A tir tea Bengal Eastern Frontier Regulation (Regulation V of 1873)a a landanin British awp ram (Cachar te pawh huamin) Mizote an kal duh chuan British ho phala tel lo chuan tlawh khap a ni a, He regulation hi kum 1875 atanga hman tan a ni. India rama British sawrkar chuan 1925 ah Bengal East Frontier Regulation 1873 chu siam thain, a rama piang ni lo pawn lam mi, Bengali, Gorkhali, Chakma, Tuikuk etc.. te luh khap nan a hmang leh ta zawk a, chu dan chu ni 3 september 1930 atanga hman tan a ni nghe nghe.
Heng hma daih hian Mizorama hnam dang awm hi Bawrhsap te khan an lo khap tawh tih 1904 ah daih khan hetiang hian kan hmu, ” Rei tak a ni ta, sipai bangemaw, Vai tupawh,. Sap thu lovin, lehkha nei lovin Mizo khuaah an awm thei lovang, an awm chuan lali bial Dobasi hnenah chawp leh chilhin an hrilh nghal ang, tin, Dobasi in sap hnenah a hrilh zel ang tiin kan ziak a, tunah lal zawng zawngin an hre tawh awm e” tih hi Mizoram hi hnam dangten an chim buai loh nan an lo humhalh hle a ni.
Hmundangah pawh hetiang hian an ziak: “Standing Order o. 31 of 1922” a ni a, Sap tawng leh Mizo tawnga chhuah a ni. “Lal tam takin an khuaa Guikhali ho awm theihna min dil a. Tunlai thu ang chuan Aizawl velah leh Champhai leh Vanlalphaiah chauh Guikhali awm phal a ni. Chuvangin Gurkhali khawtinah IN khat emaw , In hnih emaw chauh lo chu Gurkhali an awm hi ka awih lo a ni” tii Bawrhsap chuan thu a chhuah a ni.
A hnuah tuna kan sawi mek tun lai thlenga ILP tia kan hriat lar hi March 1933-a chhuah “Inner Line Regulation of Entry into Lushai Hills Controlled by ILP hi a ni a, (Notifocation No 2107 A.P Dated March 9th 1933, a ni. Hetiang hian:
1. Hnamdag Zorama luh thu ngaihtuahnaah hian Kolasib, Sairang leh Tlabung-a Police Officer te hi mawhphurtu a ni ber a, nimahsela lalte pawh an ram chhung atan mawhphurtu an ni bawk. Heng hmun hrang hranga mite hia an ram chhunga pass nei lo mi an awm a, a bula police hotu hnenah an sawi loh chuan, mi lo awm rukpuia puh a ni ang.
2. Mizo ni lo chu Zoramah hian Bawrhsap emaw, Lunglei Sap emaw phala lo chuan an awm thei lo. Chutiang pass chu a hnial theih loh chauhin pek a ni ang a, chu pawh chu dan naranin a aia pass hlui paih hnuah chauh a ni tur a ni.
3. Officer chhiahhlawh tana pass pekah chuan “A thawh hun chhung atan” tih ziak tur a ni a. Hemi hi chhiahhlawhte a duh duha midang hnena an insawn leh Vai an lo punna dal nan a ni.
4.Lo lut turte luhtir hmain Doctor hnenah an in entir tur a ni. Hei hi kai theih thil vei an nei emaw tih enna chauh a ni.
Hei bakah hetiang hian thuchhuah a siam bawk:
Chakma te, Tipura ho te, Nepali te hi Bawrhsap phalna chauh lo chuan Zorama an awm phal lpoh a ni, phal pawhin khaw hmunah an awm ve tur a ni. Lunglei Sapim phalna a pek chuan Bawrhsap hnenah a lo rem tihpui turin a thawn ang, Chakma leh Tripura ho lo awm hi a tangkai lo, An lo awm hian thubuai an tichhuak a, roreltu leh police te hi a tlem si.. tih hi a ni a.
British Sap ho khan Mizoram hi Mizote tan an lo humhalh hle mai hi a lawmawm a a bik takin Bawrhsap A.G McCall-an “Mizo Ram, Mizo Tan” tia i 12 December 1936-a a ziak hi a ropui hle mai, hetiang hian: “Mi tam tak, lal leh lal lote pawhin Mizorama Vaiho lo luh theihna tur min dil thin a, a mak ka ti hle. Tunlai sawrkar tih dan chu, Mizo ram hi Mizo ta a nih theih nan Vaiho awmhmun khuar tur hi an phal lo a, Mizoho erawh chuan Vai lo luhna tur a diksak tlat thin a.
Mizo ram chhung tlang sangah emaw, Phaiah emaw tih tur a awm phawt chuan Mizo ngeiin enkim huamin bei zawk zel rawh se. Thil lei turin emaw Sumdawng turin emaw, Mizo rama Vai luh kan phal chuan, a sang tel telin an lo lut ang a, chung hunah chuan mahni ram Mizoin an humhalh nikhua a tlai lutuk tawh ang. Vai lo luh avanga hnathawh tur leh hnathawhna awm chu an ngiat thei tawh lo ang. Chutiang hnathawh tur leh thawhna chu Mizo ngeiin siam chawp rawh se” tih hi a ni. A ropui hle mai a, a zahawm hle mai bawk. Tunlai kan dinhmun thlir erawh chuan a lungchhiatthlak viauin ka hria. Thisena ziak tluki Zofate thinlungah nghet tlat se ka va ti em.
Lushai hovin Pawi vangin Thlang tla?
Pawi te hi Mizo ve bawk an ni a. Lawngtlai lamah thahnem tak an awm a, an piah lawkah Mara thahnem tak an awm ve bawk. Chuvangin Mizoram hi Pawi leh Mara te ram a ni tel ve bawk a. Chuvangin Mizo hnam zingah Pawi (Lai) Mara, Hmar, Paite leh Lushai te chu a group lian zualpuite kan ni awm e. Hetiang hian i lo thlir ang:
Pawi/Lai chite hi Mizorama an luh dan chu, Burma ram Chin hills ah kum eng emaw zat Lushai te ang bawkin an khawsak hnuin tuna Mizoram kan tihah hian lo li laiin an lo lut a ni. A hlawm khatna chu Sunthla lal Vahnuaithlira Hlawncheu leh a thuihhruaite an ni a. Falam atangin an chhuak a, Chhimtuipui chu Saisih chhuahah an kan a, chhim thlang lamah an kal zel a, Rengtlangah khua an siam ta a, An rual hian Tlanglau, Bawm, leh Miria te pawhin thlang an tla ve nghal a. Tlang lian deuh leh hmun nuam deuhah khua an din zel a, thenkhat phei chu Chitagong Hills Tracks, tuna Bangadesh ram ni ta thlengin an chhuk a, a tam ber chu Bawm an ni a. THenkhat dang chu Uiphum tlangdungah khua an din a, a khawsa ta zel a ni.
A hlawm hnihna chu, Chin Hills-a Chawngthia khua atangin Phunhnawma Tlangchhan te, Bawilawma Tinthe te leh Zabiaka Famchhum hote chuan Chhimtuipui tum khat kanin Sangau leh Vanlalphai(S) velah an khawsa a, Phawngpui tlang bul Vawmbukah te khua an din zel a. Hetia a chen tawh avangin Chhim Vanlaiphai pawh “Phunhnawma Vanlalphai” tih hlen a ni ta.
A hlawm thumna chu Chinzah, leh Khenglawt, Lungzarh atanga kal leh Khuafo atanga chhuak Hniarlum, Famchun, Mualchin leh Zinghlawng inkawpte an ni a. Champhai zawnah Tiau an kan a, Chhim lamah an tawlh zel a, Bungzung, Vanlaiphai 
Peri-Lung, Lungrang, Khuanghlum leh Cherhhlunah te an khawsa zel a, Tichuan Cherhlun atangin Thingsai, Vanlalphai (S) Sangau leh Lungtianah te an cheng zel a, Lungtian atang hian hmun hrang hrangah an awm darh ta a ni.
A hlawm lina chu Chin Hills Thlantlang atangin Hlawnchhing lalho, Nithanga thlah leh Thawngliana hote an ni a. Thlantlag atan chuan Chhim lamah an tawlh phei a, Mizoram chhim thlengi Chhuarlung tlang dung atangin Serkawnah awmhmun an khuar ve leh a, a hnu lawkah Thawngliana unau Lianchia Khamrei thlahho an lo chhuk veleh a, chung ho chu Saiha leh a chhehvel hi an luah ve leh bawk a ni.
Hetiang hian Pawi unaute pawh hlawm li ngawtin thlang an tla a, Mizoram hi an lo lut ve tho a, tute a hlauh vang nge ni ang? Lushai ho ang bawkin thlang an tla ve zel a ni ber lawm ni? Pawiin pawi hlauin thlang an tla lo va, thlang tlak kha kan Mizo pipute chindan a ni zawk lovang maw? Mara pawhin Chin Hills atangi thlang an tla ve zel tho bawk tih kan hria a, a ni chanchin hi chu i kher rih teh ang.
Mizo History-a hriathlawh tak “Thlanrawn Rawt” thu te kha sawi nuam zawng a ni hauh lo. Mahse tute mah an hlauh bik loh zia chu a chiang lawm ni? Lallula’n Zopui khua leh a chhehvel atangin thlang tla ve turte chu a phalna an lak hmasak phawt a phut thu te, Tiau thlang lam zawng hi Sailo ram a ni tia huai tak maia a lo “Keipui sahauh” tlat mai te pawh khan an mahni lo chu he khawvelah hian hlauh tur reng reng an nei loh zia a tichiang a, Vanhnuailiana’n “Muvanlai lah ka kap thla tawh si a, ka chungah hian tunge leng tawh reng ang le” tia tawngkam a lo chhehdan te ngaihtuahin an hun lai na na na chuan “Ni leh thla kara leng” in ti ngamngat kha an ni si a.
Mizorama lal lar tak tak kan hriat zingah Tiau thlang lam vengtu bera an sawi thin Nikuala kha Zahau (Jahau) lal a ni a. A khuaah pawh Pawi tam tak an awm a, Lusei pawh tam tak an awm. Chutiang zelin a ni fate pawh lal an ni zel a, Falam leh a chhehvel atangin an mahni belin mi tamtakin thlang an tlak phah ve bawk a. An ni ho pawh hi Lushai karah awm ve zelin indip hauh lovin an lo awm ho thin a ni.
Similar Posts:
- The Lushai Expedition, 1871-1872
- Bawih chhuah chungchang
- Burma Ram Vanglai leh Mizo te
- Pu Tarmita (J.Shakespeare) Bawrhsap hmasa ber lehkhathawn.
- India/Burma a bet reng tur kan ni lo
September 25th, 2009 at 3:19 pm
hmmm
Report this comment
September 25th, 2009 at 3:20 pm
ka publish hma khan ka chhiar chhuak vek a. a ngaihnawm kher mai!
Report this comment
September 25th, 2009 at 3:52 pm
Hun chep tak kara ziak ka nih avangin spelling leh thumal ka pawlh sual nasa nawk nawk hle mai. Ka ennawn hman leh tawh si lo tunah edit ka tum ngial a, a theih tawh si lo. Hriatthiam theih loh khawpa inziak a awm a nih chuan inzawh mai kan ni a niang chu. Ka lawm e.
Report this comment
September 25th, 2009 at 4:04 pm
i ziak tha e!, Laiking (aka Lai Kings) ho kha chu an hlau tho2. he he
Report this comment
September 25th, 2009 at 4:07 pm
Mama, ka hrethiam lutuk che ania. Keipawh ka ni chiah alawm, hun awm vaklo chung2 hian kan thehlut ve a, thehluh hnu hian a diklo lai ka hmu leh zut2 thin. I ziak tha lutuk tlat.
Kan hrethiam che alawm. Kan lawm e
tra la la la la
Report this comment
September 25th, 2009 at 4:25 pm
twist and shout , u gotta twist and shout..he he
Report this comment
September 25th, 2009 at 4:37 pm
Thlangtlak nen a in zawmin – A zirlaibu ah hian engtin chiah nge maw a in ziah le aw?
Report this comment
September 25th, 2009 at 4:43 pm
thil dang ani lo, sailo ho hian history twist an tum a..lol
Report this comment
September 25th, 2009 at 4:49 pm
A Post opposite zawnga comment in phal em ang chu maw. ka ngaihdan a dik zawk/dik ber chu ka ti hauhlo na in.
British ho hian kum 100 tel teh meuh chhungin khawvel ram hrang hrang an awp a, tute mah hmangaih an neihloh laia Mizoram an rawn hmangaih ta viau mai hi avan lawmawm em. I’s a miracle. “Pathian in British ho hmangin min zawng chhuak” ti thei khawpin min han convinced hneh zui bawka. British ho khan min nuihzat ru thei fuu mahna. Ropui tak ani ropui tak.
ILR hmanga Mizo te hung hran ani tekha keini tan kha chuan thil tha tak pawh alo ni ngei e, amaherawh chu kei mimawl ta chuan, an intention kha chu Mizo te hmangaih tak tak vang anih ka’n ringlo leh tawp pek a.
ILR hmanga hung hran kannih khan an tan advantage tha lutuk ani ve bawk. Kan thenawm lawk a British duhlohna nasa tak (anlo bum fin tawh te) laka min hung hrang thei tekha an tan chuan thil tha tak ani a, Kum za tel teh meuh ram hrang hranga lo practice toh chuan hung hrana kan awm kha awlsam taka min dominate theihna tur ani tih an hriat lawk loh kan la ring tlat dawn emni? an tactic lar tak “Divide and Rule” kha kan tan chuan chimralna lak atanga min humhim tu alo ni hleuh mai tehi a vanneih thlak teh hlauh ngawt mai. Mizoramah economic interest an neilo(neih tur poh a awmlo) tekha kan vannei lehzel ani, Oil tehi lo hmuchhuak toh nise chuan England ah an thawnthla zel mai dawn sia.
He topic hi chu topic lian tak anih avangin ka sawi senglo duhtawk rih phawt mai ang.
Report this comment
September 25th, 2009 at 5:11 pm
Thlang tlak kha kan Mizo pipute chindan a ni zawk lovang maw? teh tawp chuan!!!! Eng vang a ching nge annih? tih hi a relevant zawk emaw kalo tia.
Thlanrawn rawt lo awmna chhan pawh kha, a hma a anlo ngam loh avangin chhiah an pek thin vang te, an awpna hnuai a an awm vang ani zawk lo maw.
It happened to every tribe. khawvel history reng reng ah Lal lo chhuah nachhan chu, indo thin an nih avanga an ralmuan loh vang. tih hi reason bul ber pakhat ani.
Kan Mizo pipu te pawh, Lal an neih hnu thlengin an mahni leh an mahni pawh an indo a, Pawi hi Mizo annih leh nih loh lam hi a relevant lova, Zahmuaka lal atana an sawm lai khan a sawm tute kha tute avanga ralmuanglo nge annih? tute nge an opponent ber? tih hi a relevant zawk in ka hria.
ve mai mai ana.
tawk rih mai teh se, a post tu khi a thinrim loha clean discussion kan neih theih dawn chuan a dang pawh khi kala rawn critic leh ang.
Report this comment
September 25th, 2009 at 5:22 pm
Funny Amen
Report this comment
September 25th, 2009 at 5:28 pm
Mizoram chhehvela British awp theih loh nia i sawi hi tute nge? Chills, Chitagong, India ram pum hi leh Burma ram pum hi British hnuaia awm a ni. MIzoram bik hi indigenous hnam hnuai hnung zawk leh hnam tlemte an nih avangin chimral an hlauhpui em em. Hei hi an thuchhuah atangin a hriat theih. Tin, British ho hi hma khawsang atanga lal nei hnam an nih avangin lal te hi an zah thiam em em, an tawngpawng do ngawt ngai lo. Remna thu an sawipui theih loh hnuah emaw, khawi lai khua emaw an run vanga hremna lek chauh an ni thin. A lanchianna chu Vailen vawikhatna kha Mizo hovin Meitei an va run chiam thin vang a nih kha.
Tin, Zahmuaka pian hma daih hian Mizoten lal an nei daih tawh, Pawi, Lusei, Ralte, Paite te hian lal an nei fur tawh a. Zahmuaka pawh lal fapa naupang ber a ni a, a pa laka ro a khawm ve theih loh avangin a thlah te atang chuan fa naupang berin inpui a luah a, ro an khawm thung a, hei hi Mizo danah kan pawm ta hlawm a ni.
Zahmuaka seilenna kha Seipui khaw lal Hualthana tih a ni am, Seipui khua hi Lusei khua a ni a, a chhehvel lawkah pawh Lusei khua an awm fur a, chumi zingah Lusei chikhat Hnamte khuaah an lal a thi a, a aiawh tur an awm mai loh avangin Zahmuaka te hi an han sawm lek fang a ni. Lal nih hi tuman an chak ngawt lo va, an duh ngawt lo. Ral laka hmatawng nih angaiin lal huai leh rorel thiam a zirin khua leh mipui an him phah thin. Zahmuaka lal hma hian Tlangkhua ah hian Chhanpiala kha a lal daih tawh a, chumi hma pawh chuan a pa emaw a lal daih tawh ngei bawk ang. Chu chu history kalhmang a ni. A hnuah Zahmuaka fate hi an lo parual a, an lo tanrual thiam tak avangin Lusei khaw dangah pawh lal atan an sawm zel a, an lo darh zau ta a, Lusei leh an thuihhnuaiten Zahmnuaka fate chu Lal Chi tiin lungsi takin an lo pawm thlap thin reng kha a ni.
Hnam dang te angin mahni chibil tawng hmangtu te chauh duhsak lovin, an zinga mi chu tupawh ni se, ang khat vekin an en a, chu chuan lungrual takin a luanza tir a, dialect dang deuh hmang te pawhin Lusei tawng an lo hmang zui ve ta zel a, eng hnam pawh ni se, an fel a, an tlin phawt chuan khawnbawl leh upa, pasaltha etc.. ah an dah mai a. Hei hian an huang a tizau a, chumiin a nghawng chu an rorelna chhunga khawsa te reng reng chibing rilru nei lovin zai khatah lungrual takin a fuankhawm tir a, tawng khat vek an lo hmang ta bawk. Hei hi itsik a, sawichhiat tumtu pawh an nasa thin. Mahse, zawlbuk finna in a hrin chhuah a nih miau avangin thu leh hla bakah sakhuana kawngah pawh hma an sawn chak bik em em a, kan unau dangte hmasawnna ngaihtuah phei chuan awhawm tak kan ni ringawt.
Report this comment
September 25th, 2009 at 5:38 pm
China to Shane state, Shane to Kawbaw, Kapaw to Lentlang or Chin hills, and Mizoram.. Mizoram an awm lai hian British rawn lut ta lo se, Bangladesh leh Tripuraa Mizo thenkhat an thlang tla hman ang chiah hian Mizorama chengte pawh hi kan thlang tla zelin a rinawm. Mahse siamtu hian a ruat a ni chek ang, kan awmna awm tawk lekah min dah ta a lo ni ber e. Hnam dang te tan chuan eng teh lua ni lo mah se, Keini mizote tan chuan chhawrpial run a ni ve tlat. Chin hills te khan lo tawm im reng ta zawk se, kan dinhmun tur chu a hriat reng, Manipur, Tripura leh Bangladesh te kha lo thleng phak se, kan dinhmun awhawm loh tur zia mai chu. Chuvangin a hunah tak Mizote hruai chhuaktu hian ro a lo rel fel diam a ni berin a lang e. I lawm teh ang u.
Report this comment
September 25th, 2009 at 5:39 pm
the declare the debate between funny and Zorunpuia open. A ngaihnawm dawn e
Report this comment
September 25th, 2009 at 5:43 pm
A nuam dawn e.
British awp theihloh ka tilova, British awp ram te, British laka HEL ka tihna anih khi. ka ziah danah pawh a chiang reng alawm khi le eka
Zahmuaka chungchang chu ivan hre ril ve, Mizo lal hmasa ber ni a an sawi thin kha a diklo tihna emni? ka hre thui ve hauhlo mai, source ka nei bawk silova.
hei ka tlai exercise lak a hun tlat mai, zan rei lamah kalo hnial leh ang che. hehe tunah chuan ka hmanhmawh lutuka ka ti vak rihlo mai ang. in ngaihtuah na hun ka pe che nimai rawh se
Report this comment
September 25th, 2009 at 5:52 pm
good timing funny. keipoh ka gym a hun. dar 11: 30 velah ka rawn lut leh ang in debate ngaithla turin.
Viva la Lai kings!
Report this comment
September 25th, 2009 at 5:57 pm
Kan thenawm lawk a British duhlohna nasa tak (anlo bum fin tawh te)
Hei tak hi tutenge an nih? tutemahin a tirah British awp an duh hauh lo. Mizote pawhin kan duh loh avangin lal lal ropui Vanphunga, Dokulh a, Ropuiliani, Khamliana, Lalhritla ah etc.. ten nunna an chan phah a, an thih thlengin jail bang an zut phah. Kan hria. Mahse dan theih a ni hauh lo. Chutiang zelin kan chhehvela mite pawhin an duh sa bik hauh lo. Mahse barhluh bawihah kan lut vek. Tute mah India leh Burma ram chhunga chengte hi hel hlen ta sawi tur an awm ngai lo. CHin hills ah pawh British duh loh vanga Tedim vela akn in kah chiam chiam thu te pawh kan hre hlawm ang chu. Mahse a hnuah an tuthlawm vek tho tho.
Brtish awpna hnuaia awm leh awm loh chu thuhran ni se, lo awm ta lo ila, chibil te te in kan indo ang a, mahni khua leh awpchin te tein kan in do fo ang a, chutih karah vai leh meitei ho lakah kan tlu lut hlauh thei, mahni leh mahni indo chu boralna a ni si a. Mahse chu chu siamtun a phal lo a ni ang, chumi boruak awmthei a ta min chhan chhuak a, missionary min pe a, khawvel eng kan lo hmu ve ta chauh zawk a ni lom ni?
Ni e, Zahmuaka lal hmsa fe hian, lusei hovin mahni CHIBIL khua theuhah lal an nei vek. chu chu Zahmuaka thlahte atangin mahni chibil lal te chu zawi zawiin a kiam a, Zahmuaka thlahten lalna an lo chang ta vek mai a, lal ber thlahtu khat tawng khat hmang an lo nih miau avangin an tangrual a, an roreldan a thuhmun a, hei hian an awp lushai group te chu zaikhatah a luan tir ta a ni ber zawk. chumi tichiang em emtu chu mizote khawpui hmasa ber Selesih a an awm lai chanchin atang hian a hriat theih.
Report this comment
September 25th, 2009 at 6:10 pm
@ Zorunpuia chu iva han ziakthui ve mawle,thil hi i chhut ve fu zel chu anih hi mawle.
Report this comment
September 25th, 2009 at 6:12 pm
in chhut bo deih ange aw
Report this comment
September 25th, 2009 at 6:56 pm
Funny leh Zorunpuia te in OT ve ve, he zirlaibu-ah hian mizo history, kan thlah kalzel turte zir atan dikl;o taka ziaha ni a, a ziaktu hi Mizo a ni lova, mahse zirlaibu a telh tlaka ngaia lo telhtu chu Mizo a ni tlat, ka ngaih pawimawh ber chu, mizo nilovin kan mizo history zirlaibu a zirtur a ziaka, mizo a nih loh a vangin a hre dik lo ve thei tho, mahse eng vangin nge mithiam a kan ngaih kan mizo ten a tih dikloh pawh hnawl nachang hre lova zirlaibu a telh tura an lo pawm theih mai tih lai tak hia ni. Ka ngaih dan chuan zirlaia telh tura lo aprove-tu leh education director hian hnam pawi an khawih niin ka hria. MZP ten halin zirlai chapter atang paw’n omit mahsela zirlai tam takin an chhiar tho dawn, chu tak chu a ni pawi ni. He thila mawhphurtu hi sawrkarin chhui chhuak sela an phu tawk ang ngeiin an chunhah action lak ni ngei se ka duh khawp mai.
Zorunpuia, thil i chhut peihin i comment a ngaihnawm a ni satliah lova a bengvarthlak thin e. Lalfunny, i counter attack avangin thu bengvarthlak tak tak chhawp chhuah a ni thin hi a hlu ve khrim2, ngei duh tan chuan i ngeiawm duh daw daw khawp ang
Report this comment
September 25th, 2009 at 9:07 pm
Zohnahthlak Kabaw a an awm lai khan Yazachu(Mizo-in Zazu) khi Shan ho(Kalay & Kabaw vel a tunhma a lo awm Shan ho hi KAWL ho nen in neih pawlin a tam zawk chuan Shan an nih pawh an inhre tawh lo, Kawl-ah a chang vek tawh) awmna a ni a, Shan ho an ngam loh vangin Tlang sang lam panin an darh zo a, Lusei Kabaw a la awm ho leh lai/pawi ho an in do thin a. Lusei ho hian an hneh deuh zawk zel a,Pawi/lai hoin Kalaymyo/Kawlpui (Tun a Tahan awmna khawpui hi, Tahan hi Kalaymyo khawpui chhung a Veng pakhat a ni tawh)a Kawlpa an ruai a,Kawlpa hian bomb a rawn keng a. Bomb nen chuan Lusei ho chu an do ta a, bomb la hre ngai lo an nih vangin a ri lah a ring ropui si a, a hnathawh lah a nasa ropui mai si a, Lusei ho hlau chuan tlang sang lam panin an tlan chia a,Lentlang vel a an khawsak lai khan tram tlak vang leh hripui leng vang khan thlang an tla ta zil niin an sawi.
Report this comment
September 25th, 2009 at 9:30 pm
A va dangdai ang reng ve chepa.. ka hriatdan nen a in ang chiah lo na a, mahse thlang tlak chhan chungchang ka sawi nen erawh a inhnaih thuak tho e.. Lawngtlai lama Pawi or Lai te, Saiha lama Mara te thlang tlak chhan te atang hian a hriat theih a, tu emaw an hlauh vang leh an ngam loh vanga thlang tla an ni bik lo va, thlang tlak zel kha an tum ber niin a lang mah a.. British ho kha rawn lut ta lo se, Zoram hi kan luah kher lo thei bawk awm asin.. a chhan chu thlang kan tlak zel dawn avangin..
Report this comment
September 25th, 2009 at 10:44 pm
Ka chhiar puat puat rih, thu benglùt a tling e, ka zir chiang ngei ang. Zorunpui : Thanx for slating.
Lesson X an tih bìk tak, a soft copy-a rawn târlang thei hi awm se, bih chian neuh neuh ka va chàk ve le.
MBSE President-in FORWARD a ziahsak, tihte ka lo chhiar a; chanchinbu mite, blog lama thuziaktute pawh hian fîmkhur chhuah ta ila. Brig T Sailo Lehkhabu, “A Soldier Story,” kha tlai khatah —evening condensed angin ka hmang a, ka chhiar zo nghàl vek a. Correction ngai lai ka correct a, amah ka pe leh a. FORWARD te kha a lo ziak ve hial a, “I sipai bawk a, FORWARD i ziak a nih hi maw,” ka ti a. Kan meng phàwk a, kan nui ruh ruh a. FOREWORD te hi Lehkhabu thu-hmatheh atân chuan ziak zàwk ila, ka tih vàng mai mai a nia!
Kum AD 2003 kha a ni tain ka hria, MBSE hnuaia Class VIII General Knowledge Bu an chhut tùr kha Press enkawltu pakhat Pu Chhinga (Samuelapa te kiang lawka mi) khàn ka hnènah a rawn keng thleng a; ka’n bih zet chu —CORRECTION siam a lo ngai ve fê tho va; siam hnuah MBSE-ah bawk an approval ngaichânga theh luh leh a ni. A dik lo ang ang khân publish ta se, MZP tâna “Step to CM golden chance” a nih dâwn vei nèn … Revd R. Chhàwnthuama Lehkhabu an hàl zawha hàl ve tùr an ni mai tùr a!
Report this comment
September 25th, 2009 at 10:53 pm
@chawnghilh, heng te hi buannel.com a MZP ten an thur chhuah chu a ni a, a mal mala chilh ka chak viau a, hun ka nei rih si lo, a chunga ka tarlan tak hi a pawimawh zual, hnam issue tling nia ka rin avangin ka han ti hram mai pawh a, hun a tlem hle mai..
MZP in Mizo chanchin a dik lo nia an tarlante chu:
1. ‘Warm up’ tihah Mizoram ramri hrang hrang sawiin, Tripura-in khawchhak leh Myanmar-in chhim lamah a ri tiin a ziak.
2. Zirlai pangngai, ‘Reading’ tihah 1st para, last line-ah ‘Mizo tihawmzia chu tlangsanga cheng tihna a ni’ tiin a inziak.
3. 3rs para-ah Mizo hnam hrang hrang a tarlan zingah a tawp berah Chakma a tel. Lai leh Mara te pawh hnam hming put duh tawh loh Pawi leh Lakher tiin a inziak.
4. 3rd para-ah tho ‘Lushai ho chuan Pawi ho run an hlauh vangin ‘Lal’ (Chief) an nei’ tiin a ziak a, ‘Lushai-ho chuan an lal Zahmuaka fapa parukte hming chawiin hnam parukah an inthen hrang’ tih a inziak bawk.
5. 6th para (phek 99) first line-ah Lushai ho chuan chhimlam Pawi ho nena an indo avangin British puihna an mamawh em em a, mahse British ho chuan an ram an an tihbuai an hlauh avangin Syhlet, Cachar, Tripura leh Manipur te chu 1826 – 1844 inkar velah an rawk a, hei hi British hoin chhangletin kum 1844-ah Capt. Blackwood chuan Mizo Hills a bei’ tiin a inziak. ‘Hemi hma deuh hian Suakpuilala’n British ho chu remna siampui a, a ruka phatsanin a bei let a, kum 1862-ah Syhlet biala khaw pathum a run a, kum 1869 leh 1871-ah Loharband, Moniarkhal leh Cachar-te beih an ni leh a, Mizoho ri vela tharum thawhna tam lutuk avangin British sorkar chuan Expeditionary Force a tir hial a, Mizoram chu kum 1872-ah la felin, 1895 declaration angin Mizoram chu British India-ah dahfel a ni’ tiin a inziak.
6. 6th para tawp lam (phek 100)-ah chuan ‘ritish ho chuan kum 1872-ah Innerline System siamin, foreign missionary chauh Mizoramah luh an phal a, hei hian Mizote chu an zavaiin Kristianah an inleh phah a ni,” tiin a inziak ani.
7. 7th para (phek 100)-ah chuan ‘Mizote chu hnamdang tlawhpawh loha an inkharkhip rei lutuk avangin an handicraft-te chu a thih mai a hlauhawm hle.” tiin a inziak.
8. 8th para (phek 100)-ah Mizo puan chi hrang hrang a sawi a, chutah chuan ‘kawrchei’ a tel a, hmar-am chu puan anga ziah a ni.
9. 9th para (phek 100)-ah Khuangchawi laiin pathian biakna lamin an lam thin a, lamte chu vanrama an kal an beiseina vanga lam anga ziah a ni.
10. 10th para (phek 100)-ah Mizorama khualzin hiptu hrang hrang a tarlannaah, ‘Mualcheng khaw bulah Buddha thla/lem a awm a, chumi en tur chuan khualzin tam tak kum tin kal thin’ tiin a inziak
Report this comment
September 25th, 2009 at 11:26 pm
@Zorunpuia : A text ang chiah chiah a nia ka tih zàwk tak chu! A làwmawm e.
Khitah khi chuan, ngaimawh lai an pir thlèr nasa tawh deuh.
I rawn tihchhunah ka hlàwk phah hle.
Report this comment
September 25th, 2009 at 11:35 pm
@chawnghilh, hei hi han click zeuh mai ta che:
https://img29.imageshack.us/img29/2153/evepost.jpg
Report this comment
September 25th, 2009 at 11:40 pm
He post chu a hlu in a bengvar thlak hle mai, comment khian min ti bengvar zual @Zorunpuia thil chhui neuh neuh i peihna hian mi tam tak hnen ah kan culture, tradition leh History te min hriatchian tir thin, a lawmawm hle mai.
Chawngchilh nen hian misual.com tiphuisuitu leh ti ngaihnawm ber ber tu te in ni han ziak zel teh u !
Report this comment
September 25th, 2009 at 11:44 pm
@amanda : Ni lo phi-hrit! I tingaihnawm thiam daih zawk!
By the way, MZP hian website a nei ve tawh em? Neih ve chu a àwm viau tawh … an ngaihthah cheu a la nih chuan …. tùnlai chhana ZIRLAI PAWL standard sâng vak lo an ni mawlh ang! Nei teh se, nei tura ngaih an ni! Mei chelek ai chuan www lamin hma an la chak zàwk ang. An zingah web khai thiam an awm ve dâwn lo’m ni?
Report this comment
September 26th, 2009 at 2:02 am
Ngaihnawm hle mai. Historian tak tak kawl trawng luhchilh thei te, Sap ram archive haihawng thei te, Chakma leh Cachari leh Bengali ho thuziak hlui leh Meitei ho thuziak haihawng tel thrangthar mihrat kan mamawh.
Han ziak zel teh u. Heng research ti thei tur hi sawrkar hian tranpui sela. Pu Lalthangliana te approach aia changkang leh reliable deuh mithar mithiam kan mamawh tak zet zet.
zorunpuia i tihthra thrin hle mai.
Report this comment
September 26th, 2009 at 8:31 am
Tùn dinhmunah chuan MZP an chungnung hle. School Directorate leh Board of School Scholars (Academic Officer)-te ai pawhin MZP hian a score sâng zàwk. A score dàn erawh meichhêmin! YMA pawh Congress Ministry chuan NLUP thlèktu atân phungbawmah a sâwm a, MZP pawh thiam takin trhiana siam a tum mêk a ang… VAR HUK SORKAR-in game a lo khel ve char char bawk hi thlîr thiam ila, kan va indaihzai hlawm tak!
https://www.mizoaw.com/phekhnihna.htm
Report this comment
September 26th, 2009 at 3:48 pm
Thlang tlak loh kha tih tur kan nei em aw ka ti ve mai mai thrin. Chhak lamah kawl hnam civilized an awm a, nek rual an ni si lo a, kan eizawnna lah shifting cultivation a lo ni bawk a, chhak nawr tur a awm lo a, thlang nawr tur ram thra a tam si a, kan nawr thla tlang ta mai niin kei chuan ka hria. Pawi emaw, lusei emaw, hmar emaw, paihte lam vang ni loin zo hnamte kha chhak lam kan nek theih loh avangin a ram awl lam kan pan mai ni tur a ni, Arakan-te pawh a la ruah rei em kha, Bru-te pawh an vak an vaka chhak lam deuh lek lekte an nawr a, an zawn chu ram awl a ni tho tho zel a ni, nomadic tribe tan chuan a nek awl leh ram thra thra nawr mai loh chu tih tur awm hek lo le…
Report this comment
September 26th, 2009 at 4:01 pm
Han ti ta zel ila, MZP-te hi kan hnam hian a mamawh, zirlai ni lovin, MZP hi hnam meichher an ni ka ti ve tlat, deuhsawhna te, sawiselna te etc. an dawn zawng zawng pawh an ngawihbopui thei vek a, hnam meichher an chhi nung reng a ni, MZP hi hnamin a mamawh,hnam issue tling a awmin kan mamawh zia kan hre fo, la awm rih rawh se, hnam intodelh leh hnama chiang kan nih hnuah chuan kan mamawh lo chhawm ve mai ang…
Report this comment
September 26th, 2009 at 4:49 pm
Kan nghial hrat tukhum pawnga chu zan reiah ka rawn kal leh ang a ti si a.a va rawn chhuak leh har si ve….nge…a hriatna a la muk loh zia a in hre chiang deuh tawh nge??
Eng hre chiang hle lova lo pawt ve chiam chiam pawh hi a fin thlak ber loh.mahse…lehlam zawng tak chuan trhatna lai chu a awm.Thu kan hriat belh tam phah.
“Eka” han in tih tlawng te khi trul ka van ti lo ber.
zahzelah “ka thu hriat duh vang in ka cho thinrim” a ti leh jeih ang chu.
Report this comment
September 26th, 2009 at 5:49 pm
Language pawh nise a thu inziak dik hmang mai teh se,ka ti deuh a ni.
Report this comment
September 26th, 2009 at 10:13 pm
Comment puitling tak tak in hnutchhiah avangin ka lawm hle mai. Ni e, MZP hi kan mamawh ka ti a, an tih loh tur an tih palh a awm thei e, mahse keinin kan ngaihthah mahse an nin mipui an finchhuah fo thil hi sawi tur a tam zawk viauin ka hria. Hnam in unauna kawngah te, Mizo nationalism kawngah in tuai thar bakah ramri chungchangah hlei hlei hian a thawhhlawk ka ti khawp mai. Tin, zirlaite tana thil tha tur leh chumi kawnga thil felhlel awm thinah nasa takin theihtawp an chhuah thin a, Mizo Zirlai pawla a upa ber a, a changtlung ber bawk a.
Chak lutuka an tlan a rem lo va, muang lutuk a a kal a rem lo bawk thei e. Hringnun inthlak thleng mila zawi te tea kal dem dema, tluak sual palh theih thila fimkhur hle turin ka duhsak a. MZP dam reng teh se.
Report this comment
September 27th, 2009 at 4:15 pm
sorry just having a hot weekend, very very HOT.
bawmrang a chu min van lo ngaih hmel tawh ve
Report this comment
September 27th, 2009 at 4:17 pm
funny, hmarcha i ei teuh tihna em ni
Report this comment
September 27th, 2009 at 4:24 pm
Pu HV. teuh nang. I was working on simethin very very hot “Atomic HOT” ani e
baker ah kan trang lawk alawm le.
in comment ka chhiar a ka HOT lehzual in ka hria. hehe
Report this comment
September 27th, 2009 at 4:41 pm
Liquid Hydrogen te hi ilo in teuh ange nangpui hi
fiamthu
Report this comment
September 27th, 2009 at 6:02 pm
Ka bo rei lutuka topic a HOT tohlo zo vek, tlai khawhnu ah tawite in kan rawn ti veleh hram ange.
triplestar: Nia a post tupa khian a tir atangin thil relevant vaklo a rawn sawi sa ve khrim khrim a, ngei lam kha chu min ngei duh tlat te an awm chuan minlo ngei khan ka hlim phian zawkin ka ring. If I’m not a Good guy, I’m quite happy being a Bad guy
Nuam ve khrim khrim alawm hetianga han pawwt vel hi.
Bawmrang: eka.!! eweweweww
Zorunpuia: mizo history i tuina ah ka eppreciate khawpmai che.
Report this comment
September 27th, 2009 at 6:20 pm
Thill pakhat ve mai mai chu, bias miahlo a thil kan analyse dawn chuan religion te thleng hian kan strike out angai. We shlould not be biased to our religion.
Mizo history lamah chuan ka chhuanawm loh angreng viau ah, kalo hriat thin kha a diklo emni dawn tiin internet te kan rawn a, kalo hrait dan ang zulzui in anlo ziak ve tho mai. a link hi en teh u.
https://mizotourism.nic.in/history.htm
5th para khi, “This, in turn, resulted in the development of a form of a social order and eventually the system of Chieftainship in the late fifteenth century. The first Mizo chief was that of the Lusei clan named Zahmuaka, whose descendants went to rule over vast tracts of the hills.”
a dik leh dikloh ka hre ve hauhlo a, mahse ka hriat chhun chu, khi khi a diklo anih chuan, kan history source tamtak hi a diklo tihna a niang.
Report this comment
September 27th, 2009 at 7:00 pm
funny, heti zawk tur hi a ni maithei. I link dah achhuak theilo, kan dah that sak mai che. No offense.
https://mizotourism.nic.in/history.htm
Report this comment
September 27th, 2009 at 7:12 pm
Pu. HV thanks. i link dah khi a dik zawk e.
Hei ka awmloh laiin minlo liak erh hlawma.
kan thil sawi tum hre ve reng chunga mi hnial nana twist kual ching hi ka titi rei pui peih vaklo deuha, chuvang British lam hi chu kan hnial zui hram tohlo ta mai anih khi
Report this comment
September 27th, 2009 at 8:06 pm
Eh. lawm awm hle mai hetiang chhiar tur te i rawn tarlang thlapa.Fel hle mai.Tiang lampang thawh khawm hi a tangkai hle.Hnam upa ho chuan kan history ang zat lek hi nei se chuan an vawng chang nilovin an tu leh fate zawng zawng ei zoh loh hlau in an barh mial mial lo ang tih hi dawt a tih ngam mawlh loh.Hetia thawh khawm diat diat hi hun a hril a thun belh tur a awm zel ang a kan chiang tual tual don lawm.
Report this comment
September 27th, 2009 at 9:05 pm
@Zorunpuia: i ti tha em em tih mai loh chu sawi tur dang ka hre lo.A hnuai a mi te hi lo ngaihtuah zui a tan:
1)English subject a ni hlauh a,history bu a ni lo naa,a chapter paih a nih chuan a lehkhabu pum a kan zoram lan ve na awm chhun a bo daih ang, dik deuh in ziak tha se la.
2)Kumkhat dawn an zir hman tawh a kan che tlai mah mah,mahse a tha tho ve kan ti mai dawn nge?
3)MBSE hian zirlaibu an thlak zing lutuk hi a lo pawi khawp mai.Kum 2/3 danah an thlak ang a ni hial ang.Zirtirtute an bel hman lova.naupang tan zawhna hlui a tang te a inbuatsaih lawk a har bawk.lahkhabuhlui in chhawm turte a buai zo va.Bookstore tan copy kawl trawl hlauh thuah an mangang fo bawk. india ram zau zawk ah kan zuk inchiah ve dawn a nih chuan CBSE/NCERT leh khabu te hi hmang ve mai ila.A tlawm fe bawk.A standard a sang zawk bawk.(corruption a ti tlem bawk ang ?)
4)ILP chugchangah hian a nihna diktak thangtharte hriat turin a bu siamin zirchian ni se la.Kan ram tan a tha turin siamthat remti bawk ila.Khual zin tha mi te tan a awlsam turin thlahdul tial tial bawk ila(SIKKIM angin) .BEFR 1873(the bengal eastern frontier regulation) kumpinu in burma sorkar nena Anglo-burmese war 1824-26 hnu a Assam an rawn awp tak hnuah Map leh ramri siamfel nana he regulation duan chhoh hi, Phai zawl ram tha chin a an sumdawnna tibuai thei tute tlangmi hnam mawl ho dan nan leh phai lam miten an lo va chhaihkawlh loh nan leh min dan nan a siam a nih zawk kha. phalna bik nei lo tan ramri kham chin The Mcmohan Line -INNERLINE an tih chu pelh phal a ni lo va.
He innerline hi Assam phaizawl dep chin zawng zawngah rin a ni a (Manipur,arunachal,nagaland leh assam district thankhat in an neih zawm chu Manipur CM in an state tan 1950 khan a hlip ta daih a nih kha)OUTERLINE erawh chu siamfel nghal a ni chiah lova,a tul dan a zir a zauh zel tur a an ruahman a ni awm e.
VAILEN vawihnihna hma thil a nih a vang leh mizote hnam leh ram anga kan awm hma thil a nih a vangin kan tan liau liau vai dan nan a siam chu a tirah ni lo mahse a hnu zelah siamthat hlek hlek in remchang deuh in min dan beh an tumna chu anmahni zawk dan nan kan la hmang thei hlauh ta zel pawh hi a nihlawhthlak hle mai.
Amaherawhchu he kan thil roh leh bahhnukte ni hial a kan ngaih hi kan mithiamten zirchiang teh se!,
Khawvel danglam zel milin kan legislator te pawhin siam that angaih pawhin Amendment te siam zung zung se,chuti a nih loh chuan Parliament ah sawi chhuah zauh zauh a ni tawh si a, kan thlamuanpui reng thei lo vang tih hi thil awm thei a ni ta.
Tin, ILP kan hmachhuan lutuk hian min ti sawngnawi rei thei bawk ang tih a rinawm.
Report this comment
September 28th, 2009 at 3:19 am
@Funny, i rawn tarlan (english) hi Mizoten Lal chi (Chief clan) bik kan lo neih tan dan a ni a, a dik em em. Mahse he mi hma Zahmuaka lal tan hma hian Lusei ten mahni chibing te tein khua an nei a, lal an nei deuh vek tawh a. Lusei khawpui ber leh chapchar kut an hman tanna khua Seipuiah chuan Hualngo lal Hualthana a lal daih tawh a, a ni hma hian an pu pu leh Pu Luseia pawh a lal daih tawh mai thei bawk. Luseia hming chawia Seipui tih hming lo pu pawh a nih a rinawm. Hmanlai zawngin Luseite chuan Seifate an in ti thin a ni. Tin, Nguaungo hovin Zahmuaka lal hma daih hian Lal an nei daih tawh a. Hnamte ho pawhin an nei daih tawh tih a chianna em em chu Zahmuaka lal tanna khua Tlangkhua kha an lal chu Chhanpiala a ni a, a thih avang chauha Zahmuaka hi lal ta zawk a ni a.
Lal chi tih turin tumah an awm hran lem lo va, mi inpe zo leh khua leh tuiten tha nia an hriat kha an lal tir mai thin a nih hmel a, chutiang chuan rei tak an lo kal ve thin a, Zahmuaka hun atang hian a fate an lal zel a, chuvangin Mizote Zahmuaka thlahte chu Lal chi tiin an lo vuah ta a. Chu chu tuna mizo history websitea i rawn tarlan chiah hi a ni a, an tarla chin hi chu a dik em em tho a ni. Mizoten lal chi kan neih tan dan a nih miau avangin. Ka lawm e.
Report this comment
September 28th, 2009 at 11:36 am
@darchhunval Says:
ILP kham dawn chuan Parliament lam pang atang chuan independent min sih mai te poh sawi se kan hlawkpui mial zawk lo maw ha..ILP system hi chu hlih tha ka ti map lo mai.A hming in engemaw thutah ti hian awm ve mai mai rawh se ti ila a fuh zawk lo maw.Kan duh leh a hman dan lam thuah chuan Mizo mipui ten kan thlahdul thei tho dawn lawm ni?A marawh chu paih bo hmiah mai chu a chhar leh a buaithlak ang hnam tlem mingo hnam awmzat pawh phak lo kan ni si.Mingo ho hi chu Continent an awp a nia.Keini rambial zim te awp te hi chuan dan neih teuh a tul thut a hman tur hmanrua kan mamawh a lawm ka hmuh dan ve mai mai chuan
Report this comment
September 28th, 2009 at 12:31 pm
Ni e, ILP hi paihbo chi a ni awzawng dawn lo va, mahse kan hmandan leh kenkawhdan erawh kan her danglam hret hret tur pawh a ni ang a. Chumi tur chuan hun lo kal zel tur dawn rana kan khawihchet a pawimawh bawkin ka ring. Paih tawh chuan chhar leh mai a theih tawh dawn loh tih hriat ngei bawk tur a ni.
Report this comment