Kohhran, Sorkar, Sumdawng leh mimal thil pawimawh dang avanga Nepala rawn zin tum zawng zawngte chuan harsatna kan tawh loh nan heng te hi hre reng turin Mizo Welfare Nepal chuan a ngen a ni:
1. Nepal hi India ram a ni lo tih hi hriat reng tur a ni. Engemaw hlekah harsatna kan tawh chuan Central India lama thuneitute a nghawng zel a ngaih avangin a buaithlak bik em em a ni.
2. Mizo/Mizoram la hre ngai lo Nepalite hian Mizote hi anmahni Nepali hnam chikhat emaw khawchhak lam Thai, Chinese etc angah min ngai fo thin a. India mi kan ni tih hi Voter ID emaw Passport emaw tel lo phei chuan an pawm thei lo. Chuvangin kawng hrang hranga India mi kan nih avanga hlawkna/duhsakna/ hriatthiamna/remchanna awm thei chi hrang hrang kan hmuh theih nan Nepala lo kal apiang ten Voter ID card emaw Passport emaw Residential Certificate i ken theihnghilh lo hram ang u. Harsatna kan tawh palh phei chuan hemi tel lo chuan India sorkar tan pawh puih theih kan ni lo. India leh Nepal inkar a thlawhna a zin dawn phei chuan heng ID/Passport tel lo hi chuan thlawh theih a ni bawk lo.
3. Kum sawm kalta atang tawh khan Reserved Bank of India chuan India pawisa note lem India rama a lo luh nasat avangin Nepalah India Rs. 500 leh 1000 note hi hman leh ken khap turin Nepal sorkar a lo ngen tawh a. Chuvangin Airport ah te leh Check Gate pawimawh ah te man theih reng a ni a. A bik takin Airport ah fimkhur a ngai leh zual. Man sak nih chuan pawisa zawng zawng chan vek bak ah lungin tan theih a ni. In tlan chhuah nan pawisa man sak zat let thum lai sen a ngaih bawk avangin Nepala lo kal tum zawng zawng te fimkhur turin kan inchah a ni. Hetianga pawisa mansak kan nih a Case file a nih tawh phei chuan India sorkar thuneitu lian pun a, Embassy kaltlanga hmalakna pawh hian awmzia a nei tak tak thei tawh thin lo a ni.
4. Nepal ah hian khawpui pawimawh ah chuan Bank hrang hrangin ATM facilities an nei tha ve tawh viau a. A theih chen chen ah hei hi hman tangkai theih a tha viauin a rinawm.
5. Kathmandu leh Dulabari-a Mizo sumdawnga kal kan tam tial tial a. Heng sumdawnga lo kal te hi Nepaliten Mizo min hmuh hniam theihna tur nungchang mawilo leh khawsa tawp deuh kan tam sawt hlein kan hria a. Chuvangin kan thlenna Hotel vela kan awmdan fimkhur lehzual turin Mizo Welfare Nepal chuan a ngen a. Mizo mualphona thlen thei zawnga khawsa an awm hriat a nih chuan Mizo Welfare Nepal chuan a tul a tih angin hma a la ang.
6. Nepala Mizo chhungkua awm te hi a tam ber chu Missionary an ni a. Helaia ringtute hian Mizote hi a rawng kan bawl Pathian avangin min hmu thianghlimin min hmu tha em em a. Chutih laia Hotel leh khawlaia Mizote hmuhsitawma kan awm theihna tur a Mizo hnah thlak tupawh mawilo taka kan khawsak hian Pathian rawngbawlna nasa takin a ti hminghliauvin a nghawng chhe thei a ni tih min hriatpui a fimkhur taka nung turin Pathian hmingin Nepala lo kal zawng zawngte leh lokal tum te Mizo Welfare chuan a ngen che u a ni.
C. LALLURA
President
C. LALRAMCHHANA
Secretary
MIZO WELFARE NEPAL
Similar Posts:
- Zofa ten khawvel tlangsang ber Mt.Everest (8,848 m (29,029 ft) kan lawn chhuak ve ta
- NEPAL CHANCHIN BU LAR BER TE ZINGA “KATHMANDU POST” AH MIZO HMING A CHUANG MAWI HLE.
- India páwna Mizo zirlai 20-te Overseas Scho’ nuai 77 chuang pe
- MMA Press Release
- LALPA kan lawm e…..
November 28th, 2009 at 2:08 pm
A lawmawm hle mai dan leh dun te hi in hrilh hriat hi a pawimawh.Mizoram pawn a khual zin kan nih miau chuan riah hmun ei na hmun bu kan sual a ngai a chung mite tan chuan hotel te a awm hi a tha hle a maherawh chu khawi hmunah pawh thlengin awm ila a bak chuangliam hi chuan nun hi a tha lo a tin ram pawn a kan awm a nih chuan thinchhiat lutuk te hi a dik lo ngaihtuahna a ti mitdel duh.Fimkhur takin nun I hmang tlang ang u.
Report this comment
November 28th, 2009 at 3:15 pm
A tha khawp mai. Kal turte chuan zawm zel thei se a lawmawm khawp ang. Post tangkai tak a ni..
Report this comment
November 28th, 2009 at 3:17 pm
Awle!!
Report this comment
November 28th, 2009 at 3:26 pm
In contact no leh email te han dah tel keuh ula thra tur. hetia information in han dah hi a lawmawm hle mai. mizo Inpui Nepalah mumal tak kan nei che u hi kan lawm tak zet ani
Kan ambassador chu nangni hi in ni e
Report this comment
November 28th, 2009 at 3:27 pm
Tehrengmai, in fel e.
Report this comment
November 28th, 2009 at 4:43 pm
mzvision – i mi finchhuahnaah kan lawm e.
A hnuaia mite hi kan contact address te chu an ni.
C.Lallura
President
Nepal Mizo Welfare.
Mobile : 00977-9856021462
E-mail : lura_pkr@wlink.com.np
lallura@pinet.com.np
C.Lalramchhana
Secretary
Nepal Mizo Welfare
Moble : 00977-9851010588
E-mail:lramchhana@yahoo.co.in
Report this comment
November 28th, 2009 at 11:58 pm
mizo nih nawmna em em mai chu kan hnam pui te tan thil trha in hrilh kan uar hin a ni pakhat e nepal kal tur te tan an thu chhuah hi hriat ngei ngei chi leh zawm ngei tur a ni e
Report this comment
November 29th, 2009 at 12:15 am
Ka kal chak em emna hmun ni lo mahse khawvel hi a vir tlat avang hian ka kal hunte pawh a la inherchhuak ve mahna, chutih hun atan chuan ka tangkaipui khawp ang le.
Nepal a Mizo awmte leh Missionary-te lo tang fat fat ula, lo dam zel ang che u.
Report this comment