Update: Zozam lamah Dr.Tlani rawn chhanletna –
Kumin Khawvel Sunday School Ni, November 1, 2009-a Mizoram Presbyterian Kohhran Naupang lam zir tur Zoluti chanchin ziaktu T.Vanlaltlani, lecturer, Aizawl Theological College chuan, Zoluti laklet a nihna hmun chungchangah inhnialna a awm theih thu sawiin, a lehkhabu a a thu ziak pawh ziaktu hrang hrangte atanga lak chhawn a nih thu a sawi.
Mizoram Presbyterian Kohhran chuan kum 2009 Khawvel Sunday School ni, Nov 1, 2009 a naupang lama an zir tur atan ZOLUTI (Mary Winchester) chanchin an thlang a. Zoluti chanchin ziak tur hian Dr T. Vanlaltlani chu ruat a niin a ni hian Zoluti chanchin hi a ziak a.
Dr Tlani ziah dan chuan Zoluti hi Sailam atanga lak let leh a niin a tarlang a, hei hi Kawlri atanga lak letleh ngei a ni ti a lo hretu Serchhip mipui te an lungawilo hle a, tunah hian Synod lamah sawifiahna lehkha thawn an tum a, Synod lam ina an duh anga chhanna a pe lo anih chuan Dt 31 Oct hian he chanchin ziakna lehkhabu hi hal an tum a ni.
read more at www.serchhip.wordpress.com
Similar Posts:
- Khawvel Sunday School Nî
- Drama leh Film tha siam chungchangah inzirtirna nei
- Lehkhabu Tlangzarh
- Zoluti
- Buhfai Tham Centenary
October 23rd, 2009 at 1:26 am
Lehkhabu hal hi kan intihhmuh a. Tha pawh ka ti hlei love..
Report this comment
October 23rd, 2009 at 1:40 am
Vai chhe ho mizia maw le! A ziaktuin a lo tisual palh anih pawhin hal kher lovin, Vai chhe zia copy kher lovin duh lohna lantir dan a tam. Thring uih bon top top!
Report this comment
October 23rd, 2009 at 2:53 am
Maryland, USA ah khuan Pu Lalthangliana Sailo, a awm a, a ni hi Sialsuk khaw lal hnuhnung ber a ni a. Bengkhuaia tupa a ni. A ni khuan thui tak a hriain ka ring. A hriatdan ngaihthlak a chakawm khawp mai.
Tin, history kalhmangah chuan Bengkhuaia hi Sailam lal a ni a, hetih lai hian. Zoluti hi Bengkhuaia te inah an fanu pakhat anga khawsa a ni a. Pu Lewin ten an va lak let leh lai hian Sailamah chiah lo awm lo mah se, Sailam lal bial chhunga khaw pakhat Kawlri hi a nih chuan Sailam tia dah chu a sualna a awm lo. Lal Pakhat awp a nih chuan lal awmna ber khaw hming chu a chawi mai thin. Entirnan: Khawdungsei, Ngopa, etc.. chhehvela lal chu Hrangchhuana a lo ni ta a, a hnu lawkah a fate indantirin a khaw per a awptir thliah thliah hlawm a, mahse lal te pa ber leh a khaw awp vek thin a nih avangin Mizoram Mapah pawh Ngopa lal ah Hrangchhuana hi dah zel a ni. Mahse roreltu tak tak zawka chu a fapa Lalzedinga a ni thung. Chutiang deuh chuan Bengkhuaia hi Sailam lal a ni a, Zoluti an man lai phei chuan Sailam a a ropui lai tak a ni nghe nghe a, chuvangin an laklet lai hian Zoluti hi Sailam khuaah chiah lo awm tawh lo mahse , a mantu khaw per Kawlri khua a awm lai pawh chu lo ni se, Sailam atangin tih mai chu sawidan tur chu a ni thovin ka ring.
Report this comment
October 23rd, 2009 at 7:03 am
@Zorunpuia, i sawi chu a dik khawp mai History kalhmang tur pawh ni awm reng a ni. Mahse…
Bengkhuaia chu Sailam, Kawlri leh Thenzawlah te a lal thin reng a, a dik. Mahse Zoluti an man hunlai vel leh an laklet laia a awmna kha ziaktu tam zawkin Kawlri tiin an ziak tlat mai nia. Mizo Kristian tena kan ngaihsan em em Rev JH Lorrain-a te, Jm Loyd te khan Kawlri lam anih thu vek an ziak. Tin Mizo History ziak hmasa Rev Liangkhaia pawh khan chuti tho chu. Chuvang chuan tlang kam ti ti mai mai ai chuan Document proof awm thlap zawk chu a rin ngam deuh zawk lo maw.
Zoluti laklet lehna chungchanga KAWLRI atanga laklet ngei ani tih tichiangtu document hrang hrang lakkhawm i en duh chuan he link ah hian lo en ta che – https://serchhip.wordpress.com/.....k-tawk-lo/
Report this comment
October 23rd, 2009 at 7:17 am
A enga pawh chu ni se, Sunday School zirlai (bu) lo hal tum reng reng!
Setana hnathawh chu a ni em lovang chu maw…
Report this comment
October 23rd, 2009 at 8:29 am
Zirlai bu chu lo hal ta se, MW chu kawlri atrangin an lalet leh thung dawn tihna a mi NOI
Report this comment
October 23rd, 2009 at 11:31 am
kcu k ngaihve dan ah cuan..eng poh ni roh se…kohhran zirlai bu hal kher hi cu a pianthar that loh thlak ka ti.hal kher lo poh in tih dan dang a tam alom..a diklo an ti a nih pohin a dik lo lai kha zir tello my roh se..
Report this comment
October 23rd, 2009 at 12:06 pm
Mizoramah hian thil inchuh kan nei nual a, a inchuh te hi an trang na thei viau lehnghal a, a buaithlak khawp mai. Sailam leh Kawlri chungchangah pawh hian inlungrualna kan hnaih vakin a rinawm lem lo, chuvangin tu te pawhin rilru zau tak kan put a ngai. Zorunpuia ngaihdan hi a pawmawm tho mai.
A reng reng thu ah hmeichhia te an ziah tir reng reng a, kan Bible zirtirna nen chuan a inmil lo hrim hrim lo maw? As khiangte i ngaihdan hriat a va chakawm ve
Report this comment
October 23rd, 2009 at 12:26 pm
Zoluti an manna hmun emaw, an lak let lehna hmun emaw, a pianna hmun emaw, an thihna hmun emaw pawh kei chuan ka hre lo; historian ka ni lo va, he lama hi ka la chhui ngai lo bawk. Nimahsela, hei erawh ka hria, LEKHABU HAL HI HISTORICAL PROBLEM SOLVE-NA A NI LO. Lehkhabu kan hal hian a ziaktu kan chawimawi lek fang a ni.
Serchhip mipuite u, history ziak dan kawng hrang hrang a awm e, miin a dik nia a hriat angin a ziak a ni mai a; a dik nia inhriat ang chuan ziak ula. Hetiang khawpa Mizo history -a thil langsar hi nangmahni, a hria inti zawk khan, eng aiah nge in lo ziak daih tawh lo va?
Kohhran beih hi rin aiin a sawt lova nia, “Ruh a mawih hak hak duh,” an tia sin! In lo hal tak tak palh ang e aw. Hei hi vauna a ni lo, thurawn a nih zawk e.
Report this comment
October 23rd, 2009 at 12:37 pm
Thil hriat dan hi a inang tawh thin si lo va, “unau thawnthu sawi pawh a dang e,” tih ang deuhvin a hria te sawi dan a in an loh tlat thin a avangin thil inchuh emaw dik zawk nia inhriatna a awm fo thin. Fiara tui te, Vanapa thlan te leh thil dang te pawh a awm mai thei. Uluk taka zir chian chi a nih hmel. Lehkhabu hal erawh chuan awmzia a neih ka ring lo, a haltuten lehkhabu an hal avanga an lungawi dawn a nih erawh chuan thuhran.
Report this comment
October 23rd, 2009 at 10:31 pm
Zoluti lak let lehna khua nih chu ropui ta fu-ah kan ngai a ni deuh ber mai maw? Mak thin! A lo kawltu khua nih kha a zahthlak zawk dawn emaw ka lo ti ve a.. A.. sawi thui lovang.
Report this comment
October 23rd, 2009 at 10:51 pm
A dik a awm anih chuan “a pawm theih..” tih mai mai chu innghahna dik a ni thei dawn em ni le! A hmun dik tak hi an hria anih chuan Synod lam pawhin an siamtha leh mai turah ka ngai. History tihdanglam hi thil tha lo taka ni. Kan history kan hriat loh ziate hi awww
Hei vang hian alawm,tuna kan thalai lehkhathiam leh a ngaihna hria, History lama tuite hian research beiin China thleng pawh han kal se ka tih thin ni. Sorkar lamin an support theih loh paw’n mi hausa deuh zingah hetiang lam tuipui hi an awm chek ang. A tih a tih awm hawt lo hian tap chalah kan lo inhnial mai mai thin a ni.
Report this comment
October 23rd, 2009 at 11:17 pm
ka phone bill an ron ti diklo a… KA HAL DAWN!!! hehe
awmzia awmlo viau ang
Report this comment
October 24th, 2009 at 1:16 am
A lehkhabu ziaktu T. Vanlaltlani chuan heti hian a ti –
Kumin Khawvel Sunday School Ni, November 1, 2009-a Mizoram Presbyterian Kohhran Naupang lam zir tur Zoluti chanchin ziak tura MSSU hotuten min ruat angin Zolut chanchin hi ka ziak a. Zoluti laklet a nihna hmun chungchangah inhnialna a lo awm thei hle mai a. Hemi lehkhabua tarlan (Sailam) hi ziaktu hrang hrangte atanga lak chhawn a ni.
He lehkhabu hian tarlan a tum ber zawk erawh chu:
Zoluti hi sal anga man ni mah se a mantute leh Mizorama a awm chhunga amah enkawltute hian an tiduhdah lo va, hruai let leh a nih thlengin a hruaitute leh a lo enkawl mektute inberem thlapa him taka hruai let leh a nih thu te; he hmeichhe naupang him dam taka enkawl a lo nihna hi Mizorama Pathian khawngaihna Chanchin Tha thlenna kawnga pawimawhna nei thei a nih leh ngaihtuah zawm a remchanzia hi tarlan ka tum ber a ni.
A kaihhnawiha khua leh mihring hming ziak tel hi chu Pathianin Zoluti tha taka enkawltu hmun tinah a lo dah tih tilangchiangtu atan ziak tel mai a ni.
mizoramsynod.org
Report this comment
October 24th, 2009 at 2:46 am
He thilah hian ngaihtuahna chihnih a awm thei a, Zoluti an man lai kha Bengkhuaia vanglai leh a khua Sailam vul lai tak a ni a. Tin, Bengkhuaia ropui lai tak a ni bawk. Pu Lewin’n Zoluti lak let leh a tum laia inbiakna an neih pawh khan Bengkhuaia chuan, min be duh a nih chuan amah chauhin lo kal rawh se, tumah rawn hruai suh se, a ti kher a, sipai pali tal a ngen pawhin a rem ti lo va, a tawpah Pu Lewin chuan Tawng lettu atan Rothangpuia (Zampui tlang lal, British thurualpui ta) nen an kal ta a. Hetianga Sap sipai lal meuh, a tih ang taka thuawih taka a awm chu amah Bengkhuaia pawhin a in ngaih ropui phah khawp a, “Vanhnuai lei chinah chutin khatin ni rawh se ka tih hi tunge hnial ngam ang, ni lovang tithei awm ang” a tih phah nghe nghe a ni.
Zoluti an man laia thah mai an tum laia thah phal tlat lotu Pu Thuama kha kan mizo hla phuah thiam Pu Vankhama pu a ni a, mizo pastor hmasa Vanchhunga pa tihna a nih chu. Tin, Sailam an thlen hnuah pawh duat taka enkawl thei tur an ngaihtuah a, Pu Thuama pa Pu Suakthanga (pastor Vanchhunga pu) te nupain an enkawl ta a, duat taka an enkawl avangin an lak let dawn pawh khan, a manin an man lui hial a nih kha.
Zoluti leh midang an man avanga a lawmna ropui taka an neihna kha Sailam a ni a, lal awmna a ni, a chhehvelah khaw te tak te te a awm teuh a, mahse Bengkhuaia hian a thut vek avangin Sailam hi an hmunpui ber a ni a. An han lam mup mup mai chu Bengkhuaia pawhin ropui a ti hle mai a ” Sailam tlang a kur e, do rawh u, do rawh u, a ti hial a ni.
Zoluti khan Mizo kara awm nuam a tih em avangin a hawn duh tawh pawh an ring lo va, chuvangin a mana an man luih a tul dawn avangin Tuikhurah tui chawi turin a enkawltu Pu Suakthanga nupui Pi Tluangi’n tuikhurah a hruai a, Inspector Mohammed Azima ten lo man turin an lo chang a, an man ta a ni. A au nasa a, ka pi min chhan rawh, hei vai hovin min man a nia, a ti lawm lawm e, an ti a. Hetih hunlaia Pastor Vanchhunga pu Pu Suakthanga te khawsakna hi Sailam nge Kawlri tih chu zawhna pawimawh tak a lo ni ta a, Pu Vankhama te inthlah chhawn dan chhuinaah a chiang kuarin a rinawm, a fanu Pi Vanhlupuii leh Vanlalhruati te pawhin eng emaw zawng tak chuan hriat theihdan an neih a rimawm e. Bengvar thei kan awm chuan he buaina leh inhnialna hi a tawp ngei ang.
Report this comment
October 24th, 2009 at 2:56 am
@Zorunpuia : I rawn comment ngaihnawm hle mai!
Tin, i hre ril khawp mai!
Report this comment
October 24th, 2009 at 1:42 pm
2009 Naupang Khawvel Sunday School zir tur chu Puitling lamin an tuipui zawk a nih hi!
Report this comment
April 10th, 2011 at 12:06 pm
Eng nge buaina vak tur awm a, khawiah pawh chuan lo la let se!!!!!!!
Report this comment
June 4th, 2016 at 7:34 pm
giá máy làm mát usaircooler
Presbyterian Kohhran in Zoluti chanchin a ziah danah Serchhip mipui lung a awilo | mi(sual).com
Report this comment