Kum AD 2002 September leh October hun laia Washington DC (District of Columbia)-a sniper làr tak John Allen Muhammad thìn kha Correctional Center, Virginia-ah November 10, 2009 zàn dâr 9:11 PM (ET) khàn lethal injection-a chiu hlum a ni ta.
A hun hnuhnùngah thuchah sawi chhuah duh engmah rèng rèng a nei lo. Denim rawng Jeans kamis leh Jeans kekawr hain, fitflop (slipper) chauh bunin a mutna khum tùra an ruatah a mu a. A hmuihmul leh kahbe-hmul pawh fai vengvawng takin a rawn inmèt thlap a. A ke an phuar hmasa a, a kàwng, a kut an phuar leh a. Emotional ang pawhin a awm duh hran chuang lo.
Pâwn atangin dârthlalang chhanah a chhûngten an rawn thlîr thei a. Chhûng lam atang erawh chuan tumah an lang thei lo thung. Pardà pawlin an inzàrhliah ta a. Damdawi chi thuma injection a ni. Tih tùr tihfel zawh a ni ta!
Mi 10 a kàp hlum a —maktaduai tam tak a tithlabâr hle thìn. A kah hlumte zîngah hian vai pakhat a tel ve hial a ni. He report atang hian i hre belh thei ang, TV-a Larry King-a hun hman thlîr paha a thih thu ngaithla ve chauh ka ni tho va, chumi paha he post hi rawn thiat lut pah ka ni ve chauh ve.
http://www.google.com/hostednews/ap/article/ALeqM5iusIZC8PvRjuCm5Im_c_yzitM93AD9BT1UIG0
A chanchin tlèm Lunga an ziak dàn chu hei hi a ni a —Chawnghilh tlai lènna huan mawia mi a ni.
A thianpa nèna an mi thahte hming pawh heta hi —
Similar Posts:
- Blue jeans
- Chhêmdam
- Tight jeans could reduce fertility
- Pawngsualtu ah tunge i puh ve.?
- Nupui(then) Vit Hlum
November 11th, 2009 at 8:12 pm
va rapthlak ve le, hetiang lampang hi film ah poh awmin ka hria, touching si, mood a ni nghulh duh
Report this comment
November 11th, 2009 at 8:21 pm
Dirty Harry ang a thian fai zung zung tur hi awm sela… court leh dan leh dun tih vel ngai lo a inthliar zung2 hi a hahdam thak mai
Report this comment
November 11th, 2009 at 8:38 pm
A chantur dik tak a changah ka ngai. Pawisawilo nunna laksak zawng a rapthlak e mai
Report this comment
November 11th, 2009 at 8:54 pm
Kan dam chhung la2 hian kan tuh rah kan seng thin a lo nih hi.Khawngaih thlak viau mahse khawngaih loh luih ka tum.A thil tih avang a a tuarna hi huaisen tak a a hmachhawn ngam ka beisei sak e.
Report this comment
November 11th, 2009 at 9:41 pm
Amah rapthlak, a thih dan pawh rapthlak a ni ber hi.
Report this comment
November 11th, 2009 at 10:18 pm
Hepa zet kha chu nun a ti nuamlo ve thin ngawt mai. Kan bazar tur te kha ti dek khan kan kal phah kha ania. Mihring thi tlak kan awm a nih ngai chuan a mah hi a ni chiang khawp ang le.
Report this comment
November 11th, 2009 at 10:26 pm
HV. gud morning. mahse kan mu ve zok to ang e auh…. charles bronson te (nge an serial kha …?) chet dan kha a tulna chin a awm ve in ka ring tlats…
Report this comment
November 11th, 2009 at 11:27 pm
thi tlak tak a nih chu mawle a nunrawng hmel em mai.
“A hun hnuhnùngah thuchah sawi chhuah duh engmah rèng rèng a nei lo., a in chhir lemloh hmel hle mai maw.
Report this comment
November 12th, 2009 at 12:19 am
mi(sual) thian zawng2 te u. Mangtha u..
Report this comment
November 12th, 2009 at 12:41 am
Alpha mangtha le
Report this comment
November 12th, 2009 at 12:53 am
A va khawngaihthlakin a va chawh em!!
Report this comment
November 12th, 2009 at 1:05 am
An chiuhlum ta a ni maw.
Report this comment
November 12th, 2009 at 4:32 am
A tanpui pa pawh kha tih hlum ve awm.
Report this comment
November 12th, 2009 at 7:16 am
Khawngaihna (GRACE) ropuizia zir chian nân a tha, chu chu ka rawn post chhan a ni.
PARDON (ngaihdamna) hlutzia, PHU LOH DUHSAKNA (unmeritted favor) hi Bible-in englai pawhin mi hlui a tum reng a, min hlui reng bawk. A duhtute kan nihlawh mai a ni. Dàn ang chuan tumah chhandam kan ni pha lo, khawngaihna mark tel lo chuan tumah inthai pass zo rèng rèng kan awm lo.
Bank rawktu George Wilson-a kha US President-in a ngaidam a; mahse, ngaihdamna a hnàwl. An khaihlum ta a nih kha.
JF Kennedy khàn 1961 khân Greenspun-a a ngaidam a; mahse, Greenspun-a khàn chu ngaihdamna a dawn chu damin a nang hman lo —a lo thi hman tawh si!
Tùnlai hian Senator McCaine-a’n Boxer Jack Johnson-a tân ngaihdamna President Obama hnènah a kar/dîl mêk, Boxer Johnson hi hmàn hmàna thi tawh a ni. Thih tawh hnua ngaihdamna dàwn pawh thil hlû a ni.
John Allen Muhammad hian Ngaihdamna a dawng ve pha ta lo! Misualte hi Pathian khawngaihnaa chhandam kan ni e, chhandamna kawngah chhuan tùr mihringten sawi tùr ìk kan nei lo, a chhuang apiangin Isua Krista chhuang zàwk mai ila … chu chu chhuan tùr awmchhun kan neih chhun a ni.
Report this comment
November 12th, 2009 at 9:00 am
A hun lai kha chuan nun kha a ti ral mauang lo ve khawp.MD A an kah hlum hnuhnung ber dawttu an kah kha kan hnathawh na atangin a hla lo nghe nghe a,an kahni an kah hmasi zing 9:30 velah an kahna hmun kha kan tlan pel nghe2.
Report this comment
November 12th, 2009 at 9:15 am
@chawnghilh, inngaidam zel ila chuan thil tisual kan tam zawk lo’ng mo?
Ngaihdamna kan sawi uar lutuk a, hei hi piangthar da leh kan tam em em na chhan a ni thei ang em? Pathian that zia te, misual ber pawh a ngaidam thin tih te chu kan hre vek awm e.
Mahse a thikthu chhiat zia te, an thlahte thlenga phuba a lak dan te hi inzirtir ila, Mizo Kristian te hian kan thatpui zawk ang em?
Report this comment
November 12th, 2009 at 9:27 am
@ZerO: Pathian hi khawngaihna, zahngaihna leh ngaihdamna-a khat LALPA a ni. Chutih rualin Pathian thikthuchhia, kan ral hmang mei, tu chhuan thleng pawha phuba la thin LALPA a ni bawk! I sawi ang khian.
Chuvang tak reng chuan THIM CHHAH TAK – THIM THUAH HNIHNA chu kan hma lawkah a lo thleng dawn reng a ni! Kan harh theih nana min thununna tur chu!
__________________________________________________________
*ZORAM HIAN KUTZUNGTANG ELHA CHHIAR THAM LEK KUM IN NEI TA!*
__________________________________________________________
– started from the Mid-2008
Report this comment
November 12th, 2009 at 10:47 am
“A hun hnuhnùngah thuchah sawi chhuah duh engmah rèng rèng a nei lo…..”
Thih dawna thusawi hian awmzia teh vak a nei lemlo a niang an sawi tha duh vak lo thin. Timothy Mc Veigh, Saddam-a te pawh an ngawi hmak nia.
Misual tihhlum nana lethal injection hi a that hmel, na an tuar viau angem aw?? Inkhaihlum tawp ai chuan a rawng (cruelty) lo deuhin ka hria.
Report this comment
November 12th, 2009 at 1:34 pm
#14: Amen.
Report this comment