Dt 1.10.2010(zirtawpni) Vanglaini chanchinbu ka chhiarah chuan heti hian alo ziak a : ‘Legal Metrology hnathawkte chuan, September 28 tlai khan Mualkhang daiah Vanbuangi Gas agency a dah tur gas, motor MZ O1 D 6914 a an khawih chingpen lai an man a; pawisa chawitir an nih bakah, a buk zangte chu a tlinloh dan angin driver an chawitir ani’. He thu kan chhiarzawh hian Legal Metrology hnathawktute thawhrimna a fakawm ka tih rualin, thiltisualtute chunga action lak anih dan hian ka lung a ti awilo khawp mai a. Hetianga mipui mawmawh gas/petrol tichingpentute hremna dan hi a awm mumal lo emni tiin mithiam zawkte kan zawt duh che u ani.
Hetianga thildiklo titute pawisa tlem chawitir a chhuahtir leh mai thin hian sim phahna tur khawp rahtha a chhuah mawh khawpin ka ring a. He driver hian vawi tamtak hetiang hi alo tiru tawhin sum tamtak alo lakluh phah tawh te pawh a rinawm a, vawikhat mana cheng tlemte chawi hi a tan ana vakin a rinawm loh a, sim phei chu a sim phah kher lo maithei. Rs 1000 kan lakluh theih laia Rs 100 chawi chu na kan ti lo viau ang chu. Hman deuhah khan Petrol pawlhdal chunchang ka veithu kha ka rawn post tawh bawk a.
Petrol pawlhdal te pawh hi a changin driver te pawisa an chawitir a, a changin Petrol pumpah an lo unload duhlo thin a. Mahse heng tanker te hian Mizoram chhung tho ah hian an petrol thalo hi an tiral vek zel tho niin a lang tlat ani. Hetiang thildiklo titute hi hremna na zawk pek ni thei se, thuneitute pawhin chutiang chuan hmala se va tha em. Chuti anih loh chuan Sawrkar hnathawk corrupt te pawh hi an eiruk an manchhuah zat chawitirin case siamsak lemlo ta zel mai ila? Rs nuai 10 eiru kha Rs nuai 2 chauhte an manchhuaha an chawitir chuan ala hlawk dawn em asin.
