(click pics for larger size)
A tum sawmparuk nan Mizo Day hlim takin USA a awm Mizo te chuan September ni 7, 2009 khan Rocky Hill Middle School Hall, Clarksburg, Maryland ah an hmang.
Buai reng reng a khawsa nih a karah, Mizo Society of America (MSA) hruaitu te chuan tlin tak leh felfai taka an lo duan angin, Mizo day chu hman zawh a ni ta.
MSA President, Pu Lalbiakdika Fanai chuan, Indian Embassy atanga Ambassador aiawh lo kal Pu Deka (Assamese) hnen ah lawmthu sawiin, hma a la. Mizo te hian kan tawng a kan neih thumal (word) te hi tawngdang khera hman loh theih hram a that zia leh mahni hnam dan te chawinun chhoh a tul zia te a sawiin mipui a fuih bawk. Indian Embassy aiawh a lo kal Pu Deka chuan N.E India a awm theuh, 7 sisters ami kan nih thu sawiin, Mizoram hi hmun ralmuang state a nih avanga a a chhuan thu te sawiin, tun hnu a Mizoram than chak zia te chu chhuang thiam takin a sawi a ni.
Mawhphurhna nei leh tihtur bik tuksak ten, an tih tur tuk sak te tlin tak theuhin an ti hlawhtling hlawm a, thupuangtu te lah an zeiin an thiam naniang mai. Tunkum ah pawh a nuam kan ti tlang leh hle ni berin alang. Mizo siam puan leh thuam chi hrang tihlan na te a awm a tin, cheraw kum dang ai maha mawiin thalai leh naupang ten min kan sak ta bawk a ni. Pu Thangliana Sailo, Ex-Chief, Sialsuk in Hlado a chham bawk.
Thalai ten hla thu kaihruaiin, ZORAM NGAIH HLA (Zorock) mipui nen an sa ho a, lunglen a ti zual chiang ngei mai. Mi ramah zawng lungleng a lo na ngei e. Zioni Renthlei in thiam tak maiin, German Ral Lianin mipui min awi leh a, a thei thei an lam suau suau mai, nuam haih haih tak a ni.
Maryland state ah hian football (soccer) khelh ah hian Mizo hi kan duailo hle tih ka han sawi duh bawk a. State runner up (2nd) nihna an chan tichiang tu an lawmman lak te kan lawm pahfawm a ni. Kan thalai te an chhuan awm takzet a ni.
Kum 2009 Mizo Day ah hian, Mizo te hmun hrang hrang, Canada te leh state dang atang tein an fuan khawm a, zai leh lamin, cultural show ropui tak te neiin an hun an hmang a ni. Hun khar nan, Nu ho zarah ruai ropui tak, laipawng thle lawl khawpin kan ei ta hlawm, a nuam hle mai.
May God bless MSA.
Cheraw
German Ral Lian
Zoram Ngaih Hla, Thalai hoin
Thalai thenkhat
Mipui
Eddie Pachuau, Sawma etc
Similar Posts:
- Mizo Day 2010
- Atomic Puppies
- Mizo Day 2011 – Nikhatna
- Synod-in Press Conference Ko
- DMZP Press Release
September 9th, 2009 at 7:50 am
Chimawm tur hrim hrim a Laltuthlungliani alawm
Report this comment
September 9th, 2009 at 7:54 am
@HV : I fanu em ni reuh, a va cute reuh ve le! Chhuang lo chi i ni lo a nih kha! A hmeltha reuh em mai!
Report this comment
September 9th, 2009 at 7:57 am
chawnghilh, i van ti lawmawm ve, ka lawm e. A nih ve hi, a AMEN ring thei rura.
Report this comment
September 9th, 2009 at 8:00 am
@HV : Sober kid chu a ni lo ngei mai le, Frederick Sweet Kid a nih kha!
Report this comment
September 9th, 2009 at 9:23 am
Chin ho te nen in hmang tlang/ho vek tih na m ni? (I can see different kinds of cultural dress)
Pu Hv chu min sawm ve tur nia, khi… cheraw kan thiam an awm vak nange??nge pali khian nalh in ti jok? Keipoh ka thiam ve tho nia…in indaih loh chuannnnn!!!!!hehe
Report this comment
September 9th, 2009 at 10:14 am
@ Aussielad: (Different kinds of cultural dress)
MIZO thuam chi hrang hrang tihna anih rual in, CHIN Cultural Dress, thuam ani kan ti ve thei tho ang. ( CHIN, MIZO) ah hian in thliarhran theih miah loh vin kan Dress thuam hian a ti lang hle ni in a lang. Kan vai in Zohnahthlakte kan nisia tihthu mai anie.
Report this comment
September 9th, 2009 at 11:32 am
Aussielad, Mizo hnam a awm lo. Lai (Pawi), Lusei, Mara, Hmar, Paite etc te khaikhawm tu chu Mizo a ni thung. Cheraw kan tur hi engzat nge tih a awm chuang em ni? I tihdan pui roh hi kan sawm lo che chu kan vannei ve ve zawkin ka ring tlat mai.
Khua a va han varlo thin tak em! Nu leh pa te neihman hi a awm lo thin mange. Hetiang inhrilh te hi nu leh pa te mawh a ni takmeuh asin mawle. misual.com ah ngawt pawh hian kan sawi ngun lutuk tawh.
Report this comment
September 9th, 2009 at 2:37 pm
@H.Vangchhia sawi kha ka pawm thlap e.. Mizo hnam biik kan om lo.. Mizo tak leh lem pawh a omlo.
Mi tamtak ngaihdan ah chuan Lusei/Duhlian tawng hmang ho chauh hi Mizo an ni, mahse kha ngaihdan kha paih bo a hun tawh e… INSUIHKHAWM ZAI I REL ANG U.. UNAU KAN NI…
Report this comment
September 9th, 2009 at 11:27 pm
Hetiang thlalak mawi tak tak, Mizo culture chawisanna te hi, an hmuh anuam a ni. HV a i rawn thawh thra hle mai. Rawn tel ve theih a chakawm hle ani.
Report this comment
September 9th, 2009 at 11:35 pm
@HV : I fanu AMEN RING THEI chu ka duh reuh lutuk, chaw ei dâwn grace sawi zawh chiaha Amen-te hi ka tiring ve thei tho, Amen hmâ hi chuan —chaw-thleng leh chawhmeh inchhawp te hi a hawlhin a zen theih mai si loh! ONE TWO THREE chi khat-a neih erawh chu a fuh lo mai thei!
Report this comment
September 10th, 2009 at 2:17 am
H.V-a chu ka hman loh vanga min sawm longe, min hriattir duh lo hrim hrim pawh ka hre lo… ka thiante ka zawh lahin ani min hrilh chiang thei silo, inrin niah kan kal dawn motor kan hawh ang an ti mai sia,, poi lo e.e….
Ma hmanna hmuntur velah chuan awm ve ni ilang chuan mi zawng zawng ka sawm vek ang maw le. hehehhe
Report this comment
September 10th, 2009 at 4:34 am
mkima, ilo kal ve reng anga, kan in hmulo emaw ka lo ti zawk asin. Pawi ve aw, min zawt lo bawk a nih chu mawle, a ni i chian loh te chuan.
chawnghilh, i ti lawmawm e, min ti hlim thei khawp mai
Virthli, i ti lawmawm e. Mizo ram hrang2 a awm te hian hetiang ang thil lawmawm hi chu in share tlan hi tha a ka hriat vang a ni.
Report this comment
September 10th, 2009 at 4:41 am
Thil Pawimawh, ka mangnghilh a, in mi ngaihdam ka dil nghal e.
Mizo Day ah hian Pu Thangliana Sailo, Sialsuk Lal thin chuan kum danga USA a la tih ngai loh Mizo Day hian thiam takin HLADO min chham sak. Savawm hlado a ni nghe nghe a tin, hei bak ah hian USA Mizo te tan a ma phuah Hlado a chham/sa bawk. A ropui dangdai khawp mai.
https://i26.tinypic.com/20jr1bp.jpg
Report this comment
August 24th, 2010 at 4:40 am
A hmuhnawm khawp mai. A ngaihnawm bawk. Post tha tak a ni.
Report this comment