Mizoram ah hian eirukna hi a hluar em em a, mipui pawn kan sawi chamchi. Amaherawh chu hotu lam te a eiru tu te an lo nih thin vang nge ni kan sawi thlawn tlangpuiin ka hria. Pawl hrang hrang te dinin eirukna hai lan te an tum mahse, kan system a dik loh em avangin hai chhuah tak tak ahar tawh thin. Engpawh chu lo nise, America a eiruk a har na chhan ni a ka ngaih, awlsam leh hriatthiam harlo tur ang berin ka thiam ang angin sawi kan tum phawt mai ange.
United States, America kan tih mai ah hian phalna neia hna thawk tawh phawt chuan “tax” an pe vek a ni. Hna sang leh hniam lam a ni lova, thawhchhuah a zirin tax chu an pe tamin an pe tlem thin. Tax hi hlawh siamtu ten hlawh an siam apiangin an dah hrang nghal thin. Chung te chu, Federal Income Tax, State Income Tax, Medicare Tax leh Social Security Tax te hi hna thawk nawlpui tax pekna tlangpui te chu an ni. Hei lo pawh hi hnathawh azirin tax pekna dang tamtak pawh ala awm thei fo. Tax hi a thlawn a pe an ni ngawt lova, tax refund/tax return pawisa hlawm hmuh leh thin a ni bawk.
https://en.wikipedia.org/wiki/Taxation_in_the_United_States
1) Federal Income Tax hi sawrkar laipuiin, ram chhung tul atan a hman tura tih a ni. Eg: ram chhung venna lam ah te leh thil dang atan.
2) State Income Tax hi state sawrkar in a mamawh atan ahman tur a ni. Police leh state sawrkar hnuai a thawk te enkawl na leh thil dang te atan.
3) Medicare Tax hi Kum 65 min a tlin hnu (retired theih kum zat) a damdawi lam in enkawlnan a sawrkar dah hran sak a ni amah leh a nupui/pasal in a tawmpui thei bawk.
4) Social Security Tax hi kan pek thin chuan, hna atangin ban lailawk nih pawn hemi atang hian unemployment pawisa a hmuh theih a ni. Tin, tawng thu chhe lovah lo thi ta se, a thi a chhungte khan a tax lo pek tawh zat a zirin thlatin pawisa an dawng bawk ang a retire hun atan a tha bawk leh thil dang te.
Hlawh siamtu ten hetiang thlip thlep a felfai hian tax an cut thin avang leh mi enghna thawk pawn tax an pek avang hian, sawrkar chuan tu thawhchhuah zat pawh a hre vek mai a ni. Chumi atang chuan awlsam tak maiin eiru ni a rin te chu a chhui zui tawh mai thin a ni. Tin, tax reng reng hi IRS (Internal Revenue Service) hnen ah pek a ni a, tax pe leh pelo chu an hre khawp mai. Milian lar tak tak te hi an chawi tir teuh teuh chang atam mai.
Mizoram ah hian tax pek mumal hi kan neilo ni awm tak a ni. Hei hi sawrkar leh mipui tan a thil thalo leh pawi em em niin ka hria. Tax kan pek chuan, sawrkar ah loh theih lovin aw kan nei thei a, a thu hrim ah ram revenue tha em em hi a ni ringawt mai dawn a ni.
Tin, tax kan pek chuan sawrkar in eiru te chiang takin proof na awmsa nghal thlapin a hre thei tawh dawn a, eiru pawh an tlem sawt ngei ang. Puhmawh tur emaw chhuanlam nei dawn mahse, chhui chhuah a awlsam tawh hle ang le. Mi tupawn a thawh chhuah aia tam in leh lo/bungrua (inherit ni silo) a neih chuan duh leh sawrkar in lilam sak tawh mai se. Chutiang dan chu Mizoram tan hian ka van awt tak em vele!
Similar Posts:
- Mizo leh Income Tax
- Mizoram a sorkar hnathawk hlawh hi a tam lutuk em, Tax pe ve dawn ta ila
- Mizoram ka hmuh dan
- CM ni ta ila!
- Midnight Combo post
November 22nd, 2009 at 5:02 pm
Ngaihdan ka neilo.
Report this comment
November 22nd, 2009 at 5:25 pm
Tax chu kohhranah kan pe alawm. Eiru-in kan pe tam zawk a, heivang alawm le, biak in tha pui pui kan sak sup sup ni!
Sorkar hnathawk ten state dang anga 6th pay hman an duh thu an sawi ngun ta hle mai. Mahse state dang anga sorkara tax pe duh an awm em aw!
Sorkar tur kan thlang a (Vai hnena kutdawh turin). Cheng 1 pawh thawh lova mipui rawngbawl lo anga kan sel vak vak hi han ngaihtuah chet chet chuan a dik thlawt lo.
Report this comment
November 22nd, 2009 at 6:01 pm
Thlakhat a $ 8000 vel gross in kan la luta $ 2000 chuang zet mai sawrkarin alo fanghma no ei hmak hmaks hi chu ka ui ve thin khawp mai kei pawh.
Mahse, ka tax pek hmanga sawrkarin a chawm ho, mi thatchhe ho hnathawkpeih lo, nitin tuktina tuifinriat kama inpho mang peih si te, baby bonus hmuh duh vanga thlasika sawnpai tawm bo nipui ve leh a footpath awh khat vek khawpa naute prama rawn in nawr duah duah ka hmuh ka hmuh hi chuan ka thin a rim ve leh thuth thin
Report this comment
November 22nd, 2009 at 6:13 pm
Tax hi la ngam sawrkar kan la nei lo anih hi le. Tunlai No Tolerance ah pawh hian ba tren trun chu an tam ang, motor insurance ti lo pawh a tam
Han khawn vin deuh sela thra tur, sawrkar hi kan inti-tatu lo lutk hi chu a puitling zia lo khupz
Report this comment
November 22nd, 2009 at 6:18 pm
a nuam tran.comment ho deuh deuh an chawk reh hmiah hmiah tran.
Report this comment
November 22nd, 2009 at 6:34 pm
Mvsion ka thlawp e.
6th
Report this comment
November 22nd, 2009 at 6:46 pm
HV hi Mizoram tan ka awt
Report this comment
November 22nd, 2009 at 6:48 pm
Pu HV,i ziak tha hle mai. Ka longaihtuah ve reuh reuh thin a nia. Tax hi a pe thei chin/pek zat bithliah thlap nise. Tin, an tax pek leh property inmil lo lutuk chu chhui a har lokhawp ang. Mi in tax kan pek chuan a neitu nihna feeling lian tak kan nei tlat. Kohhran sum eiru te pawh kan huat nachhan chu kan thawhlawm tling khawm anih vang ani, Pathian ta anih vang em empawh ni lo in. Europe ah hian miin kum 30 hna a thawhin apartment pakhat a lei thei an ti,thawk sang deuh in a tha deuh…Aizawl a in lian tha tak tak,sawrkar hnathawk ta ni bawk si,a tam zawk khi chu buichhialaih loh in a inpuang tih ang vel a ni. Good governance hi chu khitah khitah alani hrih e,kan ramriangte tan ve hi zawng!
Report this comment
November 22nd, 2009 at 7:29 pm
Pu HV,
I ziak dik hle mai. Mahse kan ram mipui hian, a te ber atangin a lian ber thleng, tax pek kan tum leu. Tax kan pek duh lona chhan:
Hnam hnuhfual leh mawl, mirethei, lehkha thiam lo, changkang lo, etc, etc, tribal ni reng kan thlan tlat avangin.
He tribal chungchang ah hian, Vaiho hmusit ka tuar thei thin lo avaingin, kei chu unilateral decision ka siamna, i.e., tribal nih ka bansanna a rei tawh. Vaiho an ti thei leh an thiam thei apiang ka thei vek. An aia hniam zawkna engmah ka nei lo. Mizo ho hi hnam ropui (proud nation) kan ni a, Vaihovin “tribal” tih a mi hmusit reng tur ka in phal thlawl tawh lo. Chuvangin tribal facility/concession/quota enjoy ka tum lo. Ka awmna apiang ah tax pek zek ka tum.
Report this comment
November 22nd, 2009 at 7:31 pm
Read “tax pek zel” (typo regretted)
Report this comment
November 22nd, 2009 at 7:53 pm
Dear HV: Mizoram tana i thil awh chu pekin kan la awm ngei ang tih beisei ila.
Ram rorelna a kalfuh hunah zawng, Sorkar hi mi zawng zawng Sorkar a ni tawh ang. Lal chhungkaw tlemte Sorkar ni tawh lo vin. Sorkar pawhin fate zingah en hran bik leh duhsak bik a nei tawh lo bawk ang. Hmangaihtu dik takte rorel hun tur hi alawm Zoram Khawvar hun kan tih thin chu, a va han nghahhlelhawm tak em ve le!
Zanah te chuan tu tan pawh a ruka thiltih a awlsam em a ni. Mi tuemawin rim taka a thawh chhuah atanga chhiah a chhun luh kha mi tuemaw chuan hahdam takin a lo eiru hmak mai thei a, chhiah petu tan a tha nat thlak lua e!
Nghak fan fan ang, khawfing a chat tep tawh a nia
Report this comment
November 22nd, 2009 at 8:54 pm
Tax chungchangah hi chuan VAT ka hrechhuak ziah. Damdawi kan lei dawna nu pakhat hian ava to ve a ti a, dawrnghaktuin VAT lak a ni tawha a to lo thei lo a ti. Sawrkar a sawisel zui nghal. Buaithlak ve rap2 tak a ni.
Report this comment
November 22nd, 2009 at 9:01 pm
nia
Report this comment
November 22nd, 2009 at 9:32 pm
Tax hi kan pe reng a,proper channel lo deuh mai a ni,e.g bungrua ka lei a,dorkaiin a man chu Rs 1000, mahse VAT nen Rs.. anti thrin,dorkai pek tur kha mipuiin kan peksak mai2 ani,chu ai chuan tax pek hi hrehlo ila, TAX pe ila GOOD GOVERNANCE chu automatically in a awm nghal ni mai..
Report this comment
November 22nd, 2009 at 9:33 pm
Kei zawng kohhranin eirute sum a dawng duh zel mai hian korapson kan huat loh zia atar lang in ka hria.
Report this comment
November 22nd, 2009 at 9:35 pm
Tax- aiin sawma pakhat kan la ngai pawimawh.A tha e,mahse pastor thenhat leh kohhran hruaitu te hi a nawlpui biak ngam loh khawp a in hmuamup(Zahawmna a ngai) an awm(kohhran hausak vang nimaw!kohhran te/lian lo lam chu an zia awm deuh!)Mahse chuti lam chu ka sawi tum a nilo,Tax pek hi kan hreh in ka hre lo,mahse kan pawisa pek khawm hi tuten emaw building ropui tak2 sak nan leh car nalh tak2 lei nan an lo hmang zo mai ang tih erawh ngaihtuahna ah a awm.Kan la chhangchhe deuh a ni e!
Report this comment
November 22nd, 2009 at 9:49 pm
Tax kan peka, mumal taka sawrkarin a enkawl chuan, eirukna a tlem anga, ram a hausa sawt bawk ang. Chu chu a ni mai.
Report this comment
November 22nd, 2009 at 11:11 pm
Tax pek leh pek loh chungchang sawi hian eng ber nge ti a then a tha ang.
Indirect tax hi Mizoram ah kan pe ve chiang a .eg: VAT
Direct tax pawh a then chu kan pe eg: professional tax.
Chuan income tax hi kan pe lova ….social security pawh kan nei lo..New Pension System hi social security ang deuh tur a duan a ni awm e.
Chuan tax lakna tur item huam zauh tir hi fiscal policy pawimawh tak mai a ni a …..state purview a ni deuh rauh bawk a tha ti tur emaw tha lo ti tur emaw ngaihdan siam a har.
Income tax pek zo lo tur chu kan sumdawng te hi an ni phawt mai…….Mizoram ah hian thil man dawn pawh kan zak deuh a nia……
Mahse Tax system tha ah chuan ‘ a pinch’ an ti mai a …mi an tha a na lem lo a …regressive deuh ah chuan an tha a na thuai.
Income tax lak a nih chuan Sorkar mawhphurhna a sang sawt ang a mipui pawh kan teu hlur thei ang….. Mumbai terrorist attack a CM in a fapa leh Ram Gopal Verma a hruai ringawt pawh Tax payer ho ngeng a chhun a a in resign ringawt mai a.
An che hlek hi kan pawisa kan ti zel ang a a tha phian ang
Report this comment
November 22nd, 2009 at 11:16 pm
Mizoram ah hian ka hriat dan chuan Sorkar hna thawk nghet hi chuan Tax hi kan pe vek in ka hria, a tlem leh tam chu thu hran. Keini Group hian kum khat ah Rs.1500/- kan pe a, a tlem deuh mai thei a ni. Mahse he kan Tax peh hi a expenditure ka hre miahlo!! A Tax hming chu Proffessional Tax a ni a, pek tur an tia kan pe ve tawp mai a ni. A hmanna hi Pu HV ang khian chiang viau ila chu ka han sawi ve tur
A concern a thawhloh chuan hriat a lo har phian mai.
Report this comment
November 23rd, 2009 at 1:07 am
HV ka rilru a awm reng i rawn ziak chhuak thiam hle mai tlem kan belh ve lawk.kei ni poh in kan hlawh lak a an cut medical tax,in come tax,insuarence,bak ah khua a awm man chu chu tui fee nen kan khaw VCten min trhing tel ziah pek loh chuan tui conection cut hmak den rap .chu mai nilovin hlawh hi kan bank account ah thla tin dt10 ah thla kal ta hlawh kha an thun hmak zel .sorkhar chu sawi loh private em em mimal private individual kan tih ang hnuaiah poh thawk ilang heng te hi kan chawi ngei ngei zel.hnathawh loh chuan chan trha eg insuarence atrang a unemploymennt benifit te kan dawng anih loh phei chuan trhinna dak ah an rawn thawn rang khawp trhin maw le.zoram sorkhar hnathawk deuh vek hnuaiah chuan thil tih har vak chu a nih loh hmel khawp mai kei pon ka ti trhin a lom
Report this comment
November 23rd, 2009 at 1:10 am
Sorkâr sum leh pai hi a tuate mai pawhin kan suam chingchivèt nasa a. NLUP pawh mahni kuta awm kha eirùk then leh phèt kan la tum leh ang. Han inhêkchhe tùr kan awm lo tlângpui a. Chawkidar-in a theihna zàwnah, Peon pawhin a rawsawt piah lam hret a hai chuang lo. Trhàm hnem leh trhàm tlêm zàwk kan awm a ni mai! TAX pawh Sorkâr-ah a lùt lo chu a ni lo, a lùt chhia.
Business-ah pawh Industrial lam chuan TAX kan pe tha viau. Huai pawh kan huaisen thei hret. VAT or TIN, wha’ever … titi titam, Sorkâr sawichhiat leh dèm nân kan hmang theuh thung! Kan moral hi a letling or linglet hrim hrim tawh.
Sorkâr kan suamna sum + dik taka kan hlawh bì hi Pastor lamte’n an lo melh ve kàr a; Kohhran-a TAX làkluh dàn an lo thiam ber zàwk a. Thuthlung Hlui a liam tawh ti kûr dup chung siin, Malakia Bung 4 an chelek rim viau zèl a. An nihlawh phah phian!
TAX pèk dàn leh khawn dàn hi Pastor-te angin thiam ve vek hlawm se … REMINDER ni tina inthawnna ramah chang ve mai se, kan tih tùra lùm ngei ngei, kan hamthat lehna tho tùr a ni tih hrethiam hmasa ila, kan moral chinfel hmasak a nih phawt chuan… kan ti ve thei mai ang.
Report this comment
November 23rd, 2009 at 1:19 am
chung kan pek khawm te chu @aryan sawi ang khian hnathawk peihlo/theilo rui thei reng te chawmnan sorkhar in a lo hmang ve leh a tin in tihpalh emaw econamic tlak hniam chang a hna thaw tur van chang a hna atrang a ban te chhawmdawl nan te hman a ni leh a .hei kei poh hnathawhna ah khawl in ka in hliam palh a hna thawk lovin 21 hlawh nei chung in chawlh ka nei ka dam chian hman loh chuan doctor in min pek belh leh ang chu.ka thawhna hi private ani e.developed ram ah chuan 95%vel hna thawk te hi under private sector a ni e
Report this comment
November 23rd, 2009 at 1:13 pm
Corruption a zung chawpa kara phoro tur chuan Income Tax lak a tul ve ang.
Report this comment