PETROL PAWLHDAL CHUNGCHANG HI
Kan thianpa Meitei pakhat thusawi ka la hriat reng chu, ‘Mizoram motor reng reng second hand lei chi ani lo, petrol pawlhdal an hmang nasa lutuk’ tih hi ani a. Tunlaiin vawi engemaw zat Petrol Pump neituten Petrol pawlhdal an dawng duhlo a, an kirtir tih thawm kan hre thin a. Hei hi thil lawmawm tak ani a, Pump a duty te hemi kawngah hian fimkhur zel se tih ka chahve duh a. Hetih rual hian rilru a zawhna awm thin chu kha motor driver khan Petrol thalo kha engtinnge a thehthang tak tih hi ani fo mai.
Mizoram chhungah a rawn phur lut tawh a, Mizoram pawnlamah a phurh chhuah leh chu ka ring chiah silo. An leihbuak vek thawm kan hre ngai silo. Kha petrol thalo kha Mizoram chhungah ngei hian tihral ani zeltho niin a lang tlat mai a, chhuichian deuh ava tha em. Chuti anih chuan nang leh kei ngei hian khawilaiah emaw chuan kan thun ve leh tho dawn tihna ani, a pawizia hi kan ngaihtuah chian a tul ani.
Neih thinglung khawng seng tak meuhin motor kan han lei ve a, petrol pawlhdal thun vanga motor chhe thin leh tlo loh phah thin hi huat nachang kan hriat ava tha em. Sorkar hian Petrol ti chingpen tute hremna dan hi a neilo emni chu aw tihte min ngaihtuahtir thin a. Dan a awmloh em chu ka ring thei chiah bawk silo. A hre zawk in awm chuan min han hrilhfiah teh u. Petrol ti chingpentu hi man hmak ila, petrol pawlhdal pawh chu Excise in Zu an man an leihbaw thin ang hian leihbaw hmiah bawk ta ila, kan ziaawm mai lawng maw ka ti. Mizoram Sorkar hian heti zawng hian khauh deuhin hma han la hram thei se ava duhawm em.
Dan khauh deuha kan kalpui loh chuan a chhe lamah kan awn nasa tial tial dawn tlat ani. Petrol phurh tichingpentu manloha chhuah anih zel hian midang Petrol phur ve tan thlemna a siam tlat hi a pawi a. Thianten diklo taka an tih a an hlawk hle thin tih hmu reng thin tan chuan tihve duhna a rawn lian zel dawn ani. Man chhuah an nih palh pawhin hrem annih tlat loh a hmun danga an tihral theih zel chuan. Tin, Petrol Black a leitur hmuntin maia a awm reng mai te hi Sorkar hian han enfiah deuh se ava tha em vele. Aizawl ang khaw lianlo takah hian tihtawp hi a har lutuk awmlo asin mawle. Sorkar chaklohna heng hian a tilang hle in ka hria.
Similar Posts:
- Gas leh Petrol pawlhdal chungchang hi
- Aizawlah gas leh petrol awm lo!
- Air pangngai aiah N2
- 35,000 litres of petrol saved during 3 day taxi stir
- Petrol leh diesel khuahkhirh
a tha khawp mai
November 27th, 2009 at 1:58 pm
1st, in tih dan
Report this comment
November 27th, 2009 at 2:00 pm
lolz @ mygurl
An phurh chhuah leh chu a rinawm loh tlawm deuh zawkin mizoram chhungah an thehthang tho tho in ka ring
Report this comment
November 27th, 2009 at 2:39 pm
Nivel mai mai e mawle,a thawnkir tu te tho bawk khan an hmang leh tho ang chu mawle
Report this comment
November 27th, 2009 at 2:41 pm
Kan import ah Petrol pawlh dal, gas tihchingpen a hluar. Export ah sawhthing bag karah leitlang leh lung. Meihawl karah thing, meihawl dip. Kan thingzai “Chartin” a te lutuk tawh. Kan va uar ve.
Report this comment
November 27th, 2009 at 2:42 pm
Kan export quality tha ber chu KS a ni mai lawm ni.
Report this comment
November 27th, 2009 at 2:58 pm
Pump neitu te hlei hlei hi ania pawlhdal hrat chu, Tank Lorry trip khat ah hian a tlangpuiin Khawnvartui barrel 3 vel an pawlh thin, compartment khatah barrel khat theuh ang anih chu. I awih loh chuan Pump a thawk thlakhata Rs 1500 lek hlawh a an chhawr ho te hi zawt mai rawh, zanlai leh zing dar 6 inkar hi an thawh hun ani tlangpui. A hminghmerhin a khawnvartui an leina pawh ka hria, hmanah an in Edenthar vengah a kang vak tawh leh nghal, an hming chu sawi ri lo mai ila , min censor palh ange!
Report this comment
November 27th, 2009 at 3:06 pm
Petrol pawlh dal hi chu a tul lem lo khawp mai, khawlin a tawrh nasat dan zozai hi ngaihtuah hian a thinrim thlak lutuk. Xtra premium, Unleaded etc. pawh nise Mizoramah hi chuan a ngaih that thlak loh theih khawp mai.
Report this comment
November 27th, 2009 at 3:07 pm
Pawlh ah khian dal tih khi tel ve lo sela… Petrol a Lub oil etc an pawlh hian a dal (sp.gravity hniam sawt) lova, a san phah sawt zawk, mahse chu chu Petrol engine tan a pawi. Natural Gas Condensate (C7+) pawlh erawh hi chuan a dal phah, mahse octane rating a tihdanglam vangin engine in a tuar thin. Chuan, Nat. Gas Condensate hi petrol aia hmang (a tlawmzawk vangin) an awm, car engine erawh a chhe duh, Ambassador Car engine erawh hi chuan zu haw mang hauh lova.
Report this comment
November 27th, 2009 at 3:13 pm
A solution chu khawnvartui hmang motor siam chhuak se
, anih loh chuan khawnvartui hi petrol nen a man ti in ang se ti ila tuisik an pawlh tho ka ring mizoramah chuan.
Report this comment
November 27th, 2009 at 3:20 pm
Lirthei a pung reng tho a lawm, a pawivak lo aniang.!
Report this comment
November 27th, 2009 at 3:27 pm
@Aryan i hre dik ngei ang le heng ang pawlh dal hi thil thar a ni lem lo 1980s chho atrang a an tan tawh trhang hnih lian dawn a nih tawh hi a la ngai reng a ni maw.tank lorry awm tan tirh ti mai teh ang zoram bik ah chuan an tanky chhung ah khan gerygan an phum a a level a sang chho trhin a ti chuan pump te khan an full recipt trhin a hun a lo rei deuh a an hralhna nen an lak luh nen a in mil ta lo chu an ringhleh ta a an han hmuh chhuah chuan meitei ho tho hi ni nge2 a khawnvar tui pawlh dal ti chhuak tu te poh pawldal lam ah an tuan ta a,1985 chho vel te kha chuan petrol MS bik hi Rs12 bawr vel a ni a khawnvartui SKO hi 1.25 bawr vel sorkhar rate in ti chuan liter khat ah rs 10 vel an lap thei ta a barrel khat ah hian lts220 adawngbawk a chunglai chuan trip khat ah barels 10 deuh thaw te an siam trhin petrol te kha a la trha hlawm bawk nen zoram lam ah la strick vak hek lo.1980 to 1995 chho vel a tanklorry driver kum khat khalh truck emaw lei thei lo chu mi aaaa an tih trhin kha.khang hunlai kha chuan khawnvartui mizoram quota kha silchar dai ah Jaganath a(Mastera)an tih mai hnen leh Putara chalkawlha an tih hnen ah an hralh trhina driver ten mizofed ah sorkhar rate in an payment ve leh a (maneger ten tlem a zawng an lo lap thin)SKO. (K.oil)kha barel khatrs600 in driver ten polhdal nan an lei chhawng a petrol kha 2000chuang in an hralh ve leh a vairam leh zoramah te an hralh chhawng leh a mizofed pump maneger tanker neilo an awm lo an tih hial a nih kha driver ten petrol an phurh chuan diesel leh road ration an in tum trhin tih te hi hria kan awm tam loh hmel mi te kan puan zo dawn sawi tawh lo mai ang hahahahah
Report this comment
November 27th, 2009 at 3:31 pm
Tunlai chu Lunglei lam petrol a zia khawp mai. Saitawk hi a che tha viau a,misual ho aiawhin petrol tha lo rawn phurh lut chu pawisa chawitirin a nawr let hmiah zel.
Report this comment
November 27th, 2009 at 3:44 pm
@muantea: chu an nawr let taka chu a lawm khawinge a thlen an tih huai huai chu!!!!!
Report this comment
November 27th, 2009 at 3:50 pm
Saitawka pawh chu rei loteah ‘Top up’ man an pe ang a, a nawr let chhunzawm duh tawh lo mai ang tih ava hlauhawm ve…
(fiamthu)
Report this comment
November 27th, 2009 at 4:00 pm
Khawnvartui pawl hma kha,! lungleng thlak ve ang reng. Khitiang ho hrep vang khian a pawl ta ru mai chu ani si a.
Report this comment
November 27th, 2009 at 4:12 pm
Motor siamthiam ka nih hunah chuan TUI hmang thei ka siam ang, in buai em mai
Report this comment
November 27th, 2009 at 4:17 pm
An pawlh dal ho te chu Black in an zuar quit leh vek mai alawm.
Black a Petrol zuar sawi takah chuan chanchin danglam ve deuh mai min ti hre chhuak zawk. Tlangval Senior Zu ngawlvei pakhat, Namnileng an tih chi – a nih loh vek pawhin nam sa a piang hi Petrol black a thutpuinu bulah hian a tawlh hrut hrut nileng thak a – zu man dilin, Petrol zuar nu chuan a pe duh si lova, a tawpah tihngaihna a hre tawh lo lutuk a , a petrol zawrhlai chu no khat a tlak sak pup a, a hmunah a let a tawp a, ni hnih ka rui e a tih chu.. Black pawh h thenkhat tan chuan lo la tha mah mah a niang.
Report this comment
November 27th, 2009 at 5:16 pm
Hahthlak hlawm a nih hi! Heng lamah hi chuan Diesel pawh hi Petrol emaw tih mai turin a fim eng kak mai..hman ni chu ka hai rum rum tak tak. Petrol pawlh dal tih vel hi chu a nachang an la hre ve lo! Keini Mizo ho thil hmuhchhuah ve chu mi hmuhchhuah sa tihchingpen dan vel hi a ni ber awm e! Proxivon-a inchiu tichhuaktu pawh hi Mizo ho bawk kan nih ka ring!
Report this comment
November 27th, 2009 at 5:38 pm
Hmmm, chhiartu ringawt a tran hi chu keini ang mi trawng tlem leh zakzum tan chuan a har a nih hi. Nia, Hmani pawh khan Diesel thralo chu ka pushed back a, a thehthang na lam ah kha ka hrezui bik miahlo, ka um reng thei bik silo a
chuan, kut ka sil deuh, Oil blackers ho hi kan kut a ni tak chiahloh vang pawh a ni mai thei. Mahse pumpelhna thra ber chu Oil reng reng hi Black in leilo hram ila.
Keini Lunglei ah chuan Pump neitu te hian an pawlh dallo tih hi ka sawichiang ngam. Kartin vawi 1/2 hi Underground Tanky hi ka va check thrin a, Unload hma a ka density hmuhchhuah chiah tho kha ka va hmu thrin, bakah hetiang ang hi chu Private Pump ah hian an practise deuh berin ka hria a, mizofed lam hi chuan an ngam meuhlo.
@sillyBoy Says: Topup ngai chi ka hmanglo hlauh!
Report this comment
November 27th, 2009 at 6:43 pm
an sawi dan thar ber ah chuan a teh tu te hi an hmin leh tawh an ti a sum can do anything an ti.an thawn let kha blackin pump neitu ten an lei leh a a ngaiah bawk an hralh zo leh veks trhin an tih chumaw
Report this comment
November 27th, 2009 at 7:37 pm
hmingtea, Zoram thratna tur anih dawn avangin chutiang Oil reject tawh lo unload lehtu Pump hming chu tarlan nise a va thra dawn ve, mipui tho in kan tuar leh dawn a nia.
Mizoram ah hian POL quality check tu te hi mi 14 vel kan ni a, chutianga an lo hmin tawh pawh chu a hming tarlan a har lo ang, kan tlem em mai. Chuan rangtaka action lak a ni nghal thei bawk anga, ram hmasawnna a ni ngei ang.
Mahse ‘ANTI’ tih rinthu sawi mai mai anih chuan sim vang vang chi.
Report this comment
November 27th, 2009 at 9:31 pm
saitawka hi a hmel tih loh chu ka ring tawk khawp mai :smile: Driver hovin a hmel an hmuh hian an zuam rawk thin a, an zuam sual thei khawp mai :lol: A ni hi chu sum leh ilova tlawn lungawi mai tur chi a ni lo,@hmingte lo hlauthawng lo la, saitawk hi a awm chhung chuan Lunglei lam oil chu a chhe lovang. Nula lama an thlem erawh chuan le… chhan a va har dawn veee :lol:
Report this comment
November 27th, 2009 at 9:33 pm
Tùn hmâa kan petrol hman thin kha chu kut sil nâna hman pawhin chhèm ro a ngai lo, rang takin a hul nghàl hiau mai a. Vun tle nuar pawh a awm ngai lo, tùn hnua mi chu —chhèm fê pawhin a ro mawh hle, a han ro ve te hi a tle hluau a .. K. Oil a tel tih hi a hriat hluah hluah —mahse, lei tùr dang a awm miau loh chuan, fuel tlàkchham aiah lei nge nge a ngai! Carbon deposit chu a sâng thei khawp mai! Valve nuai that a ngai fo rèng a ni! :oops:
Report this comment
November 27th, 2009 at 10:37 pm
Muante chu ka panna lai tak i sawichhuah tak chu!
Report this comment
November 27th, 2009 at 10:50 pm
@Saitawk says: anti tih kan sawi nasa ltk hi sim atan a thra i tih khi full support ka pe. Petrol pump duhthlan tur hi han tam deuh deuh se, kan la zia ve zmaw. Darjeeling ah chuan tunhma kum 10 kal ta khan Petrol pawlh dal an man a, tun thleng hian chu pump chu an la hawng leh lo tih ka thrianpain min hrilh.
Report this comment
November 28th, 2009 at 11:15 am
a mak thei petrol lehzel an pawlh dal ….hrem se..
Report this comment
November 28th, 2009 at 11:18 am
Pawlh dal hnu zawrh hi an ngai neih tawh nih hi.An pawlh dal man thing luai luai ula tha mipuiin tha ang chu..
Report this comment