– via user S.Dala (aman a hranpa in a rawn post a mahse tlem dik lo deuh a awm vangin keiman ka rawn post ta zawk)
Tlailam ruah Aizawl leh a chhehvel a sur nasa tak in chhiatna rapthlak tak a thlen. Zanin tlaia ruhsur khan Muthi luia sabereka khuangkaih chuan motor a hnawl a. He motora chuang mi paruk zinga a hma a chuang te chu motor chawpin a hnawl a.
Vanneih thlak tak in a hnunga 3 chuangte chu an insaseng hman a ; a hma a chuang pathum techu tuilian chuan a la a tun ah hian mipahnihte chu motor chhung ah thia hmuh an ni a pakhat an la hmulo. Heng an hmuhte pawh hi chirhdiak leh hnawlin a bawm nasat a vang in tute nge an nih hriatchian a la har deuh. Tui hi a la tam viau in chet a la harsa deuh ni in ansawi.
He motor neitu hi R.Lalruata Chhinga Veng niin amakpa Rualkhuma pawh a hma a chuang ningei in an hria. Thu hriat chian theih a la nilo.
Similar Posts:
- Mizo thalaite eizawnnan : Brick siam
- Hnathawh hi
- Ruahsur vangin chhiatna thleng leh!
- Ruahsur nasa tak avanga chhiatna thleng thenkhatte
- Chief Secy. Car leh Bike insu
September 26th, 2009 at 1:42 am
Muthi lui zel zel hian NH-54 hi a kala, Tuirial airfield peng chhak kawipui atrang khan Bamboo link road laih ani. He kawng thar laih hian Muthi lui a kan. Helai a kanna laiah lo hi chuan muthi lui in motor a hnawl theihna mhun dang a awm awm ka hre lo.
Vanduai chhungte kan tawrhpui tak zel. tunlai hian tlai lamah ruah a sur vak zel mai. Zanin tlai pawh kha a uar viau ka ti reng ani.
Report this comment
September 26th, 2009 at 3:42 am
A va pawi ve le. Muthi Lui hi a awmna ka lo la hre ngai lo, ka mitthlâin Zuangtui piah Durtlâng hnuai lam atanga Muthi inkâr chhuk chho tùrah khân ka’n ngai thla ringawt a; mahse, lui a awm ka hre zeng si lo. Ka bo ru viau.
Pu mzvision nèna kan chat-in, min rawn hrilh a, pawi tihpui bàk han tih theih vak ka nei si lo.
September thla tàwpah heti khawpa ruahtui tla ta mai chu … khawvèl hi a kalphung a chiau-hiar ve ta a ang hle mai, khawhar chhûngte leh hliam tuarte ka tuarpui hle mai. Vànduaina hi he khawvèlah hi chuan a la kiam thei rih si lo. Mizo tlàwmngaihna kil tin atanga rawn inhàwrkhàwm leh tùr chuan ka lung a tilêng hle mai, vàna vàntirhkohte pawh a surprise nawn ve hial ang!
Report this comment
September 26th, 2009 at 3:57 am
An van vanduai rapthlak vele aw. An chhungte tan a hrilhhai thlak awm mange aw. Huiham
Kum 1987! Mizoram hmun hrang2 a min vak kum ( minpui kum an tih ve tho)khan, Thingsulthliah hospital quarter(PWD ta!) AR work ka thawh lai ani a, Thingsul leh Tlungvel inkar kha a min nasa ngang mai a, tah chuan kawrte pakhat ah SBRKK hi a awm pek alawm mawle. Khawchhak lam unau inhlawh kawr ruam chunga buk sa chu a hnawl ta a, a nau zawk chu Theipui zung ah a uai tang thei a, tichuan a rawn zualko ta alawm.
Zankhua a kan zawn hnu ah a tuk chawhnu her lam ah an buk awmna thin atanga mel 6 vel a hla ah thingzai pa ruang chu thing luang tlu zar ah hian a lo in bat zuk hmuh a ni ta a. A lainat awm zia kha aw, hemi ka ziah lai hian ka mitthla reng mai.
Hemi kum kha chu a fuhlo hrim2 ni berin ka hria. Thingsulthliah thlan a min vak mai bawk a, phum nawn tur kha an awm nual mai lehnghal a, an chhungte an lainat awm duh kher mai.
Hemi kan ti zo kha chu, thlanmual chhuk dawn chiah a, kawngkawi a in chhung ah khan kan lut zut mai a nih kha mawle. Rim na lam theihnghilh na kan lem sup sup mai.
Report this comment
September 26th, 2009 at 4:08 am
Rim nâ theihnghilh nân rim dang a awm ta a ni ber mai maw?
Saberekakhuangkaih han tih hian Mâfàa leh Joseph Râlte leh an ziaktunu Zaii tè reuh kha … a victim tùr àwm angah ka’n suangtuah LUI ngawt a —ka suahsual vàng vek a ni!
Ràlkhata tlâng paw chêk khi Muthi Tlâng chu a ni, Muthi Lui chu a hla lo mai thei le … ka la kal ngai lohna a ni chiang bal —
https://img132.imageshack.us/im.....08281s.jpg
Report this comment
September 26th, 2009 at 6:33 am
A date ziak tel thei ula a va tha awm ve.
Report this comment
September 26th, 2009 at 7:26 am
OT zuai : Larry King leh Iran President interview chu —Larry-a’n a va hneh salh salh ve le aw! September 25, 2009 zana interview … lo en ve mawlh ang che u.
Report this comment
September 26th, 2009 at 8:35 am
A van pawi ve le, ruang zawn pawh a buaithlak ngawt ang le, sarthi hi chu an mahni leh an chhungte hi an khawngaihthlak hranpa ve hrim2 ka ti, SBRKK hi khaw that en uar lai pawh hian a lo thleng thut thei tho mai a, chuvang chuan Fur intan atanga favang chho hi chu Lui lamah hian fimkhur zual hram hram thin ang u. Lawi bo hnu a lawi kawng khar ang êm chu a nilo ang chu maw!
Report this comment
September 26th, 2009 at 1:32 pm
A pawi tak zet a ni, ka thianpa pa a tel ve leh nghal. Ka tuarpui takzet a ni.
Report this comment
September 27th, 2009 at 6:22 am
A boral/ motor a chuang te emaw pawh an hming a sawi theih em aw? Hria chuan han sawi teh u a, a pawi dawn em ni. Rilru ah, “hmelchriat te an tel ve em aw,” tihna a awm reng mai.
Report this comment
September 27th, 2009 at 6:29 am
@HV : Media, newsman-ten an chhuah loh hi chuan engemaw a awmah ngai ve mai ila!
Report this comment
September 27th, 2009 at 7:21 am
hmmm, mi thenkhat thi a puanzar theih a, thenkhat chu puanzar ngamloh an ni tihna lam em ni? Ngaihtuah avan ti thui zual ve. Mi inhrilh ruk sep sep la hre ve phalo chin ah ka awm tihna ava ang ve
Report this comment
September 27th, 2009 at 8:57 am
Sabereka-khuangkaih chu a lo ni lo luite tuilian an zuam sual a ang zawk. Mithite –
1)Rualkhuma Royte kum 65 Chhinga Veng
2)Ratmeshwar Borali kum 45 Bulldozer Operator
Ruang zawn mek – 1) Motor khalhtu Malsawmdawngliana kum 25 s/o Thuamluaia Sesawng, tuna Electric Venga khawsa 2)Lalmama Ratu Handyman 3)Laltinchhunga kum 20 Burma lam mi 4)Lalfamkima kum 27 s/o Thanhlira (Fam) Chhinga Veng
Ruang zawn hi CYMA in veng hrang hrang area hran hran a thren felin Sunday pawh awl awm lovin beih mek ani.
Pick-up MZ-01B6677 hi R.Lalruata Chhinga Veng, PWD Contractor ta ani. Aizawl lam pana Bamboo link road a hnathawk lo haw an ni.
Kan han update zel ang chu Zoa tlau han che se thra lehzual tur tunlai a reh kher mai
Report this comment
September 27th, 2009 at 9:06 am
Pu mz, a bengvar thlak e. Kan in misguide tep hlawm anih hi mawle.
Report this comment
September 27th, 2009 at 12:36 pm
Ka source ka lo ziak lo Evening Post. An ti lawmawme
Report this comment
September 27th, 2009 at 12:56 pm
LPS Special Report-in a tarlan dan chuan Driver Malsawmdawngliana fapa Birthday (Kum 1-na) hi an chetsual ni chiah kha a ni a. A pa hian a fapa ngaih em em Birthday (Kum 1-na lehnghal) avang hian an in thlen thuai thuai a nghakhlel hle niin an hria a. Chuvangin, “Kan chhuak thei mai dah lawm maw…” tiin luite hi a dai lui ta niin an tarlang a — Ka rilru a khawih takzet a. A (an) tan tih theih engmah ka nei ve si lova, a kalsan tak a chhungte tan thahnemngai taka lo tawngtai mai hi ka tihtheih tawk a ni rih e.
CYMA lamin kan veng lam zawnni an rawn siam ve hunah chuan thawhchhuah ve ngei ka tum ringawt. Hawkdak kala zuk kal ngawt lah mi tan hnawksak nih a hlauhawm bawk si a.
Report this comment
September 27th, 2009 at 2:19 pm
Tuitla ruang zawnna a kal ve kan thianpain tun maiah khan Tuirial Lui mawng atangin min rawn phone a. Vawiinah ruang 2 an hmuh belh a. Tute nge an nih tih erawh min la hrilh mai thei lo.
Ruang an hmuhna hi a sawi dan chuan Tuirini mawngah leh Nausel bul lamah a ti a. Signal a chhiat em avangin a tawng ka hre mumal thei lova, ka sawichhawng dik lo mai thei.
Ruang 2 dang la hmuh lohte chu nula tlangval tlawmngai ten ngawrh takin an la zawng mek zel an ni.
Report this comment
September 27th, 2009 at 3:54 pm
Ruang 4 zawn mekah 3 hmuh ani tichuan ruang hmuh tawh zz chu 5 tihna ani. ruang pakhat la zawn mek ani. Vawiin-a ruang 3 hmuh te hi luidungah rawn chhoh pui mek ani a, identify chiah an la ni lo. Source – Evening Post News SMS
Report this comment
September 27th, 2009 at 4:10 pm
Pu mz, anih chuan motor ah khan engzat chiah nge chuang le aw. An tla vek nge, a then an him. I source a fuh hmel bawk a, i sawi chauh awih kimchang hrih teh ang
Report this comment
September 27th, 2009 at 4:38 pm
Ruang an hmukim chiah e. Mi 10 an chuang 6 an thi anih chu 4 an him
Report this comment
September 27th, 2009 at 4:46 pm
Pu mz, ka lawm e i rawn sawi chiang zel a.
Oh oh, a van rapthlak vele.
Report this comment
September 27th, 2009 at 5:48 pm
@HV
WOW hi tragic lam deuh express nan hian an hmang ngai lo emaw ka lo ti a. nang USA awm berin i rawn hman takah chuan kan zawt mai mai che. chawnghilh a hian han explain sela NOI
Report this comment
September 27th, 2009 at 6:55 pm
mutchhuak ziah sual a nih kha. wow = expressions on surprises, great wonders or amazement’s.
Report this comment
September 28th, 2009 at 2:56 am
Tuilian dai sualna hmun LPS video chu:
https://www.youtube.com/watch?v=X2gKt0V-P6E
Report this comment
September 28th, 2009 at 6:45 am
A va han pawi tak em! Mizo tlawmngaihna chawimawiin awm zel se, khawhar chhungte Pathianin awmpuiin thlamuan zui zel se tih hi kan tawngtaipuina a ni e.
Report this comment
September 28th, 2009 at 11:15 am
An ruang hi nimin tlai dar 3 vel khan hmuh kim a ni An rimchhe tawh hlawm khawp mai. Famkima (Puitea)Chhinga Veng leh Lalthlamuana, Ratu hi an ruang lo inthleng palh a ni a, nizan la la khan inthleng an ni bawk. Tihian he chetsualna avanga nun chan tate chu-
Pu Rualkhuma Zote, Chhinga Veng
Malsawmdawngliana, (Driver) Electric Veng (Sesawng khua)
Lalthlamuana (Handyman) Ratu
Lalrinchhunga, Bethlehem
Lalfamkima, Chhinga Veng
Rameshwar Borali, Assam (Bulldozer Operator)
Report this comment
September 28th, 2009 at 11:50 am
Zokhawthar-ah Salvation Army Thalai chuanna City Rider Bus accident-ah mi 3 an thi tih thu leh engemaw zat an inhliam thu Zozam Times-ah a inziak thar leh tlat mai! A va pawi thui tak thin em!
Report this comment