Mizo thla chhiar dan hi hre chhuak kan awm meuh emaw chu. Sap thla chhiar dan hi kan hre nghet bur a, hemi kawngah hian Mizo kan nihna a lang tlem hle a, Mizo lam dan hi inzirtirin, hei hi kan Calendar ah pawh hian hmang nghet tawh ta ila, a tha tawh lo`ng maw? I han sawi zau teh ang u.
Sap thla chhiar dan leh Mizo thla chhiar dan.
January = Pawlkut thla
Februray = Ramtuk thla
March = Vau thla
April = Tau thla
May = Tomir thla
June = Nikir thla
July = Vawkhniahzawn thla
August = Thitin thla
September = Mimkut thla
October = Khuangchawi thla
November = Sahmulphah thla
December = Pawltlak thla
Similar Posts:
- Pianni chhût dan
- Here Comes September
- Mizo tawng ve reng a ni.
- Khuangchawi Thlapui
- Mizo ruah hming chi hrang hrang te
September 3rd, 2009 at 2:34 am
Entîrnân :
January = Pâwlkùt thla, Paddy Harvest Feast
February = Ramtùk thla, Slash Season
March = Vau thla, Vau blooming season
April = Tau thla, Tau blooming season
May = Tomir thla, Cyclonic stormy season
June = Nikìr thla, for Winter Solstice begins from June 21
July = Vawkhniahzawn thla, Yucky-Rainy season
August = Thitìn thla, Departing-souls of mankind in animism
September = Mîmkùt thla, Corn harvesting season
October = Khuangchawi thla, Season of Joy for the well-off
November = Sahmulphah thla, ?
December = Pâwltlàk thla, Agro-Harvesting End
Juda-ho hian kum 19 chhûngkhung hi MAHZOR an ti a; KUMPUI (Leap Year) vawi 7 an nei hman thìn a —a kum 3-na, 6-na, 8-na, 11-na, 14-na, 17-na leh 19-naah a thleng thìn; an SACRED CALENDAR thla indawt dàn chu March chawhnu leh April chawhma lama intanin Nisan (Abib), Zif, Sivan, Tamuz, Ab, Elul, Tishri (Ethanim), Bul (Cheshvan/Mar-Heshvan), Kislev, Tebet, Sebat, Adar I & Adar II/Adar Sheni an ti a.
An Civil Calendar-ah ve thung chuan an kum thar chu kan September chawhnu leh October chawhma hi a intan hun a ni thung a, Tishri (Ethanim) atangin an chhiar chho ve thung.
Mizo kum chhiarah hian KUMPUI KUM, thla 13 awm kum hi kan nei ve ngei mai a; thla 13 a awm kumtea kan thla 13-na hming chu engnge kan puttîr ve tàk le?
Tin, Sàp thla chhiar dàn tih ai mah hian, “Rome thla chhiar dàn,” ti ila, January to December hi chu —a dik zàwkmah ang. NOI
Report this comment
September 3rd, 2009 at 4:11 am
Mizo thla chhiar dan hi kan ram a hun inher dan (season) nen a inmil hi ka ti lutuk tlat. A phuah chhuak tu hi fing tak a ni ka ti lo theilo.
Report this comment
September 3rd, 2009 at 5:38 am
@HV : Kan mi-hmasate hi lehkha leh kawlawm hùm chuang lo hian, an lo chìk chiang ve hle thìn tih chu a lang chiang khawp mai. ‘Sahmulphah Thla’ tih hi a awmzia ka hre lo … a vàwh deuh tawh avànga dàp-chhuat àwng kâr atanga boruak vàwt a rawn luh loh nân savun-pher an phah a ngaih hun em maw ni dâwn chu le?
Kum 1987 January khân Teirei lui kiang lawka Saikhawthlìr-ah khuan savun-kekawr ha chungin ka riak tawh a. A vàwt lutuk kha, ka chhîng chhete eih lo. Zan khat ka hman tlingtlàk tawh azawnga vàwt ka la tih ber a ni àwm e, lem kha chu ka lem sek tho va, mi tiphuisui chuang lo khawp mai! Shillong Bus Station-a zirlai kan nih laia ka thut tlaivàr zak te kha chuan —vàwt èm èm pawh ka hriat loh nèn, thlasik vànglai thovin! Kiang lawkah Kelvin-a zuk khiat piap theih vàng khân a lum duh deuh emaw dâwn ni?
Report this comment
September 3rd, 2009 at 5:47 am
chawnghilh, Sahmulphah thla hi i rindan ang hi ka hriat ve dan tho a ni. Dik turah kan ngai chhin phawt dawn em ni’ang?
Tlawng nuar leh Khawrihnim kai inkar, Vawkzawn puk thlang deuh lawk, Phaldawng-li hrul a tumkhat ka riak chu puanhlap nen chiah ka ni bawk nen vawt ka ti ngang mai. Huichhuk thli kha nger zawng nei niawm tak hian arawn thaw heuh heuh mai bawk si, ka in zial te mai mai khawp.
Chhimtuipui ah sawn huichhuk thli chu a na thei mawle. Zing lamah ka buk thawlh phui nan tiin, Tuipuisukhlah tang ka thliak khawm e ka tia, kangthai pangang aniang chu alo awm a, ka thak ta thuai thuai mai a fuh lo tak a ni. hairehai
https://i25.tinypic.com/2njke0y.jpg
https://i30.tinypic.com/xarmkn.jpg
Report this comment
September 3rd, 2009 at 5:50 am
Mahse kumin vawkhniakzawn thla kha chu a dik hlel deuh. Ruahtui a tlem lutuk a, vawkhniak pawh a lang pha mang hlei nem! Mimkut zawh ah thi an trin thrin ti pawl an awm bawk.
Report this comment
September 3rd, 2009 at 6:09 am
@Zero, ni khawp mai tiraw.. Kumin zet zawng ruah kan dawng tlem khawp mai. Kan dawn chhun pawh a tlai bawk si. Mautam vur kum hi eng ruai an ang hlawm lovang tih a hlauhawm hlein ka hria.
‘Vawkhniakzawn thla’ chung chang kha Vawkhniakzawn thla khan kan sawi ngial tawh a, ‘hniah’ ni lovin ‘hniak’ tiin i hmang tawh ang u hmiang ti khan Resolution em pass lo mah ila, kan pawmtlan viau tawh kha mawle?
Report this comment
September 3rd, 2009 at 6:20 am
H.V, I sangha chu Chawnghilh sangha ai ka it feee.a thiang sar sarin a tui hmel ser ser hlawm ltk.a zo sangha raih in ka hria.
A ril kan ei ka chak bon top tops..
Lunga ti lengin run lui a generator hmang a sangha kan man trhin te min ti hre chhuak.
Vawkhniahzawn thla nge Vawkhniakzawn thla…..
Hmanah khan sawi ho a ni tawh a thu tlukna mumal vak a awmlo in ka hria.
Report this comment
September 3rd, 2009 at 6:24 am
bawmrang, i ti lawmawm e. @4 a ka Tlawng sawi a mi ngei an nih khi. Khi buk ah ngei khian ka rep thap alawm, a dang te nen. Khing khi 1st batch
Generator a sangha man i sawi takah chuan (OT mai mai) Vervek piah, Tui Vai fintu, Luak lui leh Luakzal lui hi kan dep zo thak tawh tak asin. Thlakhat vel akiang hnai ah kan khawsa a hairehai
Ti daih ila, Mizoram ah khan electric a sangha man hi an thih loh pawn an pan duh avangin leh rannung reng reng an rem vek duh an tih avang khan an khap a! Hmanni mai khan TV ah sangha man dan him, tih ang zawng program ah an telh tlat. Electric khan a stunt ringawt a, a te deuh duhloh kha paih luh leh mai tur a ni, ti ang zawngin an rawn sawi tlat a ni.
Link pakhat kan google chhuah hlauh chu.
https://app.doh.dc.gov/services.....ishing.pdf
Report this comment
September 3rd, 2009 at 6:29 am
Pu HV-a sangha hi chu a tharlàm bàkah a Zoram zaih mai; ka sangha ve kha chu … Magruder-a Potomac sangha vèl mai mai pawh a ni mah nà! Mahse, a rîl khàfek chu tui ve tak a ni, zo-anthùr thlàkin, a rim a dik ve rùrà! Nimina ka rawn tihlan kha nimin chhùn khân ka kuit vek tawh. Ka irh ve ham ham mai maw le! Nimina ka rawn tihlan nachhan kha chu khawmual nghatè (baibîng hmuar) leh lui ‘ngha tih vàng mai mai maw le! A lo awm remchâng hlauh bawk a.
Report this comment
September 3rd, 2009 at 7:00 am
@kawnga : A inmil lo rèng ang chu …Zopa hun chhiar dàn ang hre sêng tawh lovin Leap Year a awm ru tlat si a, May 6, 2008 kha Thâl chho intanna a ni tlat a, thla 1-in a tlai miau va, kum 1-a thla 12 awm anga kan chhùt bur bur tàk tlat avàngin Vawkhniahzawn thla pawh a inmil lo rèng ang chu! Chuvàng taka rawn khermei ka ni rèng alàwm! Kumpui kum a nihin a thla 13-na hming Zopaten engnge an lo vuah ve? ka rawn tih chhan pawh ….
Report this comment
September 3rd, 2009 at 9:11 am
Kan naupan lai chuan,’Kum kihatah thla sawmpahnih a awm,
Zanuari,Feb-buari March,April
May Zun Zu- lai,Awgust Septem-bar
Awawk-trawbar,naw -vember,Disembar
tiin kan zai vak vak thin :lol:
Report this comment
September 3rd, 2009 at 11:07 am
@bawmrang, Vawkhniahzawn thla chu a ni ngei e. Ka pa in min hrilh thin ka naupan laiin.
Report this comment
September 3rd, 2009 at 12:12 pm
Kan mizo thlabi chhiar dan leh hming vuah dan hi a dik ka ti thin khawp mai,Tunhma ka pi pu te hun lai chuan a dik thlap thlap in ka ring.Amaherawhchu kan Environment lo che zel hian hunbi dik taka kan lo vuah ve thin chu a rawn her danglam mek zek a,July(Vawkhniakzawn thla) fur pui hun lai pawh in hmun thenkhatah chuan khua a thal dawn chauh emaw tih mai tur a nia,Thingtlang hmun thenkhat ah chuan a ni ve vek kherlo a ni.Nakin ah chuan thla hming kan vuah te pawh hi ro relkhawma thlak mai nise tih thu tlukna te pawh ala hring chhuak lovang tih a sawi theih loh.Kan Environment chhe zel hian a hring chhuak zela tin a ni.
Report this comment
September 3rd, 2009 at 12:33 pm
#13. Thla 13-na Kalendar
Report this comment
September 3rd, 2009 at 1:13 pm
Karbi Anglong ho thla chhiar dan ve thung
January – Arkoi
February – Thangthang
March – There
April – Jangmi
May – Aru
June – Vosik
July – Jakhong
August – Paipai
September – Chiti
October – Phre
November – Phaikuni
December – Matijong
https://img228.imageshack.us/im.....endarn.jpg
Karbi ho thla chhiar dan ang chuan ka birthday chu Phaikuni thlaah a ni daih.
Report this comment
September 3rd, 2009 at 1:58 pm
thlabuari also
Report this comment
September 3rd, 2009 at 6:38 pm
august thla an chhiar dan hi tlem hriat dan hrang a awm a. ‘thlazing thla’ ti a sawi pawh an awm tlat mai. engpawhnise a chung a mi khi kan hriat dan tlanglawn ber a nih tawh avangin pawm mai a dik ang, a pawm loh thei tawh chuang loh bawka. tin, karkhata ni hming a ‘nilaithawhtan’ tih leh ‘ningani’ tih hi ngaihtah chian ngai in ka hria. a tlangpuiin kum upa lam hian ningani an ti ni in ka hria a, thangthar te hian kan ti ‘nilaithawhtan’ mai mai ni lo maw? ngaihdan tha deuh nei kan awm m? hming pahnih neih hi a tha viau tho na in official a hman tur kan mamawh ang a….
Report this comment
September 3rd, 2009 at 6:44 pm
Vawkhniahzawn thla tih hi a dik lo, ka lo siamtha leh e, VAWKHNIAKZAWNTHLA tih zawk tur a ni e. Vawkhniahzanthla tih hi ka hriat vawikhatna a ni ve tlat. Ka lo chhu sual a ni.
Report this comment
September 3rd, 2009 at 7:36 pm
@tetea, vawkhniahzawn thla tih hi a dik leh dik loh chu ka hre lo. Mahse……….
I naupan lai a I pa’n a hrilh trhin mai che a vang chuan a dik nge a ni ti kan pawm thei lovang.
Report this comment
September 3rd, 2009 at 8:08 pm
Tau hi pangpar em ni? ramhuai chikhat a ni lo maw ?eg.tau meichher chhi.mizo ten thlarau chimawm -huai,phung,chawm,maimi,tulum,khawhring,khawmu,hmuithla,dengsur,tualsumsu,zunhindawt, etc te zing a mi a ni a.tau meichher chhit thla sawina a ni zawk lo maw?
Report this comment
September 3rd, 2009 at 8:21 pm
Vawkhniahzawn thla leh Vawkhniakzawn thla ti a sawi hi tam tak an awm ve ve a, hei hi a dik lo zawk tia sawi theih a ni lo. Vawkhniahzawn tiha ‘hniah’ hi verb a ni a, noun a nih loh avangin ziak hran tur niawm taka a lan laiin, noun a hman a nih lawi si avangin ziak zawm hi a dik a ni. Tin, ‘hniak’ tih hi noun a ni thung a, ziak zawm vek pawh hi a dik em em a ni. Thil pakhat sawi dan dang deuh a ni mai.
Report this comment
September 3rd, 2009 at 8:44 pm
@darchhunval : Hmu-trau … berry or cherry, whatsoever!
Report this comment
September 3rd, 2009 at 8:50 pm
@muantea : I sawi fiah hle mai, thenkhatin HNIAH, a thenin HNIAK … dik inti zàwk ve ve team hnih an ni mai. Kei chuan a hmangtute hman dàn ka pawm ve ve thei. HNIAH hi Calcutta lam printer-ho spelling mistake-a sawi pawh an awm, “emaw ni…?” ka ti hial a. Mahse, ka pai dam thei khawp mai, in han sawifiah tak tak hi chuan. Vawk hniak pawh hmuh tùr pawh a vâng ta, a huangah kan khung vek tawh si!
ZAWN tih hi DOUBLE tihna nge, HUNTING/TRACING PUGS tihna … Pastor HS Luaia pawh he thu hi mi pakhatin a zàwt a, “Ka pu, SAKRAMEN tih hi ka zàwt fiah duh che, SAKRA tih lai tak awmzia hi engnge?” a ti.
Report this comment
September 3rd, 2009 at 9:00 pm
@chawnghilh: ZAWN tih lai tak hi chu inzawmzat sawina a ni mai awm e. Khaw diak hunlai anih avang leh hmanlaia Vawk an chhuah thin avang kahn Vawk hniakte hi a chiar dup zel mai sia, chuvanga he thla hming pawh hi puttir ni ta mai awm a ni.Ruah tui tlak that kum phei chuan a diak dawn em atin ni.
Report this comment
September 3rd, 2009 at 9:14 pm
@muantea : Ka man thiam hawk; thla khat mai a nih loh châng pawh a awm ang; mahse, thla dang hming tibawrh chuang si lovin.
Tùnlaiin thla hming leh season a inhmeh lo hret … in rawn tih pawh hi … as a matter of fact, lunar-solar calendar hi kan hriat chian a ngai viau a. Kan thla hming 12 neih vàng ngawta a intahtawla chheh ziah kum tin theih a ni ngawt lo va; thla 13 awm kum, LEAP YEAR hi kan hriat chian a ngai ve pah reng! Kan Mizo-upate kha an hawi zau khawp, KUMPUI KUM an tih kha Leap year a ni tlat a, ni them chuangbàng chheh khàwm thla khat hù kha thiah luhna an lo hre dik ve hle thìn a ni. Hre chiang ila, kan agriculture kalphung pawh a fuh lehzual ang, kei chu huan-thlai ka siam ve mai mai pawhin, chungthla dèt ka thlîr kar. Ka nihlawh phah rèng thìn a ni. Tukin zîng pawh hian kawmchâr mai atangin antam-kau kan sik ngheng mai!
Tùn thla de chhovah —mai, antam … an rawn tiak leh tuar tawh, thlasik vûr tlàk hmâa tlàk-hàn hman tùr!
Report this comment
September 3rd, 2009 at 9:36 pm
@chawnghilh: Nang meuh thil hrilhfiahah ka inngaih ve mai dawn chu aaa!
Hmanlai kan pi leh pute kha khawchin thlir hi an lo thiamin astronomy lamahte hial pawh hian hriat zawng an lo nei ve zawng a nih hi. Education hi School/college tih ngawt pawh a ni mai lo a nih dawn hi. He khawvel vir vel atng pawh hian zir thiam tur tam tak, hriat phak loh thlengin a awm a ni.
Report this comment
September 4th, 2009 at 11:54 am
Vawkhniahzawn thla tih hi a dik lo hualhual a, lo ti an awm a nih pawhin a dik lo niin ka pa pa, Pu. Chalngura chuan min hrilh a, hei vang hian Vawkhniakzawnthla tih hi kei chuan dikah ka pawm e.
Report this comment