- HT Sangliana
Tunlai khawvelah hnam leh sakhaw hrang hrang leh minorities-te avang a harsatna nei lo ram an awm lovang ti ila a sual awm lo ve. Indian Constitution-ah “minority” tih awmzia hrilh fiahna a awm lo na a “minority” emaw “minorities” tih tawngkam erawh kan hmang uar ta hle. Indiaramah “minority” tih hian sawrkar bengah chuan “Muslim” tihna tlukin a ri a; a dang ho Christian, Buddish, Sikh, Parsis leh Jain hote hi chu a “ve” mai lek chauh ang kan nitain a lang.
Democracy-hi number game a nih avangin a tam ber leh a firfiak ber Muslimhoin India sawrkar hnuaiah duhsakna an chang nasa bik tih pawh chiangtakin hmuh tur a awm chho ta zel a ni. An develop dan tur pawh sawrkarin a buaipui nasa em em bik a. Hlauh tlawn pawh nita bera hria leh puhtute pawh an awm ta hial a ni.
United Nations Sub-Commission on Prevention of Discrimination and Protection of Minorities-in a hrilh fiah danah chuan:
1. The term ‘minority’ includes only those non-documents group of the population which possess and wish to preserve stable ethnic, religious or linguistic traditions or characteristics markedly different from those of the rest of the population;
2) Such minorities should properly include the number of persons sufficient by themselves to preserve such traditions or characteristics;
3) And; such minorities should be loyal to the state of which they are nationals.
India ramah chuan UNO Sub-Commission-in a hrilhfiah dan angin kan kal lo a. Kal ila chuan India rama tribal ho zawng zawng mahni tawng leh mahni traditional Art and culture la chhawm zelte hi Minority kan ni vek dawn a ni. Hetih avang tak hian ZORO-ho te phei chu vawiin ni thlengin UNO lam an la hawi ta zel a, politics lam atangin chhanchhuahna an la beisei ta zel a ni.
Sakhuana vang emaw kan ethnicity leh kan traditional Art leh Culture vang tein Indiaramah chuan minority kan ni ngei mai. Hemi avang tak hian India sawrkar pawhin min ngaih sakin, min enkawlin, min siam lian ve se kan ti a, kan duh a kan phut a ni. Hei hi kan phu reng leh kan right sawrkarin kan chunga a tih ngei tura kan hriat leh kan duh a ni. Tih tum lo ta ngat se chuan, buaina pawh siam i la dem theih kan ni lo ang.
Indiaramah minority ni si kan ram Mizoram-ah erawh majority ni si te hian kan zinga hmasanga atanga lo cheng tawh Mizo nationalah pawh a kan ngaih, lut thar ni lo a hmanlai atanga kan zing a lo awm tawh Tuikuk hovin Zoramah minority an nihna state ah hian an rights, legal and constitutional, tih puitlin sak Zoram sawrkar atanga an beisei leh an phut ve hi an beisei leh an phut ve awm reng a ni tih hria leh chuti lam hawi zawnga ngaih tuaha hmalak duh leh tum hi eng zat nge kan nih ang le?? Anni dinhmun angah hian awm ve ila, hrehawm leh vanduai kanin tihtur ziate kan ngaih tuah ngai em? Christian diktak nia inchhalte hian “Min i chunga titura i duh chu mi chungah pawh ti ve rawh” tih Christiante tih tura Biblein min zirtirhi kan haider reng mai dawn em ni? Hawhteh u, a tharin kan ram a Tuikukho dinhmun hi long term policy zamin i ching fel teh ang u.
1. Tuikuk population census eng kum ber emaw base-in figure rin tlak i buatsaih ang u.
2. Chhungkawtin hnenah (duhthusam chuan Zo khawtinah) sawrkar ram a len lam in tiat theuhin kum 100 chhung atan long term lease-in pe i la. An ram theuhah an cheng ang a. Ei zawn nan an hmang nghal bawk ang a. Land-use chungchangah sawrkarin a tanpui reng bawk ang a. Israel sawrkarin Gaza strip Palestinianho chennan a pek ang khuan Tuikuk area (khawtin area) bik kan rin anga. Chu area chu develop theih dan awm apiangin kan develop pui zel ang a.
3. Chu area-ah chuan infrastructure hrang hrang, kawng, electricity, dringking water, healthcare, education, etc, te kan siam sak ang a.
4. Hna kan zirtirin thawh tur kan pe ang a; an phu ang tawk sawrkarhnate pawh pein Mizoah in assimilate chhoh tir hret hretin, thang 3-4ah chuan Mizo chi dang dangte zinga chi khat an la rawn ni chhoin, kan tu leh fate an la in neih pawlh chho ang a, kan tha tlang chho mai dawn ani.
5. A chung points tar lante leh angle hrang hrang atangin “TEN YEAR COMPREHENSIVE TUIKUK AREA DEVELOPMENT PLAN” a rang thei ang ber leh tha thei ang berin sawrkarin buatsaih se la.
6. Tin, sawrkarin Tuikuk ramhnuaihote biak puiin, muanna tluantling siam pui se la.
7. Tin, Governor supervise-na hnuaiah Tuikuk Area Development Plan hi implement ni se.
Tuikuk problem chin fel dan turhi TV leh Chanchinbu lam pawhin lo thli thlaiin, socio-economic solution awm thei chi hrang hrangte thawh khawmin hma i la tlang ang u.
Similar Posts:
- Tuikukte’n CM hnena thil phut
- MZP Press Release
- Mizo rubotu MSU-in a dem
- Tuikuk politics a khamawm ta
- Combined Post: (NLUP) & (Motor chuan man)
November 26th, 2009 at 7:03 am
Ka dawihzep vei nèn, Tuikuk hmatâwng ka’n nih khiah chuh! Khur chir chir mai nang e!
Mi pangngai leh an Hel pawlte thil tum hi a common tlang vek em? Kan duan ang hi an pawm ve vek kher ang em? Engnge an thil ngiat tak zawk hi? An ngiat thil leh kan duansakah hian inmil lo lai a awm em??
Report this comment
November 26th, 2009 at 7:11 am
Boroh thang nai de, a nih mai chu.
Report this comment
November 26th, 2009 at 8:40 am
TEN YEAR COMPREHENSIVE TUIKUK AREA DEVELOPMENT PLAN” atha viau tak ang a!
Report this comment
November 26th, 2009 at 8:48 am
That ka ringlo kei chu, nakinah kan tan Thang leh Fal an la ni ngei ang. Post a tarlan israel te pawh khu an buai em reng khu maw.
Report this comment
November 26th, 2009 at 9:19 am
Pu Sangliana chu a, Protection of Minorities including their ethnic, religious and traditions emaw a sawi ka tia, Assimilation of Minorities a ni daih!
Ka lo hriat ve mai mai danah chuan tuna a sawi ang hian, ka Sawrkar paw’n tih a tum a, Tuikuk raltlan ho kha Mizoram a hruai kir leh a, khawi tin a sem darh a tum a, mahse anmahni Tuikuk ho khan an duh lo anih kha!!!
Tuna a sawi ang policy hi chu a thatna chin chu a awm, mah se kum 10 chhung lek a Assimilate tur chuan an tam tham ve tawh in ka hria. It will not work!!!
Report this comment
November 26th, 2009 at 9:21 am
Central leh Mizoram Sawrkar te nena an biakremna kha hel ho hian an pawm lo a nih kha.
A hranpaa vulh kher an ngai lo, mizoram chhung khawiah pawh an awm thei a, an duhlo a ni mai. Vote nei tawhte pawh paih sak vek kei chu ka duh, a bika awm kher a tul lo.
Report this comment
November 26th, 2009 at 9:33 am
Tuikuk nge tlan chak ang hepa hi… wonderboy emaw ka ti hman tep
tra la la la la
https://i45.tinypic.com/117ve5v.jpg
Report this comment
November 26th, 2009 at 9:51 am
Pu HV, ava hahthlak thin ve aw..! Mizote hi kan chu ti kha ti kan han in tive thin taknaa hnam dang ho hi an lo mak zawk leh thin.
Inkhel entu mak sak pui2 te hi ram changkangah an tam zawk daih.
Report this comment
November 26th, 2009 at 9:53 am
A tan tirh te, hmasa zawk a an buaina ah pawh khan an mahni in leh lo hal chhia in, chhungrilah infuihpawrnna an neih a vangin an mahni in leh lo pawh kha an hal a ni a, Central bengverh zawng a awm tum tlat hnam.
An iang ber, Chakma Autonomous, Lai District Council, er an ngah ngam ta reng reng mai, Mizoram Police Platoon khat lek hi han in tuai thar sela, mang chimih vek tham lek an ni, Gaza Strip an nih khu.
Hmanlai kan pi leh pute a tang tawh a, Tuikuk, Takam, Mizote tirhkah mai mai kan tunah Mizo pa an khawih ngam ta mai hi rilru a na a ni…kan Sorkar hian a Sipai tha te hi chher hriam se la, Tuikuk tawngthiam Intelligent hman tur lah a nei bawk. tingmit hmiah mai teh se.
Report this comment
November 26th, 2009 at 9:55 am
He tu ziak hi ka chhiar a ka duh aiin tuikuk ho tan hian a thil phal mah mah a,tuikuk lak a lungawi loh lai a lo ni bawk nen, a tawp lam phei hi chu ka chhiarliam puat a,chuan ka mutsan ta a. Ka mut hmunah a thuziak ka chhiar te hi ka ngaihtuah let leh a he thuu ziak tupa hian a rilru diktak a ziak a nih chuan a rilru zau tur zia hi mak ka ti a, chu chuan ngaihtuahna tam tak min hman tir avang in ka mut theihloh phah ta a nih hi.
Mizo tan chuan a thuziak hi lem a har khawp ang,he mi ka ngaihtuah lai a ka rilru alo lang chu a ziaktupa rilru leh US sawrkarin a ram a immigrant leh minority laka a rilru put dan hi inang hle in ka hria a, Europe ram thenkhat leh England ram te angin an racist loin an puitling rilru hle a ni.A tawi zawngin he thu ziak kan ei lo a nih chuan mahni lam in enfiah deuh kan mamawh a ni mai thei.
Tihtak emah chuan Pu H.V te, chawnghilh te US tlang a tanga an pawt zuah zuah theihna chhante pawh hi Pu H.T.Sangliana te ang zawlpui, mi rilru zau lo awm vang hi a nilo tih tunge sawi thei ang kha deih kha sin.
Report this comment
November 26th, 2009 at 10:34 am
article ah poh khian a soi angin Kristian state kan ni bok a.. chu vang chuan..
maybe just think.. W.W.J.D. ?
Report this comment
November 26th, 2009 at 10:46 am
Pu HT sangliana hian misual hi a tlawh ve thin amawnle…?
hmanah khan ka englo vel sia ka rilru a nuamlo ta riau mai, min hmuh hunah min melh rum mai ngah
Report this comment
November 26th, 2009 at 11:25 am
HT-a nen chuan kan ngaihdan inanlohna chu CHhim leh Hmar ang vel a ni….Tun dinhmun ah hian minority dang te nen kan territory hi in Sem thei kan la ni lo…minority dang ho chakma kan pe tawh..tuikuk pe leh ta ila, Hmar leh a behbawm dang an rawn mawm leh anga…so n so…Phung velh ang vel in, kan Mizoram duhtak hi Te Tual tual atan ka phallo tawp…HT-a hian HUN HMALAM hi a thlir ZAU mah mah ani lo maw??? UN tih vel hi maw…UN ber ber hi Indeginous people rights chhuan (decade) engemawzah lo rap bettu kha a ni a sin…First world country ho (UN a a meizang hlap tu ber ber te hi) hian a ni lom ni minority an en dan chu…India nor UN in tribal/indeginous/minorities etc ho hi an hmangaih tak tak lo, chuvangin keimahni leh keimahni kan in VENHIM hi a trul tawp ani mai..Tuikuk, Hmar(helho ka soina bik) so n so..tute mah hi kan Ram sahthlak thei dinhmun ah kan ding lo…din hun te erawh ala awm ve mahna …
Report this comment
November 26th, 2009 at 11:33 am
He post chu Rilru a va ti NA ve aw….eng hnam pawh kan hmangaih tur chu a ni meuh mai, mahni Hnam ralna tura kan hmangaih erawh Christian zirtirna piah lam a ni lo maw? Chimrala hlauhawma kan la awm chhung hi chuan HT-a ngaih anga kalpui hi HIMLO tak tur a ni…a MIZO a te ber chimrala kan awm chuan kan Chriatian na pawh hi chimral ani dawn chian lutuk tih hi zawlnei nih kher ngailo in ka chiang e….HT-a chu ngaihtuahna seng ve leh deuh teh se…chutilo chuan kei lungmawl hian Hnam chungchanga a rilru put dan miten a Negative zawnga an sawi hi AWIH mai ka thlang ang tih ka hlau ….
Report this comment
November 26th, 2009 at 11:36 am
US pawh khu Native, (red) Indian ho an rah beh hle tawh hnu ah, hnam tenau an lainat thar leh chauh animai lo maw
Report this comment
November 26th, 2009 at 11:38 am
@chawnghilh please ka comment hi min han tuih hnih sak hram teh…@Funny pawh ka sawm nghal e…
Report this comment
November 26th, 2009 at 11:40 am
Pu HT hi central ah a tling ta silova, zoram politiks luh tumin ke a pen tran animai lo maw?? zoram lam a vei tran riau in a lang. No Offence.
hahthlak: a post khi kan chhiar ve phot ange, kalo la chhiar lem hleinem. heheh!!
Report this comment
November 26th, 2009 at 11:46 am
@Funni, US chu sawi dikkhawp mai, anni phei chu ram changkang, christian ram ve tho an la ni zui..kei ni zawng engtikah, a engber (political, economic,religious,cultural…) hian nge min Assimilate ang ti a rilru hlau thawng reng reng a awmlaia…Tuikuk i duat ang u, kan christianna nen…so n so…Bangalore vel ah khan mimal takin Charity te a tihsak theilo a mi? Mizoram hi chu phalrai lo se ka duh khawp mai…ka sawi na mah mah em aw!!!!
Report this comment
November 26th, 2009 at 11:58 am
Mizoram hi UN leh India hian min venhimpui lo reng reng…keimahni a MIZO a te hian kan venhim zawh loh ngat phei chuan kan chan tur chuan Maian pawh a tluklo ang…Internationl boarder ram 2 kan neih a Central sorkarin Mizoram him nan a a HMALAKNA hi Lungawiloh thlak ve tawp, phun phun mah ila CHINA in India a run hma chuan engah a ngai tak tak dawn lo….HAHTHLAK tak a ni…HT-a chu Mizo tam tam Idol a ni si a, a thusawi chu ka helh hle mai..DEBATE neih pui law law hnu ah sawi chhuak ni ta se ka Dam deuh mahna…. kei ang ZONU mawl mang ve tak hi debate min neihpui duh awm der silova….ka in khawngaih tawp….
Report this comment
November 26th, 2009 at 12:16 pm
Post-tupa chuan ZORAM KHAWVAR hun tur a hmu thiam lo hle mai aw! Ka sawi thui lo mai teh ang. A hun a hla tawh lo bawk a!
Report this comment
November 26th, 2009 at 12:21 pm
hahthlaki: i helh pawh hi a awm khawpmai
“khawtina sem..” a tuikuk ho pawhin an duh teuhlo, #5 sawi khi dik chiah. khaw hran hrana sem darha assimilate lam daih a kawk.
bakah tuikuk ho hi, an chet dan en in mizoram chhunga awma lungawi mai chi an nilo, state_hood thlenga la ngiat duh tur chi anni.
tihtak em ah chuan, Palestinian ho khu Israel buaina ber anni reng ani. vulh ngam hleih theihloh vulh ngam tralh tum chu buaina.. nakin ah techuan Pu HT a sawi ang khi a trul hun ala awm mahna.
Palestinian ho hi thuthlung hluia Pathianin Lal Saula hnena that chimit vek tura a tih tekha anni em kha, Lal Saula’n alo thah chimih loh avangin an la buai phah ta zel nitur ani.
Report this comment
November 26th, 2009 at 12:27 pm
Oh khai-ah! Post-tupa ka’n tih chu! Goldy post a lawm le. Goldy te chu KHAWVAR ADMIN a ni daih!
Report this comment
November 26th, 2009 at 2:06 pm
Pa fing awm a ka ngaih pui pui pawh hian thu finglo tak tak hi an phuh chhuak leh phut thin.mizo regiment nei ve mai ila kan phuisui deuh ang chu harsat hunah state border vel a han tei vel a tan pawh tha ve.Tripura sorkar pawh hian Mizoramah hian ambition a nei lo ang tih sawi loh hi a har thei ve tho mai.
Report this comment
November 26th, 2009 at 2:06 pm
Mizo Regiment kan mamawh…hip hip..
Report this comment
November 26th, 2009 at 4:08 pm
Khawthlang lam atranga telephone a ka thu dawnna in a sawi danin, tun lai hian tuikuk ho chu an hel hovin mizoram chhuahsan turin an ti a, chuvang chuan an ran leh bungraw lian deuh chu an hralh chur chur mai, vawkte pawh a tlawm ui pawh tlawm te te in an hralh kawrthah leh a chhehvel khua te chuan an leia an kai chuah chuah mai, vawkpui a no 7 hruai lai pawh Rs 20000/- awrh chauh ten an lei thei hial. Tuikuk ho hian eng policy nge an apply leh dawn i lo thlir zel phawt mai teh ang u. Ama’rawhchu, hetih lai hian pem duh lo eng emaw zat chu an awm ve tho bawk.
Report this comment
November 26th, 2009 at 4:24 pm
He post hian a tum ni a lang chu hriatthiam pui vek kher lo mah i la, Mizote hi kan in ennawn ve a tul zia chu comments atang te hian a hmuh theih mai awm e!
Engkima Pathian, Kristian tih lan kher ngai ta fo mai te leh midang kan hmuh dan kan puan zar thin dan hian ngaihtuahna thui tak min neih tir.
Pu HT a ngaihdan ti mai i la, mihring theuh kan ni tih leh hnam hnufual zawkte chawikan hi ka pawm zawng tak a ni a. Thil tha, uluk taka ngaihtuah chi erawh a ni thung ang. Political advantage a lak tum ran rilru nen chuan a in mil lo anga. Tuikuk te harsatna erawh hriatthiam pui ve tur in ngaihtuahna sen a tul ka ti tak zet.
Chutih rualin, minority te duh ang nena inrem kher a tul ka ti lo a. Special treatment in pek hian a hnu leh a nei duh phian a. Chuvangin sawrkarin bengsikin ngaihtuah se la. Mizo te leh Mizoram hmalam hun a tana tha lo tur nia hriat ah chuan hnungtawlh hauh thung suh se. An tana tha bawk, kan tana pawi lo chin zel a an rem theih chuan ka lawm a. A bak erawh chu inphal rai lutuk loh kha ka duh dan a ni.
Tin, point #4 khi ka pawm hauh lo bawk. Nupui pasal inneih pawlh a chhuan 3-4 vela assimilate tum khi thil tul hauh lo a ni. Mizote ngei hi minorities zinga tel leh assimilate hlau ngawih ngawih kan ni si a. Kan tradition and culture te chhawm nung tur chuan hnam dang neih pawlh kha ka support lo e. An ni ang ka atanga chhuakah chuan a mawi lo. Nupui pasal a hnam dang neih hi mimal duhthlanna a ni a. A nawlpuia a pawi lo tih chi erawh a ni si lo!
Report this comment
November 26th, 2009 at 4:33 pm
Announcement Zanin dar 7:30 hian Doordarshanah Aizawl-ah Talk Show on Tuikuk issue a awm dawn
HT idea hi chu Bawrhsap Nc Call a Idea nen a inang reng
Report this comment
November 26th, 2009 at 4:46 pm
kan naupan lai paw’n uifing kawlh, German shepherd kan tih ang chi hian ka u alo seh ngawt maia, miin a kawlh anti huai huai chung pawha naupang kawng kal seh thei khawpa thlung lova anla chhuah zalen kha ka pa ngaihdan anilo a le, a han kal lawka, a ke hnungah a mana lei vuak nan a’n hmang mai chu a thi chiang rap. a vulh tute paw’n engmah an sawi buailo. Police uifing nita nghe nghe in ka hria.
Heitang deuh hian an chet danah min seh hun chang ran annih hmel lehnghala fimkhur angai. tuikuk ho lei vuak nana hman tur ka tihna phei zawng anilova
Report this comment
November 26th, 2009 at 8:07 pm
Pu.HT-a sawi hi a Pathian thu hle a inrem tak a tute pawh awm lam a kawk a.
Tin assimilate chungchang khian USA culture melting pot ang mai an tih kha a kawk viau bawk.
A hahthlakna lai chu tun hma a skewed economic development awm khan eg: Aizawl lian thur thur ….Aizawl accent etc khan Aizawl ve lo leh Aizawl copy tum Lunglei ,Kolasib etc vel a awm te in kar ah Aizawl leh Mizo nih duhna leh Aizawl accent pawh nei lo Mizo ngaihna awm lo ni a inhriatna a siam a….Mizo hnam tlemte zingah Lai leh Mara in mahni a rorelna ang reng an lo nei sa ve bawk nen…..Chu chuan Chakma,Bru etc ah ngampatna a siam ve nasa a ….Dik tak chuan an living standard hi sang se hei ai hian kan buai zawk hial in ka ring.
Hmar lam lah hi an lungawi har ang reng bawk si….Mizoram hi ngaihtuahawm tak a nihna chin a awm.
Hnam survive lo tur chu an in bei an in bei a an ral mai.
In beih leh tha silo in beih loh dawn leh dik si lo… huat viau dawn in Lai leh Mara an awm ve si… Huat loh dawn in an pawng ve si…Lai leh Mara lah chuan thuneihna an neih dawn chuan Chakma pawh an thu rualpui ta deuh deuh a…thurualpui lo dawn se Chakma nen an treat dan thuhmun deuh rauh bawk si.
Burma kawng chhuak se….sorkar ah innghat lovin sumdawng sup sup ila pawisa ah hian buai ila ..ram hmangaih uchuakna ,chi bing in lakna te a bo mai.
President Obama inauguration a Rev.Lowery benediction khan tlip pawp ang-
“we ask you to help us work for that day when black will not be asked to get back, when brown can stick around — (laughter) — when yellow will be mellow — (laughter) — when the red man can get ahead, man — (laughter) — and when white will embrace what is right.
Let all those who do justice and love mercy say amen.”
Report this comment
November 26th, 2009 at 8:32 pm
POLITICIANS HO TENAWM VANG A NI BER. RAM LEH HNAM AIA LALTHUTHLENG AN HMANGAIH ZAWK TLATNA RAH KAN SENG ZEL A NIH HI.
Report this comment
November 26th, 2009 at 8:36 pm
I va kher fuh niap niap! An dam phah chuang lo’ng e! :roll:
Report this comment
November 26th, 2009 at 8:43 pm
Pu HT-a hian thlirna zau tak, tun atanga kum100 piah lama thil thleng thei a thlir hi a puitlin zia a lang chiang hlein keichuan ka hria.
Thilnungte zingah a lian zawkin ate zawk dawlh emaw anih loh leh atam zawkin a tlem zawk chimral emaw hi khawvel pianphung a ni a. Tu ma dan theih pawh a ni lo. Khawvel history-ah hian hmasang atang tawhin chutiang chu chhiar tur a tam mai.
Pu HT-a thlir dan angin keinipawhin kan ram chhung kil khata awm Tuikuk ho te hi nakinah chuan Mizoten kan la assimilate/dawlh zawh mai tur zia hi hria se an lungngai ru ve viau ang.
Kan ramah Tuikukin min la chim ral ang tih hlaute hian facts and figures dik tak, Zoram mipui za zelah Tuikuk, kan ram mi leh sa a kan ngaihte hi, eng zat/percent nge an nih tih hria sela an tan ngaih dan awmze neih a har lo ang. Tripura Tuikuk kan chhiar tel lo a, kan buai pui turah ngai lo bawk ila. A chhan chu Tripura nen kan inkar ramri thatakin kan hung anga, tuna Bangaldesh nen kan ramri thirlena BSF in an hung mek ang hian. Kan ramri leh check Gates te hneh takin kan ven angai dawn ani. Kan ramri kan ven him loh chuan infiltration pawh awm sela kan thiam loh liau liau ani ang.
Pu HT-an kan thlahte an la inneih pawlh anga a tih pawh hi thil kan duh emaw duh lo emaw thil awm tawh, awm mek, la awm zel tur a ni. Tuma dan theih a ni lo. Kan nula tlangval engzat nge Sap-American- British- Australian, Chinese, German, Swiss, French, Vai, Dumka kawnglai leh Bangladehsi Mosolman inhlawhfa thlengin engzat nge awm tawh, kan chhiar seng tawh lo ang. Hma lam kan pan zel tihna ani zawk. Chi leh kuang inneih pawlh thilah phei chuan Zoramah chhungkawtin te hi tumah thisen inpawlh lo kan awm tawh lo. Pure-Sailo-Paihte-Hmar-Ralte-Pawih-Pachuau, etc, etc, kan awm tawh lo tih i pawm ngam ang u. I pawng tawng mai mai lo ang u. Tuna kan nih dan hi a tha ber a ni mai. Hitlera anga Pure Mizo siamtumna riru hi a thing tawh lutuka, tuipui tlak pawh ani tawh lo. Pure Ralte, Pure Hmar and so on awm tulna pawh a awm lo. Awm zia a wm lo;….ani lawm ni?
Pu HT-a chuan ‘Tuikuk ho chu hna hrang hrang Peon hna tih angrengte pe in, zoram khaw hrang hrangah kan thawn darh anga. Zo nuna nungin, zotawngin an tawng thuai mai ang’ te ati tawh thin.
Tin, ‘Ten Year Comprehensive Tuikuk Area Development Plan’ a tih pawh hi infrastructure din sak nan leh model state ang chi siam nan a tih chi ang a tihna mai niin a lang. Hei pawh hi thil theih loh anihna tur a awm in a lang lo.
Thenkhatin Tuikuk ho ‘siam that theih loh’ah kan ngai hi an tan Pa leh Nu chang rilru leh thlarau zawng zawng a a tak tak a chang tawh leh chang tur kan la awm loh vang chauh ni ber te pawhin a lang.
Comment tu thenkhatin US sawrkarin Red Indian ho a rap bet nia ngai leh sawi an awm a. A nihna takah chuan Red Indian ho thiamloh tih tur a ni zawk tawh a sin. A chhan chu an hmasawnna tur a tanpuina chi hrang hrang Restaurant siamna tur te, cooperative society inna tur te leh private angte pawh a hma an lak theihna tur thil hrang hrang an tih nan soft loan te leh subsidy hrang hrang te pein sawrkarin a beih pui tawh thin a. Mahse, tunthlengin ding chhuak sawi tur an la awm lo anih hi. Literacy lam leh hnasang chelh lamah pawh tumah National levelah Secretary, Deputy, Assistant tih ang reng level-ah pawh vawiin ni thlengin an la awm lo a ni. Sawrkar hna thawk lang pha pawh sawitur an awm lo. A chhanchu an zingah discipline a chau a, an tum a snga lo a, rual awhna chang an hre lo a, zu an ti nasa a, city aiin an pipute hunlaia an awm ang a independent Red Indian Village-a awm leh mahni chi bing tetea awm mawl hoh mai mai an la duh zawk tlatnain hma lam a pan tir thei lo zawk a ni. WWF a Red Indian wrestler pakhat Tatanka a kha infiamna lamah pawh lar pha chu an ni mai. Tuikuk ho chu leader tha leh educated, hma sial pui a hruaitu tur an neih loh vang mai niin a lang. Hruaitu tha hnuaiah chuan an dawk chhuak ve maiin a rin awm. Culculated risk lak ngam na ngei tur niin a lang kei pawhin ka ti ve.
TUIKUK
Report this comment
November 26th, 2009 at 9:43 pm
hmmm..Tuikuk buai in kan buai leh ta!! 90ty’s vel khan synod h/s ah ka kal a,Tuikuk an tam mai, an thaw a uih thei khawp mai!!Tun thleng pawh in mizo tan an la uih reng a nih hi.
Report this comment
November 26th, 2009 at 9:47 pm
@thaberlehzuala: I rawn ziak tha hle mai. Pu HT-a aiin i rawn thawh tha mah mah a lawm maw le! Thil zawh duh che ka nei a, nakin deuh ah aw
Report this comment
November 27th, 2009 at 12:45 am
tuikuk kurui de
Report this comment
November 27th, 2009 at 1:28 am
ka ramah a hnam ang a abik a in enkawl hranna neih hi thil tih chi a ni lo, in pumkhatna aiin ram tei tet na ani a hhre lo a nih hi.
mi state population tam lutuk leh hnam upa tak leh ngial nghet tak zingah a awm a, a thlir thleh deuin ka hria.Tunah hnam angin district council nei pathuam kan pua a,kan in pumkhat chu sawi loh mi ramah leh state dangah kjan awm tlang a,mizo tawng an hman duh loh bakah mizo an in ti duh loh tih te hi a hre em aw he rawn post tu hian.
Tun a thu neituten an tum dan mahni ram ang ah rawn neiin a binga enkawl a dah khawm lovin hmun tin ah dah sela a thra mah2 zawk ,chutai an duh loh chuan tripura ah khan awmse an in hmeh tawk chauh.
Mi ramah an rawn mikhuala fanaute neiin khua leh tui nihna an nei a, lo enkawltute leh chawm lian tute ram sak thlak tum rikngawt hi a dik lo,an awmna ah tha takin khua leh tui tha ni sela, tawng zirin hmang se chu2 an tih tur zawk a ni a, chu tia an awm chuan an chanvo leh an hnam himna right pawh tha takin a work zawk ang. Chutia thu an awih lohva ka hel e, ek e bal e an tih ve khang lang chuan a roreltu zawk chuan ram leh hnam him nan chuan an hnawhchhuah mai kha an tih tur a ni.
Report this comment
November 27th, 2009 at 6:30 am
Who are Tuikuk (Officially)?
Report this comment
November 27th, 2009 at 6:43 am
9mm, Tuikuk are known as Riang/Reang officially, niin ka hria, ka hresual em lovang chu maw.
Report this comment
November 27th, 2009 at 2:48 pm
coment zui minti chak hlawm hlemai
NOI
tunah hian tuikuk hovin he article hi lo chhiar ta se, UN ah min hek nan han hmang ta se, “hmun hrang hranga min then darh a min assimilate an tum” ti ta se UN chuan min melh rum viau maithei ani
keini pawh assimilate duhlo kanni ang bawkin tuikuk ho pawhin assimilate an duh miahlo ang tih hi thil chiang sa ani. He rawtna chinghne beram hmul sin ang maia, that chhuah taka ti chunga assimilate tum ru reng rawtna hi hmangaihna tak atanga chhuak ani thei angem? nge hmanlai british colonial policy ang?? tunlai post colonialsim lama zirna hian khatiang rilru kha a reveal toh anilawmi
Red Indian chungchang hi chu, hmana an dminate na ani ka sawi ni, hemi chungchang hi topic lian tak ani a, lehkhabu tamtak daih thil ani, sawi sen mai mai chi pawh anilo. “bury my heart at wounded knee” tih film tekha fiml tha leh a tak tak a thil thleng ang anih kha. Red Indian chauh pawh nilo khawvel hmun hrang hrang ah..
Report this comment
November 27th, 2009 at 3:20 pm
Pu HT Sangliana Fanu pasal hi Tuikuk ani tlatin ka hria!
Pu HT Sangliana hian Tuikuk makpa a nei em?
Report this comment
November 27th, 2009 at 3:22 pm
Comment#30 Taikheri Sawi khi a dik khop mai.
Report this comment