Vanglaini : Vairengte khawtlang chuan NGO Coordination Committee huaihawtin Vairengte Police Station sak thatna tur sum Saitual Police Station sakna atana sorkarin a ruahman an duh lohna lantir nan Sept. 21 zing dar 6 atang khan bandh huaihawtin, Vairengte-ah National Highway 54 an dang a; mipui pungkhawmte police-in hnawhdarh an tumna lamah buaina a chhuak a, mi 10 chuangin hliam an tuar.
Vairengtea pawl hrang hrangte hian Sept.21 NH54 dan an tum chungchangah hian Pathianni tlai khan thutlukna siamin, tlaiah aurinna hmangin mipuite an inhrilh darh nghal a. Hei vang hian sorkar hotute leh police-te pawhin hma la nghalin, Pathianni zan khan NGO lama hruaitu mi palite chu manin, Kolasib lamah an la nghal a ni. Pathianni zan vek khan Aizawl leh Mualvum atangin police eng emaw zatin Vairengte an pan bawk.
NB: Buannel.com a comment pakhat ka rawn dah tel bawk e -
Vairengte atangin ka awmna hla hle mahse mipui leh police in-ep lai video ka thlir a; mipui-in lunga an vawm hma-in Police pakhat chuan mi thenkhat a vaw nasa hman hle, chu veleh Lung-in an invawm ta a ni. Kawngpui lai taka Police in mipui an vaw bawrh bawrh mai leh an kalkiang tawh hnu, kawngpui sira an awm tawh thlenga an va umzui kha Home Minister in Police te an thiam anga an chet a ngai a tih chu em ni ang aw. DDK Aizawl khan a hmuhnawm (rapthlak) lai a paih a; NE News erawh chuan a tilang vek thung a. Home Deptt hian Police chet dan uchuak lutuk avang khan Vairengte mipui hnenah ngaihdam dil se ka duh hle mai.
Posted by Khawserh
Similar Posts:
- Mizo hmeichhe ruang chhar!
- Police rinna tlahniam em?
- Vairengte-ah pawisa lem man
- MZP Zorun sak vanga buaina
- ILP hman loh ni 41 chhungin VAI 5172 lo lut
September 22nd, 2009 at 8:03 pm
lengpui airport atanga depart pha chin min khawih buai lem lo bawka, pawi lo ti vak lo teng. A treng hneng ho hi chu lo in nawrbuai ve mai mai teh se. Vai zia hi an copy a enge mo hleka Bandh huaihawt ziah hlawm mai. Sawrkar laka lungawi loh chuan I VOTE kha hmang tangkai mai teh!
Report this comment
September 22nd, 2009 at 8:54 pm
Ka chanpual ngawih2 hi thenawmpa in chang ta daih mai se, rethei berh ve em2 bawk si ila, ka sa bet2 viau tho in ka ring. Vairengte PS sakna sum chungchang hi ka hre pha vak lo na in rokhawlhna avanga sum divert hi chu Sorkar administration ah hi chuan a awm thei in ka ring, englekhawle, mipui leh sorkar leh force lam hian an duty an ti vekah ka ngai, mahse mipui ka thlawp ber!
Report this comment
September 22nd, 2009 at 9:01 pm
Engemaw hleka nuar ziah mai…an khua an hmangaih tak tak vanga nuar an ni kher angem aw??
Report this comment
September 22nd, 2009 at 9:06 pm
Vairengte khua khian NH Bandh vel hi an huai hawt khat khawpin ka hria…. Jowai, Shillong, Imphal, Cachar etc ten an uar teh hluaih nen
@Aryan chu Sumo hlirin i haw chho thin emaw tia
Report this comment
September 22nd, 2009 at 9:29 pm
bandh mahse engmah an hlawh chhuak chuang hlei lawng e
Report this comment
September 22nd, 2009 at 9:34 pm
A va han zia lo thin tak em aw!!! Vairengte Police Station sak thatna tur sum Saitual Police Station sak thatnan a hman duh loin mipuiten lungawi lohna an entir a. A thlavang an hauh bera ten an vaw hrep mai a nih chuan thlavang hauh chi loh tak an hauh tihna em ni ni dawn le????
Report this comment
September 22nd, 2009 at 11:27 pm
Mizoram chiseh lakna kawngpui ber kam khuaah awm ve ta ila chu aw….. tu te emaw angin engemaw hlek ah kawngpui ka dang chat hmiah zel ang maw le. Kawtchhuah gate atanga hla tak taka chengte hi min va zahlo tak em.
Report this comment
September 23rd, 2009 at 12:14 am
@Vaiva :I sawi chiah khi ka ziah tum pàn pàn, ka thlâwp che —a lu-bâwk chin ràwvà taka an chèt ngawtna chhan a awm lo, thuneitu liante’n order an pe miau! Thlavàng inhauhnaah chuan a zawngchhang awm lo ber mai àwm e … sipai lu-bâwka ka lo inpe ve ta mai lo kha ka nihlawh.
Report this comment
September 23rd, 2009 at 1:00 am
@Vaiva & chawnghilh : Ni ngawt mai, ka lo ngaihtuah reuh reuh a. Vairengte Police tan chuan rilru a khingbai duh awm mang e, mipui lamah an trang ngam si lo! mmmmmmm, kan thu pha lo em mai.
Engpawhnise, hei hi ka sawi ve duh e. Zoram hian HMANGAIHTU DIK TAK – POLITICIAN a nei lo tih hi! Mizo Politician-te zingah hian tumah, Mizoram hmangaihtu tak tak an awm lo!
Mahse, lungngai lo vang u, Zoramah hian khua a la var ngei dawn a ni!
Report this comment
September 23rd, 2009 at 1:06 am
Zoram hian RECORD fel fai leh tangkai, keu nawna rawn nawn tlak nei mawlh tawh rawh se, chu record chu mipui mimirten chhawrin, chhiar thiam riau tawh bawk ila maw’le. Sorkar paukhauh satliah leh sorkar fel din kawngah mipui decision tho thovah a innghat lian dawn lo’m ni?
Vairengte NGO Coordination Committee-a an hruaitute hian tum nei ranin, Sorkar phiarru ran hian thil an ti ve em —chu chu an lo invenglawk thiam ve tho em ni dawn le? Ambition hrang hrang hi a lo inphum ve thei tho bawk a!
Report this comment
September 23rd, 2009 at 1:55 am
Eng Sorkar pawh hian Band lo tur hian mipui te hi a siam theilo chu a nih phawt mai hi. Bomb em a la puah ve loh chu!!
Report this comment
September 23rd, 2009 at 4:21 am
Zo_Pa Saitual pawh mizoram tho a lawm, vairengte aiin Saitual ah crime rate a sang pawh ani mahna. A tul anih chuan duh duhna ah pawt peng ang hmiang.
Report this comment
September 23rd, 2009 at 9:33 am
A tul phawt chuan Sorkar chuan a pawt peng thei teh reng mai.
“Tuna Vairengte PS hi RCC a ni a, Mizoramah PS nei tha pawl tak in ni” an ti a. Chuti chung si a, Vairengte PS tana pawisa tam tham tak engati nge Sorkar hian a allocate tho si? An nei tha a nih chuan ruahmannaah telh tawh loh mai awm? Saitual hi Home Minister bial ‘him’ ni lo se he khaw tan hian pawt peng kher ang em? tih hi ka zawhna a ni ve tlats..
Report this comment
September 23rd, 2009 at 10:06 am
thil chu a nihna tr dikah hman mai tur.saitual tan poh proposal dang siam leh mai tur ania. home minister bial ania Saitual hi.Sanik School an dahna tur Serchhip hi CM bial ani bok.sorkar hnathokte a ruaitu duhdan angin an thok mai tur ani an tih laia tuna an thil divert leh hi inhmeh chiahlo chuan ka sia.
Report this comment
September 23rd, 2009 at 11:11 am
NH 54 hi kan ram hnuk leh ram venhim thilah pawh danchah thiang lo a ni ngei a,mizo te vekin kan danchah hi chu a thiang chiah lo,lohtheihlohna a vang a leimin danchah leh vai ho in an dan chu thuhran ni sela.
MIPUI bengah erawh chuan” zoram pum thlir chungin hreh tak a mipui te chung a tharum hial lohtheihlohna vang a rawih a lo ngai ta te,silai hmeh puah leh talhtiang rawih ngai ta hial “pawi an tih thu hi kan ram hruaitute a tangin hre ta zawk ila.Ngaih a nuam deuh ang chu,pem a chi phul ang deuh hi chu a tha ber lo in ka hria.
Report this comment
September 23rd, 2009 at 3:23 pm
A nuar pawla kan trang lo hi vanneihna chi khat chu a ni ve hrim2 chuan ka hria.
Report this comment
September 23rd, 2009 at 3:28 pm
sawrkar kan ngam dan tehi a diklo zo tawh. a trul chinah kan ngawi leh duuk si. kan selfish hlawm bawksi. hihi
Report this comment
September 23rd, 2009 at 8:45 pm
Home minister bial (Saitual) a police qtrs sak hi vote zawnna chi khat a ni mai lo maw? Mizoram pumpui Home enkawltu chu ni ila Vairengteah hian ka dah hmasak ka ring.
Report this comment
September 26th, 2009 at 11:34 pm
ngaihdan siam thiam a har hle in ka hria.
Report this comment
September 29th, 2009 at 11:26 am
Vairengte hian bandh leh nawrh tih vel hi an nei khat khawp mai. Kan sorkar change ve dan chu Vairengte atangin Saitual ah. Kum 50 vel vel kan awm ve tawh, vawi 2 chiah sorkar ah an lungawi lohna hi an la lantir ani. Nuar ngun lo khawp mai.
Report this comment
September 29th, 2009 at 11:29 am
Pu Hawlan ui hum pawh tiat lo ti a Vairengte a sawi khum vak mai te hi Ram hruaitu tih atan a mawi chu ani lo. Mi ram te nen hi chuan an in fin hleih thin teh e. Dawt thu hlir an insawisiak a ni ber a lawm kan Home minister nen hian. A hrim hrim in Pu Hawla ui pawh chu kan va hmu chak ve, Vairengte hian.
Report this comment
September 29th, 2009 at 11:34 am
Kan CM in Vairengte bandh chu MNF ho tih niin a puh maw ? MNF hian inhnamhnawihna pakhat mah an nei lo aw. Vairengte mipui zawng zawngin an thlawp vek a, Congress VC te leh a mawl tawk chauh a inti politician te chiahin an thlawp lo. NREGS inhlawhna pawh hi Congress VC bialah vek ani an neih ni. An thawh loh chuan hlawh Rs.800/- pek lohah an vau a, Mirethei tak tak tan chuan Rs.800/- hi uihawm deuh ania aw. Inhlawhte an thinrim khawp mai.
Report this comment
September 29th, 2009 at 11:37 am
He bandh-ah hian hliam hi police lam leh mipui lamah an vaiin 40 vel an tling ang. Report a tlem deuh thin ani. Tear gas hi 30 vel an hmang a, Silai pawh vawi 20 vel a puak bawk. Mipuiten ti hmasa loin Police lamin hmeichhe pakhat an vaw hliam hmasa a, an in chhanna lamah inbeihna hi a thleng chauh zawk ani.
Report this comment
September 29th, 2009 at 11:44 am
Bandh kan duh vang a neih ani lo, kan tum loh thu pawh news lamah in lo hria ang chu. Mahse heti chung hian Kan sorkar chuan IR a rawn tir nghek nghek mai si a, Vawi tam tak hemi ah pawh hian sorkar lam nen inbiakna neih ani a, Kan home minister ngei pawh Vairengteah lo kal in an lo kawm tawh bawk ani. Mahse tha tak a inbiak erawh a har hle ani. An man mi 2 tih loh chu he NGO co-ordination committee-ah hian inhnamhnawihna pakhat nei an awm lo, A then te phei chu media lam a thawk te an ni hlawm. Case phuahchawp an siam sak vak vak ringawt mai ani.
Report this comment
September 29th, 2009 at 11:48 am
Kan home minister hi mi dik leh huaisen a nih ngai chuan Vairengte bialah hian lo ding sela, Saitual bak a in candidate ngam lo hi a huaisen em ?
Report this comment
September 29th, 2009 at 12:13 pm
nghasih chu i khat liam ve hle mai a, a tha e. Mahse, thlam bang ngheng chunga Pu Nehru-a te rel ang vel chauh a ni mai ang a
noi
Report this comment
September 29th, 2009 at 12:18 pm
TRANSLATIONS: Ka mumangah heti hian Sikul 1 ah an lo inzirtir a:
POLITICIANS = Hmangaihtu Der
ASSEMBLY HOUSE = Suamhmangte Puk
PARTY WORKERS = Thlengtlawrzuan
an saptawng thiam dan chu a dangdai hle mai. Vairengte ah a chiang duh viauin ka ring ta a.
Report this comment
September 29th, 2009 at 12:23 pm
Vairengte PS sum, Saitual lama pawhpen hi FAIR lo tak a ni. Pu Zira hi ka hmuh dan a dang ta khop mai! Mizo Politicians reng reng ka ring lo vek, dawt an heh hlawm em ma, Mizoram an hmangaih tak tak lo ve.
Report this comment