mi(sual).com

1st. Tuesday: MFM School of Nursing chu chawhnu dar 2:30 khan CM nupui  Pi Riliani’n a hawng.

2nd. Wednesday: MZP chuan Chief Minister Pu Lal Thanhawla hmuin zirlaite mamawh leh Mizoram mamawh hrang hrangte an thlen.

3rd. Thursday: Ramhlun North huamchhunga Kohhran hrang hrangte’n zanin khan Ramhlun North Presbyterian Biak In tualah a huhovin Advance Christmass an hmang. He hun hi Ramhlun North Presbyterian Kohhrana thalaite’n an thleng a ni.

4th. Friday: Mizoram Synod Pastoral Comtt. chuan Pro Pastor dilte pessonal interview a neihpuia; mi 75 inlan zingah mi 15 an la a ni.

5th. Saturday: Mizoram Synod hnuaia thawk turin missionary engemawzat lak turah mi 300 chuang chu Synod Conference Center-ah interview neihpui anni.

6th. Sunday: Tuikuk awmna khaw pakhat New Eden-ah BNLF rammut laia an army chief ni thin, Lalhmunsiama leh Vanglaini palaite an inkawm.

7th. Monday: Cheng nuai 15 senga sak, Sikulpuikawna fly-over bridge chu zanin khan thiah a ni.

8th. Tuesday: Mizoram Synod Inkhawmpui vawi 86-na chu vawiin khan Mission Vengthlang Kohhran Biak Inah Nomination Committee neia tan a ni. He hunah hian inkhawmpui prog. thlirin nakum Synod Inkhawmpui prog. leh chanvo neiturte an ruahman nghal a ni. He inkhawmpui hian ni 13th. Pathian ni thleng a awh ang.

9th. Wednesday: Mizoram Pharmacist Assn. (MPA) chuan India ram hmun dang ang bawkin National Pharmacy Week, Chanmary YMA Hall-ah an hmanga; Health Minister Pu Lalrinliana Sailovi’n a hmanpui.

10th. Thursday: Zoram Nationalist Party (ZNP) chuan Vana Pa Hall-ah Gen. Assembly vawi 11-na an hmang. Hetah hian hruaitu thar thlang nghalin an President tanglai Pu Lalduhoma chu thlantlin a ni.

11th. Friday: Mizo palian inchai champion lai F.Lalhmingmawia Kolasib chuan Saitual tlangval PB Lalnienga lak atangin a lallukhum a humhim.

12th. Saturday: Sorkar-in Krismass leh Kumthar vuakvet chhunga halpuah leh a kaihhnawih chi reng reng ngawrh taka an khap lain Lawmzuali w/o J.Vanlalhruaia, Venghlun Lunglei hnen atangin halpuah leh halmawi chi hrang hrang Rs 78,530/- man hu mansak a ni.

13th. Sunday: Mizoram UPC rorelna sang ber, Gen. Assembly vawi 15-na 10th. December atanga Electrict Veng YMA Hall a tan chu zanin khan a tiak ta. He inkhawmpuiah hian Gen. Superentendent-ah Rev. Chhunglawma leh Gen. Sec.-ah Rev. Vanlalsipaiate an thlang.

14th. Monday: Center of Indian Trade Union, Mizoram (CITUM) chuan MR leh inhlawhfate chungchanga sorkar-a an thil phut a hlawhtlin loh avangin vawiin tlai atang khan Venghluia an pisaah tiamchin awmlova chawngheia nawrh an tan.

15th. Tuesday: MBSE leh dist hrang hranga Dist. Examination Comtt. chuan PSLC, MSLC leh MESLC exam result a tichhuaka; Aizawl dist. bikah chuan result hi a tha thawkhat hle.

16th. Wednesday: ASEP Vice President HC Thawnga’n 1st. Solo Wildlife Cartoon Exibition 2009 a buatsaih chu Vanapa Hall-ah tan a nia; Chief Secrectary Pu Vanhela Pachuauvin a hawng. He hunah hian cartoon 140 vel phochhuah a ni. He hun hian 19th. December Inrinni thleng a awh ang.

17th. Thursday: LPS Vision neitu Pu Lalsawmliana fapa Lalrinchhana (24) chu zing dar 4:25 khan thluaka thisen zam chat avangin Civil Hospital Aizawlah a thi. Chawhnu dar hniha vui tura tih ni mahse mak tak maia a rawn lum leh avangin a dam leh beisei a nia; hei vang hian la vui rihloh a ni.

18th. Friday: Presbyterian Synod chuan an office pui leh a peng hrang hrangte chu Krismass leh Kumthar chawlh hmang turin an khar ta. 6th. January 2010-ah an hawng leh ang. Hetih lai hian Bookroom hrang hrangte erawh chu Krismass leh Kumthar inkara ni hnih an hawn dawn bakah 4th. January-ah an hawng thung dawn a ni.

19th. Saturday: Mobile phone service, changtlung leh tha zawk, BSNL-in an pekchhuah, ‘3G’ an tih chu Chief Minister Pu Lal Thanhawla’n I&PR Auditorium-ah a hawng.

20th. Sunday: Mizoram Synod hnuaia Sunday School Department hrang hrangte chuan kumin chhunga an zirlaite exam an nei hlawm.

21st. Monday: Coordination Commettee Traffic Manacement ruahman angina vawiin atang khan Chanmari leh Zodin Square inkarah No Vehicle Zone hman tan a nia; he hun hian urlawkni ni thleng a awh anga; kumthar dawn ni hnihah neih a ni leh ang. He hun hi chawhma dar 10 atanga tlai dar 4 thlenga hman tur a ni ang. Hemi chhung hi chuan motor park pawh phal a ni dawn lo a ni. He hun atana duty pawimawh leh damlo phur bak motor kal pawh phal a ni dawn lo a ni.

22nd. Tuesday: Jamec CVL Thafamkima lehkhabu lehlin ‘Where is God? When is Hurts?’ tih Phillip Yancey ziah chu I&PR Auditorium-ah tlangzarh a ni.

23rd. Wednesday: Salvation Army, India Eastern Territory chuan Christmass Red Kettle Carol Service an neih atanga an sum hmuhte chu TB Hospital, Refferal Hospital, Presbyterian Hospital leh Civil Hospital Aizawlahte Poor Fund atan an hlan.

24th. Thursday: Zanin dar riat vel khan Pu Laldingliana in, Sihphir Neihbawi ami chu anmahni len chhuah lain a kang ral vek. Engvanga kang nge? tih hriat a nilo naa misual thiltih nia rinhlelhna a awm avangin police-te koh an nia; amaherawhchu man an nei lemlo.

25th. Friday: Kristiante kutpui ber Krismass ni a nia; Mizoram leh ram pawna Zofate chuan Biak In hrang hrangah he hunpui hi an lawm hlawm a ni.

26th. Saturday: Kohhran tam zawkin Krismass lawman ruai an theh hlawm.

27th. Sunday: Krismass urlawk zana Sihphira bungrua engmah chuh hman lohva kangral ta Pu Laldingliana in chu khawtlang hnatlanga sak a ni. Khawtlang mipuite mai bakah khaw thenawm atangte paw’n an rawn thawkchhuak hlawm a ni. Duh anga zawh hman a nihloh avangin atuka chhunzawm tura tih a ni. He hnatlangah hian Assembly Speaker Pu R.Romawia pawh kalin Rs 500/- leh chini kgs 5 a pe a ni.

28th. Monday: Mahni sum lakluh phu lova hausaa puhna leh Aii puka a huana sorkar bungrua diklo taka hman awm nia Chief Minister hlui Pu Zoramthanga puhna chu thla li chhunga chhui zo turin Gauhati Hgh Court chuan Mizoram sorkar hnuaia Anti Corruption Barreau a hriattir.

29th. Tuesday: Thingsai khua chuan an khaw kum 125 tlin lawmna an neia; he hun hi Chief Minister Pu Lal Thanhawla’n a hmanpui. CM hian Thingsai khaw kum 125 tlin hriatrengna lung, kil thum nei, feet 9’10” a sang, Rs 190000/- senga phun chu a hawng nghal a ni.

30th. Wednesday: Zan dar 7:45 vel khan Mahatma Gandhi lim leh Taxation office inkarah bike MZ 01B-3625 Samuel Lalnunmawia (21) Tuikual South khalh leh Maruti 800, MZ 01B-9199 Lalngaihawma (19) Bethlehem Vengthlang khalhte chu an insua; bike-a chuang ve Linda Lalduhsaki (19) ITI Veng chu a thi. Car khalhtu hi Police-te chuan manin thubuai an siamsak nghal a ni.

31st. Thursday: Zanin khan Kulikawn Veng chuan kumhlui thlah pahin kumthar hmuahna hun an hmang. He hunah hian Home Minister Pu R Lalzirliana chu khuallian a ni.

Similar Posts:

• September 2008 Mizoram Diary
• December 2008, Mizoram Diary
• August 2008 Mizoram Diary
• September 2009, Mizoram Diary
• June 2009, Mizoram Diary

Recent Posts:

• NUN THÂMRAL
• President Trump ka hmuhdan (amah thlawptu lam atangin)
• YMA LIBRARY ENKAWLTU TEN SEMINAR & TRANING KAN NEI
• February 2017, Mizo(ram) Diary
• misual.com tih tawp a ni dawn?

This entry was posted on Wednesday, January 6th, 2010 at 3:03 pm and is filed under Information. You can follow any responses to this entry through the RSS 2.0 feed. You can leave a response, or trackback from your own site.