Evening Post: Tunhnaiah ruahsur vanga nunna chan pahnih an awm tawh hnuin nizan ruahsurah khan pakhatin nunna a chan ve leh a, hmun thenkhatah leimin leh In chim a awm bawk. Nizan dar 8:00 vel khan Chaltlang Lily Veng huamchhung, Sairang road (New Bagha tia hriat) ah kawngchhak lama lung tla in Vanlalringa In, assam type a deng a, lung hian Vanlalringa nupui Lalrintluangi (27), fa thla 8 mi pai lai chu a lu-ah deng fuhin Aizawl Civil Hospital panpui nghal a ni a.
A lu hi hmun 10-ah thui niin thi a tling bawk a, tukin dar 7:30 khan a hliam tuar loin a thi. He chhiatnaah hian midang hliam an awm lo a, Lalrintluangi hian a pasal leh fa 4 a kalsan.
Nizan ruahsur lai, dar 9:00 vel khan Edenthar Vengchhak, Chanmari West nena an inrina bula mi H. Ronghaka In, assam type chhawng hnih chu lei chimin a hnawl tlu a, In chim hian a thlanga Sanghmingthanga In chu a delh tlu tel bawk. In chim hian mi 6 a hnawl tel a, an zinga mi HB Kapthanga (74) chu a malpui veilam a thler a, a khabe-ah hliam tuar bawkin damdawi Inah dahluh a ni a, In chimin a hnawl tel midang 5 chuan hliam an tuar a, damdawi Ina admit ngai erawh an awm lo.
H. Ronghaka In hi chhungkaw 3-in luahin a chung hi Lalngaihsaka te chhungin an luah a, a hnuai hi Lalpianmawia leh HB Kapthanga te chhung hian an luah bawk. In chim lai hian In chungah mi 3 an awm a, In hnuaiah hian mi 3 bawk awmin Lalpianmawia fanu chu kawngka bula a din lai niin leimin tur hmu hian a tlanchhuak hman a ni. Kapthanga bakah hian Lalpianmawia te pafa hi an hliam na leh deuh a, ngaihtuahawm erawh an ni lo. A thlana In a delh hi Chhimchhingi te chhungin an luahlai a ni a, Inchhunga awm mi 4 te chu an insaseng hman lo a, hliam na erawh an tuar lo.
In chim hi vawiin hian khawtlangin a senghawi hna an thawk nghal a, tukin khan In chima chhiatna tawkte tan vengchhungah vehbur khawn nghal niin bialtu MLA bakah Aizawl DC atangin a hmun hi an tlawh nghal a, chhawmdawlna awm thei te ngaihtuahsak nghal an ni.
Similar Posts:
- Ruahsur nasa tak avanga chhiatna thleng thenkhatte
- Lightning strikes two dead at Sihfa Village
- Ruah leh thli avanga chhiatna Serchhipah
- Bethlehem veng leh college vengah misual an che kual..In pakhat bike 8 leh car 4 hal..
- Aizawl-Lunglei Sumo Accident ah 2 thi
August 11th, 2010 at 1:38 pm
A va pawi thrin tak em, engchen nge kumin chhungin ruaha la sur ang le…
Report this comment
August 11th, 2010 at 1:39 pm
A va han poi thrin ve le
Report this comment
August 11th, 2010 at 1:39 pm
A pawi thin ngawt mai. Hlawhtlinna atana ruahmanna (plan) tha pawmawh zia chu. Kan hlawhtling kawrawng a ni ta ber e. Khawhar chhungte Pathianin awmpui se..
Report this comment
August 11th, 2010 at 1:40 pm
tun kum chu khawvel pumah ruahsur nasat avanga chhiatna tawk an van tam em!
https://www.boston.com/bigpictu.....istan.html
Report this comment
August 11th, 2010 at 1:44 pm
A pawi thin ngawt mai. Khawvel tawp a hnai ta a ni ber e
Report this comment
August 11th, 2010 at 1:45 pm
A va pawi tak em! Inrinlawk a har si … “thang awk angin chawplehchilha boralna” tih thu nen a danglam tam vak ta lo! Fimkhur sen a va har tawh tak em!
Report this comment
August 11th, 2010 at 1:49 pm
A va tam tak ve kumin chu….
Chhiattawkte, a bikin a pasal leh a fate 4 kalsantu pi Tluangi te khi ka tuarpui takzet e
Report this comment
August 11th, 2010 at 1:50 pm
A pawi thei hle mai, engpawh nise kan sawrkar tan hi chuan Fur dawn hnaih ah hi chuan Silpauline neih teuh hi a fin thlak mai thei :lol:
Report this comment
August 11th, 2010 at 1:53 pm
Kan insak dan zawka hi zirchian a hun ka ti. Ruah sur vanga chhia nge a nih a, kan sak chhiat em vang zawka chhe zawk? tih hi a ni. Kan in sak thenkhat hi chu ruah sur loh lai pawha rilru khingbai taka awmna tur renga sak emaw tih a awl khawp mai.
Report this comment
August 11th, 2010 at 1:55 pm
Hman deuh a Chhingaveng leimin/inchim dawn hma zan pawh khan an nula khan mumang a nei a “ka mumangah Mithianghlim lawr hi a lo awm a, kan chhungkuaah keimah chauh minlo hruai a” a tia a hnu ah an in a chim ta a, a mah chauh a thi anti..
Report this comment
August 11th, 2010 at 1:59 pm
J lo, a chhungte tan chuan ava ngaihthatthlak duh dawn ve le
Report this comment
August 11th, 2010 at 2:00 pm
Hetiang huna che rang team, disaster management cell te kha a awm em kha? Nge training chauh an pe thin zawk. Vengchhung mipuite hna a la ni reng tihna a ni maw hetiang chhiatna lo thleng hi.
A bikin in in hmun him lo zual leh dinhmun derthawnga dingte hi survey report kan nei em le. Vai ramah chuan building him lo deuh chu an inchhuah tir rum rum thin a. Hetiang lam endik hna hi eng dept. kutah nge awm ang aw?
Report this comment
August 11th, 2010 at 2:02 pm
Jennifer Lo : Hmanni chu Dr PC Biaksiama te Building ka tlan pel zuai a. Mithianghlim Lawr a thlen hunah a kal daih awm si a, a building ka hauh lawk vek tawh. Pu Biaksiama a bo ni atangin kum 7 ka chhut ang a, Isua Krista lokal hun ka hre thei mai dawn a nih chu! Mithianghlim Lawr hi Bible-a a inziak loh chianzia sawi nan mai mai ka rawn tarlang hreh lo a ni ber e.
Leimin-a thi ve ta lo a chhungte ngaih a tha awm lo reuh! :lol:
Report this comment
August 11th, 2010 at 2:23 pm
#13, Pu Chaw(nghilh) hriat belh ava chakawm ve. Mi thianghlim lawr hi tinge kan sawi lar em2 si? Sawi zawm teh a, angaihnawm dawn riau.
Report this comment
August 11th, 2010 at 2:33 pm
A van pawi thin tak em…chhiat tawk te an lainatawm thin khawp mai…
***Kulikawn leh Mission Veng inkar kham pawh hi ngaihthah chi ani lo, a hlauhawm lutuk, a thlangah chhungkua 10 aia tam mah an awm lehnghal…kan bialtu MLA hian lo hre ve se aw ka ti thin, ngaithah chi ani lo…lo hrilh hre tu ka va mamawh tak em…
Report this comment
August 11th, 2010 at 2:34 pm
A van pawi teh lul em he tiang chhiatna thleng thin hi dan theih ni silo sorkar lah che muang thei si Pathianin chhiatna tawk te thlamuan rawh se
Report this comment
August 11th, 2010 at 2:40 pm
Min hlauhawmna deuh hmunah pawh kan sa lui tlat ve bawk thin alawm mawle…. Vanduaina tuarte Pathianin awmpui mawlh tehse.
Report this comment
August 11th, 2010 at 2:47 pm
Lusun chhungte leh hliam tuar te ka tawrh puiin Lalpa’n awmpui zel rawh se.
Report this comment
August 11th, 2010 at 2:50 pm
Lalpan chhiat tawk te thlamuanin awmpui mawlh rawh se.
Report this comment
August 11th, 2010 at 2:53 pm
A hmunah hian ka awm ve reng a, Disater Management-ho thawm ka hre lo reng reng! Aizawl SP hovin Ist Bn. MAP 20, 30 rual vel an kalkhawm mup mup a, kawng thenfai leh mi dang puih kha chu Edenthar veng, Chanmari West leh Chaltlang venga tlawmngaiten an ti vek. Khang police-ho dul dul khan nizanah kher kha chuan tangkaina an neih ka hre lo ve. An tih theih tawk an puten Disaster management commitee neileh se a ni mai!
Report this comment
August 11th, 2010 at 3:00 pm
Va pawi thin ve aw…..!!!
Aizawla in sak dan hlauhawm tam tak hi chhiatna a lo thlen hma a lo invenlawk theih dan a awm ka ring, engtia tih chi nge niang aw, tute mawhphurhna nge aw….????
Mihringin buaina tam tak kan tawhte hi kan tih tur kan tih tâwk loh vang leh keimahni buaina insiamchawp te a ni ve thei bawk.
Report this comment
August 11th, 2010 at 3:10 pm
Ava pawi thin em. Kan in sakna hmun i fimkhur tlang ang u. Chhiatna hi tu chungah pawh lothleng thei a ni si a.
Lusun chhungte Lalpa’n awmpuiin thlamuan mawlh rawh se.
Report this comment
August 11th, 2010 at 3:14 pm
Aizawlah rem leh rem lovin kan in bengkhawm vak a, hmun awih lutuk leh ram nghet lovah In te kan sa zel bawk si a, chhiatna hi chu kan la tawng zel dawn niin a lang.
Kan In sak danin a zir lova, a ramin zir hek suh.
Vanduaina tawkte ka khawngaih hle mai.
Report this comment
August 11th, 2010 at 3:18 pm
A pawi thin hle mai..
Report this comment
August 11th, 2010 at 3:20 pm
Ram changkang zawkte tihdan hi kan sawrkar hian a hman a hun ve tawh ka ti. Mahni huan chhunga khur chhete laih dawn pawhin sawrkar hnenah dil thlap a ngai a. Chutiang zelin lirthei dahna te leh kudam eng emaw hlek pawh. Sawrkar mithiamten, thenawmte tan a him em, kawng a dip thei em, midangte tan a hnawksak thei em? a him tawk em? tih an chian hnuah an rem tih chauhin phalna an pe thin.
Keini ramah chuan kan duh duhna hmunah In kan sa rawih mai a, kan sakdan hmanrua ni se endiktu an awm tawh bawk si lo, a himlai leh him lo tur pawh ngaihtuah pha hauh lovin kan ti rawih thin a. Hei hian mahni chhungkua chauh lo, thenawm leh midangte a dip thei a, a hlauhawm thei bawk a ni. Kan chenna leilung leh hmanrua te kan hrechiang tawk lo a nih pawhin mithiamte rawih hreh lo ila ka ti ngawt mai. Khawpui chhunga Vawk In tam lutuk te pawh hi a hrisel lo thei khawpin a rinawm a. Ar vulh chenin.. Heng te pawh hi sawrkarin zirchiang se, felfai zawkin kalpui se ka ti ngawt mai.
Report this comment
August 11th, 2010 at 3:37 pm
A pawi leh thin a nih hi.
Kan in sak dan leh sakna hmunin a zir lova,
Kan tuihawk leh thli paih danin a lo zirlo leh zel bawk si.
Report this comment
August 11th, 2010 at 4:36 pm
Hetiang ang a lo thlen hian Vaiho hi an thawk thra thei zek nia mawle. YMA leh eng engemaw pawl tih vang ni lovin. Volunteer-ism ah hian an chiang ani. Vaiho entawn tlakna tak ani.
Heng kan chhiatna tawh tamtak hi man made an ni duh khoops. Hetiang a thlen fo loh nan hian ADA lam hi tihchak an poimoh over.
Report this comment
August 11th, 2010 at 4:57 pm
Chhiatna hi chu kan bulah a awm reng, kan vai a ta a ni e…
Report this comment
August 11th, 2010 at 5:01 pm
Avan pawi leh pek thin tak em vele aw. Kan ram leilung ve teh thlawt hi chu avan nghet lo tak em vele.
Report this comment
August 11th, 2010 at 6:48 pm
Thildang leimin kaihhnawih tho kan sawi teh ang….chhiar peih tan chhiar …peih lo tan chhiar loh…. 1995 kum khan Lawngtlai ah leimin a nasa hle a, nunna chan pawh pahnih/khat chu an awm awm e. Han hawi vel ila, hawina lam apiang ah (khawchhung, dai vel, leh ram hnuai langpha chin ah) leimin sen hemhuam hmuh tur hlir a ni a, khatih lai a kan CM kha tuna kan CM nilai hi a ni bawk a. Kan tawrh hle hnu ah Helicopter in min rawn en ve a, khawchhungah pawh lut lovin Helipad ah milian ho leh party lam hotuten an va hmu a, Pu Hawla chuan ‘In sual em a ni’ min lo ti a nih chu!!!!!!!!! Ram khat CM meuh in a ram bial khat chhiat tawk a thlir a, tiang hian ala tawng zui ta nih chu!!!!!!!. Tunah hian “Pu Hawl, Aizawl ho hi in lo sual em a ni” tih ve mai ka duh a nia……..
Report this comment
August 11th, 2010 at 7:25 pm
Hmmm..kan kawmthlang min vak tum ni ti hrechhuak..kham pang awih em em leh sang tak chu nilo mahse,rilru chu nuam duh chiah vak lo…Tlangrama cheng kan nih chhung hichuan a awm lo thei loni ti ila sual tam pui ber awm lo e…an tawrh dan tur pawh ka hriathiampui khawp mai..!!Insak hma reng2 hian ahmun lo ram nghet tha em tihte mithiam te rawna en hmasak hian tlem chu min chhan thei mailo maw tih chu rilru ah lang ve duh khawp mai,vaneih leh vanduai hi tu chunga pawh thleng thei lawi si..kan intawrhpui thiama kan inlawmpui thiamna hi mizo zia tha ber nifo se!!Ka tawrhpui tak zet ani e
Report this comment
August 11th, 2010 at 7:42 pm
Vanduaia thi ta Lalrintluangi nau pai lai, thla 8 mi hi engtin nge an tih hria kan awm em le? A chhan theihin a rinawm hle mai.
Hmannia ka sawi bawk ka’n sawi nawn leh ang e…hetiang chhiatna hi kan ramah hian a la thleng dawn chauh. Kum tam tak chhung chu kan la hre zel ang. Kan in sak duh dan leh sak duhna hmunin a zir mawlh lo a ni.
Thuneitute’n awmze nei deuha rel fel an tum lahin kan phun leh luai luai si a, kan phu tawk hmu lek kan ni maiin ka hria.
Report this comment
August 11th, 2010 at 8:53 pm
Lung den avanga boral ta– Pi Lalrinthangi, hei, Zonet Special Report ah i damlai thla te, i hlim lai thla te, in nupa nui dun thla te, nau i bawm lai thla te, i fa/ i kalsan tak, mi 4te thla te kan en mèk a, kan va lainat tehlul che em! I kalsan i pasal leh engmah la hrethiam lo i fanau te lalpa’n awmpui mawlh rawh se. :hnuk-ulh:
Report this comment
August 11th, 2010 at 8:57 pm
Sorry! Pi Lalrinthangi ni loin, Pi Lalrintluangi
Report this comment
August 12th, 2010 at 4:07 am
Pi Lalrintluangi chu mihring ngaihdan chuan, van vanduai ve le. RIP!!
A naupai hi a thi ve em ni, nge an zai chhuahsak, hria in awm em le?? thla 8 mi hi chu zai chhuah a, nungdam thei tur a ngaih chu a nia, ka hre chak khawp mai, a hria chuan lo update teh u
Ka lawm e
Report this comment