Dt.15.12.2010 (Wednes day) zing ka harh a, ka khumah thu chung a ka tawngtai zo chu ka rilru ah he thu hi a lo awm a,nilengin ziaksa chhiar ang mai a fiah hian min chamchilh tlat mai a.
Kan Bible a ‘Chanchintha Bu’ kan tih bik,Mathaia, Marka, Luka, Johana – ah hian ,Isua lo pian zan a khawchhak lam a Mifingte chungchang kha Mathaia bu ah chauh hian a lang a.Judai rama Bethlehem khauah Juda te Lal,Isua pian zan chuan,Jerusalem atanga khawchhak a awm, mifingte chuan Arsi danglam tak,Lal thar lo piang an awm tih an hriat theihna an hmu ta tlat mai a.Chu arsi chu a kal (move) a ni tih Mathaia 2:9,10 ah kan hmu a.Lal lo piang chu chibai buk tumin an thawkchhuak ta a.
Mihring mifinna in a ngaihtuah phak chinah chuan, Lal thar chu Lal Inchhungah,Lal chhungkaw zinga piang ngei tur a ngaih ngei tur a ni a.Mifingte pawh chuan Arsi en chung a kal ni mahse, Lal Heroda In an pan tlat a nih kha.An hruaitu arsi in hruai thlen a tumna hmun pan ding ta lo khan,an ngaihdana ni awma lang zuiin an peng ta a.Lal Heroda hnenah chuan,”Khawiahnge Judate Lal lo piang chu.? khawchhak lamah arsi kan hmu a,amah chibai buk tumin kan lokal a ni.” (Mathaia 1:2)an ti a.
Heroda Inchhungah chuan Naute piang reng reng a lo awm si lova.Chu thu Heroda in a hriat chuan,amah aia Lal leh thil tithei tur chu thah ngei tumin a sipai te a khawm rup rup a.Bethlehem khua leh a chhehvela Mipa naupang kum hnih hnuai lam zawng zawng chu a that fai ta phiarh a.Nausen Isua erawh chu,a pa Josepha hnenah vantirhkoh in a mumang lamah a hriat lawk tir avangin Aigupta ram lamah an tlanbopui hman hlauh a nih kha.
Mifingte khan an duhdan leh ngaihdan a kal peng lovin,Hruaitu Arsi kha zui tha hle hle se chuan,khati zat naupang pawisawilo nunna khan a tuar lo tur a ni a.Heroda hnena an beidawn hnuah arsi chuan nausen Isua pianna Bawngin thleng a hruai tho si a.Mihringte hi kan damchhung a min hruaitu atan Pathian a awm a.Nitinin,englai pawhin,amah kan hriatrengloh lai pawh a min vengtu a ni tih hi kan hriat thar a pawimawh a.
Kan nitin Nun leh thil tihah hian,”Isua nise engtin nge a tih ang,” tihlam aiin,tihian ti ila,ka hlawk zawk ang,ka tan a tha ang,miin an hre tak tak chuang lo,min ngaisang zawk ang.etc..tih rilru pu in kan hun kan hmanhleh a.Min hruaitur atan Pathian thu aiin,Ropuina,nawmsakna,sanna,sum leh pai um a hun hmang in, Pathian thu penbosanin Lei Lal Heroda In lam kan pan hul hul a.
Hetih chhungin Ram leh hnam,khawtlang, kohhran,chhungkua leh mimal tin Nunah Sual setana sipaiin min eiralin, keimahni a Pathianthu tlem awm ve sa pawh kha, Mipa naupang kum hnih hnauilam thah chimih veh ang mai khan,min suat sak zo ta a.Kan ram leh hnam chuan fapa sunin,Sualna chi hrang hrangte avang in kan rum ta a ni.Hruaitu Arsi penbosan avang a lusun mangang rumri ang mai khan kan ram chu hrehawmna in min eiral mek a nih hi.
Sawi zau vak dawn chuan a thui lutuk dawn a, hethu atang hian in ngaihdan te han sawi zawm ve teh u..
Similar Posts:
- Christmas hlathu diklo ka tih thenkhat
- Bethlehem Arsi leh Khawchhak Mifingte.
- Krismas Thuchah
- Krismas Thuchah
- KHAW CHHAK MIFINGTE LEH NAUSEN ISUA
December 19th, 2010 at 12:36 pm
Krismas leh Pathianni inhmeh riau…
Report this comment
December 19th, 2010 at 12:37 pm
A vawikhat nan kan first chu le :lol: :lol:
Report this comment
December 19th, 2010 at 12:46 pm
https://www.ehiau.com
Report this comment
December 19th, 2010 at 12:47 pm
A va han tha tak e aw.. A thu awih bur hi a him ber anih hi.
Report this comment
December 19th, 2010 at 12:59 pm
@Ainawna chu va ti tha ve. I thuziak a ka rilru a lang ta ber chu-Lal in ah a piang lo tih lai vel khi a ni. Isua khan hmun tlawm ber Bawngin a thlang. Carpenter chhungkua thlangtu Isua khan Eiru Zakaia inah a thleng a. Mi tlawm tak tak leh mi berh te te hnenah a che kual nasa a ni. Hetiang Lal ka nei hi ka lawm thin.
Report this comment
December 19th, 2010 at 1:06 pm
Kum tam tak a liam tawh a, Lal Isua pian chanchin hian ti ti a ti tam tual tual mai bawk nen, Mahse, mihring mifinna hian a chhui phaklo a ni tih hi a dik zia a lang chiang tial tial bawk a.
Report this comment
December 19th, 2010 at 1:35 pm
Kristian tak tak tan Kristmas a pawimawh lo. Chu vang chan ania Marka leh Johana khan an ziah ve miah loh. Tunlai kan Kristmas hman dan hi Amah awm se chuan a boycott chiang viau ang. Bawngin tlawm, hmun hrehawm tak maiah a piang a, Tunah chuan air-conditioned shopping mall ah electric tam tawk hmangin Nativity scene an siam. Sermon thiam ber pawl pastor leh evangelist te pawh hian Kristmas hi Kristian te nuna a pawimawh sawi tur an hre mumal lo.
Report this comment
December 19th, 2010 at 1:39 pm
‘The 4th wise man’ kha chuan Nau piang kha Kalvari tlangah a va zawng hmu hram a ni lawm ni kha… Isua a zawnna lamah, a ro ken ve te pawh mi harsa te hnenah a sem ral vek kha a ni a…
Report this comment
December 19th, 2010 at 2:05 pm
Dik khawp mai… mihring hi keimahni duhna leh theihna chin chinah kan kalin kan che a,a tawpa harsatna alo thlen veleh ‘LALPA’ tiin kan au leh fo thin.Thufingin ‘mahni hriatna-ah innghat suh’ a tihte a awmzia a ril teh e.
“Mifingte khan an duhdan leh ngaihdan a kal peng lovin,Hruaitu Arsi kha zui tha hle hle se chuan,khati zat naupang pawisawilo nunna khan a tuar lo tur a ni a”
Van tha chiangkuang em!! Kan duhdan leh ngaihdana kan kal hian midang pawhin an tuar ve fo reng a ni.
Report this comment
December 19th, 2010 at 2:08 pm
Helai hi mitam takin kan hre fuh lo fo ṭhin, a pawimawh khawp mai.
ainawn, i ti ṭha e.
shailendra, #7: Ngaihtuahna a kal thui duh khawp mai.
Report this comment
December 19th, 2010 at 2:29 pm
Avan tha ve! Masi lam hawi thuziak tha tak tak chhiar tur awm reng hi, kan vannei.
Heroda hnena an beidawn hnuah arsi chuan nausen Isua pianna Bawngin thleng a hruai tho si a. —– Isua pianna hmun kha bawngin tih tawp hi a dikhlel deuh. Khatih hunlaia an ran vulh larte chu;sabengtung, beram etc.
Matt 2:11 -ah chuan; On coming to the house, they saw the child with his mother Mary, and they bowed down and worshiped him. Mifingten chibai anva bukna phei kha chu, ‘in’ anih hmel
Sawizauna mai mai ania !
Report this comment
December 19th, 2010 at 2:34 pm
Ka lo lut ve zuai… Ka chhuak leh nghal mai ang.
Report this comment
December 19th, 2010 at 2:39 pm
Sony #6. .a va nih duh hmel tak2 ve! :lol:
Report this comment
December 19th, 2010 at 2:51 pm
ziak tha hle mai.
Report this comment
December 19th, 2010 at 2:55 pm
Khawchhak arsi fing pathum te chuan.. han ti hluai mai i lah!!
Ainawni ziah hi thudik tak ani e. Mizo ho hi kan pianthar a ngai ani! Kan ram pawn hma a sawn phah ang, vanram pawh kan lut bawk ang. Lungte pakhat in sava pahnih kan vawm thla ani mai dawn a sin >:<
Report this comment
December 19th, 2010 at 3:17 pm
Chhiar hma ngawtin a title atang kan comment teh ang:
‘Thenkhat chu khawchhak mifingte kha engzat nge?’ tia zawh chuan rang em em in ‘Pathum!’ tiin ‘Bible te chhiar ve ta che’ min la ti zui ang a. Ka hriatdanin chanchintha bu ah Mathaia chiahin mi fingte chanchin a sawi a,Luka chuan Berampute a sawi thung a.Bible ah mi fingte hi pathum an nih tarlan ani lova, ‘The Lost Magi’ tih bu emawni ah khan mifing pali na kawng bo,a hnu a Kros a an khenbeh lai chiah hmu ta an awm thu kan hmu tlat mai. . .
Report this comment
December 19th, 2010 at 3:33 pm
ainawn chu ziak ngaihnawm hle mai. Ka hnial chak deuh na chea ka hnial lo mai ang che, mahse similar post-a a hmasa ber khi lo chhiar ve te plizzzz.
Report this comment
December 19th, 2010 at 5:00 pm
@ 16 As_K…ka chhiar zo chiah, i chhui chiangin i ziak fiah khawp mai..Pathian thu hi Bung leh chang thuhmun pawh hian thu tam tak a sawi a,mimal tin hnenah a fiahna leh,tinungtu hnathawh dan hi a dang thei a ni.
Report this comment
December 19th, 2010 at 5:45 pm
Pi Ainawn chu ziak tha hle mai. Ngaihtuahna thui takin a hruai thei a ni. Mahni, chhungkua, khawtlang leh ram inbihchianna thatak a ni e.
E, kan naupan lai khan “The fourth wiseman”, tih lehkhabu ka chhiar tawh tlat. Engmah erawh ka hre mumal tawh lo.
…khrum
Report this comment
December 19th, 2010 at 8:15 pm
Keimahni a athawh dan leh alan dan kan ngaihpawimawh hmain; Baibulin engtin nge asawi tih hi kan belchiang fo tur ani !
Hehe!
Report this comment
December 19th, 2010 at 8:31 pm
@ 19 : a dik lutuk,Mizo tawng bik a lehlin chuah atanga chhiar hi chuan a bah deuh niaih thin reng a ni..Ka sawilan duh ber leh ka rilru luah ve tu chu : Khawchhak mifingte kha, Heroda In a an pen kawia, Juda te Lal lo piang chibai an buk duh thu an va sawi khan, Heroda va hrilh hretu leh, Heroda in mipa naupang kum hnih hnuai a thah chiam kha,Kristiante (Isua zuitu tihna a ni si a)hian kan zui ber tih duhdan anglo taka,kan thil tih te’n Pathianthu a pensan avanga Mihring nun chhiatna thleng thin hi a ni..
Report this comment
December 19th, 2010 at 8:42 pm
Hruaitu Arsi penbosan avang a lusun mangang rumri ang mai khan kan ram chu hrehawmna in min eiral mek a nih hi.
A dik! Amen! ainawn nge nge… tha si, ngaihnawm si, ril si,…
Report this comment
December 19th, 2010 at 9:10 pm
I rawn sawi tha viau mai. Mahse, nangmah pawh hi i chiang lo. Khawilaiah nge a pian zana mifingten arsi an hmuh ? Khawilaiah nge “a pianna bawng in thlengin a hruai” tih i hmuh ? Nang pawh i ngaihdan in i kal thui deuh mai ang e. Bawnginah a piang lova, a pianzanin mi fingten chibai an buk bawk lo.
Report this comment
December 19th, 2010 at 9:29 pm
Wise Men from the West quotes
From a commercial point of view, if Christmas did not exist it would be necessary to invent it.
-Katharine Whitehorn
Next to a circus there ain’t nothing that packs up and tears out faster than the Christmas spirit.
-Frank McKinney Hubbard
Anyone who believes that men are the equal of women has never seen a man trying to wrap a Christmas present.
-Anonymous
The one thing women don’t want to find in their stockings on Christmas morning is their husband.
-Joan River
You know you’re getting old, when Santa starts looking younger.
-Robert Paul
Even before Christmas has said Hello, it’s saying ‘Buy Buy’
-Robert Paul
Christmas is the season when you buy this year’s gifts with next year’s money.
-Author Unknown
Report this comment
December 19th, 2010 at 9:41 pm
@ 22 : Mathaia 2:2 ah khan khawchhak mifingten arsi an hmuh thu a inziak a..Mathaia 2:9 ah khan,’tin,ngaiteh,khawchhak lama arsi an hmuh kha naute awmna chung zawn a thlen a,a din hmaloh zawng an hmaah a kal zel a.”(the star,which they saw in the east,went before them,till it came and stood over where the young child was..King James Version) tih BiBle ah a inziak sia..
Report this comment
December 19th, 2010 at 9:49 pm
@ 23 : Pu MZ.. hetianga in rawn belh hian keini ang tan a hlut zia hi in hrelo hial zawk ang..
Report this comment
December 20th, 2010 at 5:32 pm
I bei tha thuai thuai e, Pi Ainawn. Tun lai chu Pathian thu bung leh chang, a hrilhfiahna tih velah hian i tui riau mai.
Report this comment