Pathianni khan Tuirial Airfield lam panin Bike engemawzah an tlan thla dul dul a, heng mite hian eng thil nge an tih dawn tih hrechakin tam takin an thlir liam. Phur satliah leh hawklak thil mai maia Tuirial pana intlansiak tum an ni ta hauh lo mai a, intlansiak tak tak hmachhawn tuma inpuahchah turte an lo ni zawk.
Bike Company Yamaha chuan Tuirial Airfield-ah Nov.21 khian YAMAHA Racing Ridetech Challenge (RRTC) a buatsaih dawn a, lawmman pawh tha tawk tak a hlui dawn. Phai lama Yamaha company mi leh sate pawh an rawn thawkrip dawn hle a, foreign atangin an hotute bakah a thawktu te nen an vaiin mi 40 vel he intlansiak huaihawt tur hian an lo lut dawn a ni.
Hmarchhak huap racing – YAMAHA Racing hi Aizawl tlangval tan chauha buatsaih a ni lova, India hmarchhak huap tur niin heta chak ber chu Hmarchhak champion a ni dawn a ni. He bike intlansiak hi chi hnih Yamaha Model R15 leh FZ tana buatsaih a ni dawn a, Expert leh Novice class-a then tur a ni a, a hrang ve vein an intlansiak ang. Sum fai pawh thahnem tak a awm dawn a, buatsaihtute chuan he intlansiak atan hian cheng nuai khat zet an semral dawn a ni. Circuit racing a ni dawn a, tum khatah mi 6 zel intlansiakin tlan kawng thui zawng chu lap 3 a ni dawn a, zing dar 8 atanga tlai dar 5 thleng a awh ang. Silchar bakah hmun dang atang pawhin tel tur an awm nual nia hriat a ni.
Chawfun a ngai lo – Mizorama hetiang intlansiak vawikhat buatsaihna tur a ni dawn a, a vawikhatna mah nise changkang taka tih an tum. A hmunah ei tur changkang tak Chhungte International chuan a zuar dawn a, chaw fun a ngai lovang. Tin, a duh a piang tan Tui thianghlim in tur dah reng a ni dawn a, Music system tha tawk tak dah a ni ang a, DJ atan Michael M Sailo biak fel a ni tawh bawk.
Buatsaihtu lam chan – Intlansiaka telte him dam taka an awm theihna tur leh chetsual ilo a awm palha duty tur tihfel a ni tawh a, Ambulance 2, doctor 1 leh nurse 2 an duty dawn a ni. 12. Security leh House keeping atan JC Security an awm dawn bawk a, he hunah hian YAMAHA Company siam bike ropui R1 leh MT01 te pholan tum a ni a, 450cc leh 250cc CBU bike te stunt rider te nen beisei an ni bawk. A tel duh tan YAMAHA Showroom, Upper Bazar, Opp. Millenium Centre-ah leh ZONET Office ah Registration tih theih reng a ni a, he racing neih tur hian Media partner-ah ZONET an hmang dawn a, anni hian TV exclusive rights an nei dawn a ni.
Chief Guest atan Mizoram Sports Dept. Director, Pu Zoliana Royte a ni ang. Ani hi Mizoram Motor sports history-ah mi hmasa niin 1987 daih tawh khan Mizoram team Himalayan Car Rally-ah a lo kaihruai tawh a ni.Buatsaihtute chuan Airfield hman phalna min petu Sports & Youth Services Dept. chungah lawmthu an sawi bawk.
Tel tum tan
A tel duh tan YAMAHA Showroom, Upper Bazar, Opp. Millenium Centre-ah leh ZONET Office ah Registration tih theih reng a ni a, A tel turte tan hengte hi registration tih rualin ken a ngai
(a) Valid Driving License with photocopy
Valid Registration Certificate & Insurance with photocopy
One passport size photo
Blood Group
Company lamin Helmet leh pheikhawk tih loh chu protective gear hman tur an nei sa vek dawn a, Chiang zawka he intlansiak tur thlir duh tan https://www.yamaha-motor-india.com/RRTC ah en theih a ni e.
Similar Posts:
- 2009 Mizoram Sports Meet:TVS Racing vs YAMAHA Racing
- Yamaha Race a pathumna accident
- Bike intlansiak man
- Bike man tlawm ber siam chhuak dawn
- Trophy 4 nen RS-a Bike Intlansiak ah
November 9th, 2009 at 9:05 pm
a va phur awm ve.
Report this comment
November 9th, 2009 at 9:15 pm
Medical lam te leh Media? :oops:
Report this comment
November 9th, 2009 at 9:19 pm
Zan lama kawngpui dunga chak deuh deuha tlan thin ho hi tel ve mawlh hlawm teh se. TV lamah kan lo hmu ve em ang chu maw, hmuh a chakawm ve khawp mai a..
Report this comment
November 9th, 2009 at 9:48 pm
Tlan mai mai teh se.. :smile:
Report this comment
November 9th, 2009 at 9:49 pm
Tunlaia durtlang chho vela zana ring tak taka bikea tlan thin ho in a an uar hma daih khan ka lo hrat ve fe tawh. Pathian khawngaihna a zarah tun thlengin him damin ka la awm, amaherawhchu thiante leh thiante ni lem lo, nunna hial chan ta leh tun thlenga pianphung pangai awh pha tawh lo ka neiin ka hre nual mai.
Tuiriala zuk tlan fua fua kha kham khawp loin khawpui chhungah chak taka an han ti leh tur chu a peihawm lohin a hlauhawm leh ngawt ang. An nunna mai baka midangte nunna atan a hlauhawm em2 mai si a.
Tin, Mizorama racing han neih vel kha a zahthlak em le aw…an rawn haw anga Vai Buh an khawrh thril leh huk awm tho sia…
Report this comment
November 9th, 2009 at 9:52 pm
@ alpha-X, i logo teh saat chu leh, a va siai mawi ve ha ha
Report this comment
November 9th, 2009 at 10:04 pm
Khawchhung a tlan vak vak ai chuan zuk tlan ngheng sela ani mai alawm. Midang nunna atan a hlauhawm lo deuh ang chu
Report this comment
November 9th, 2009 at 10:11 pm
Tlan chur chur mai teh se. Khawpui chhungah an phit kawh thei bawk a. Vai ngalsang ho an umphak leh siloh chuan zah chem chem chi a niang.
Racing competition hma chhawn tlak an ni em lo en chiah ila, an duap leh zul si chuan, mi tlan dan speed in an tlan ve tawh pawh a tha ang.
Report this comment
November 9th, 2009 at 10:12 pm
@ triplestar…a chuti teh saaat mi..ty ty
Report this comment
November 9th, 2009 at 10:42 pm
a tha tho mai …mah erawh chu tawh sual leh rik rumthil ah( accident) eng tin nge ni ang le …ka fa te tan chuan ka phal miah lo tel ve….
Report this comment
November 9th, 2009 at 10:55 pm
an website khi keichu a in load ve thei miah lo
Report this comment
November 9th, 2009 at 11:29 pm
Bike chak tak tak a khalh a min tlan pel fua fua ka chan ai chang ta hi an la awm lo bawk a racing lam hi chu ka ti mi chai lo mai.
An intlansiak duh tak2 a nih chuan an thu a nia a thra tho e.
Report this comment
November 10th, 2009 at 1:43 am
Airfield zawl a intlansiak chu a khalhtu aiin a Bike engine that leh thatloh competition ni zawk awm a ni. Racing anih chuan kawng kual leh chhukchho-ah neih ni zawk se, driver thiam leh huaisen a hriat zawk in a rinawm.
Report this comment
November 10th, 2009 at 4:04 am
Aizawl-a Bike intlànsiak hi thil thar vakah ka dah ve lo, ni tin zan tinin an intlànsiak a. Làwmman làk sàn ber pâwlah INHLIAM, ACCIDENT, THIHNA.
Heti em ema traffic rules pawisa lo bika bike an han khalh bik hi chu en fiah chian a ngai khawp mai! Road tax a sang bik hran lo va, Taxi intlanchhawk tur tih ni khu khu reng kara lamlian sira Bike Race an nei reng bik hi chu Pu Zama pawhin CHASE SQUAD din ve mai se, chumi pass chhuak chu Tuirial Airstip lama tirh thlak ni se … bike fua fua hi an ninawm!
Bike han tih hian thirsakawr kea rah chi sawina a lo ni reuh va … motorcycle an ti deuh kher zel nia! :lol:
Report this comment
November 10th, 2009 at 5:55 am
Pu chawnghilh Airfield sirah Dettol lo zuar i la,kan hlawk phian ang a…
Report this comment
November 10th, 2009 at 6:54 am
@Riangtawn : Khalh huaina FUNTE pawh maw le! Khalh hmain FUNTE, khalh zawhah Dettol or Iodine!
Petrol hi lu-a pemah hnawih miah loh tur!
Report this comment
November 10th, 2009 at 8:37 am
hetiang mithatchhezawrkawi chhungtena bike an leisak hovina an bike thar man tur an hlawhchhuah ve theihna remchang te anih chuan a tha i tih pui mai ang u. Nikhat lek Aizawl khawpui a an awmlo duak tur hrim hrim hi a lawm awm em a sin te ka tia
Report this comment
November 10th, 2009 at 9:59 am
R.S-a a champ kan ring nghal ngawt teh ang! :twisted:
a phei/ngil a intlansiak tawp kha a ni dawn lo a, race track designer(?) in a siam kual vel dawn niawm tak a ni!
Report this comment
November 10th, 2009 at 10:44 am
Durtlang leh Lengpui vel intlansiaka tlan chak ber thin ‘thih hlau miah lo’ an tih thin kha tu nge ni kha aw..?? Lalawma an ti emaw ni kha? Kha kha a thleng sang fu mai thei a ni.
Report this comment
November 10th, 2009 at 11:11 am
kan rama tlan chak ho hi engtak ang ang maw…..!!
Report this comment
November 10th, 2009 at 11:32 am
@Goldy: Try this:
https://www.yamaha-motor-india.com/RRTC/index.html
Report this comment
November 10th, 2009 at 1:25 pm
trafic jam karah lo cuan……..
Report this comment
November 10th, 2009 at 2:43 pm
Bike nalh tawk, cc sang deuh mai, chhuak thar a khalh vut vut a, a hnathawh an zawh chuan – nitina inhlawh
Ka lawm e
–LVK
Report this comment
November 10th, 2009 at 4:00 pm
Kan tleirawl rualte tan hian entertainment a vang si! An nun a tuihal si. Ka lo khawngaih deuh thin. Hetiang competition an nei tur hi ka lawmpui e.
Report this comment
November 10th, 2009 at 6:10 pm
Lo accident in tawngthu chhelo ah nunna te lo chan hial awm ta se…tunge compensation pe ta ang? Organiser lam hian an ngaituah em o? Insurance hian racing hi a cover lo thin in ka hria a(a hria chuan lo soi chiang ula). A tlan chak2 an na mai ang tih a va hlauhwm ve?
Report this comment
November 10th, 2009 at 8:45 pm
Zuk in tlan siak teh se!Chetsual palh a thleng a nih pawh in mizo artui pum 3,4 velleh pineapple squash um 1 vel in an in kan anga, an na viau tho a ang a!tha a ngai ang! .khawchhungah hi chuan tih tawh loh nise,a mawl thlak e mai!
Report this comment
November 11th, 2009 at 7:24 am
Stoner leh Rossi pawh rawn tel an tum a, mahse airfield runway hi an hlau a ni awm e
Accident a awm palh a nih pawn, inhlim awm lo hram se
Report this comment
November 11th, 2009 at 7:33 am
@Zero…E khai hlauhthawnpui reng reng duh suh u, protective gear tello pawhin an ngam huai em mai….keini ang lungphu thra vaklo zana min tlan pelh fua fua thrin phei hi chu a Hahthlak lam deuh chu ani e…Protective gear te an vawi khat hmanna tur ani dawna (ka rindan in!!!)an phur ve ta phian ang…Sim tur anneih tak leh sim nan an hmang ve em ang chu maw…ka chauh thu ba rawh em aw te ka ti a…
Report this comment
November 21st, 2009 at 4:11 pm
Rsa chu chak chiang viau lo maw….?Lalawma a thiam jok ti tu te chu an ngoi dak toh ang chu
Report this comment