“ John 3:16 Pathian in khawvel a hmangaih em em a, chutichuan a fapa mal neihchhun min pe a”
A chunga chang ka han tarlan hi chang lar tak mai keini Kristian rama Kristian inti te phei chuan kan hriat lar em em mai a ni a.He chang hian Pathianin mihring te min hmangaih zia leh suala kan pil bo mai tur min khawngaih em avanga sual ata min tlanchhuak tura a Fapa mal neihchhun kan tana a rawn tirh thu min hrilh a, thu hriat nuam ava ni tehlul em !!!
Tun tumah hian”A hmangaih em em a” tih leh “ A fapa mal neih chhun” tih lai hi ilo thlur bing teh ang.
Pathian chuan, a anpuia a siam, keini mihring te hi min hmangaih em em a, kan tana tha tur zelin a ngaihtuah thin. A siam mihringte ah pawh hian chu hmangaihna chu a dah ve avangin, hmangaihna kan nei theuhva, Amah kan hmangaih let ve theihna turin nun min pe a ni. Chhanlet loh hmangaihna nat zia chu hmangaihna awmzia la hrethiamlo naupang tak ngial pawhin na tiin an tahpui lawm lawm thin a. Kan hmangaih ten kan tana ti tura an beisei anga an tih loh chuan kan rilru ana em em thin. Pathian pawhin Amah kan hmangaih let ve hi a phut tlat avangin hmangaih theihna min pe a, mahse chu hmangaihna chu keimahni tan chauh emaw tia mahni chauh kan in ngaihsaka kan inhaivur fo thin erawh hi chu kan Pathian tan hian ava na thin dawn em !! Hawh u, a hmangaihna changtute hian I hmangaih let ve ang u.
Min hmangaih em avangin a Fapa mal neih chhun min pe a, chatuan hremhmuna liam mai tur hringfa ten chhhandamna kan lo nei ta. A neih chhun ani min pek, a tan enge kan pek let ve dawn le… A neihchhun, atana hlu ber a Fapa min petu hian kan hlut em em kan nun hi Ama hnena pe let leh turin min sawm reng asin. Amah chawimawina turin kan hlut em em kan nun hi atana hmanglet turin min beisei a, chumi kal zel ah chuan, “ Heng ka unau te ber te chunga in tih chu ka chunga ti inni” tiin Amah kan hmangaihzia lantir nan kan nun chhunga kan thawhchhuah kan hlut em em sum leh pai te hi mirethei leh chhumchhia zawk te chhawmdawl nana pe turin min ti a ni.
PE RAWH U, TICHUAN, PEKIN IN AWM ANG.
Similar Posts:
- Tu hmangaihna nge thuk ber ang?
- Hmangaihna
- Chhandamna Man To Zia Hi I Ngaihtuah Ngai Em? – Part 1
- What is Love? What does it mean to me?
- Kristian chhungkua leh kan tehdan diktawk lo te
November 11th, 2012 at 7:27 pm
ni e, pek chhuah hmasak hi a tha ani.
Report this comment
November 11th, 2012 at 8:15 pm
Vawiin hi kan kohhranah Social Service Sunday a nia. Tanpui ngaite tanpuitu ni tura nasa leh zuala inpe tur/pe chhuak tur kan nih zia ‘heng ka unau te berte zinga mi pakhat chunga in tih chu ka chunga ti in ni’ tih hmang hian thuchah ka sawi.
Kan Hla ah chuan ‘I duhlai ngei hlu ber kha rawn kengin Lalpa hlan ang che…’ tih a awm a, kan sa thin a. Ka duh ngawih ngawih, ka sum leh pai te leh ka nunna thleng hian min petu tâ a ni.
I thu paws a ropui, a ngaihnawm, Amen.
Report this comment
November 11th, 2012 at 8:21 pm
Report this comment
November 11th, 2012 at 8:43 pm
Amen!
Report this comment
November 11th, 2012 at 9:34 pm
Halleluiah…
Report this comment
November 11th, 2012 at 10:27 pm
Nia, kan awmhmun atang hian Missionary thawhhlawk tak kan ni thei.
Pathiuian hian a fapa min pekna chhan hi engdang vang a ni lo, min hmangaih em em vang a ni tawp mai. Hmangaih let hi kan tih tur diktak a nih hmel khawp a sin. Hetia kan awm mai mai, kan sual chung chung hian min hmangaih tlat a nih chu mawle!!!
Report this comment
November 12th, 2012 at 9:31 am
Ni e, pekin lukhawng a nei.. Nei chiah lo mahse petu tan nun a ti hlim
Report this comment
November 12th, 2012 at 9:47 am
Report this comment
November 12th, 2012 at 10:14 am
Sunday ka lut vak hman lo va, post a van chhuak tha hlawm teh reng em!
Report this comment