1st. Tuesday: Mizoram Presbyterian Kohhran chuan zanin atang khan Beihrual Prog. an hmang tana; he hun hian tun thla chhung zawng a awh ang. A tan zan atanga chawlhkar khat chhung hi ‘Ramthar Hapta’ an tia, zanin pawh khan ‘Chanchin Tha hril awmzia’ tih an zir ho a ni. Mizoram Hmar chan Kohhran (Presbyterian) pum pui hi Presbytery pakhat a nih lai chuan kum khatah vawi hnih (March & October) Inkhawmpui neih thin a ni a. Chuta (March 15 – 18, 1918) an thurelah chuan June, 1918 –a hman tan turin an ruat a ni.
2nd. Wednesday: Vawiin chawhnu dar khat vel khan Kolasib damdawi inah Tv Lalbiakmawia (18) s/o German Thanga 
Bairabi chu thluakro avangin a boral.
3rd. Thursday: Mizorama tuialhthei leh gas zawng chhuaktu company hrang hrang 3 – Reliance Natural Resources Ltd., Oil and Natural Gas Commission leh Oil India Ltd. hotuten tukin khan Chief Minister, Pu Lal Thanhawla an hmu a, Mizoram lei hnuaia tuialhthei leh boruak alh thei zawn hna an thawh dan an hrilhfiah.
4th. Friday: Lunglei bula Kawmzawl leh Saitluka thlawhna tumhmun siam tum chu Airport Authority of India-a mi thiam 4-ten vawiin khan a hmuna kalin an enfiah.
5th. Saturday: Sorkar-in tun thla ni 14 atanga Aizawla Taxi intlan chhawktir a tum duh loh lantir nan leh hemi atana Sticker bel tur lak an duh lohzia lantir nan Zoram Taxi Driver’s Association (ZTDA) ruahmanna-in vawiin khan Aizawl khawpuia Taxi-ten flag dum an tar.
6th. Sunday: Cheng nuai 150 chuang senga sak, St.Mary’s Church, Electric Venga mi chu vawiin khan Aizawl Bishop, Most Rev. Stephen Rotluanga’n ribbon chep chatin a hawng.
7th. Monday: Vawiin atang khan Mizoram University Sports Meet tum riatna chu Aizawla infiamna hmun hrang hrangah tan a ni.
8th. Tuesday: Hnahlana Grape chingtute’n nghak hlel taka an thlir, Grape Wine siamna damdawi, Extra Neutral Alcohol (ENA) chu zanin khan Hnahlan phurh thlen a ni ta.
9th. Wednesday: Vawiin chawhnu dar 1:00 khan Hv Lalchhuanmawia S/o Upa Lalduhawma Sihphir leh F.Lalmuanawmi D/o F.Zaithangmawia Kawnpuite chu Sihphir Venglai Presbyterian Kohhran Hall-ah Pro Pastor H.Lalmuanpuia kutah an innei.
10th. Thursday: Mizoram State Tobacco Control Society buatsaihin vawiin khan Aizawl Press Club-a vaihlo leh a kaihhnawih hlauhawm zia leh inven a tul zia zirho a ni. He hun hi Indian Society on Tobacco & Health, Mizoram Chapter President, Pi Lal Riliani’n a kaihruaia, Indian Society on Tobacco & Health, Mizoram Chapter-in kum 20 chhunga hma a lak dante leh hlawhtlinna hrang hrang a hmuh dante a sawi nghal a ni.
11th. Friday: Mizoram University Sports Meet 2009 7th. September (Thawhtanni) a tan chu vawiin khan AR Ground-ah Larsap leh University Rector ni bawk, Lt. Gen. M M Lakhera-a’n a khar a, he Sports Meet-ah hian Govt. Hrangbana College, Aizawl chuan Gold 3, Silver 4 leh Bronze 2 laiin an Champion a ni.
12th. Saturday: Sorkar-in Thawhtannia (14th. Monday) Aizawl khawpuia Taxi intlanchhawk tir a tum duh loh entir nan vawiin khan Zoram Taxi Driver’s Association (ZTDA) buatsaihin Aizawl khawpui chhungah poster tar a niin sorkar-in sticker a siam chu an hal bawk.
13th. Sunday: Vawiin khan Mizoram Presbyterian Kohhran hnuaia Sunday School Department hrang hrangte chuan inkhawmpui annei.
14th. Monday: Aizawl khawpuia Taxi intlanchhawkna tur thupek chu Taxi khalhtuten an pawm theih loh avangin vawiin khan Aizawl khawpuiah damlo phur tihloh chu Taxi tlan a awm lo. Hei vang hian vawiin nileng khan Aizawl khawpuiah traffic jam a awmlo. Buaina chhuah palh hlauhthawn thuah taxi stand tinah Police leh taxi driver-te an duty a ni.
15th. Tuesday: Trade and Commerce Minister, Pu Lalrinliana Sailo chuan vawiin khan Champhai-Rih sector-a Border Trade neihna tur hmun tlawhin tuna hmabak la awmte a hmunah a en. Minister hian Zokhawthar tlawhin Land Custom Building a en a, hnathawktute nen an mamawh chi hrang hrang tuna la pek lohte pek dan tur chungchang an sawiho a ni. Minister hi Champhai DC, Pu TV Fambol leh mi pawimawh dangten an tawiawm a ni.
16th. Wednesday: Nizana Zosangpuia (19) s/o Zonunthara (Kumar-a) in kut athlak avanga hliam na tak tuar Malsawmtluanga Khiangte @ MST Vala (57) s/o Tlanghmingthanga, Industries Dept. a Industrial Promotion Officer hna thawk mek chu Aizawl Hospital, Mission Veng ah tukin dar 3:00 khan a thi.
17th. Thursday: Vawiin chawhnu dar 1:00 khan zaithiam lar Michael M Sailo leh B.Malsawmtluangi (Spi)te chu BCM Central Church, Upper Republic, Aizawlah an innei.
18th. Friday: Vawiin tlai ni tlak atang khan Juda-te kumthar ni (Tishri 5770) a intana; he hun hi Zoram hmun hrang hranga Juda-te chuan urhsun takin an hmang. “Kumthar atang chuan kan nunhlui chin thalote bansanin nuntharin I nung tawh ang u,” tiin an infuih hlawm.
19th. Saturday: Mizoram Postal Division chuan Delhi-a Postal Department Director General hnen atangin hnathawhna lirthei chi hrang hrang 10 heng – 407 Van 2, Tata Sumo 2 leh Hero Honda Bike 6-te a dawng thar a. Hengte hi tukin khan Aizawl Head Post Office kawtah North Eastern Circle awptu, Chief Postmaster General, Pu A.N.D. Kachari chuan an tlanna tur lamah a vai liam a ni. Daka thil thawn chi hrang hrang phurh nan leh thiar vel nana hman tur a ni a, Bike te hi lehkha leh percel sem nan hman a ni ang.
20th. Sunday: Vawiin khan Mizoram Presbyterian Kohhran hnuaia Senior dept.-te chuan anmahni bial tinah inkhawmpui an nei.
21st. Monday: Vawiin khan Sihphir V/C Pu H.Laltanpuia bawngpui chu thlangdar a ei avangin a thi.
22nd: Tuesday: Vawiin khan Simon-a (38) s/o Samson Zakhuma Sihphir chu a hnathawhna hmun Parvatuiah Malaria avangin a boral.
23rd. Wednesday: Mizo Zirlai Pawl (MZP) chuan Pawl 9 English bu, MBSE buatsaih chu thil dik lo tam tak, Mizo hnam pawi khawih thei awmna, zir tlak loh nia sawiin vawiin khan an Office chung zawlah an hal.
24th. Thursday: Tv Hmingthankima (34) Samthang chu vawiin chawhma dar 11:00 khan Aizawl Civil Hospital ICU-ah thisen sang avangin a boral.Hemi hnu hian a mitmu hi a chhungte phalnain mi dangte pek turin lak a ni a. Tihian ani hi Mizorama eye donate hmasa ber a nita a ni.A mitmu thawhte hi mitmu thlak ngai pahnih – Zathanga, Electric Veng leh Kaphnuni, Armed Veng South-te pek an ni dawn a, vawng nung tura dah that zui nghal a ni.
25th. Friday; Vawiin khan Synod Office Staff Retreat, Pi Zaii Hall, Synod Conference Centre-ah neih a nia; Speaker atan Upa Vanhela Pachuau, Khatla North chu hman a niin ‘Pathian hnathawhpuite’ (I Kor. 3:9) tih thuchah a sawi. Tlaiah chawhlui an kilho nghal a ni.
26th. Saturday: Vawiin khan Pu Lalbiakkima Sihphir taxi chu Lungphunliana a thianpa lo zin chuan a khalh saka; Sihphir Venglai Biak In compound chhungah tlanlutin gate a sut chhiat hnuin ban pakhatin a lo dang. Motor hi a darthlalang a keh bakah a hmalamte a sawi nasa hle bawk. Vanneihthlak takin hliam tuar an awmlo hlauh.
27th. Sunday: Vawiin kha Jakob Lalrengpuia (Om Prakash) S/o Pu Lalromawia (Temawia) Zuangtui birthday kumkhatna a nia; thenrual thate sawmin hlim takin an lawm a ni.
28th. Monday; Nimin tlai ni tlak atang khan vawiin nilengin Zoram hmun hrang hranga Juda-te chuan Yom Kippur (Tlanna ni) kut an hmang. He kut hi Juda-te kut zingah chuan pawimawh tak mai, Shabbath (Chawlhni) ai pawha an dah chungnun a ni. Angel-te ang hiala vara an lan theih nan thuamhnaw varin an inthuam bawk a ni. Nilenga chawngheiin Pathian hnenah an sualte thupha chawiin ngaihdam an dil a ni.Hetih hunlai hi chuan Pathian pawhin eng hunah pawh kan sualte sima ngaihdam kan dil chuan min ngaihdam theih laiin he ni ngat phei chuan zahngaihnaa khat Pathian chuan zahngaihna kawngka a hawng zauvin an hria a ni. Tin, mite pawhin an thiante leh chhungte hnenah an sualte ngaihdam an indil tawn thin.
29th. Tuesday: NLUP sum hmanga Subsidy tam zawk pe a, leilet neitute hnena Mizoram sawrkarin leilehna khawl, Power Tiller a pek chhuah thawh khatna inkhawm vawiina neihah Chief Minister, Pu Lal Thanhawla chuan, “Loneitute hi Mizorama kan VIP te an nih avangin an tan sawrkarin ngaihtuahna a seng zel dawn a ni,” a ti.
30th. Wednesday; Mizoram Presbyterian Kohhrante’n ‘Beihrual Programme’ an hman chu zanin khan a tiak taa; zanin, atawp zan khan ‘Chhungkua-Hnam tobul’ tih an zirho leh a ni.
Similar Posts:
- August 2008 Mizoram Diary
- September 2008 Mizoram Diary
- December 2009, Mizoram Diary
- October 2008 Mizoram Diary
- April 2009, Mizoram Diary
October 1st, 2009 at 2:22 am
turu awm ve mawle chu thlangdar chu.
Report this comment
October 1st, 2009 at 10:23 am
Chhana chu i ti lawmawm thin ngawt mai. Type tur a tam awm nen nen! (Nangma type chhuah turah han ngai phawt ta ila). I rawn ti zel dawn nia.
Report this comment
October 1st, 2009 at 11:02 am
Mizoram Diary Headquarters chu SIHPHIR tih a chiang thei fu awm e, thlangdar chanchin mah a tel phak chuan —ISKUT leh BUARPUI ARCHANGKAWM i rawn highlight kan lo nghakhlel ve viau a nia.
“Mizoram-a Juda” i rawn ti fo mai a, PROSELYTE (saphun) tih a mawi tawk viau lo maw! Tin, YOM KIPPUR bawhchhiat hi Bible chuan a chipuite lak atanga TUITHLAR turin a ti a; ‘ha Sabbath’ bawhchhia chu DEN HLUM tur a tih avangin zir ngun lehzual zawkte chuan Yom Kippur ai hian Sabbath hi an ngaipawimawh zawkin, an khaikhawm mah asin! Yom Kippur chiah hi ni khat chhung khawvel pum puia Jews-ten an hmang vek a, ni hnih chaw nghei peih an awm lo va. Kut dangte chu ni hnih awh deuh vekin an hmang thung, hriatsual palh hlauhthawn aleiah.
Yom Kippur hi Friday, Sunday leh Tuesday-ah a tla ngai lo va; Mrs Ellen Gould White-i khan October 22, 1844 (Tuesday) kha Yom Kippur angin a chhal tlat pek a; mahse, 1844-a Yom Kippur ni dik tak chu September 23 (Monday) a ni zawk.
Thnx Chhana, you did a tremendous job.
Report this comment
October 1st, 2009 at 12:04 pm
Kawlva len chhama lengte tan beng i tivar sawng sawng e, good job, chhana.
Report this comment
October 1st, 2009 at 4:09 pm
Om Prakash-a chu kum khat alo tling der tawh a ni maw?
RIP Pu H.Laltanpuia bawngpui & thlangdar
Report this comment
October 1st, 2009 at 5:05 pm
Mizoram a oil zawngtute zing a pakhat khi Oil and Natural Gas COMMISSION ni lovin Oil and Natural Gas CORPORATION a nih zawk ka va ring êm kei misual hian..
Report this comment
October 1st, 2009 at 5:52 pm
yup, … Corporation Ltd.
Report this comment
October 1st, 2009 at 11:51 pm
Chhana wRides again, a bengvarthlak thin e.
Report this comment
October 2nd, 2009 at 12:56 am
@chawnghilh….Yom Kippur chungchang chu Chhana hian a hre dik ve khiah!
Report this comment
October 2nd, 2009 at 1:01 am
@daibuaia : Alfred J. Kolatch-a ziak Chhana’n la chhiar lo a ni mai thei; a sawi dàn leh ka rawn ziak dàn danglamna HRET kha lo thlir chiang ta la maw le.
Report this comment
October 2nd, 2009 at 1:12 am
@daibuaia : Rabbi Alfred J. Kolatch-a chuan a lehkhabu-ah hetiang hian a ziak a, chu chu hriaa rawn ziak ka ni ve chauh e —
Engvàngin nge Yom Kippur bawhchhiat aia Sabbath bawrh chungchânga hremna a rip zàwk?
Juda-te hun chhiar dàn kalphungah chuan Sabbath hi ni pawimawh bera ngaih a ni a; Yom Kippur nî ai pawha pawi-mawh zàwk a ni. Bible atanga a lan dànin Yom Kippur tih-bawrhbàn hremna chu intuithlàr a ni a (Leviticus 23:30), Sabbath bawhchhiat erawh chu thihna a ni thung (Exodus 31:15).
Why is the penalty for desecrating the Sabbath more severe than the penalty for desecrating Yom Kippur?
The Sabbath is considered the most important day in the Jewish calendar, even moreso than Yom Kippur. The Bible states that the penalty for desecrating Yom Kippur is excommunication (Leviticus 23:30), while the penalty for desecrating the Sabbath is death (Exodus 31:15) —The Jewish Book of WHY by Rabbi Alfred J. Kolatch, page 163
Report this comment
October 2nd, 2009 at 1:14 am
Easter ka ngai pawimawh fe zawk. Ka Lalpan ka tan thihna a hnehni a ni mauh mai. A van ropui bik tak em vele, kei ang misual amah ringtu atana mi la duh hi a hlu in ka tan chuan a ropui thlawt a ni. Yom Kippur aiin ka tan chuan a HOLY zawk si a.
Report this comment
October 2nd, 2009 at 1:29 am
@HV : EASTER thumal hi “pagan word (milembe mite thumal” a ni tih i hre tawh ngai em?
King James Version (English)-ah hian vawikhat Tirhkohte Thiltih Bung 12:4-ah hian “EASTER” tiin a rawn dah zauh a; mahse, original Grik text-ah πάσχα PASCHA (Kalhlèn) a hmang miau thung. Chu chu a hun leh tarik pawh Leviticus 23-ah a inziak chiang a, “Thlakhatna, ni 14 ni or Abib/Nisan 14”
Vànneihthlàk takin, King James Version hi a dik zàwka lehlinna Bu a awm leh tawh a, chu chu REVISED STANDARD VERSION (RSV) tih a ni a, Revised-ah chuan “Passover πάσχα” tiin, EASTER an paih leh ta a nih kha. Hriat belh ve mai mai atan, inhnial pawtawk nan ni lo
Chuvang chuan alawm, Paschal Controversy (Kalhlen Thubuai) hi Kohhran hmasaah a awm a, inhnialna tawp thei lo. Nisan 14 hmangtute kha “Quartodecimanian”-ho an lo tih phah chu ni! Quarto = 4, Deci = 10, or 10+4 = 14.
Nisan/Abib 14 kha Bible-ah Passover πάσχα a nih vangin, kha daih kha maw le! Mahse, Bible thu aia Pagan Word hmang duh an lo tam chhunzawm ta si a
Report this comment
October 2nd, 2009 at 1:34 am
Thuthlung hlui ah Isua a lo thih pawh ka hre hleinem. Kalhlenkut te chu Aigupta an awm laia, Faraw-a nem nan, an fapa te a tih hlum sak tum a beram thisen an kawngka ah an hnawih vanga thihna angel! in a kalhlen vang a kalhlenkut kha awm emaw ka ti mai a.
Ka tan chuan Goof Friday hi Isua thih cham ah ka hmang a, Easter hi thihna hneh a a thawhleh ni ah ka hmang.
Easter hi latin emaw ka lo ti ve ngawt thin asin.
i tih dan takah Greek tawng chuan Pascha ( pronounce paska )an ti tlatin ka hre bawk. Spanish ho chuan, Pascua an ti bawk em kha aw?
https://www.stjohndc.org/Russia.....ting07.htm
Pascha tih hi Germany ah phei chuan mihur lane (Brothel hming) a ni.
https://en.wikipedia.org/wiki/Pascha_(brothel)
kalhlenkut (passover) chu Hebrew chuan Pesach an ti a ni awm e.
Report this comment
October 2nd, 2009 at 1:45 am
@ HV : Remchàn lai chuhin, Thuthlung Hluia Isua thih hi tuman an hre lo reng ang.
Thuthlung Hlui hma lam daihah tawh khan, “Leilung pian hmaa talh tawh Beràm No …” a nihna Thlarauva hmuh chian tur! Pathian rilru trhatzia a lan chian theih nân!
Tichuan, Israel faten aitechhinin (a hlimthlain, in a shadow) Nisan 14-ah Kalhlèn Beràm an talh ta trhin a (Exodus 12 en la); Kalvary-ah chutiang ni angah chiah chuan Lal Isuan a rawn rap dik ve ta a ni zàwk ngai e.
Hmana Thuthlung Hluiah a SHADOW maiin … kha shadow kha rawn chhui zel la, Kalvary-ah nang leh kei avanga anchhedawnga khenbeh Isua Krista a lo awm mai ang. Vànneihthlàk takin Grik leh Hebrai-a ziak Lehkhabu kan chai a, German tawng chu i dah tha thiam rih mai ang hmiang, Hindi-in KELA chu balhla a ni a, Assamese erawh chuan tih kher ngai lo se
I thluak a tha lutuk hi chu … nuam ka va ti ngai!
“Kan kalhlen kutna tur beram pawh an talh tawh si a, Krista ngei chu,” (I Korinth 5:7,8) titu kha St Paula alawm! Thuthlung Hmasaa a hlimthla rawngbawlna mai thin kha —a taka rawn lan chianna hi an lo tuipui viau thin, SAMJHAAAAAAA!
I tidik Hebrai chuan PESACH an ti, i va hre hnem leh hman tawh
Report this comment
October 2nd, 2009 at 1:55 am
Thuthlung hlui ah Isua a la thi lova, zawlnei te hmang erawh chuan a chanchin kimchang taka khalai mi te kha hriat tir lawk an nih hmel. Hriat erawh an hrethiam meuhlo niin ka hria. Hria se kei misual tan hian a thi kher lo mai tur asin.
Kalhlenkut leh Isua thawhleh a inang ngai lo, Kristian pangai rinna ah chuan, Easter leh Passover hi thil hrang a ni e. Passover-Sabbath i hmang thin te a nih ngawt loh chuan.
George W. Reid 7th Day adventist pa khan, Anglo_saxon Eostre atanga lak a ni a tih vangin a ni chuanglo. Keini chuan Easter chu Isua thihna hnehna ni ah kan pawm.
Heihi kan chhiar a, ka rinna doctrine nen chuan a in ang lo tawp. Sawisel erawh ka sawisel love.
https://community.beliefnet.com.....9/?pg=last
Report this comment
October 2nd, 2009 at 2:00 am
Leng zawngte hlimna ber, pi leh pute vanglai pawha sawi nuam an tih em em Khuangchawi thla kan lo chuangkai leh ta reng mai. Dam takin ule.
Report this comment
October 2nd, 2009 at 2:04 am
Thuthlung Hluia mite khàn Thuthlung Thar an nang ve phàk lo a ni mai; mahse, an sualthawi thilhlan thinte khàn Isua, kan sualthawina tluantling (perfect sacrifice) a lo entîrlàwk vek a ni. Zàwlnei Isaia Bung 53-ah khân, a lo ziak kur lek luk maw le, a dangah te pawh … Krista tawrhna leh thihna tùr chungchâng chu!
Kalvary kha nang phak vek sela chuan, Jerusalem a tawt viau ang. Tin, hmasanga Krista chanchin inziak apiang kha a rawn thlen dik zel avangin, Paula chuan, “khatia, Krista chu Pathian Lehkha thu ang zela kan sualte avanga a thih a, 15:4 an phum a, Pathian Lehkha Thu ang zela ni thum nia kaihthawha a awm a,” tiin I Korinth 15:3, 4-ah a lo sawi a, “according to the Scripture, according to the Scripture” a rawn ti ta hmiah hmiah reng a ni. Very interesting!
Report this comment
October 2nd, 2009 at 2:19 am
Ka comment #16 na kan edit tha leh lawk alawm mawle. Khita a hnuai bera link ka dah khi kan chhiar char char a, ka doctrine kalpui Presbyterian nen a inanglo tawp tih ka chiang zual nasa ngei mai. tra la la la la
keini chuan Easter leh Passover (kalhlenkut) kan nei hrang. tra la la la la
Isua pian hmaa Isua cc an hrilh lawk te chu #16 ah ka sawi thlip thlep khi maw. Adventist rindan leh kristian dang te rindan hi a in anglo a ni ber e.
Kam kar leh hma kan hahchawl tawh teh ang.
Report this comment
October 2nd, 2009 at 2:21 am
@HV : Paschal Controversy tih kha google leh mai la, i sawi hran dawrh aiin an lo sawr zim hle ang. Ka Lehkhabu kha STP’an a pek che ka ring, khatah khan a chiang teh asin!
Report this comment
October 2nd, 2009 at 2:24 am
@chhana : “Leng zawngte hlimna ber,” tih hla Daduhi sak kha youtube-ah a awm em le? Durthanga namai lohzia leh hla phuah kimchan thiamzia hi! A satu lahin hneh chiang, mawi chiang! Ka zawng hmu si lo, rawn post dan han awm se, ka va ti mai mai!
Report this comment
October 2nd, 2009 at 2:36 am
Sawi sawi mah la, ka rinna hlu ka thlang e. Kan in hmin chuang hlei lawng e. Keiin Easter leh kalhlenkut ka nei hrang anga, nangin i duh duh dan. Ka hah chawl dawn e.
Ni 7 ah hian, Warren Theater, DC ah zan dar 8 an Pink Floyd tribute concert a awm dawn i kal ang u hmiang?
Report this comment
October 2nd, 2009 at 3:41 am
chawnghilh, Daduhi hla chu alexxfender.com ah a awm leh pek mial maithei. Awm lo a awm meuhlo
Report this comment
October 2nd, 2009 at 3:47 am
“Kalhlèn (Abib/Nisan 14) leh Chhangdawidim telh loh Kut (Nisan 15-21)” hi Biblical a ni a —a duhtu an tlêmin, a awihtute khawvèl dinhmun pawh a nèp khawp. A thlàkthlengna Easter hi a ropui ngawt hle, a bawhtu pawh an milianin an tam tham hem hem hle a ni. Milem biakna ni pawimawh hian a luahlàn hneh tawh khawp mai! Sawiin a siak lo ve. A duhtu tân chuan a hlu viau ang.
II Korinth 6:14 Ring lo mite nèn rual lo taka nghàwngkawl bàt dùnin awm suh u; suahsualna leh felnain engnge intàwmna an neih? A nih loh leh thim leh èngin engnge inpàwlna an neih? 6:15 Beliara leh Krista pawhin engnge inngeihna an neih? A nih loh leh ring lo leh ringtu chuan engnge chan dun an neih? 6:16 Milemte leh Pathian biak in pawhin engnge inremna an neih? Keini zawng Pathian nung biak in (Grik : naos) kan ni si; Pathianin,
“Anmahniah ka awm ang a,
Anmahniah ka lêng bawk ang;
Tin, an Pathian ka ni ang a,
Anni pawh ka mite an ni ang,”
a tih ang khân.
6:17 Chuvàngin,
“‘An zîng ata lo chhuak ula,
A hrangin awm rawh u,
Thil bawlhhlawh rèng rèng pawh dek suh u,’
LALPAN a ti,”
chutichuan,
“‘Ka làwm ang che u a,
6:18 In tân Pa ka ni ang a,
Nangni pawh ka tân fanu fapa in ni ang,’
LALPA Engkimtitheia chuan a ti.”
Report this comment
October 2nd, 2009 at 3:50 am
@HV : Thanks, a mawi hlawm èm alàwm! “Leng zawngte hlimna ber,” ber kher hi a inhmeh lehzual hun lai! Naktùk zàn hi FULL MOON …
Report this comment
October 2nd, 2009 at 3:55 am
chawnghilh, Silver Spring lam lo bia la, hei ka be tlang thei der lo mai. Pink Floyd tribute concert chu i en tlang ila mawle. Karleh nilai zan ania.
Report this comment
October 2nd, 2009 at 6:09 pm
maawmi oh chhana chuan juda te hmer tel lo chuan engmah hi i post thiam lo anih maw?juda lem chang lem i nih duh hmel.i sim dawn emaw tih toh a lai in misual ho poh hian juda lam nekna hi chu published nuam in ti deuh ani maw?
Report this comment
September 13th, 2014 at 9:39 am
eurolotto
September 2009, Mizoram Diary | mi(sual).com
Report this comment