Lunglei District Sports Committee General Meeting Dt 10th Sept 2009 a thukhawm chuan LDSC Ground NO-1 tih thin chu Thuamluaia Mual tiin an thlak ta.
Ziaktu ropui C.Thuamluaia hi kan hriat theuh ka ring a, a kutchhuak Sialton Official phei hi chu a tha takzet a ni. Kum 1952 khan, C.Thuamluaia hi Lunglei Gov’t High School Headmaster a nih laiin Dhubi Mual tia kan sawi mai thin,LDSC Gr NO-1 tia an thlak leh tak hi sipai kut atang in vantlang tan an chhuhsak a, thang leh thar zelte hian kan vanneihpui hle a ni.
Dhubi mualah hian school naupang inkhel lai chu sipai lamin luhchhuahin an lehkhabute an paih darh sak a. Zirlai ho nen chuan an insual buai zui ta bawk a. Pu C.Thuamluaia chuan zirlai ho chu tih dan tur hrilhin strike neih a,mual hi vantlang ta a nihzia au chhuah pui turin a fuih ru ta a. SDO hmaah Assam Rifle ho nen chuan an in khing a, SDO chuan mual chu vantlang ta a nih tawh tur thuin a rem ta a ni.
Hetiang a nih vang mai bakah Leitlangpui chhulchhuak Mizoram thangchhuak ziaktu ropui anih bawk avang hian, a hming daih loh nan leh kan chawimawi let ve nan, he mual hi a hming chawia dah hi a phu a ni tiin ‘Thuamluaia Mual’ tih a lo ni ta. A hming hi C.Thuamluaia nimahse sawi a awlsam zawk nan ‘C’ hi lam tel lovin ‘Thuamluaia Mual’ tih ni mai se a remchang zawk a nge tih vang a ni.
Similar Posts:
- Thuamluaia mual chu hei..!!
- Puitling zirlai
- LUNGLEI M.I. PART-I
- Mizo Hla Kungpui Mual silver jubilee lawm dawn
- Leitlangpui
September 12th, 2009 at 2:50 am
Sawrkar lam hian hmun hming phuah rawttu le phaltu an awm. Chung phalna chu a awm thlap em ang chu maw.
Report this comment
September 12th, 2009 at 3:25 am
Thu khawm tel tel rawtna ang ngawt kha chu a nih ngai loh thin kha maw! Naming Committee an awm ve hranpa a, chutah chuan hming thlàk duh dân/hming tùr an theh lùt a, remtih a nih hun pawh kan nghah tang tang thìn kha maw le. He news ka chhiar hian, Pi Margaret-ho chuan an va ti thei samkhai zawih zawih ve, ka lo ti deuh va.
Duh dàn han sàm tàk vèkah chuan —lei (bridge) te hi kan Mizo mi chhuanawmte hminga neih chur chur a duhawmin ka hria, khawthlang lamah pawh an lo ti nasa hle. Tlawng pawhin lei engemaw zàt lai a nei thei a, Tlawng Lei ni vek lovin —Laldênga Lei, Zàmpuimânga lei, C. Vulluaia Lei etc., zun in hîng fè fè, ek tum a leh ngêt ngùtna pawh Lalhmingliana leh Vànlalzawma te hming chuanna a ni hnem tho alàwm, dànah phei chuan THIANG LO, mi state-ah an MP hming an târ hîng uih ve chheng chhung lo vang.
Report this comment
September 12th, 2009 at 3:25 am
Thuamluaia Memorial foot ball tournament kha an la khel ngai em?.Lunglei Bazaar veng khan an la thei ngailo thin a. kumtluana football trophy dang zawng an lak kum pawh khan an la lo tlat asin, mak ve tak chu ani. Bazaar veng pa anih na ang a atrophy hanlak te pawh kha an chak thin khawp mai an vanduai leh tlat thin tun ah eng tak n ta zel maw.
Thuamluaia ziakah chuan ‘Engtin awm ta zel maw’ (tih nita in ka hria) kha angaihnawm ka ti khawp mai chhiar leh a chakawm khawp mai
Report this comment
September 12th, 2009 at 3:29 am
Thuamluaia Khel Mual ti law law se te ka lo ti ve mai ami
Report this comment
September 12th, 2009 at 3:35 am
Dorothy rilrua a rawn lan zawk chu a!!! Dan ang thlapa tih a nih beisei ngawt i la. Kan hmun pawimawh leh rohlu te hi chu kan mi ropui te hming a phuah hi i ching thar zel teh ang u!
Report this comment
September 12th, 2009 at 5:17 am
Dubhi mual tih hming atanga LDSC tih a nih tawh pawh hi changkanna anih em loh pawhin hmasawnna pakhat chu ni hrim hrim ka lo ti ve deuh a, Thuamluaia Mual tih anih phei chuan rahbi thar kan pen belhah ngai thei mai ila a tha mai awm ve…
Report this comment
September 12th, 2009 at 5:21 am
Hming thlàkah hian hmasàwnna chu a awm hran vak lo! Sawi sual titamtu mai engemaw hun chhûng chuan a ni ang! “LD … awh khaih, Thuamluaia Mual ka tihna,” an ti ùt ang!
Tùn hnaiah Mizoram-a khaw pathum vèl hming an thlàk thar thu ka chhiar tlat! Hming thlàk thar chhèn hi official record hmasa an maintain dàn a nèp vàng a ni châwk ang. Aizâwl kan ni chung pawhin, Aizwal ti tàng tàng an tam, Sandman-a thahnemngaihna ka thlâwp khawp, thàwkkhat lai khân rectification drive a beih chiam kha —in lo chhiar lehpek lèm hlei lo em ni?
Report this comment
September 12th, 2009 at 5:30 am
Chawnghilh…dik khawp mai…hun chu ala duh ve deuh dawn ani e….a hming thar hi ka pawmpui zawng tak ani…kei ve teh lul hian zoram khawi kil ah mah hian ka taksa boral hnu hian min hriatrengna atan ka hming hi hman tangkai anih loh ve hmel ropui si a. Thuamluaia chu ka ngaihsan phah zual sawt mai….
Report this comment
September 12th, 2009 at 5:40 am
@hahthlaki : I thlànlungah mawi deuhvin kan rawn siam ang chu maw le, i inthlahrung vèl èm mai! A design i duh dàn min rawn hrilh chiang rawh.
I hming hawrawppui bold-in kan ziak thlap ang chu maw le!
Report this comment
September 12th, 2009 at 6:10 am
chawnghilh, OT lawk mai teh ang. He link hi lo en chiang ta che hun i neih chuan. Lo chhim ve la ka ti khawp mai. Foreinger leh country singers, Josh Turner etc an zai dawn.
https://thegreatfrederickfair.com/FairHome.htm
Program leh ticket man etc:
https://thegreatfrederickfair.c.....20Form.pdf
Report this comment
September 12th, 2009 at 11:58 am
@Margaret
Spam!!!!
Report this comment
September 12th, 2009 at 12:29 pm
A tha khawp a lawm,mahse sawi ang khian offial takin tih leh ni bawk se,chuti lo chu nakin lawk ah eng commitee in emaw hming dang an phuah leh mai ang tih a hlauh awm e :!:
Report this comment
September 12th, 2009 at 11:12 pm
LDSC General Meeting hi Lunglei DC Pi M.Zohmingthangi hova neih a ni a,sorkar lam atangin Secretary hi DS&YO, Sr.Vice President – Suptd. Of Police an ni.Hun engngemawti atang tawh khan hemi chungchang hi vawi duai lo sawiho tawh niin a possibility pawh zawn a lo ni tawh a ni.Telve tur ka ni nangin rokhawlhna rokhawlh tak avangin ka tel thei ta lova, chuvang chuan official-a proper channel-a thlak ngei a ni e tiin ka sawi lo mai ang. Mahse a kalphungte chu hre ve awm tak chu an ni e.
Hranghlui hoten 1952 khan Sipai kut atangin he mual hi lo chhuh ta lose tuna Aizawl Lammual ang mai sawn hman duh apiangin Sipai ho kan nuih tlawn ve lovang tih sawi theih a ni lo.
Report this comment
September 12th, 2009 at 11:22 pm
Thuamluaia Mual tih chu a phu ve a lawm, kei chu ka pawmpui mai e.
St. Paul’s H/S kan kal laia M.C. Lalrinthangan strike min huaihawtpuina tlang leh mual thenkhatte hi chu MC-a Mual te pawh ti ve ila. Mzvision leh Chawchilh te kha, eng nge in ngaihdan?
Report this comment
September 13th, 2009 at 6:12 am
Ka pawmpui khawp mai, Dhubi Mual tih pawh thiam vak lo khân DUMI MUAL te kan ti thìn tak asin!
Hmàr lama hming thlàk kan lo experience ve dàn nèn chuan kan insamkhai hleih mai mai chungchâng ka rawn tirì a nia! Aizawl Sipai Lâmmual hming pawh hi thlàk dâwn ila, Lunglei-a an tihdàn ang thèn hi chuan an tih ka ring hauh lo! Kan lo experience tawh dàn thlìr lètin!
MC-a Mual tih pawh chu a àwm khawp mai … headmaster, tu ber kha nge, nihliap dum lian hawl fo thin kha, MC-a’n School verandah-a a nawr kat hlawk hlawk lai kha ka mitthlâah a la châm reng mai! It was 1974 end or early ’75.
Report this comment
September 14th, 2009 at 9:05 pm
In sawi hnuah kan sawi ve ang e. Thuamluaia mual hi a neitu leh enkawltu chu Mizoram sawrkarin a din Lunglei Dist. Sports Comtt a ni a, an ni hian hming thlak theihna thutawp an nei. Thuamluaia mual tia thlak tur pawh hian LDSC hian Gen. Body meeting a kova, LDSC leh a hnuaia Sports Assn hrang hrang aiawh kalkhawmten Thuamluaia mual tiin an thlak a ni e. Chuan, LDSC Chairman, Lunglei DC ni bawk, M.Zohmingthangi chuan 11th, Sept,2009 khan Circular tichhuakin, Thuamluaia mual tia thlak a nih thu hi a tarlang. ‘D, if you could see my heart, it is bleeding now’ a ti em ni kha?
Report this comment
September 14th, 2009 at 11:41 pm
Ka tan chuan Dubhi Mual a ni tho2
Report this comment
September 14th, 2009 at 11:48 pm
Mizo rilru nghet lohzia tihlan lehna pakhat ani my lo mo! Dubhi Mual ‘ LDSC Gr- 1.. Tunah Thuamluaia Mual. Mual thar hi siam se, hming hran pu ta jok se. Leitlang mipui rilru a dam jok gei ag.
Report this comment
September 15th, 2009 at 12:13 am
LDSC Ground #1 a awm chuan #2 a awm pawh ring ta ngawt ila, chu chu LDSC Ground #2 a ni kumkhua tawh tho ang em? Nge, #1 an ti ve leh mai dâwn?
Tèt laia “Dumi Mual” kan han ti ngei kha, lamfiah thiam vak lovin —a lunglènthlàk ta ber mai!
Bazaar Sêna —a hun laia soccer star ropuia kan neih, Dhubi Mual thlang lam diak kawi takah tlàn par par paha ball a phei-chunga a’n pir thlàwk nelh nelh mai thìn te kha —footballer thiam bera kan ngaih T Ao-a aia thiam tùrah kan han dah tawp mai a. Kekawrbùl vâr mar peng peng, savun kawnghrèn dum hlai tak nèna rawn inhrêngin, a buckle lah 007 James Bond ngat nèn —field-a an han lùt chiah thìn kha chu … ka ngaihtuah lèt hi chuan ka nui chui chui thìn maw le! Chanmari AP Tlâng lam atangin Lalngûrliana thìn pawh kha … Rahsivêng atangin K. Rammawia, H.Thanliana, H. Ramliana; Chanmari atangin Lalhmingliana, Selbuanga, Goalie Biakchhawna, Sethlun lam atangin RK Buaia fapa, a hming ka hre chiang ta lo … Hluna tih tel! Hockey lamah lah Theiriat atangin Sipawta, chawk kawi hneh rura! Dumi Mual-ah ngei mai khân!
Inkhèl en haw lamin Pu Sarab Uddin Khan-a sazuk khawi leh a va-awk (vahai) thlîr haw pah ziaha kan hun kan hman lai vèl kha, a lo nuam ber mai!
Report this comment
September 15th, 2009 at 12:36 am
@Chawnghilh RK Buaia fapa chu Lianhluna mawle Rahsiveng atang Thuamliana pawh i hmaih tin, Goal keeper lar lutuk Bazaar lammi Rinthanga penalty pawh safe thei tih thin kha i telh hmaih mai thei,Zotlang lam mi Zodinga tih vel te pawh an awm thin kha.
‘Dumi Mual’ a va han lunglenthlak. Rahsiveng pa Rammawia leh Lianhluna ball an in chilh ni a Lianhluna ke tliak ri rup mai ri te pawh kan hriat dawn dawn chu le.
Bawnveng atangin Chalchhuma pawh a awm thin kha Thangchhinga police a lut ta te pawh.
Zohnuai pa Vanlalmuana hockey khelh lai hockey stick a mi mawng kawm zuah ching thin pa kha i hria em la dam tak maw. Heng ho zawng zawng te hian Dhubi mual tih an la duh zawk ang em. an tan chuan Thuamluaia mual tih in chuan a hlut fe ka ring
Report this comment
September 15th, 2009 at 1:58 am
@Nghasih : I rawn thawh hlàwk hle mai! Dhobi Mual-a High School Di In a la awm lai kha kan hmu ve hman a. Lung a lêng thar tlat mai! Lunglei-ah han kal ila, tumah lah hian min hre tawh si lo!
Tùnhmaa hockey BULLY tlauh tlauh laite kha, High School Zirtirtu Lalbiakthanga’n hockey ball a’n vawrh kual vel lai te … Sapliana Chawngthu saw a sportman rei berin ka hria, mi namai lo a ni tlat mai! Pu J. Buana kawta badminton Capt Man Singh-a nena an intum, Pu Sapliana khan thaw hlawi hlawiin a hlahthlem ta a nih kha maw le, hockey-ah chuan Manhehsawia pawh!
Report this comment
September 15th, 2009 at 2:09 am
@chawnghilh Manchiauva an tia lawm, tlai khawhnuah nupui naupang zet hmeltha fe thingtlang lam atangin a paw chhuak ve leh nghal anni hi chuan Thuamluaia mual tih chu a support fu maithei Bazaar veng ani tlat a
LDSA gound 2 hi Bazea(Bajea) mual kan tih kha em maw ni le?
J Buan a kawt a Badminton khelh lai kha ka mit thla in a hmu ve leh tlat mai Pu FB Murray te pawhin an khelh thin kha maw!!!!!
Dhubi mual Highschool hlui Bazaar vengin ME school a an hman lai khan ka kal ve thin a sin In khelhna a hnai in a nuam thei tin vai school tepawh Dhobi pa in chhak ah khan a din thin kha
Report this comment
September 15th, 2009 at 2:16 am
Dobhi mual anih lai a diak theih em em lai khan bazzar veng Thangzika ( Puanthui)fapa Chhaunawma kha eng positionah nge i kelh an ti a a chhanna chu Diak ah a ti a nui vur vur zel. A chak deuh a vang khan diak pal turin an ti thin ni awm tak ani
Entertainment dang awm hek lo tlai dar 3 ah chuan Dubhi mual kan pan thla dul dul zel mai thin te kha a ngaihawm mang ta e, Tun ah chuan Thuamluaia maul kan pan tawh ang chu.Mitamtak hna ber kha chu tlai inkhel en kha ani deuh chawt thin.
Report this comment
September 15th, 2009 at 2:34 am
@Nghasih : Rahsi veng Baptist Kohhran Upa Pu Dinga, father of Roliana Ralte kha inkhel reng reng en hmaih ngai lo, bai thla, bai chho ve sasawi ziah a ni. A hmaih ngai lo reng reng! Puanthui fapa Rodinga kha zâwng a ang lutuk a, Dhubi Mual hmâwng kungah a alwn a, zawngtein a zui zel bawk kha maw le!
Tihpui nikhuaah Pu Khawma fapa Zalena kha, a tawng kha fiah chiah lo mah se, sportman lutuk, tuma tluk loh a ni fo mai. Ban phun, têla chulh nal vekah te pawh khan a chhipa thil awm hlu tak han la theiin a lawn zawi zawi mai zel bik a.
Tin, tihpui a awmin Siampuii Sailo, Lalramhluni Hnamte, Rualthankhuma etc., pawh Ahuja Horn pakhat, chik buai nuai nuaiah an rawn zai thin kha … chu mai a la ni lo. Thuamchaka pawhin Pu FB Murray, Lungleia pa lian bera ngaih kha a kut khing khata chawia a char vel te, thirtliangrel (thirtiang/tiangthir) a seh kawh te, a hnara rod a nawr kul zuk zuk te kha, kan tan chuan hmuhnawm a tling.
Kum 1964-a Helicopter Dhobi muala a rawn tum hmasak ber tum khan, en turin kan theihpalingkawhin a mela mel takmeuh meuh kan tlan a. Thenkhat en tum ve em ema thaw huam huama rawn tlanten an rawn thlen hmain a thlawk chhuak hman leh si! Mit a va tlai thei, helicoper bulah ka pahovin thla ka la nasa mai maw le! Kan la kawl tha mai thei.
Report this comment
September 15th, 2009 at 2:42 am
Inkhel en pui ah chuan Pu LH vannawla Lunlei venglai bula en kha nuih zat thlak thei khawp mai. Eh a goal dawn a goal dawn ah!!! mipawl an lo awmve ani te ati a.muang chuarh hian a sawi bawk si a. Tun khat chu goal 7 phur khan an hawng a, a thiante hnenah eee kan hneh ve thelh a lawm le heheheheh anti chu a thiante nuih chu a za chiam lo
Report this comment
September 15th, 2009 at 2:55 am
Dhobi Mual tih a ni khât tawh dâwn a … ka’n àm leh hret … thlîrtute fùkna, thutna lung inrem a chim chiam kha … a zia lo khawp mai. A lo rei ta deuh va, thi leh hliam engzàt nge ka hre ta lo, a hmunhma lah a awih nasa si! Damdawi Ina dah luh kha chu an tam ve khawp mai! Buai Hma lam hun a ni tain ka hria. Thuamluaia Mual chanchin an ziak hunah kan contri ve mai mai hi a kila tingaihnawmtu a la ni ve mai thei a nia!
Report this comment