mi(sual).com

Submitted by HZo via mail

Tun hnai mai khan minister hlui Pu Zakhu Hlychho chuan a lekhabu ‘ Mara hnamte tobulh’ tih chu a release ta a. He lekhabu hi Mara hnam chungchang hrechiang duh tan leh Mizo-hnahthlak hnam hrang hrangte chanchin chipchiar zawka zirchiang duhte tan thil tangkai tak a ni ngei a rinawm.

Mizo mipui tam takte hian Zo-hnahthlak hnam hrang hrangte chanchin hi kan hrechiang tawk lo fo thin. Marate hi chhimtawp a cheng mahni a tawng hrang neih, missionary paw a hran ngata neih an ni a. Zoram chhunga Zo-hnam zingah chuan mahni tawng leh culture la vawngnung ber an ni a rinawm. Tun thlengin Mara zingah a tam zawk chuan Mara tawng an la hmang reng a, hmun thenkhata phei chuan Lusei (Duhlian) tawng la thiam tha lo te an awm nuk mai.

Mara hi mi thenkhatin kan hriat angin hnam chi 5- (Tlosai, Chapui, Zawngling, Hawthai leh Vawngtu) ah an in then a. Heng hnam peng pangate hi khawhming leh ram/hmunhma hming an ni tel vek bawk. Entirnan, Vawngtute hi Chin Hills-a khaw pakhat Vawngtu atanga thlangtla an ni a. Hei hi hnam hming angin an chhawm zui ta mai a ni. Chutiang bawkin Chapui chu chapui leh a chhevelah khaw 4 vel chapui tawng hmangte sawi nan hman a ni. Mara hnam pangate hian tawng hran nei theu mahse, an inhrepaw tawn theih vek thung.

Vawngtu (Vytu) leh Zyhno (Zawngling) hi mi tam takin har an tih a. Chapui (Chapi), Tlosai (Serkawr) leh Hawthai-te erawh tawng chi khat ti theih an ni. Vawngtu tawng hi Lai nen inanna tam tak a awm a, Lai leh Mara unau an ni ziah tihlangtu an ni mai theih. Mi tam takin har tih mase a tawng hmangtute khawsakna Siata leh Ainak khaw thenawm te chuan awlsam takin an hre theih. Zawngling tawngte paw ngaithlak zin chuan awlsam taka hriat thiam mai theih a ni. Heng tawng chinga te zingah hian thu leh hla zia nan erawh Tlosai tawng, Mara tawngte zingah awlsam ber chu hman a ni a. Tlosai chu Lingua-Franca anga ngaih theih a ni.

Mara tawng chi ngate in zul dan entirna thenkhatte

Duhlian : khawnge i kal daw?
Tlosai : Khataila na vaw aw?
Hawthai : Khate la na vaw a?
Chapui : Kha tai la na fie aw?
Vawngtu : Ze lang na vaw a?
Zawngling : Kaw tila na va ru?

Dulian : I inkhawm em?
Tlosai : Na pakhy ma?
Hawthai : Na pakhy ma?
Chapui : Na pakhaw ma?
Vawngtu : Na pakhawng maw?
Zawngling : Na pakhaw ma?

Dulian : Ka lawm e
Tlosai : Ei chalyh
Hawthai : Ei chalyh
Chapui : Ei chalawh
Vawngtu : Ka chalawng
Zawngliong: Ei chalawh

Similar Posts:

• Vawngtu-Mara ten Bible an nei ve ta
• Vawngtu tawnga Bible (New Testament) hlanna
• Mizo hnahthlak inunau nan Mizo tawng
• Mizo tawng hmasawn nan leh hnam ro tling
• Mahni hnam tawng thiamloh a zahthlak

Recent Posts:

• NGAIHNAWM KAWLEKSAWN – 2 :
• Pathian Kut Dinglam {Sunday Pual}
• ZO NUNMAWI HLUTNA
• NGAIHNAWM KAWLEKSAWN – 1 :
• Kawnpui dai sex video a leakout!

This entry was posted on Thursday, November 12th, 2009 at 2:49 pm and is filed under Information, Mizoram. You can follow any responses to this entry through the RSS 2.0 feed. You can leave a response, or trackback from your own site.