If the whole world were put into one scale, and my mother in the other, the whole world would kick the beam. ~Lord Langdale (Henry Bickersteth)
Nu hmangaihna hi ziak mi leh hla phuah thiam te kam chhuak ngaihnawm tak tak kan chhiar fo tawhin ka ring. Tun tum chu kei misual satliah ve mai hian nu hmangaihna ka hriat thiam ang tawka ka ngaihtuah hian han tlangau pui hi ka chak tlat a nih chu mawle, tawi tein (Mothers’ Day ni lo mahse). In ti pachang ve viau tawh mah ila nu te hmangaihna ang chhungah hi chuan naupang chhia ang chauh ka ni si a.
Pian tirh ata min chawi lenna leh min hahpui na te kha chu sawi sen lo(v)ah dah ta ila. Nikhua ka hriat chin ami pawh sawi sen a ni chuang lo. Ka tlangval tirhah hrisel lohna eng emaw tak ka nei a, ka nu rilru hah zia kha aw.. a at phah lo chauh a ni a, ka hriselna a that theih nan a tih theih zawng zawng hi tih loh a nei lo. Tun thleng hian, pachang ve fe ………ka nih hnu pawh hian nausen engmah ti thei lo ka nih lai ang tho khan min ngaihtuahin a rilru zawng zawng hian mi a la umzui reng a, harsatna eng eng emaw in min han tlakbuak a, ka nun a khawhar hlauin “Mama hi lo kawm hlim hram hram rawh u aw” tiin thian thenkhat te chu a la chah tak ang hram hram a. Chawhmeh duhzawng thleng hian min la ngaihtuah sak a.
Englai pawha min tawngtai puina hi a hlut zia teh chhuah rual a ni lo, ka hming lamin ni khatah vawi 2/3 tal chu a tawngtai ziah thin a, chu chu kei pawhin hre rengin ka thlamuanpui em em thin a ni. Ka pi a thih khan ka pu Faka (IAS Rtd) chu “ni tina min tawngtaisaktu ka nei ta lo” tiin a thla a phang a ni. A chang chuan nute min ngaihtuahna hi naupang chuan han nin deuh mai chang te kan nei a, kan la inchhir em em na tur a ni ngei ang.
He hmun tlem teah hian nu hmangaihna hi sawi sen a ni lo, a hluin a va ropui em, hriat thiam tum sateh mah ila ka hrethiam pha dawn lo hauh lo. Rul dawn ila rulh sen rual a ni hek lo. Nu chuan a fate tan a hmangaihna, rilru, ngaihtuahna, chakna, duhsakna zawng zawng a hlan a, a inpumpek a ni.
Similar Posts:
- Hmangaihna.. Beiseina.. Rinna..
- Hmangaihna hi enge a awmzia?
- Ka nu chawhmeh siam kha ka va ngai tak em!
- Nghilh loh Hmangaihna
- Hmangaihna 131
December 10th, 2009 at 12:34 pm
Aw, ka nu duhtak, kei pawhin ka hmangaih che tih ka hriat nawn tir leh a che.
Report this comment
December 10th, 2009 at 12:47 pm
He post ka review lai hian ka hnuk a ulh tep chu le! ‘A va mak em!’ tih bak sawi belh tur ka nei tlem khawp mai. Ka nu hi Bible tih loh chu chhiar thiam lo, sikul nithum kai ve thingtlang nu dik tak mai hi a ni a. Matric ka exam lai hian ka zan tlaivar zat ka bulah a lo tlaivar ve ziah a. Engmah hriathiam a nei lo. Thingpui sen nen min lo awm a ni ber e. Tun thleng hian thingpui sen hi ka heh phah mai bakah ka nu min hriat chhuah tir ziah tu a ni thin.
Vai rama ka kal dawn hian “Mate, Pathian hre reng ang che aw!” tiin min thlah a. A hnuah a lo inthiam lo viau ni tur a ni ka u te bulah, “Mi chuan an fate thu tha tak takin an chah a, ka thiam ve mang si lo va” a lo ti hi a ni awm a. Mah se, kha ka nu thuchah kha tun thleng a ka nun vawngtu a la ni fan a ni.
Report this comment
December 10th, 2009 at 12:57 pm
@As_khiangte: “Englai pawha min tawngtai puina hi a hlut zia teh chhuah rual a ni lo, ka hming lamin ni khatah vawi 2/3 tal chu a tawngtai ziah thin a, chu chu kei pawhin hre rengin ka thlamuanpui em em thin a ni.” Ka rilrul a khawi em vangin ka han post nawn leh ani e.
Keipawh khi thu khi ka chan ve ram a nih vangin mawi ka ti a,tha ka tia, anih ang ang khian a tak a chang tu tan chuan a tha vek
Report this comment
December 10th, 2009 at 1:06 pm
ziak thra hle mai.
Report this comment
December 10th, 2009 at 1:10 pm
https://misual.life/2009/08/.....h-a-woman/ nen hian chhiar nise
Report this comment
December 10th, 2009 at 1:11 pm
#1,2,3, in van nei hle mai… thian ten ‘Ka nu’ tia an nu te an koh hian ka rilru a na thi, kum 1995 atang khan ‘Nute ni’ (Mothers’ Day) hian ka inkhawm ngam tawh lo. Nu hlutna kan hre ve dawn chau a ni si a..
Report this comment
December 10th, 2009 at 1:24 pm
Nu hmangaihna leh Pathian hmangaihna hi he khawvela tawng awm zawng2 pawhin a hril fiah zo lo.
Report this comment
December 10th, 2009 at 1:25 pm
@myguri salvation i ni mo 1970s vel atrng khan kei poh ka in khawm duh lo he ni ah hian naupan tet atrang in nu bul ka awm lo
Report this comment
December 10th, 2009 at 1:28 pm
@hmingtea, nia, pi leh pu atang tawhin.
Khawvelah hian Ka nu tih tur hi ka duh ve ngawih ngawih thin
Report this comment
December 10th, 2009 at 1:43 pm
Nu te hian an fate an hmangaih luat avang hian pasal te chhiatna lai hi a nghilh der hram hram thrin tih min tih hriatchhuah zawk chu le – kan reproduce keuh te’ng kawlhawka poem hi –
Ka lo haider thin che a…↲
Tlangrel thuthang hria che-in, ↲
Lungngai hlauthawng hmel pu a ↲
thu dik em ni i ti kha…..↲↲
Awka tel lo che zia-in, ↲
lungawi loh i lan tir a ↲
i thinlai nä hre siin; ↲
ka lo haider thin che a. ↲
Hraichawi mu pawh kuah lo-in, ↲
lenghnar Ar khuan hnu pawh a ↲
ka thawm ngai a beng chhi kha…..↲
Min thlahlel tih lan tirin, ↲
min pawm min chul min kuah a ↲
i nun khawhar hre siin; ↲
ka lo haider thin che a. ↲
Bawngtar pawn luangno tiin, ↲
thenna thu ka chhak hlau a ↲
O my Dear i tih hnaaap kha…..↲
Ka thlem ka hnem beiseiin, ↲
laikhumah min hnungchhawn a ↲
i mittui luang zozaite kha; ↲
ka lo haider thin che a….. ↲
Ka lo haider thei che a. ↲
Kan nu te pawh hian fate tawrh ai chuan tiin kan pa te lo sual ve deuh pawh hi an haider fo tih a taka changtu ka ni ve. Chuvangin nu hmangaihna hi chu eng tehtometer mah hian a teh fuh thei lovang
Report this comment
December 10th, 2009 at 1:46 pm
Khawzawl ah riak chho teh ang khawzawl ah hian mi(sual) in awm chuan BSNL 14-ah khan 1885 hi ka # ani e min han be keuh ula
Lilyparmawia lah a reh tlawk tlawk si, a la exam zo lo nge Investment lehkhabu tur a ziak zawk le.
OT ngaidam
Report this comment
December 10th, 2009 at 1:51 pm
@mygurl: ka va khawngaih tak che em.
VaiVa comment khian mittui a ti parol trep a ni. A ngaihnom hlom hle mai.
pu mz, lo haw leh vat la.
Report this comment
December 10th, 2009 at 2:10 pm
@mygurl: pawi ka tih pui tak zet che ni, amaherawhchu Pathian rorelna kan dang zo silo, mahse,remruattu chuan kan tan thiltha tak min ruatsak ve ang tih hria ila, Nu leh Pa nei zawng zawng an hlim vek lo, an dam rei bik hek lo, kan tan erawh Pathian hnaih a tha ber
Report this comment
December 10th, 2009 at 2:12 pm
Thanx Pu As_K, Pu kawlhawk hian hla thu neitha thei ngei mai !!!!
Report this comment
December 10th, 2009 at 2:24 pm
as-khiangte thu ziah hmang hian a hmel kum 8 vel ka hmuh tawh loh KANU duh tak chibai ka buk che in ka hmangaih che tih lan tir nan he thu hi ka rawn ziak e.
Report this comment
December 10th, 2009 at 2:24 pm
As_K,thuziak lam pawh i thiam fu roh hi, rawn ti zel teh.
Nu hmangaihna hi chu a hlut dan sawifiah a har thlawt a ni. Pawl 12 ka nih khan minor surgery ka nei ve a, min zaitu doctor pahnih te khan malignant thei an ti bawk sia,biopsy result kan nghah hun chhung zawng khan ka nu hian Pathian hnenah ka fanu ai chuan keimah hi Cancer chu min neih tir mai rawh tiin a lo tawngtai tih ka hriat khan ka hnuk a ulh nasa khawp mai.
Chulo pawh ka nuna ka thil tawn avanga rilru na tak,chaw pawh ei hlei thei lo leh mu thei bawk si loa ka awm trum hian ka bulah lo thu ve rengin ‘bawihi, intawrh sem theih ni se tiraw, i tawrh ai kan tuar tur’ tia min rawn hnem trum te kha min hmangaihzia min hriatchiantirtu an ni fo.(Kan ti ta deuh duah a, mahse nute fakah chuan fak luat a awm lo ang chu maw!)
Report this comment
December 10th, 2009 at 2:32 pm
As chu nu ila nei bik a…
Report this comment
December 10th, 2009 at 2:40 pm
Nu nei lo te tan NU, Pa nei lo te tan PA
Chhungkua zawng zawng tan malsawmna leh thlamuanna I ni.
I mi hmangaihna avangin lawmthu kan hrilh a che…
Nunna min pe, kan sual te min ngaidam
I mi hmangaihna avangin lawmthu kan hrilh a che…
LALPA, lawmthu kan hrilh a che!
Report this comment
December 10th, 2009 at 2:58 pm
mygurl,hmingte,ka khawngaih lutuk che u.nu te hi chu anlo ropui teh e.nute ni te hi kan hmang nep thei ngawt mai.
Report this comment
December 10th, 2009 at 3:03 pm
“kanu kanu duh tak mai chu.” tih naupan laia mizo sikula kan zir thin kha hria emaw han tarlang mai thei kan awm em le.. kanu thilpek ah han bel tel ka duh deuha..
Report this comment
December 10th, 2009 at 3:22 pm
kan tawn a zir in nu leh pa te ang bawk in pi leh pu te pawh hi kan hmangaih thei hle ani.Han in sawi ta mai mai ila, ka nausen tet a tang a, kapi enkawl seilen ka ni a, kapi kha NU ti in ka ko thin a, kapu kha PA ti in ka ko thin bawk ani. chutichuan class V ka zirdawn a tang kapa tak2 bulah ka awm ta a, kan lolian chho ve zel inti pa ve rual kan nih lai kha chuan, ka chhung te hi thi mahse ka tap lo ang ti a thian te kar a kan lo insawi pa ve thin kha, Kapi in min boralsan meuh chuan, ka insumtheilo ka biangah hian mittui namen lo kapi tan khan ka hlan leh si ta anih kha.
Report this comment
December 10th, 2009 at 3:44 pm
@Myguri, Salvation i ni maw? Keipawh Salvation Pachal ka nih hi, kumin Mothers Day dawn khan He Misual huang ah ngei hian Nu Hmangaihna chungchang ka rawn ziak tawh a, kha thu kha kan Biak In ah ka chhiarchhuaka, mi ka vel a ni ringawt, Nie, Nu te hi zawng an hlu chiang a lawm, Pa te leng lo haw se, Khawnge i NU? anti nghala, Naupang leng lo haw se, Khawnge ANU/KANU anti thin anih hi.
Report this comment
December 10th, 2009 at 3:45 pm
naupangte ka la ni a, zankhat chu ka nu nen kan inkhawm a ka banah vuanin min kai a…Biakinah kan unau tan zawite hian a tawngtai a… chumi hnu reiloteah ka nu ruang chu kan inah an rawn zawn hawng a, hrilh a va hai duh em!! mitthlain kan hmu vawng vawng…
Ka nu hmangaihna aw nem chu
Theihnghilh ni reng ka nei lovang
Ka tan a tawngtaina te chuan
Thlifim angin min rawn chhem thin…
Report this comment
December 10th, 2009 at 3:49 pm
@Myguri
Kanu Kanu duhtak
min dampui reng ang che,
Ka tha leh tui, ka thawhrah te
Dam ten ring ve ang che…….
He thu hian Kei Nu la nei ngei pawh min vel thin a sin.
Report this comment
December 10th, 2009 at 3:59 pm
@Calvin, ka nu dam lai chuan Nute ni lo thleng tur hi ka nghakhlel thin a… zingah pangar kan zawng a..
A aw nem min tilawm thin kha… tha dawn love
kan veng thlanmual kawng sir teah a thlan a awm a, ka kalpelh dawn apiang hian ka rilruin ‘Ka nu mangtha’ ka ti ngei ngei thin.
Report this comment
December 10th, 2009 at 4:11 pm
@mygurl & hmingtea: nu ka la nei hi ka vanneih zia min hriat chhuah tir a sin. Pathian rorel kan dangzo silo.
Ka chhiar zawngin hmulthi a ding ur ur alawm le. Comment ka pe duhlo a, in comment chiar hi nuam tak a ni.
Report this comment
December 10th, 2009 at 4:29 pm
@calvin: he thu ka post dawn hian i post kha ka chhiar a, ngaihnawm ka ti khawp mai. Nu nei tawh lo tan rilru ti hreom tu a nih hlau deuh chung2 in kan post ve ta ngawt a nih hi. mygurl, hmingtea, lalpeace te chanchin kan inhriat phah a, lomom tho e.
Report this comment
December 10th, 2009 at 6:40 pm
@ funny #20, i hla duh chu hei hi..chang khatna chauh ka hre chhuak…
Ka nausenin tunge mi kawl?
Ka nu, ka nu duhtak chu;
Tawng thei lovin tunge mi pawl?
Ka nu, ka nu duhtak chu.
Ka dam lo va, a tlaivar a,
Ka tap a, min lo chawi mu thin;
Hah takin, chak lo chung pawhin,
Ka nu, ka nu duhtak chu.
Ka nu leh pa hi nikhua ka hriat hmain an inthen a, nu tak tak hmangaihna hi kei pawh ka thlahlel ngawih ngawih thin. Ka la naupan at laiin, ka nu chu kan khuaah tho a la awm a, pasal dang a nei tawh chung pawhin ka zui ka zui thin a. Kan thenawm pitar hian, “Aw, nute ngaih hi chu a na teh e maw..” a lo ti keuh keuh thin! Tun hnua khang lai hun ka ngaihtuah let chang apiang hian ka la inkhawngaih deuh tlat thin! Tunah pawh hian ka mittui a hnai deuh mai! Nu duhawm tak tak neite in nihlawh lutuk. Hmangaihtu Nu nei ve lote hi chu kumkhuain kan nunah thil kim lo hi a awm reng tawh dawn a nih hi! Pathian hi a lo awm hlauh a, tuar dan min thiamtir hlauh zawk a….
Report this comment
December 10th, 2009 at 6:46 pm
keimah: thanks, ka lawm lutuk
ka upat hnu hian he hla hi ka duh thar leha, han hmuh mai a har tawh sia.
Report this comment
December 10th, 2009 at 8:37 pm
Nu hmangaihna hian Pathian hmangaihna a hnaih ber a niang Pathian pawh in tehkhin berah a hmang thin.
Tin,nu a fa hmangaih takte leh nu hmangaihna man thiam takte hi mi piangthar tha pawh an tam in ka hria
Report this comment
December 10th, 2009 at 8:46 pm
kan nau te poetry zir thin, nu pakhat, rul in a chuk a, a na ti han sawi chho vel… a tlangkawmna atana, ka fa tuar a ni lo chu ka lawm e… tih kha… a poetry hming leh a phuahtu pawh ka hre ta mai lo…kha pawh khan nu hmangaihna phochhuahna chu a va ni tak em…
Report this comment
December 10th, 2009 at 8:56 pm
Not too late to realize ev’ry day is our parents’ day our Almighty God has given us! Nothing we have—to compensate them back—but ourselves!
Report this comment
December 10th, 2009 at 9:08 pm
https://www.lalsangzualisailo.c.....gaihna.flv
Report this comment
December 10th, 2009 at 9:39 pm
Ka online ve theilo chu ka va ngei e. Soi tur ka ngah ve nen he post chu a va thra m may 23 07 a famta ka nu ka ngaih a zual hle mai
Report this comment
December 10th, 2009 at 10:10 pm
BREAKING NEWS ve lawk teh ang… hehehe.. mz vision chu tunah khawzawlah a rawn riak mek tih thu kan lo dawng a. naktuk emaw, tuklehah emaw a rawn champhai chuan zuipui-in ka lo hmuak ang…
mahse tunah chuan a online thei lo a nih hmel…. CCN (Champhai Chungchang News :lol: )
Report this comment
December 10th, 2009 at 10:15 pm
@shailendra: Ih, i poem te kha min rawn share ve la! :roll:
Report this comment
December 10th, 2009 at 10:18 pm
@VaiVa. sure… english ka nei nual zawk a… rem chan veleh auh…
Report this comment
December 10th, 2009 at 10:41 pm
https://www.youtube.com/watch?v=1NSGJB7Fe1s
Favorite! :cry: Champhai MI tur chu … a va chakawm ve deuh ve le!
Report this comment
December 10th, 2009 at 10:45 pm
mzvision chu Aizawl ka kal remchan laia han tlawh ka duh tehlul nen khawchhak lam lamahte a han teihawi a ni maw!!! misual ho share tur rawn hawn tak ang maw!
Report this comment
December 10th, 2009 at 11:12 pm
@muante, champhai funte, Boney M zana theh tur a rawn hawn ngei lo beisei ta ila…. i rawn Boney M dawn lawm ni….? Champhai MI chu a nep lo mai thei a nia…. Idol, Icon, ZoStar (?) contenders etc… an tam a nia auh… lian pui pui te… te deuh te…moderate size te… hehehe..
Report this comment
December 11th, 2009 at 8:48 pm
@muantea
Azl i la awm em hei nangmah vangin baklengin kan lo haw chu anih si hi le
Report this comment
December 11th, 2009 at 8:52 pm
@mzvision, ka la awm e..’misualdotcomer hmingin thil tha?’ tih post-ah hian i hming a lang nasa a nia. Rawn hmuh che ka chak khawp mai!
Report this comment
June 11th, 2016 at 4:50 am
a
Nu hmangaihna. A va mak em!! | mi(sual).com
Report this comment