ka làk zuai, backyard antam huan kil sîr … vawiina sih tùr, bawngsa nèn chhum leh mup mup mai ang. Piah lawka saw thingbuk hring, tùn thla chhûnga a rawng thlàk danglam vek tùr … Creptmyrtle pâr hi a chuai lam a ni ta —vànrâng chhùm leh thangvàn a dumpàwl mawi khawp, nî pawh a sa tha …
https://img9.imageshack.us/img9/103/dsc0160j.jpg
Khawvèl hi kan inhrepawp rang ta ngei mai!
Report this comment
September 2nd, 2009 at 10:21 pm
Khua a thiang, romei a zam… lung lah chu a leng der mai si lo!! He ka chenna chhimkun atang hian engmah hian ka lung hi a tileng lo ve!!!!!
Report this comment
September 2nd, 2009 at 10:23 pm
v_vantawl hi a dam leh tawh lo nge, a va reh leh tawh ve!! Marem, Guwahati lama i zuk kal report rawn pe la!!
Report this comment
September 2nd, 2009 at 10:31 pm
@chhimkunpa : Bualpui (Ng)-ah i kal tawh em? Ka kal tawh alàwm. Hmàr lamah Phàwngpui Tlâng a lang mup mai a, hliahtu lian a ni ringawt! Khawchhak lam lah Vawmbùk leh Myanmar a lang a … Bualpui khaw-lawilèn hrim hrim chu a nuam pharh hring dup mai. Vai film chan nân pawh a mawi fû ta ve ang. Chhim lam a lang thui lo, Niawhtlâng pawh a lang pha lo …Lungzarhtum-ho thàwm chu kan hre thei a, an lang chuang lo. Khawthlang lam Saiha thlìr dâwnin, a khaw-hmunin zir hek lo, chhuahchhawnga khaw awm a ni si a … a pik chùt mai a … mahse, tùnlai hi an khaw mawi tan hun, pangpâr vul hun tùr a intan mêk ang. Vêng tàwp atanga vêng lehlam tàwp kha zu rui tân takngial pawh minute 10 pawh kal tling lo a ni a, thil thar vak a awm loh phei chuan thalaite tân khaw chèp tak a ni ve ngei ang. Titi tharlâm tùr a vâng ve thei ngawt ang le!
Report this comment
September 2nd, 2009 at 10:34 pm
@chhimkunpa
khawilaiah nge Romei chu a lo la zam le oooo,tun ang furkhawtiangah hi chuan an bo tawh thrin ani ngaia le :!: nge Romei hi kan hai zawk le
Report this comment
September 2nd, 2009 at 10:36 pm
Tuipui ‘D’ ka kal tawh a, an khua atanga khaw dang lang awm chhun chu Leite chiah! Chu pawh in tlem te chiah a lang thei! Hawina lam apiang hi tlang a ni vek mai a, belchhunga awm ang mai kan ni. Mahse, an lui an enkawl tha a, Sangha tam bon!! Hmuhnawm thei lutuk!!!!!
Report this comment
September 2nd, 2009 at 10:38 pm
mzvision, a zam duh hmel em mai a!! Tunah tak phei hi chuan Theiriat tlang chiah ka hmu thei, a pe uar ringawt!! Fur khawthiang karah chuan romei a zam thin a ni lawm ni???
Report this comment
September 2nd, 2009 at 10:51 pm
A mawi hlawm ngei mai. Hriatsa nilo pheise chu thlalak atang ngawt hi chuan atak la hmu ngai lo tan chuan a ropui hmel khawp ang le. Thlalatu hian a thiam ka ti khawp mai.
Kan Aizawl khawpui hi tunhmadeuh ngaihtuah kha chuan a fai ve viau tawh nanga hei ai hian faina lamah kal nasa phei ila chu a nuam ngawt ang le.
Misual, fing leh rem hria, a ngaihna hria leh ti thei dinhmuna ding, ram hmangaih tak tak ho khan hma han la mawlh mawlh teh ule. Tichuan kan Zotlangramnuam hi a lo nuam leh zual ngei ang.
Report this comment
September 2nd, 2009 at 11:00 pm
samuelapa chu zing khatah i va hlawhtling ve le,a mawi hlawm khawp mai.Zing khat ka ti ngawt a,nikhat em ni zawk dawn :?:
Rilruah naupan lai a kan sak thin hla a lo lang e ‘Khawvel mawi hi ka thlirin
Hlimna in ka khat thin’ Thanks.
Report this comment
September 2nd, 2009 at 11:07 pm
Hnathawh pahin ka en a, kalo en tui deuh aniang. Hnung lamah kan pi a lo ding reng a, a lo en ve vung2, ” nice pitures,” a lo ti. Min zilh hlak ka hlauh tehlul nen. hairehai
Report this comment
September 2nd, 2009 at 11:08 pm
Tuipui D-ah nilêngin hun ka hmang thuak (in 1996), motor keng lovin ka zin a. Leite atangin tlang dung kar-kawngah ka chhuk a. Chutih lai chuan, Zonunmawii te pawh an la te ve viau mai thei. Zonunmawii chuan min hmu ve tawh ngei ang!
Tuipui D-ah chuan Ferry-boat a awm a. Motor veivàk a vâng hle mai a. Chumi nî chu Mizoram State Day a ni tih ka la hre reng. Buhfai phur, Hnahthial atanga load la an awm loh avàng khân motor veivàk a tlèm phah ta si a. Nilêngin motor ka chàng a, ka beidawng ru hle. Tih tùr hre lovin an lei su dulh dulh-ah te ka va lâwn ngawt thìn, chhûngte ka nei hlawm nual hi a lo ni a … ka lêng kual ta zar zar a … tlai lamah One-Ton truck ka tawng fuh ta, a hnungah mi 40 vèl kan inhnawh, buanchak Tlângdingliana leh a hote hlimsâng rual inti-Israel tak tak an ni hlawm a, … tàwt ve tak chu a ni.
Tuipui D atang chuan Rotlâng a lang thei lo mai thei bawk, Leite khaw hmâwrfêm chu a lang feih feih ang.
Report this comment
September 2nd, 2009 at 11:17 pm
Hmuhnawm ngei mai…
Report this comment
September 2nd, 2009 at 11:39 pm
@chhimkunpa
chhum zz hi romei ani lo,tih bak Romei chungchang chu misual ah April nge May vel khan ka post tawh kha le? Aw May anih hi https://misual.life/2009/05/18/romei/ lo en ve teh
Report this comment
September 3rd, 2009 at 2:45 am
September thla chhunga piang hi chu an hmel te pawh hi a tha duh viau zel asin.. an ti.. ka hmeltha tihna ni lovin..
Report this comment
September 3rd, 2009 at 2:57 am
chhum leh van pawl vel chu a nalh khawp mai. last hi nalh khawp mai
Report this comment
September 3rd, 2009 at 4:48 am
@pu Chawnghilh: Bualpui (Ng) i tih hi, Thingsai, Khua piahchiah ami kha em ni? ( Bualpui, Khua hi pali vel a awm antia, eng tin tin nge an thren hran dan nita?) Ka hre lo lua anie. Tih rual in, Thingsai, Khaw/khua bula, Bualpui khua chu hman ni khan ka va kala. Thingsai to, Bualpui, kawng chhe lutuk, PICK-UP antih in kankal chu mawng in sawhnasa lutuk ka sil,zan pawh ka muttheih loh phah nghial takasin!!..
Report this comment
September 3rd, 2009 at 5:16 am
@flying : Bualpui (Ng) hi Ngunlinga Bualpui tih a ni a, Saiha chhak lam tlâng letliama awm a ni, Saiha atangin Km 18 vel emaw ni ta kha le!
Report this comment
September 3rd, 2009 at 10:04 am
A dik tak in, “Ber” thla kan ti nge “Bar” thla kan ti le? “Bar” thla tih hlir in ka lo hre thin a!!
Report this comment
September 3rd, 2009 at 10:47 am
@Mr. Pitch, “Ber” thla tia ziak hi “Bar” tia chhiar tur a ni e, September tih atanga lak a nih vangin “Ber” tiin ka dah ta mai a ni.
Comments hrang hrang chhiar a nuam ve hle mai. Chhun pachanga lak a nia, ni a sa rum rut mai a, duh angin lak that a har. Pic. 1-a thing buk kara kraws lo lang hi Mission Veng Biak In sak mek bell tower a ni tih ka han sawi belh e.
Report this comment
September 3rd, 2009 at 10:56 am
Lo test chhin loks..
Pics chu nalh hlawm hle mai…
Report this comment
September 3rd, 2009 at 11:06 am
Thank you samuelapa, a ziak ka lo la hmu ngai lo a ni ange.
I thlalak han en mai hi chuan Aizawl chu a va mawi em em ve a tih thei mai dawn hi..
Fastidious pic
Report this comment
September 3rd, 2009 at 12:08 pm
Bualpui (NG) hi hman deuh khan ka tlawh ve tawh. NG lai tak hi ‘enn gee’ tiin an lam deuh kher in ka hria.
Thlalak in lo thiam hlawm hle mai, a hmuh a nuam thin. Ti hian lo save keuh mai dawn e. Keini ang mi themtlaw tan chuan mi Sa kahsa hi lo chan ve ila a ni mai e.
Report this comment
September 3rd, 2009 at 4:16 pm
he thlalak fel fai tak latu hi lak hun tur a hre chat chat hle.Mizoram a va ngaihawm ve.Fur khawtiang karah hian kan ram hi a mawi viau thin.A scenery te hi a lang hring hnalh maiah.Mahse zin kual dawn tak tak hi chuan Mizoramah hian eitur leh in tur chi hrang hrang hi khawi hmunah pawh awm thei se a nuam leh zual ang.
Report this comment
September 3rd, 2009 at 6:49 pm
Kan in ka hmu tlat mai, lung a va han leng tak em. Haw mai thei ka ni bawk si lova. Ka save kauh mai, samuelapa ka lawm e.
Report this comment
September 3rd, 2009 at 7:09 pm
@samuelapa : I rawn sawi fiah a, ka chiang kuar mai, Synod Press vèl pawh ka zu hmu thiam ta e … Thakthîng Tlâng pawh ka chiang ta e … thlalàk mawi tak a tling.
A hmâ kha chuan Bethlehem Vêngchung tùrah ka dah a, a piah tlânga towers vèl khàn mi tibuai khawp! Republic Vêngpheia Building vâr lian tak, sâng tak hi a thar a ni ngei mai, tu in nge? Tin, Sàngkâmlova
in zàwn vèla building sâng tak pawh hi thil thar a ni tlat!
ITI Vêng khu April pâr vùl laia làk ngei chi ni bawkin ka hria, Vêng tharlâm, inruahmanna nèna che hmasa an ni ta a … an lamlian sîrah pangpâr kung an phun uluk bawk a, Vêng hmuhnawm a tling thei ta tlat!
1968-te kha chuan ngâw èm chu ni rih lo mah se, in pakhat mah a la ding lo kha a ni a. Lawibual thlangah pawh in a ding hnem ta hle. Kan sava vehna, tuichènna Lawibual … tùnah chuan kawtthlèr naràn a chang zo ta!
Report this comment
September 3rd, 2009 at 7:35 pm
chawnghilh:#6 a pix. khi a nalh hle mai.A colour setting hi ka monitor vang nge tlemin a hring /saturate deuh a,white balance setting kha #1 ah a in set a,D60 ka hmang ngai lo na a,i lo check thei em le :?: Ti deuh hian ka mitah leh ka monitorah chuan a fuh zawkin ka hria, engnge i ngaih dan le ? Pawi em lawng chu maw? I pix. hi ka lo tui pui zek zel a nih si hi :!: https://img227.imageshack.us/im.....0jcopy.jpg
Report this comment
September 3rd, 2009 at 7:46 pm
@XaiA : #6 ka hmu lo. Keima rawn post em ni? Ka rawn post kha a nih chuan ka camera setting lo khawih danglam an awm a, a hring nghulh a. Chawhnu lam khân pâwnah a setting ka va siam tha. A pàt-èk rawng nghulh a, ka va siam tha tawh e.
Report this comment
September 3rd, 2009 at 7:56 pm
chawnghilh,comment no 6 a mi khi mawle,i siam that chuan OK, he tiang deuh hian ka siam a .
https://img227.imageshack.us/im.....0jcopy.jpg
Report this comment
September 3rd, 2009 at 8:01 pm
XaiA : Hei, tunah kawmcharah ka va la zuai.
https://img249.imageshack.us/i/dsc0159l.jpg/
Zing dar 10:30 a ni a, Kelvin Degree hi zing lam leh tlai lamah hi chuan a sang a, thlalak a mawi mawh. Tin, tuna ka adjust pawh hi Kelvin degree azir zela thlak danglam a ngai. Chu chu Digital-a kan nihlawhna a ni ve. Kan enlawk thei a.
A original color rendition a dik chiah loh hi chuan doctoring pawh hi a fuh thei tak tak tawh chuang lo, tuna mi pawh khi a blue lek lek rawh a … chei belh zel phei chuan bawkbawn bai thring hîng hmêl a pu mai ang.
Report this comment
September 3rd, 2009 at 8:09 pm
chawnghilh,Sawisel bo a ni ta, he! He!,I thlalak kan han sel ve khauh chu a in thlahrun awm thei ngei mai :!:
Aizawl chu zan dar 8:10 vel a nia, ruah a sur leh nghal mawle,a boruak a nuam tawk viau,BAR thla ani tawh bawk a :lol:
Report this comment
September 3rd, 2009 at 8:15 pm
@XaiA : Ka rawn post tawh laklawh si, a hring nghulh bawk si. Ka ei lo khawp a. “Tunge camera khawih?” han tih tehchiam a ni mang bawk si lo. Nimin tlai ni nem khan primary color-ah ka adjust a. I rawn faksel a, ka lawm lutuk. Curious deuh hi kan mamawh tawh. I color rendition hi mawi ka ti thei hle a ni.
Report this comment
September 3rd, 2009 at 8:28 pm
chawnghilh,I ti lawm awm thin e,nia,thlalak hi a subject interesting deuh deuh tawn fuh a awm thin a, i thlalak te e rawh hi chu eng subj.pawh hi i la nalh bik thin tlat a,ka sawi thiam danin a danglam tlat thin a lawm,chuvangin chik leh zual a ngai in a tul/a phu hliah hliah thin a ni.
Report this comment
September 3rd, 2009 at 10:53 pm
Digital Photography Tips tih bu ziak dun mai teh u Co Author hi style hranpa ve re re ania, in hre ril in ka rin-hriat kei misual-mawl-thra ngaisang hian
Report this comment
September 3rd, 2009 at 11:01 pm
He pic ho color ah han chhuah teh LINK XaiA
Report this comment
September 3rd, 2009 at 11:06 pm
@mzvision : I meng rei thei lutuk, Joe-a bike accident chiamna kha i bike a ni hial em? Kawng thlanga a thlawh thlàkna, mi in chung a zuk dènna kha?
I màkpa e-mail kha chawnghilh@gmail.com-ah mi rawn pèk theih chuan ka làwm vàwn vàwn khawp ang.
Report this comment
September 3rd, 2009 at 11:23 pm
@chawnghilh
ni ngat mai darkar 5 bak ka mu ngai meuh lo, ka harh apiang hian ka misual thrin chuvangin second coming te ka nei. Office ah ka hunawl apiangah ka misual bawk. Ka zin po’n Airport lounge velah ka misual hram hram tho. mi(sual)to-meter hi a tehna awm se mumal taka calibrate thlap ka sen vawt vawt ang
Gtalk te kha lo download la chat mai mai nan a thra ve ania. Engtia ka scooter accident leh zel lo hre khauh nge i nih – i hre dik hlui em em leh nghal. A email chu ka lo zawt ange
Report this comment
September 3rd, 2009 at 11:30 pm
@mzvision : I màkpa nèn hi chuan kan inpawh alàwm, mi rawn hrilh vek zèl. Kan leng chhuak ru dun thin bawk a. MZP hun lai pawh khan —ka thianpa, ka nau a ni bawk a, ka massage thlap thin maw le. An force thil hi ka hai bik lo va, a kawlkalh hlirin hian an campus-ah khuan ka zuk che thin maw le.
Report this comment
September 4th, 2009 at 6:12 pm
mzvision, i vaibel zu thla hi chu b&w a ni a,colour tur chuan a hran a tih keuh keuh a ngai a,software hran ka nei si lo a, a harsa fu ang :!: Hei sap pa colour tawh,ka khawih leh hret ka han pe mai a che..
https://img216.imageshack.us/im.....ibelzb.jpg
Report this comment