March ni 18 2009 khan tihpalh tak meuhin kan in chhuat kaw pawp khawpin ka pistol, Glock 17 uluk em em mai chu ka ti puak palh hlauh mai a. Kan thenawm nu chuan police ko nghalin, in dan beh luihna vanga in rikrapna (hostage situation), angin a lo sawi chu niin.
United States police ah pawh a tha bik a zir chhuak, SWAT TEAM an tih te chuan formation la in, kan in chu tih tak meuhin, an machine gun tha tha te leh ralthuam dang tha neih te nen an rawn hual ta tup tup mai a ni. (Heihi misual ah leh lawrkhawm ah pawh post zuai a nih nghe nghe kha)
Search warrant la in an lo lut ta a, ka kut ah Kawl (handcuff) an vuah nghal a, police station lamah min hruai ta. Zan riak lovin min chhuah lailawk leh phawt a, court date min siam ta bawk a. Court tur hian tum hnih ka kal thlawn a ni, an postpond zel avangin.
Tichuan, vawin October ni 14 hian ka va kal leh ta a, Judge, Mark D. Thomas hma ah ka dan hremi rawih, Mr.Chad Widdle nen kan ding dun ta ran mai. Maryland state prosecutor pawn phur sarhin a case min awrhtir te a han sawi zat zat ta a. Case min awrhtir tum hi, 3 counts of Reckless endangerment leh Disorderly conduct te an ni a, kum 15 tan theihna an ni nghe nghe.
Ka danhremi chuan nui deuh suih chung hian, “lungngai suh” tih chauh hi mi rawn hrilh sup a, thla a muangin ka thaw ve huai nghe nghe a ni. State lamin an witness zawng zawng an koh hnu leh ka dan hremi leh prosecutor an in chhan salh salh hnu chuan, thil awm dan tur a chiang deuh ta uar mai le. Zing dar 8:30 a kal kha dar 10:00 pelh ah court kan chhuah san a, chawhnu dar 1:30 a tan leh turin hriattir kan ni ta a ni.
Judge Thomas chuan state prosecutor hnen ah chuan case awm thei a nilo tih a hrilh hnu leh, judge dang te nen pawh an lo sawi tlan tawh thu chu a hrilh hnu chuan, ” i am sorry to disappoint the other side but i have no choice but it is not guilty in all counts, by me,” a ti ta. Kan chhungkua kan va lawm tak em.
Mi tamtak in min khawngaih a min tawngtai sak tih ka hria, ka lawm e. Ngaihdan hrang hrang pawh a awm thei ngei ang mahse, apawimawh zawk ber chu, ka chungah dan (Law) aleng a, dan in ka chungthu a rel a, a leh tur awm miah lovin thiamna famkim min chantir ta tih ka han share pui duh che u a ni e.
Hemi chungchang ah hian thil ka ngaihtuah chhuak ta zui zel a. Mihring dan hmaa in lan tur pawh hian khati khawp khan kan lo inpuahchah kha a ni a. Pathian hmaah hian kan la ding ngei turah ka inngai a, engti chiahin nge kan in puahchah hlawm le aw, tih min ngaihtuah chhuah tir ta a ni. Tih takzetin min chhut tir zui a, chhinlawkna (experience)ang tluk hialin ka ngai ta zawk mah a ni. Pathian hmaa ding turin kan in puahchah hlawm em tih hi a ni ta a ni.
click pic for larger size
Similar Posts:
- DGP hlui leh Addl SP hlui bail phalsak
- CIA mi leh sa 22+ Italy in thiamloh chantir
- Lalpiangliana chanchin kal zel..
- Department sum Chiahpuama dahtute Judicial Magistrate-in thiam a chantir
- Verdict in Mizo gangrape case today. Part -II
October 15th, 2009 at 10:45 pm
Khawvel a changkang tawh alawm, Jail atrang pawhin a la rawn misual char char thei mai thei asin. An awmna hi a changkan hmel si. Engpawh nise, Pu HV a, nang leh i chhungte ka lawmpui a che u. Trawngkam tlanglawn mai nilo a, nangmah ngeiin he tia i rawn sawi chiang hi a thra khawp mai. Redemption atan FrederickNewsPost ah chuan, thil chhuanawm lamah ve thung i thlalak an chhuah hun kan lo nghak ania.
Report this comment
October 15th, 2009 at 10:54 pm
Thla hual a ngaiin ka hre tlat…
Report this comment
October 15th, 2009 at 10:56 pm
Hv ka lawmpui hle mai che,tang chiah la chu Misual ho hian kawngzawh turin USA kan rawn pan khawm duh hial in ka ring asin.Engpawh nise Frederick ho report dan hi a dik lo anih chuan khak ve deuh an ngai a ni lo maw?an report tuihnnai vak si lo che a tiro? NOI
Report this comment
October 15th, 2009 at 10:58 pm
misual.com a kan news neih ah chuan ropui ka la ti ber!
Report this comment
October 15th, 2009 at 11:22 pm
Thu lawmawm tak a va ni em!! HV tel lo chuan misual ho hi kan tlei ngut na maw!! Dikna haichhuak thei tura Dan leh Court lo awm hi a va hlu em!
Ka han sawi hram duh chu, Mizote hi dan kan hriat loh a leiah court hi kan hlau hlur mai si a.Legal awareness hi nei deuh ila chuan kan NGO thenkhatte pawh hian dai sual an nei tlem zawk ngei ang.Tin, court-a inlante hi kan ngai sir he hu tawh lo bawk ang.
Report this comment
October 15th, 2009 at 11:28 pm
In tih rawk rawk! HV hi pa triah2 deuh asin aw, khati chung pawh khan a la lungawi hlei nem, “kum 10 tal ka tang ve reng reng tur a ni” a la ti trang trang zawk sin, engtin tin emaw Court khan an thlem lungawi thei hram a nih kha. Jail tan kha a chak tlat, a tuihalna lam a nia. PRISON BREAK kha hmuhnawm a tih vangin.
Report this comment
October 15th, 2009 at 11:54 pm
i thlalakah chuan i va lang tha ve a…hehehe…
Report this comment
October 16th, 2009 at 12:00 am
thuthar bengvar thlak tak tak kan min rawn hlui leh thei tura i thiam i chang i a lawmawm thlawt a ni e.
Report this comment
October 16th, 2009 at 12:43 am
Dan lalna ram ah hi chuan dan zawm te dan pun te hi an uar teh ani a.Ka trhianpa poh thinchhe ve tak ani a a fapa a bualna lam ah an in nemna deuh nge a mit ko a pilh deuh chu an pre sikul hotunu in eng a ti nge i mitko chu ti a , azawhna chu apa in min ti na ati mai a police ah an report mai chu pa ber poh a hnathawhna hmun atrangin police in kai chhuak hna hna mai chu a zam teh ani a .an nu an ko leh a an zawt chiang a ,an chhuah leh hram an la en trha zui zel mo le .Ka fa ania duh leh ka vua ang tih ang kha a chi ve miah lo tan thein na anih chu
Report this comment
October 16th, 2009 at 1:26 am
chu Pu HV chu, an Bawngkawn PS ah nge, an Vaivakawn PS ah an hruai hmasak che aw? Tin, Court-ah chuan an Pu KL Liana hmaah nge i din, an Pi Lucy hmaah aw?
Engpohnise, kan lawmpui tak zet a nia aw, Hmela!
Report this comment
October 16th, 2009 at 1:33 am
HV! I pistol duh em em khan i nunna a tichhe tep a nih chu. An ziah ang hian i tih puah lai i hre lo a nih tak tak phei chuan i fimkhur leh zual a ngai nasa a nih chu. I hriat loh hlan in i fate pawh i lo kap reng mai tur a sin!
America a silai zalen lutuk in mi tamtak nunna a tih chhiat zia chu statistic hmuh tur a tam ang. NRA a lian em a nih kha. Enge NRA quote lar deuh kha? ” Guns don’t kill, people do” em ni kha!! In gun culture khan pawi a khawih thui zia kha thuiiiii tak a ni ringawt mai
America a silai/pistol a vang a kumtin a thi average en in a hriat mai! Hman deuh ah America a silai zalen zia leh nitin, kar tin, thlatin, kumtin a mithi zat vel document ka en tawh a, silai nei lo ai a silai nei in pawi an khawih thui theih zia a chiang khawp mai. Europe te pawh hi America ang chuan zalen ve se hei ai hian silai vang a thi record hi a tam fe ang. Kan vengah te phei hi chuan silai licence nei pawh silai hi a mu thun sa a kawl phal a ni lo reng reng, silai kha hmun hranah, chabi a kalh hran tur, chuan a mu kha bawm hranah chabi a kalh bawk tur
an zawm tak tak vek phei chu ka ring bik hlei lo va 
Heihian a tum ni a lang chu mi a thinrim thut a a chet nghal buan buanna dang tur a ni ber ang 
Tin, police hian silai an keng lo bawk, Special case-ah police chuan chu mi atan bik chuan hman phalna a la thei.
khang ho khan silai an han pu ta tuk tuk mai chu a niah…in kahna chu tam lo thei tur a ni lo.
Tin, police lumum kan tih ang ni tur pawh hian university a kumthum zo lo chu an ni thei lo.America a police silai pu zozai kha engzat tak ni ang maw!! America hmun thenkhat a police lumum ho kha kar ruk an training tir an ti in ka hria! an sawi uar deuh nge
In second amendment text kha amend a hun tawh a nih kha, a upa tawh emai! conservative lutuk pawh hi a hlauhawm thei a nia
Chutih hunah chuan nang pawh hian pistol neih phalna kha i hloh tawh anga, court kal i pumpelh tawh dawn zuk nia 
Report this comment
October 16th, 2009 at 2:16 am
Silai hi chu rilru fim vak lo lakah pe chhuak lo se a him mai
NOI
Report this comment
October 16th, 2009 at 2:18 am
A va lawmawm tak em, kan Halelui pawp teh ang, mi tam tak in ngaihdan hrang hrang an neih hnu ah, hetiang a thu lawmawm hriat hi a va nuam em !!!!!!! ka thaw huai mai, ka lawmpui lutuk che HV, nang leh i chhungte chauh in lawm bik lo a nia, kan lawmpui vek che. Amen.
Report this comment
October 16th, 2009 at 2:22 am
Zodin welcome back i reh rei hle mai.Zoram lam i chuang chhuak chu a ni em lo ma?
Report this comment
October 16th, 2009 at 2:26 am
chhuak teh nang aw, EVEL lai a nia khawiah mah ka chhuak thei lo a lawm, i dam zawk maw taia-pa nia comment chhiar hi ka peih zawk a tun lai chu.
Report this comment
October 16th, 2009 at 3:48 am
elcee #61, ka comment hma lam ah khan ka ziah kha. Detective te leh police dang te khan, mit sen vek leh zu rim nam huam huam angin min sawi, paper ah pawh an ziah dan a ni. Police ngeiin ka blood alcohol level alak khan, .02 a ni e.
Thiante min lawmpui na ah ka lawm e. Kan hlim ve khawp mai helam pawh.
Report this comment
October 16th, 2009 at 4:11 am
Court paper khi kan enchiang mai mai a, i san zawngah chuan, 5″ 11′ an ti dawrh mai a. Pu HV a chu GIANT tak tak ilo nih dawn hi, he court paper han en mai chuan. 5 inches 11 Foot ??? “Sex: M ” tih hnuah khian enge awm ang aw te ka lo ti vel mai mai. “M” tih mai khi a tawk lo deuh tihna em ni sex han sawi fiah nan khian???
Report this comment
October 16th, 2009 at 11:26 am
HV..I thu tlangkawmna khi ka ei lutuk,ka lem duak duak.. Khi lam court hi chu a fair ngawt ang ka ring,in sawipui lam pawh a lang pha kher lo ang.Kan Mizoram khawpui ber Aizawl Dist.Court tual vel mitthla ah a lo lang ve khiah,a uih ru tlats.KS leh zu zuar thenkhat,kan dan hremi inti ten sum an tuakna hnar ber berte leh,eiru a puh kan Lal Hawla court tur a hual vela a kid te leh inti ukil ho, Ui dawih zawk ang maia ha hni lang var thu chunga an nui vel lai picture nen. Hurray..HV thiam channa hi chu a fair hmel khawp mai,ka lawmpui e,lawrkhawm lamah ka lo chhiar nual tawh…
Report this comment
October 16th, 2009 at 2:19 pm
Ka lawm pui che. Tunah chuan mihring court hma ah ila ding chauh ania, Nakinah I Pistol court hma ah iladin ve hun a awm pal ang ti a hlauhawm khop mai. Fimkhur hle ang che thiana. Silai lampang ve hrim hrim hi chu nel loh atha ber in kahriaa…
Report this comment
October 16th, 2009 at 2:26 pm
Silai lam hi chu ka hre thaks lo. A hmehpuah theih tih chiah… hi re hai…
Report this comment
October 16th, 2009 at 6:15 pm
Avan lawmawm em!
Report this comment