15th August 2008 zing a ka kawngkhar rawn knock dawt dawt ri chuan min tiharh a. Sana ka en a, dar ruk vel chauh a la ni si a. Peih lo takin ka va tho a, kan thianpa pakhat hi a lo ding reng a. Ka thiantha ber mai thih thu chu min rawn hrilh ta a. A na lutuk a, engmah sawi tur hi ka hre lo, ka blank vek a ni tawp.
Hemi hma ni chiah hian ka mumangah a lo thih avangin ka mu thei tawh lovin zing dar 5 velah zah pawh sawi lovin an landline-ah ka phone a. Tha takin kan inbia a, ka mumang a ka hmuh dante leh engtinnge a awm tih hre tura phone ka nih thu ka sawi a. A that thu min hrilhin phone pawh chu kan dah leh mai a. A tuk zingah ka mumang kha a takin a thleng dik ang tih ka ngaihtuah pha reng reng lo.
Depression a nei tih hre sa reng chunga ngaihsak dan tur dik taka kan lo ngaihsak tawk loh avangin ka thian tha ber chu ka chan a. Mahni nunna la duh hial khawpa rilru hah leh buaiin a lo awm ang tih hi ka ring pha ngai lo. Mi hlim thei leh mi ngaihsak thiam tak, ka harsatna zawng zawng ka thlen ngamna leh beiseina min pe thintu a ni a. Amah ka hriat chhung leh ka kawm hun chhung hi ka hun tawn a hlu ber a ni reng tawh ang. Midangte ngaihsak em em leh thian kawm thiam bera ka lo ngaih thin kha thihna ah pawh mite mak tih leh a mualpho thei ang bera a thi hi a hreawm ka ti ngawih ngawih a. A laka ka tih theih tam tak ka lo tih tak lohte hi ka rilru tina tu a ni kumkhua tawh dawn a ni.
World Suicide Prevention Day programme DDK a an rawn tihchhuah khan thui tak min ngaihtuah tir a. Nunna lo hlut zia leh midang ngaihsak a pawimawh zia min hriatchian tir zual a ni. Khawngaih takin hemi thu lo chhiar ve tu hi chuan i thian, i chhungte leh i hmangaih tak ten hetiang harsatna hi an tawk ve a nih chuan ngaihsak rawh, a hnu a i inchhir ve loh nan tih hi ka sawi duh a ni. Theih ni se ka thiltih siamthat leh theihna hun vawikhat tal han nei ila chu ka theihtawp chhuahin ka ngaihsak tawh tur.
Similar Posts:
- I ngaihtuah ngai em?
- Vanlalruata strikes back
- World Suicide Prevention Day Pual thian beidawng hnena lehkhathawn By: Chris M.S.Dawngkima, Ramhlun N
- Ka Pa Fam Chan Ni Kha
- Tih nun kan ni (Easter pual)
September 11th, 2009 at 4:33 pm
Kei pawh hman kum deuh khan ka thianpa duh tak, he khawvel kalphunga chhungkaw din tura Biak Inpui a Pastor hma a thutiam kan chham tum pawh a ka dinglama min din pui tu ngei mai,infiammi, hrisel tha tak thin khan lung thalo a vangin min boral san thu min rawn hrilh a, a ruang bula ding a kan thlir vang vang pawh khan awih har ka tih teh a sin. Ka thianpa kha a damlo tih hre reng mah ila thi mai thei turah khan ka dah ngai reng reng lo. Mahse kan chung a Roreltu rorelnaah kan tel pha der silo.
Report this comment
September 11th, 2009 at 4:35 pm
mahse….. an rilru hi an phawrh duh meuh angem? puih an duh kher angem? depression hi a hunlai chuan a na a nia, thildang ngaihtuah theih dawn miah hleinem
Report this comment
September 11th, 2009 at 6:06 pm
Mizo te hian psychologist emaw, rilru lam
daktor te emaw rawn na chang hriat a hun tawh hle ni in a lang,heng ang mithiam rawn hi mental emaw,rilru buai,mi a kan tih te ho tan emaw kan tih thin hi paih bo a hun hle tawh a ni.
Chutih rualin heng mi te hian puih an mamawh tih hriat fo a tha a ni.
Report this comment
September 11th, 2009 at 7:17 pm
psychologist lam kan rawn ngun hi chu a tul tawh khawp mai! Han inpuang ta ila, kei ngei pawh hi pa hlim thei leh fiamthu duh tak niin miin ngai thin.. mahse ka chhungril nun erawh chu khawharnain a khat bawk si! Thian ka thlahlel ngawih ngawih thin. Chhungril nuna hlimna thuruk neite hi khawvela mi vannei ber an lo nih hi ka ti ta!!!
Report this comment
September 11th, 2009 at 8:52 pm
thuhriltu 12:7″NUNNA thlarau chu a petu pathian hnenah a kir leh a ni”.kan nunna hi neitu leh siamtu awm ,kan ta a ni lo tih hriatna a tangin leh a hlut zia hi hriat thar fo a ngai reng a ni.a tlan na man to zia pawh kan hriat kha!.suicide te hian dam an thlahlel tawh lo a ni lo,dam zel an chak lutuk tho,manse phurrit delhtu an zo lo va ni,a hun taka chhawk zangkhaitu hmu se tam tak hi chuan an thulh ngei ngei ang tih a chiang.tanpui theih an ni,in venpui a hlawk a ni,mitin chung a thleng thei a nih a vangin tan ila thar zel ang u.
Report this comment
September 11th, 2009 at 10:12 pm
Thuhriltu 12:7-a “nunna THLARAU chu a petu,” tih thu hi Hebrai tawng kalhmang dik taka lehlin ni ta se, “Nunna THAW (ruach) chu a petu …” tia dah a ngai. Genesis 2:7-ah khân “nunna thaw (the breath of life)” ngei kha Adama hnârah Pathianin a thàwk luh thu kan hmu. Chu Pathian THAWK LUH ‘nunna thaw’ chu PETU Pathian hnènah a kìr leh ta thìn a ni. Juda literature kan hawhsak avànga rawn tilang mai ka ni chauh ve, kei misual hian!
Sawi kai tàk rau rauvah chuan, Iskariot Judas kha … a inàwkhlum ta a, a tla sual zui chiam ni pawhin a lang. A rîl a chhuak hnèhnù a, a thisen a baw-chhuak chiam. “Akeldama (thisen hmun)” tih ni zui ta ni àwmin Chanchin Tha ziaktu chuan a record a. Rilru hah taka thil ti ta mai ni ngei pawh khân a lang. “Piang lo law law se, a tân a tha zàwk tùr,” tia Isuan a sawilàwk a nih hial kha!
Juda-te thurochhiahah chuan mahnia intihlumte rèng rèng chu mihring leh Pathian duh dân kâwlkalha che-a ngaih a ni bur! Mahnia intihlumte chu an intihhlum hun laia chian lohna leh kim lohna neia ngaih an ni, an ruang pawh thlànmual area chin bìkin a huamchhûngah an phûm ngai lo va, an chhûngkhatte thlàn kiangah pawh an phûm ngai lo. A lo berah —thlàn dangte atanga feet 6 vèla fâl dàwrhah an phûm thìn. Hetianga rilru lama harsatna neite hi Hebrai tawngin ANUSS an ti. Puih leh chhawmdàwl an ngaih hun lai taka thlahthlam chi an ni lo. An intihpalh/luih hi enkawl dàn azira pumpelh hlen theih a ni miau!
(Aizâwl, Nursery vênga tlangvâl thinrim, hruizên nèna chhuak tau chanchin ka lo chhiar —hmutu an awm kha chuan en zui phû a ni teh rèng nèn khân… tùnlai thilthleng a nih mêk kha … an hmu ta em?) —parenthesis, thu tlazep, ka’n nei lawk a ni e. Tichuan …
An Juda-te thurochhiah pawh hi a dal ve zèl a, tùnlai chuan mahnia inthatte pawh hi fâl deuhvah pawh an inphûm tawh chuang bìk lo.
Rilru a buai deuh va, rilru hahna kan neih chuan …hruizên, chemte, drugs leh silai etc., te hi kan ban phàkah awm lo se … Kohhran Upate leh Pastor-te an pawimawh zual èm èm hun lai a ni. Dârkâr rei lo tèa khaihlum tùra kawlbunte hmaah Pastor-in thuchah tùr a hre chiang bawk tùr a ni e. Kei misual pawh hian buaina ka lo pumpelh ve tawh mai thei asin! Khàm leh suar, lipui pawh an nèlawm loh hun lai a ni zual bìk e.
August 2009 chhûnga Aizâwl khaw chhûnga inàwkhlum 8 lai kan han awmte hi … Lei Beràmpute pawh kan duai deuh zawng a ni!
Report this comment
September 11th, 2009 at 11:16 pm
Mahni inti hlum hian Vanram an thleng ang em? Nunna hi Lalpa ta ani a, mahni tihchhiat phal loh ani.
Thenkhat chuan Chhandam Bo theilo anin zirtir a, chhandam kani inti si mahni inthat ta thutse Vanram an thlengang em tih hi ani.
Thenkhat chuan Nunna bu ah hming ziak anih chuan thaibo thei loh thute an in zirtir thin..
Sam 69:28 ah Anni chu Nunna Bu ata thai bovin awm sela, Mi felte zingah chuan ziak nivesuh se. a ti tlat mai.
Thai Bo theih ani ti a chiang.
Sam 871- 6 thleng kan chhiar chuan, kan hming ziah nahmun a pawimawh zia a sawia. Lalpan mitin hming a ziah hunah chuan hei hi chuta piang, khata piang, tiin Zion chungcnhang a la sawi ang a ti tlat mai. hei ZION ah piang chu ani tiin.. Johana 3:3-5 thu nen chhair tel la.
Luke 2: 47- a tranga ka chhiar chuan,, simna thu leh sualngaihdamna thu, Jerusalem( ZION) a trangin a lo intran ang. Khawpui ah awm reng hrih turin a ti tlat mai..
Tirk 2:1- 38- kan chhiar zel chuan, a ngaktute chuan Thlarau ah leh Tuiah An piang thara, mi 3000 lai ani.
Kei ni ZIon Thuchhuaka hian kan piang thar ve em le..
Jerusalem ( Zion) a trang Chhandamna thu lo intran tran turin a sawi tlai mai le..
Nge Rome khawpui a tranga lo in tran Thu leh Hla ah hian kan piang zawk le?
Report this comment
September 11th, 2009 at 11:32 pm
Mahni intihlum lui leh intihlum palh hi an awm leh thei a … pian chianna hian ‘assurance of salvation’ a keng tel khawp mai! Abortion-a thi zozaite hi —chatuan nunna chang tùr an awm ang em?
Report this comment
September 11th, 2009 at 11:45 pm
Abortion — Pathianin an chungthu rel mawlh rawhse. an duh vang reng chu a ni lo phawt , mahse a hringtu nun nen hian, an la thuhmun reng si a. A nu in sualin a la pai’ lai in, Isua hnena thlanhun remchang an hmuh loh hi chu pawi ngawt a sin.
Hindu leh bhudish fate din hmunah an la din laiin,, an nun an chan ta.
Report this comment
September 11th, 2009 at 11:53 pm
mkima, hnial che ka tum lova, mahse ka chhandamna hi bo leh mai mai thei tur lek chuan ka ngai lo. Ka tih sual avanga chhandam ka ni lova ka nihna sual, sual faa piang ka nihna avang hian chhandam ngai leh chhandam ka ni tih hi ka rin dan nghet tak a ni.Vawiin a ka pianthar a, naktuka ka tluk leh avang hian ka hming ziak chu thai reh leh thin a ni lovang. Tlukna a awm thu hi Bible pawh kan hmu a, mahse tlukna hmun atanga tho leh tur kan nihna pawh kan hmu.
Evi leh Adama sualna avanga anchhedawng, dan thu zawm famkim atanga ngaihdamna chang thei tawh lo mihringte hi min chhandam tura Lal Isua rawn thih kha Pathian rem ruat a nih avang hian, ka thiltih sualna hian ka chhandamna thai bo mai tur chuan ka ngai lo. Chumi avang erawh chuan thilti sual lui tur ka ni tihna erawh a ni lo. Nun inthlak, Lal Isua hnungzui tawh tur ka nihna avang hian amah ka en reng chhung chuan ka tlu lovang.
Mahni intihlumte vanram kai leh kai loh tur thuah erawh hi chuan, kai lo tur a ngaih an nih rual hian, a rel feltu Pathian hian a rel fel em em dawn a ni. A chahbi kawltu ang hrim a ‘chumi chu a lut lovang…lut ang’ lo tithei tur tumah kan awm lo.
Report this comment
September 12th, 2009 at 12:10 am
muantea.@ Tirkoh paula hian KORINTH khua mite hneah a leh kha thawnah chuan heti hian aziak.. Kraws thu chu boral mektetan chuan atna ani sia, keini chhandam ( mek) tetan erawh chu Pathian thiltih theihna ani. Chhandam mek kan nih thu a sawi. 1 kor.1:18
Rome mite hnenah Tunah chuan kan rin tirh lai ai khan kan chhandamna chu a hnai tawh sia. zan hi a ral lek lek tawh a, khua a var dawn ta. thima thiltih chu paihin eng thuamin in thuam rawh u.. chhiar zawm tur Rome 13:11-14
hebrai 12; 14 mi zawng zawng nen inremna leh thianghlimna um rawh u, CHU MI THIANGHLIMNA LOVIN TUMAN LALPA AN HMU LOVANG.
Fimkhur rawh u Pathian khawngaihna a ta inbo dah ang nge… chhiar zeltur.
Report this comment
September 12th, 2009 at 12:14 am
Mi Tlantu leh ka Lalpa Isua, Pathian Nung Fapa khian a Pa hmâah mi sawipui mêk a; ka chak loh poh leh mi sawipui nasa zual sauh sauh tùra ka aia ding (ka Ukil) a ni a …Setana pawhin ni tin zan tin mi hêk chat-lak lo!
Chak loh telh telh hi ka tân a thiang tain a pawi lo tihna ni lovin! Mi tlanchhuaktu khian —mi hloh hlen mai khi a uiin a phal lo ve ngawt ang. Kei pawhin ka chhandamna ropui hi thlahthlam hlen ka duh lo ve tum-hrang.
With full confidence-in ‘Zahngaihna Lalthutphah’ kan hnaih ni tin zàwk maw le! A va nuam tak èm!
@mkima says : chhun hi a ral lek tawh a, khua a var dawn ta.
“Zàn hi a ral lek lek tawh a …” tih a nih zàwk kha … sàptawngah phei chuan, the night is far spent … “zàn hi a tam zàwk hman liam tawh a ni,” tih a ni thung
Pa Pathian hnèn kan thlen theihna ngei tùra thawk-palai, kan Puithiam Lalber Isua Krista, kan Ukil ni bawk khian —mkima hmangaiin a sawipui ve tho bawk tih kan hria e, mkima pawh hian chu chu hre ve se, a tha khawp ang le!
Report this comment
September 12th, 2009 at 12:50 am
Psychologist emaw Psychiarist kan rawn avanga nuiza siam nan a kan in hmang thin hi chu sim hmak a tha khawp ang… mi a tak tak chuan a ma thu in Psychologist rawnna chang a hria a ngem le?..kan chhungte kan thiante’n rawn duh na rilru an nei a nih chuan support kha kan tih tur ah ngai thin ila mi tam tak hian kan hun hmanlai leh kal zelah hma kan sawn phah thei ka beisei.
Report this comment
September 12th, 2009 at 1:29 am
chawnghlih.. ka ziah sual ani maia, a hnuai kha ziah a tum vang ani e. chhuna awm angin mawi takin i awm ang u, zu in buai leh zu ruia awm lovin, insual leh initsika awm lo vin, lalpa Isua krista chuan inthuam zawk ulang, In TISA chakna puitlin turin engmah in siam suh u..
henghi han chhiar vek law law zawk lang chuan,,paite Zupui chu i ngai lo khawp in ka ring.
Report this comment
September 12th, 2009 at 1:45 am
@mkima : Kei aiin i rui zàwk tlat … “lei leh vàn … ka thu erawh chu a ral lo vang,” tih ni na rèng khân … a dik lovin i ziak tlat a … fiamthu i duh èm mai!
Report this comment
September 12th, 2009 at 2:04 am
chawnghlih say…Lalber Isua Krista, kan Ukil ni bawk khian
kei ve erawh chuan ka lalpa ISUA chu ka Ukil nilovin, RO minrel saktu tur ah ka lo dah zawk.. Thuneihna leh Lalna zawng zawng2 ka hnenah pek ani ta ti tu a kha.
Thup 15: 3 Tin pathian bawih Mosia leh beramno hla heti hian ansa..
AW Lalpa Engkimtithei,
I thiltihte chu a ropuiin a mak a;
Nang, Hnamtin lalber
I kawngte chu a felin a dik ani.
Aw lalpa tunge i hming zah lo vanga, chawmawi lo vang?
nang chauh i thianghlim si; I thiltih felte chu tihlan a nih tawh vangin,
Hnamtin rengin Chibai an rawn buk ang che..
kan Ukil tur chu , Isuan thimloh chantir tuter pakhat a nei,, Ka thu kha.. ( word ) tunah a thu kan hmu leh hriat tehi kan Ukil tur a ni a,
A Rorel ni ah chuan… A hriat puitute chu TUi leh Thlarau Thisen.. leh tirhkohte..
Vanram chahbi ka pe che, Engpawh lei chungah i phuar chu Vanah phuar ani anga, Engpawh leichunga i phelh chu vanah pawh phelh ani ang… a tih te rawngbawlna kha kan zawm loh chuan… a hmaah kan ding ngei ang le..
Kei chu Rorel na hmaah din ka tum lo va, a lamah tran ka tum zawk a sin. nuam awm…
mahni fate chungah ro min rel vakhi ka ring lo reng reng.. Ring lo tute chauh ding turah ka ngai.
Report this comment
September 12th, 2009 at 2:06 am
chawnghilh@ a nih leh nang Zu rui la, kei Thlarau ka lo rui zawk angnge…
Report this comment
September 12th, 2009 at 2:15 am
@mkima : I duh duh dànin zalèn takin pawm mai teh … kan duhsakna che hian awmzia a nei pha mawlh lo ve …i inzir belh ve khiah nân kan han ti tak nàa — “min sawipuitu (advocate) kan nei …” tia i unaupa Hmangaih Johana’n a ziak uar vei nèn! I chhiar kim mawh em mai!
Thupuan 15 te chu Dispensationalist tân phei chuan NAKIN-a mi tùr in tih kha … tunah a la ni hlei nem —in theory ang phei chuan. Thupuan Bung 5 hnu lam zawng hi chu NAKIN-ah, Hapta vàkvaiah in ti nghe nghe asin!
Report this comment
September 12th, 2009 at 3:22 am
Theih ni se he ka comment hiHard Rock thra deuh han phuah chhuak teh se.
Hard Rock Cafe te hi Aizawlah hian hawng ve sela kan thralai te tuihal hi a chhawk ngei ang mawle :roll: KTP bawk silo YMA bawk silo hi an tam ber hengho tleina tur hi kan khap fai vek hi a dik dawn em ni :?: a awmna tur diktakah awm thei se Spam ah lut zel
Report this comment
September 12th, 2009 at 5:23 am
He post chu Debate ground achang zo ta mai a maw ka ti mai dawn a lawm le….in comment ah in chiang tlang hlawm hle mai…sawibelh tur in ti vang…in hre hnehsawh hlawm lutuk a…a lawmawm ka lo ti ve hle mai ringawt ani e…
Report this comment
September 12th, 2009 at 8:31 am
renthlei09, a zialo hle mai, hetiang teh hrep experience i tawng chu.
Tihian kan sawi teh ang. Mizo chhungkua hi a tlangpuiin, nu leh pa te leh fate inkar hi a zau lutuk. Fate hian an ngaihzawng, an nun hreawm, harsatna etc hi min hrilh tha ngam lo niin ka hmu thin. A chhan a lang chu, kan enkawl dan ah hian nelawm leh bula awm nuamin kan insiam ngai meuhlo. Mizo ah hian chhungleh khat, mahni harsat na hrilh tlang ret ngam emaw, harsatna thlen ngam khawpa nelawm chhungte nei hi kan tam vakin ka ringlo.
Thiante kan tih lah hi, kan harsatna emaw buaina deuh kan neih te hi han hrilh ila, tamtak chuan midang/thiandang hnenah,” sawi tawh miah lo la maw…” atang hian kan sawi chhawng chak tlat thin. Hetiang a nih chuan, mahni tawrh tawrh a tawrh, tawrh peih loh tawp a intih hlum mai loh chu kawng dang hre tawh lo khawp a, rilru pik/bing chuk chuk a awm mai loh chu enge hmachhawn leh tur an khawvel ah an hriat tawh ang le, ka ti.
Ka mimal hmuh dan a ni fo.
Report this comment
September 12th, 2009 at 9:09 am
A van ngaihnawm leh ta ve :!:
Report this comment
September 12th, 2009 at 9:25 am
(for @mkima &chawnghilh@)MIHUAI KAL HMASATE PA ve ve preby ho Calvina leh Methodist ho Wesley a te thu khawchang ve thung aw:
CALVIN: The logical structure of Calvinism is often expressed as an acronym. These five categories do not comprise Calvinism in totality. They simply represent some of its main points:-
1) Total Depravity (also known as Total Inability and Original Sin)
2) Unconditional Election
3) Limited Atonement (also known as Particular Atonement)
4) Irresistible Grace
5) Perseverance of the Saints (also known as Once Saved Always Saved
WESLEY: 1) John Wesley believed that, after accepting God’s grace, a person is to move on in God’s sustaining grace toward perfection.
2) Wesley did not believe in the “eternal security of the believer.” He believed people can make wrong (sinful) choices that will cause them to “fall from grace” or “backslide.” He said it is insufficient to claim God’s salvation and then stagnate, return to sinning deliberately, or not produce any evidence (fruit) of following Christ.
3)Wesley taught that Christian believers are to participate in the what Wesley called “the means of grace” and to continue to grow in Christian life.sustaining grace
pathian thuril te hre ve lo mah ila Kristian vanram kawngzawh thu John Banyan a ziah hi Bible tih lovah chuan a ropui ka ti ber a ,ka chhiar nawn fo thin.english aiin mizo tawng in chhiar a manhla leh nghal.’Thih thleng in rinawm’tura tih kan ni e.
Report this comment
September 12th, 2009 at 9:48 am
ka mu dawn
mu ve tawh ru
Report this comment
September 12th, 2009 at 11:22 am
Lehkhabu puia hming ziak thaibo tih vel te chu a tunlai tawh lo. Pre-computer age a mi a lawm. Tunah te chuan Pathian pawhin a tlu leh ho chu an hming thai chhe lovin a ‘DELETE’ hmiah hmiah mai a lawm. A bu a hnawk nuaih tawh loh nan!!!!!!!
Tunlai naupang ho tawngtaina thu pawh hi a dangdaih tawh a sin…. ‘Aw Lalpa thil thalo ka tihte a awm a nih chuan lo ‘delete’ la, thil tha ka tihte a awm chuan lo ‘save’ ang che’ tih lam a ni daih tawh!!!!!
Report this comment
September 12th, 2009 at 11:57 am
kan thupui suicide lamah let leh ta ila,
mihring hi hlauhna hian min va ti zeng in min ti thuanawp mang e ka ti thin.pawitihna leh thinrimna nasa tak in min tuam a nih pawh in min ti zeng lem lo.
HLAUHNA erawh chuan min ti aikhirh zo thin.thih leh nat(rilru leh taksa)hlauh a vang in hmalam hun hmachhawn kan zuam lo fo va,kan hlauh a ber hre lo ten kan hlau ringawt thei bawk.
NAUSEN PIANGHLIM hi AK-47 pawn tin ila,an hlau lem lo,tih chetvel (gravity ) leh ri ring bengchheng hlauhna chiah kan pianpui si a.Tuna kan hlauh zawng zawng te hi kan zir chawp vek zu nia!.
puitling zawk a tang te,thian te leh hmun dang a tang a kan zir te leh mahni experience atanga zirte an ni hlawm a.
Hlauh tur dik awm bawk mahse a tam zawk chu dawt an lo ni.thlahrang hlau an awm an ti!(mahse thlahrang tih nat casualty panpui ngai an vang hle),
Swine-flu kan hriat tirh a kan chi-ai nasat zia te kha ! mahse kan han hriatchian hnu a kan normal leh tak mai dan te hi mak ve deuh chu a ni.
Thudik leh thutak(truth)kan hriat chuan chu hlauhna hmun chu a rawn luah lan a,hlauhna a bo ta thin a lo ni
JOHANA…………..THUTAK
8:31 Chutichuan Isuan a ringtu Judate hnenah chuan, “Ka thua in awm reng chuan ka zirtirte in ni tak tak ang.
8:32 “Tin thutak in hria ang a, thutak chuan (a ti zalen) bawih a ban ang che u,” a ti a.
I JOHANA………HMANGAIHNA
4:18 Hmangaihnaah chuan hlauhna reng a awm lo: hmangaihna famkimin hlauhna a hnawt chhuak zawk thin a ni, hlauhnaah chuan hremna a awm si a; a hlautu chu hmangaihnaah a la famkim lo a ni.
4:19 Amahin min hmangaih hmasak avangin kan hmangaih a ni.
II TIM……….RINNA
1:7 Pathianin hlauhna thlarau min pe lo va, thiltihtheihna leh hmangaihna leh rilru fel tak neihna thlarau min pe zawk si aI.
SAM 34:4
34:4 LALPA chu ka zawng a, tin, ani chuan mi chhâng a, Ka hlauhzawng zawng lakah chuan mi chhanhim ta a.
Heng hlauhna tuam dam thei pa thum :thutak,hmangaihna,rinna te hi formula an ni lova,mi pakhat (person )a ni.ISUA
Report this comment
September 12th, 2009 at 12:35 pm
mahni in tih hlum an duh miau te chuan midangina lo ven tum tralh chi pawh em maw ni le, an duh leh in awkhlum se an tellovin khawvel hi a hlimawm zawk daih ang. An depressed sa phei chuan nui hmel pu hmuh tur pawh a awm hmel si lo. Dam thlahlela damdawiinah nei leh nei lova an in enkawl trawk trawk laia thih chak te chu a thi mawlh teh se! Good riddance!
Report this comment
September 12th, 2009 at 2:51 pm
Mahni intihhlum duhna hial nei khawp a beidawn tawp mai chu, a lainat awm ngawt asin. A dawih erawh a dawi thlak a ni. A pawi thin ngawt mai, hetiang hian keipawn thiante ka chan nual tawh. Khua hi a varlo thin ngawt mai.
Report this comment
September 12th, 2009 at 3:41 pm
suicide ro ro ah hian tu tihdan nge innovative ber ang han thawh teh u a, tih ve duh hun pawh ala awm maithei asin.
Report this comment
September 12th, 2009 at 8:56 pm
Rotekawlasepa@ chuti emah chuan Vanram ah Lehkhabu kan ken kan keu ang chi hi a awm dawn hlei em”
Lehkha bu chu amah kha a ni mai dawn asin.. Isua kha.. kei mahah kal lo chu tumah pahnen an thlengngai lo atih kha.
kei mahah awm rawh u, a tih thin kha.
Report this comment
September 12th, 2009 at 8:59 pm
nau funny.. i tha maw, i va ngaih awm ve, min va ngai lo ve.
suicide thih ro ro ah chuan, Pathian ram tan in pek thih tawp emaw.. Kan Ram tana silai mu in hmatawn a tha ber ang..
Report this comment
September 12th, 2009 at 9:01 pm
Isua ni se a suicide ang em….?
Report this comment
September 12th, 2009 at 10:38 pm
Kristian te chu Pathian hminga an thih hian mahni an in tihlum ngailo (suicide ngailo). Pathian hmingin midangin an tihlum thin. Chu chu keini Kristian te chuan Isua tana Martyr kan ti.
Islam sakhua zuitu thenkhat te erawh chuan virgin tam takin vanramah lo hmuak tura an inhriat avangin an thihchilh/mahni intihlum fo mai. Pathian hmingin an ti nangin, an sawi dan ka hmuh dan chuan virgin lo hmuak teuh tur beisei vang a ang zawk mah ka ti. Martyr erawh an inti ve tho! An zirtirna, thiante atanga ka hriat dan chuan, mahni inthat chu meidil kal tur ang thoin an zir. Tunlai zirtirna kalsual a ni ve mahna le. Trinity rinloh ang vel emaw ang hian
tra la la la la
Report this comment
September 12th, 2009 at 10:45 pm
Isua tana suicide hi an awm toh ang em le…..? I doubt it…
Report this comment
September 14th, 2009 at 6:11 am
#27 chu i va Pa triap triap ve leh!!!
Suicide a borala te ai kha chuan an chhungte hi an khawngaih thlak thin khawp mai.
Report this comment
September 14th, 2009 at 6:29 am
mkima : I Johana 2:1 thu hi lo chhiar ve teh, Chawnghilha pian hma kum 2000 dawn tawhah khan Hmangaih Johana chuan
“Tin, tupawhin thil a tihsual chuan Pa hnena mi sawipuitu, Isua Krista mi fel chu kan nei e …” a lo ti daih tawh.
Isuan MIN DILSAK, DILPUI tih rin loh hi SUICIDE commit dan chi khat a ni ber e.
A chunga SAWIPUITU a tih khi, ADVOCATE tihna a ni. King James te thlîr chiang la. Tin, Isuan a SAWIPUI VE CHIANG che asin!
Intercession hi DILPUINA a ni ngai e, puithiamin Pathian hmaa mite hmangaia a hna thawh ber a ni bawk. I tân Pa hmaah a dìlpui che tih hi ring ve ta la chu i nihlawh khawpin ka ring. Min sawipuina hmachhuan hian Hmangaih Johana pawh khàn Kohhran mite hnènah thu a lo ziak hial rèng a ni. Isua a tawngtai ngai em? Ngai e, min DILPUI, min DILSAK miau alàwm!
Report this comment
September 14th, 2009 at 6:33 am
@HV : Islam-ho chuan “72 virgins” an beisei maw le!
Report this comment
September 14th, 2009 at 6:42 am
Anih leh Mahni nunna lak hi Sual ani tih hre miahlo Kristian awm ta se, Palestine emaw Iraq emaw ang tluka sorkar dang rahbeh a awmna karah mahni nunna la ta se, Vanram a kai angem le te ka ti?
Chanchintha hre lo hrim2 (la hre ngailo hrim2) te hian Vanram an kal angem le, an hre miau si lo a. Vanramah heng ho te hian concession an hmu angem le, Hrelo hrim2 Quota ang deuh te hi a awm angem le?
Kan dam chhung hun a thil awm dan tur pawh hriat a harsa tawk viau emaw tih lai a, thih hnu daih a thil awm dah tur hre chiang deuh2 kan awm hi chu mak ngawt mai
Report this comment
September 14th, 2009 at 6:49 am
@darchhunval : I rawn thawh nalh hlawm lutuk, ka’n belhchhah ve keuh …
“… thihnain thihna thuneitu (chu chu Diabola a ni) a tihboral theihna tùrin leh, thih hlauh vànga dam chhûnga bawia awm zawng zawngte chu a chhan chhuah theihna tùrin,” tih thu Hebrai 2:14&15 thu hi a hlu-in a ngaihnawm teh mai asin!
Thihna thuneitu Diabola —tihboral a nih theihna tùrin Kristâ thihna —kan aia Kristâ thihna ngei kha a lo hlu tàwpkhawk hle a ni. Thuthlung Hmasaa inthawina leh thilhlan zozaiah te khân Pathian a tilungawi zo sêng tawh lo —mahse, A Fapa meuh khawvèla a rawn thihna, INTHAWINA FAMKIM taah kha chuan A lungawi hle a ni. A lungawi mai piah lamah a ACCEPT thlap, kha inthawina dangdai tak kha a PAWM thlap. Kan nihlawh phah ta.
Report this comment
September 14th, 2009 at 7:07 am
@darchhunval : Christian allegory-ah chuan “Kristian Vanram Kawngzawh (Pilgrims Progress) by John Bunyan hi ka thlèk chipchiar ve khawp mai! A ngaihnawm a, character 100 chiah chiah awmin ka hre bawk.
Vanram pantute khàn Kross (Chapter IV) hnu lamah khân Van ram kha an pan tan ta tak tak a … kawnglaka tluchhe ta, bo ta pawh an tam hle a. Banyan-a pawhin a ziak thiam viau. Puritan hun laia Pilgrims Progress kha hlau leh khur chunga ziak a ni hial a; MUMANG anga chhàl a nih chauh kha … Calvin-a zirtîrna nèn a inthlâwp lo deuh hian ka hria a, a Wesleyan mah mah zawk mai thei … kei pawhin “ONCE SAVED, ALWAYS SAVED” tih èm hi chu ka pawm lo khawp mai!
Admonition atân Rameses-a beràm no talh thisen avànga an saltànna atanga chhuak thei Israel mipui nuai tam zîngah khân Ram Tiam thleng kha 2 chiah an ni tih ka hai lo va; mipui nawlpui Ram Tiam lutte kha chu kawnglaka piangho an ni bawk si.
Thlalèra awih lohna avànga tlu-hlumte anga awm ve lo turin Hebrai Lehkhathawn ziaktu pawh hian Hebrai Kristian chaurau tak te kha kum AD 68 hun laiah te pawh khân CAUTION/WARNING a lo pe nasa viau mai si a. Thih thlenga rinawm ngai a ni tlat mai —chhandamna tluantling hi chu!
“Chhandam tawh (Kalvary), chhandam mêk (kan dai lai), chhandam tùr (Thawhlehna Hmasa) hi a formula a ni tlat si! Chhandamna thilthlàwnpèk bo thei lo mah se, a chhandamate hian kan zir loh chuan —Messia phatin, kan bawng-khawtlai ve thei tho mai! Chutiang kan lo nih si chuan “a leh hniha Gehenna fapa” kan ni chauh dâwn si (Matthaia 23 chhiar ngun ila).
Matthaia 23:15 Nangni lehkhaziaktu leh Pharisai vervèkte u, in chung a pik e! saphun pakhat pawh siam tùrin tuifinriat leh khawmual in kal hual si a, tin, chutianga a lo awm veleh ani chu nangmahni leh-hnihin Gehenna fapaah in siam thin.
23:16 “Nangni, hruaitu mitdel, ‘Tupawh Pathian bik in chhala chhechham apiang, chu chu engmah a ni lo; tupawh Pathian biak ina rangkachak chhala chhechham apiang erawh chuan hlen tur a ni,’ tite u, in chung a pik e!
Chhandam kan nih tawhna hi vawng nung pungin, thih thlenga rinawm a ngai tih a ni ber zàwk e.
Report this comment
September 14th, 2009 at 1:25 pm
Ka thrian close em em chunga a thlen ve hman chuan keipawh intihlum duh tlat te chu.. tih vela ngai ve thrin ka ni a. Mahse tunah chuan ka ngaihdan a dang ta. An rilru hi a chang chuan share min duh, mahse kan lo dawnsawn dan in a zir lo te pawh a ni mahna te ka ti thrin.
Report this comment