“Khawvel Mi Tumruh Hmingthangte Vol. 1” Zomawia Khiangte ziak chu March ni 23, 2011 chawhma dar 11 khan Rev. K. Lungmuana’n a tlangzarh. He tlangzarh inkhawm, Pu Dingluaia, MPS Residence, Sr. Officers’ Quarters, Zarkawt-a neih hi Pu H. Lalparliana, Ramhlun N in kaihruaiin Rev. R. Lalthanzuala’n hunserh a hmang a. James Ramdinmawia’n lehkhabu thlirlawkna neiin a ziaktu Zomawia Khiangte-in he lehkhabu a ziah chhan leh a ziah dan a sawi a. Pu Dingluaia, MPS in lawmthu sawiin hun a khar a ni.
Tlangzarhtu Rev. K. Lungmuana chuan hetianga Mizo tlangval ngeiin khawvel mi tumruh leh hlawhtlingte chanchin hmanga a thalaipuite cho chhuah a tum hi a fak thu a sawi a. Mizo society kan kal dan phut phut hi hmasawnna dal thei a nih thu sawiin Kohhran, kohhran thalai leh YMA activities a tam mah mah a tih thu leh thalaite tana ngaihtuahna sawrbinga hmasawnna tur ziah chhuah leh ngaihtuah chhuahna hun a tlem a tih thu a sawi bawk.
He lehkhabu ah hian khawvel mi tumruh leh hratkhawkheng mi pali chanchin a chuang a – (1) A hunlaia mithiam tam takin thil theih nia an hriat loh, Europe, Africa leh Asia khawmualpui te awlsam taka kalpawh theihna tura lawng kalkawng Suez Canal duangchhuaka tipuitlingtu Ferdinand De Lesseps chanchin, (2) Tawngtheilo, mitdel, bengngawng ni chunga khawvel lehkhabu ziaktu ropui leh America Civil mite chawimawina sang ber dawngtu Helen Keller-i chanchin, (3) Venice lam chhuak, China-a kum 20 lai han awm, a zinna chanchin a ziak “The Million Lies” avanga khawvel inhnialna nasa tak chawkchhuaktu Marco Polo chanchin te leh (4) Lawng Captain huaisen leh tumruh, nasa taka khawvel zauhtu leh thliarkar tam tak hmuchhuaktu Captain James Cook-a chanchin te a awm a ni. A ngaihnawmin a bengvar thlak tak zet. Mi pangngaia inngai chin tan chuan chhiar ngei chi a ni ag.
March 24th, 2011 at 8:11 pm
eheu 🙂
March 24th, 2011 at 8:16 pm
*ka lei ve ngei ang engtikah emaw chuan 🙂 🙂
lehkhabu ziah hi a van nawm hmel tak em!!!!
March 24th, 2011 at 8:19 pm
an va cute dun vele 🙂 a ke ke ke
March 24th, 2011 at 8:23 pm
Ka neih ve ngei chu ngai ang, engzat man pawh ni se; Ka chhiar chak tawh tak zet mai.
March 24th, 2011 at 8:46 pm
Chhiar ngei ngei chi anih hi (Y)
March 24th, 2011 at 9:05 pm
Chhiar a va chakawm ve!
He lehkhabu hi Zomawia ziak a ni chiah em? Lehkhabu hrang hrang atanga a lakkhawm a nih ka ring a, internet lam pawh a rawn viau maithei. Chuti anih chuan ama irawm chhuak leh a research atanga a ma hmuhchhuah ngei, tu ziak mah a entawn loh a ni lo ngei turah ngai ta ila. Chung thu a lakkhawm ho Mizotawng a dahkhawm tak chu ama ziak ang a sawi tak mai hi a dik thei tho em?
March 24th, 2011 at 9:07 pm
Mi pangaia in ngai chin chhiar tur maw…hahaha…chhiar ve ngei chi a nih chu, a ngaihnawm hmel khawp mai 🙂
March 24th, 2011 at 9:09 pm
Khi lo khi chhiar tur a la tam em mai, ka ti deuh.
…khrum
March 24th, 2011 at 9:11 pm
Target population, objectives leh goals neih tuma ziak a nih chuan, a free in mizoram sikul,college leh branch YMA tinah sem se, chu chu a tha viau ang.
Tichuan a thalai pui te chu a cho chhuak mawlh ang.
…khrum
March 24th, 2011 at 9:12 pm
Zeldin thu ziak chhiar ai chuan hetiang lehkhabu thil tak base hi chhiar fo a tha a ni 🙂 (Y)
March 24th, 2011 at 9:18 pm
Mi pangngaia inngai chin chuan a saptawng leh tawng lo ten an lo chhiar dim diam tawh maithei a ni.
(WRT to the concluding remarks, NOI for the writer)
…khrum
March 24th, 2011 at 9:49 pm
Lei ve ngei a ngaih hmel, mi pangngai nihloh a hlauhawm tlat. 😉
March 24th, 2011 at 11:09 pm
Zomawia lehkhabu chu a ngaihnawm ang zawng pawhin a chhiar tlâk viau ang, amah hi thuziak timi tak a ni bawk a.
March 24th, 2011 at 11:20 pm
E khai. I chanchin ka hriat lohna a rei ta hle mai. Ka tlangval chhuanvawrte zing ami hi iva ti tha em! I lehkhabu ziak leh nangmah pawh i in hmeh e…
Pathian in i lehkhabu kha malsawm mawlh teh se.
March 24th, 2011 at 11:22 pm
“James Ramdinmawia’n lehkhabu thlirlawkna neiin a ziaktu Zomawia Khiangte-in he lehkhabu a ziah chhan leh a ziah dan a sawi a.”
misual.com-a in nick sawi ru le 😛
March 24th, 2011 at 11:49 pm
“…Pu Dingluaia, MPS Residence, Sr. Officers’ Quarters, Zarkawt-a neih hi…” tiha ‘Residence’ tih tak mai hi eng part of speech nge ka’n buai deuh tlat mai chu le…
March 25th, 2011 at 1:22 am
Chhiar ve a chakawm pangngai. Mahse duh aiin a ziak tlem deuh mah mah a ni. 4 tlawng lo deuh han ziak ta sela. (I)
March 25th, 2011 at 4:48 am
Ka va duh ve… min thawn thei in awm em??
#6 .. diklo ang.
March 25th, 2011 at 5:39 pm
@ khumchikthei #11 (C)
April 7th, 2011 at 9:00 am
@#6 muantea, “He lehkhabu hi Zomawia ziak a ni chiah em?” I thil sawi hian ngaihtuah a tithui viau mai. Ph D Thesis te pawh hi a nihna takah chuan a bu tawp lama Bibliography han en hi chuan anmahni irawmchhuak ai chuan mi hmuh chhuah tawh sa leh ziak tawh sa an lawrkhawm atanga ngaihdan ziah chhuahna ang ek pawhin a sawi theih ve tho asin, chuti chung chuan mithiam, Doctorate Degree nei an nih phah ve mai thin chu a nia. Lehkhabu hrang hrang leh internet material te rawn chunga lehkhabu or article ziaktute’n anmahni irawm chhuak ang maia Bibliography pawh dah miah lova an han chhuah tawp thin hi a hlu lova, amaherawhchu Zomawia hi chuan Bibliography a dah thlap a, a zahawm viau lo maw?
@#9 khumchikthei,kan economic background hi a inang lo thei viau, i thil sawi pwh hi sum nei deuh ten tawn tan chuan tihhlawhtlin ngei chi a ni. Amaherawhchu Zomawia hi Murlen khawchhuak, dinhmun harsa ve tak atanga seilian, a tumruh avang leh thawhrimna avanga MA (English) zo ve thei hram,chumi hnuah Biate Higher Secondary School Lecturer ni ta a ni a, a thlawna lehkhabu sem vak tur chuan tunah nupui neih ve te a tum lehnghal a, a tan a harsa viau ang. Nangmah ngeiin i sponsor theih chuan i lo semdarh sak mai dawn em ni? 🙂
April 7th, 2011 at 9:07 am
A lehkhabu cover picture kha rawn post tel ka tum a, ka post fuh hlei thei lo va, hei lo enchhin teh u. http://www.facebook.com/photo.php?fbid=1708927202042&set=a.1708920321870.2087734.1203944627&theater