Tunlai hian Tripura lamah tihdam rawngbawlna a kal tluang viau in an sawi a. Tin, Mizoram lamah pawh in bengkhawn viau ang tih kalo ring ve ngawt a. Mizoram hi a hman hman hian an rawn bum hi ka duh lova, ka phal bawk hek lo. Chuvangin an thil tih dan ni a ka rin, ni ngei tura ka ngaih, ala hre ve ngailo te tan ka han sawi fiah ang e.
Faith healing an tih mai hetianga inbumna hi Malaysia leh Philippines angah te chuan hun reitak chhung thingtlang mi mawl zual te hnen atanga pawisa lakna awlsam takah an lo hmang thin a ni. Tin, khawpui mi, lehkha zirsang tak tak te pawh mi tamtak chu an lo bum tawh thin a ni.
Mi an zai (operate) hian an zaia te khan hliam pawh an nei ngai lemlo (zaina hnuhma a awm ngai manglo). Tin, an taksa atanga an la chhuak anga an sawi te hi mihring taksa a ni ngailo tih chian (proof) a ni. Mihring taksa peng ang thei ber turin, ar sa te leh thil dang te chu sawngbawl lawkin an hmang thin. Ar thisen leh ice cream color ang te hi an hmang tlangpui thin bawk. Heng te leh thil dang tam tak, Pathian rinna avanga an tih ni a an chhal te hi science hmang leh hmanglo pawn an lo chian (proof) fo tawh thin a ni tih Mizo mipui te khan lo hre turin ka duh a ni. An hnathawh dan hi kut rang tak (magician) ang nih angai.
https://www.youtube.com/watch?v=CBvdcy_Mi34
Sum hmuhna tha tak a ni thei a, mi eizawnna tih chhiat sak ka tum vang a nilo tih kan hriat tlan ka duh bawk. Tripura lama awm mek te hi chuan sum an la nei vaklo a ang, an taksa atangin hmawlhte te, samzai te mai mai an la phawrh chhuak tlat. Mahse, Pathian, lei leh van Lal hming chhal meuha an ti hi ka hua a, ka ten a, ka diriam bawk a ni.
Aizawl cable TV ah te hial an puang tih kalo hria a, kan lo inven lawk nan ka han sawi a ni e.
Hetiang in bumna thil link tam tak a awm, pakhat chu: www.brighthub.com/sci…..9351.aspx
Similar Posts:
- Mihringin thlarau a neilo !!
- LALRAMA MIHRINGTE PATHIAN KAN NIHNA
- Nunna thing vs a chhia leh a tha hriatna thing
- Awmze neiin i nung em?
- Juda hoin thlarau hi an mitthla ngailoh zia
November 20th, 2009 at 11:00 pm
Taikher, i reh vung vung mange
Report this comment
November 21st, 2009 at 12:24 am
He lamah pawh “Thanks Having” hi huamhap taka ni 364 chhûng neih ni tin a ni ber mai a; “Thanks Giving” erawh chu ni khat lekfang —Pathian tâna thilpèk ai mahin, chhûng tam tak ten mahni inchhûngkhura ‘Turkey ruai kil’ an tum daih zàwk leh nghàl! SELFISH chiang mai mai!
A khaikhàwmna — Ho thei miah miah! :cry:
Report this comment
November 21st, 2009 at 1:06 am
@chawnghilh
Kumpui linglet mahni hna thawh hnu ah Nikhat chauh Hun thra min petu Pathian hnena tih tak zeta lawmthu sawi hi chu a trul hle mai tiraw.
Engtianga lawmthu sawi tur nge kan nih ang le – Heti fakauva A hmangaihna kan dawn hi, mite te tana pek ve zawkna ni ah hman ni thei se a duhawm ka ti.
Kan tlin leh phak ang tawk zel hian mite tranpui tur hi chu an awm zel mai. Pe rawh u tichuan pekin in awm ang
Report this comment
November 21st, 2009 at 1:46 am
A pawimawh hle mai,Pathathian hnathawh awihlohna leh rin loh vang nilovin engkima fimkhur hi a tha a ni . Bible ah pawh fimkhur turin min chah a, fimkhur hi a Pathian thu hle a ni.
Kan Pathian thu pawhin hun hnuhnungah chuan thilmak tamtak tiin ka hmingin dam lote an ti dam ang ,ramhuaite an hnawt chhuak a nga, kawih thluk theihna an nei a nga,tlansate meuh pawhin an awih theih nan mithite an kai tho ang tih a sawi.Chuvangin, Kristiante bum a tih thluk a kan awm loh nan Pathian atanga chhuak thlarau thianghlim hnathawh a nih leh nih loh hi kan fiah a, fimkhur hi kan mawhphurhna a ni.
Report this comment
November 21st, 2009 at 2:34 am
Turkey hi chhungkaw koh khawmna idea tha tak a ni mai lo maw? Mizo ah pawh chhungkaw in hmuhkhawm kan duh chuan chaw ei khawm kan tih zel mai hi. Ei tur kha chu a ve lek fang a ni e. Chhungkaw kim a Pathian hnen a lawmthu sawina ni serh bik han neih theih chu ropui ka ti thlawt. Remna ni (in surrender ni) emaw ai chuan ka ngai pawimawh zawk daih mai. NOI
Engpawh nise, Mizoram hi inbumna chi hrang hrang hian mi te hian rawn bum tawh lo se ka duh khawp mai. Kristian rinna nei tlem kan ni hlauh mai si a, an hre ran mai si a le, kan bawh hluai zel mai chu a ni si a.
Report this comment
November 21st, 2009 at 10:08 am
mi ti damthei suak Fakte a, Ramte a , Ek tea tih ho te hi hnualsuat a, hmuhsit a chilchhak khum a hun tawh tak zet ani e. An bank account bak in a hlawk pui lo tih i hre thar leh theuh ang u. :mrgreen:
Report this comment
December 1st, 2009 at 12:26 pm
“TIHDAM RAWNGBAWLNA (Devine Healing Ministry)”
August 3, 2009 atang khan Tripura-ah Pathian-in a hnathawh mak tak a lantira
Nl.Joyrani Molsom(28),Eloi Baptist Church (Boktomohanpara-village) leh Nl Maria Molsom(16)
Tuichalong Baptist Church hnenah Pathian-in tihdam theihna a pe a,mihringte ngaihtuahna leh
finna hmanga chhuichhuah ruallohvin thilmak tak tak a thleng a,heng thilmak tih theihna
hian dam lo ka(mouth) chu kut zungtang pathum a zenin damlote chu an luaktira chu chu
‘Operation’ an ti ve a, hengah te hian thil chi hrang hrang samte,thifangte,thinghar te,
maimawmte, ketaminu,thi,fanghmir, lung(stone) te leh thil dangte an luak chhuak thin a ni.
Heng thilte hi science hmanga thil ni theia kan ngaih loh thil a ni.Nula thianghlim
Mari’n naute a pai mai pawh kha science thiamna hmanga chhut chuan thil ni thei a ni lo.
He rawngbawlna hi atirah chuan Eloi kohhran-ah tanin,a hria an lo tam zel a,tunah chuan a
rawn pantute hi a tam zawk 90% chu Bengali an ni.Bengali-te hnena chanchin tha hrilhna hun
tha Lalpa’n min hawnsak tak avangin Lalpa chu fakin awm rawh se.Heng Kohhran pahnih Eloi
leh Tuichalong-ah hian ringtu Baptisma chang tawhte leh chang tur engemawzat an awm.
Bengali-ho zingah hian tihdamna chang engemawzat an awm a,hengte hian tidamtu chu Isua anih
thu hi an sawi tlat a ni.Chumai bakah Bible Society of India kaltlangin Bible semchhuah
a ni bawk thin.Heng damna changte hian an thiante an hrilh chhawng ve zel a,a vanglai chuan
heng khaw pahnihah hian damlo in entir tura lokal te hi sangli/sangnga leh a aia tam hial
te pawh an ni thin.
Taksa damna chang Bengali hote hian Baptisma chang nghal mai lo mahse,an thinlungah
tidamtu chu Isua a nihzia hi an ringnghet tlat a ni.Kristian(Lal Isua ringtu) ka ni ti kher
lo mah se, a ruka kristian hi an awm ngei a beisei awm. Tlangmi hnam thenkhat zingah pawh
he tihdam rawngbawlna avanga damna chang engemaw zat chuan Lal Isua hi ringin kristian
an nih tur thu an sawi nghe nghe a ni.Kohhran ringtu chau tawh leh muthlu tawh inkhawm
nachang pawh hre tawh lo tam tak chu he harhna avang hian an thlaraulam nun chau tawh tak
chu tihdama awmin,Kohhran an bel leh a.Tripura chhim lam Subrum circle ah phei chuan
chhungkaw 35 zet kristian-ah inpein Kohhran din an tum nghal bawk a ni.
He thil hi sumdawn nana tih a ni lo va. Pathian mi hman mekte hi lehkha thiam lo
mimawl tak takte an ni tlat.Pakhat zawk phei chu a pian atanga School in vawi khat mah la
rap lo a ni.Pathian-in khawvel thil a leh hmuhsitawmte thlangin a ropuina a puang chhhuak
tih hi a chiang a.Khawvelin finna hmanga Pathian an hriat theih tawh loh hnuin thuhrilh
atthlak hmanga a ringtute chhandam hi tunlai khawvel changkang tawh takah pawh hian pathian
chuan tha a la ti ber zawng a nih hi.Mi fingte hriat phak loh
remhria te chhut phak loh thilthleng hi mihring taka chhut chhuah chi leh hmuhfiah tumtute
tan chuan buaina tham a tlin laiin keini ringtute tan chuan pathian thiltihtheihna ropui
tak anihzia tarlangtu ropui ber a ni e.
He tihdam rawngbawlna hi darh zau zelin Agartala khawpui chhunga insawn dan kawngte
pawh ngaihtuah chhoh mek zel a ni.He tihdam rawngbawlna-ah hian Zengte, Kebaite, Mitdelte,
Tawngtheilote, Kaltheilote rawn inentirin engemawzat chuan damna an chang nghal a ni.
Marka 9:38-39 kha han en la. Thesolonika khuaa mite khan tirhkohte thusawi chu a
dik leh dik loh hriat nan Pathian lehkha-ah an zawng thin(TT 17:11) ang khan tunlaia
Tripura-a thil thleng chung chang pawh hi Bible behchhana fiah a finthlak ber ang.
Report this comment
December 1st, 2009 at 1:04 pm
Thil pakhat warning mi i pek dawn in chhui chiang phawt thin rawh. Fact la hmasa phawt la, en chiang la fiah la
chu mi hnua ah chauh chuan mi dangte warning i pe dawn nia.
Tin i rawn sawi operation leh an operation tih dan a in ang lo, a hmun ngei ah ka kal a ka fiah a, ka mit in ka hmubawk, bible te sem a ni a, chanchintha(Lal Isua) chanchin la hre ve lo te hrilh in an awm bawk. Kebaite ke in an kal, mit delte mit a lo var bawk. Please, internet a thu chhuah zawng zawng hi thudik a ni lo. Dawt leh inbumna tam tak a awm. a chunga i rawn sawi i source khi a dik em, a hmun a kalin i fiah em. Fact a ni em? Nge i awm hmun atangin internet inbumna khawvel ah khan i kalkual a, i hmuh hmuh i rawn post?
Report this comment
September 1st, 2010 at 6:02 pm
Huah, nangpawh an bum zingah i tel ve anih chu.
I comment kalo hmu tlai a, ka hrilh hrep lo che chu a pawi hle mai. Bum in awl mange, tum ila ka bum hlum lo chauh thei ngei ngei ang che u 
NOI
Report this comment