Kei aia hre ril tak tak leh mithiam tak takte cho chhuahna atan leh ram leh hnam in a kan mamawh ni a hriain mahni insit tak chungin GUTKHA- ZORAM HMELMA tih Article kan ziak ve rawih mai a. Kum sawm kalta kum 2000 bawr chho vel kha ni ta in ka hria Mizoramah Tiranga(GUTKHA) hi a rawn lar chho tan a, thangtharte zingah bu khuar chak hle in, tihhmuh pawh kan in tihhmuh nasa hle bawk a ni. Tunah phei chuan nu leh pa mai ni lovin Zoram mipuiten kan buaipui ber pawl a lo tling chho ta reng mai.
Gutkha kan tih hi ram hran hranah a hming a in ang lo nasa hle a, kan hriat zauna a tan Gutkha product hming chi hrang hrang han tarlang ila, kan tarlan hi a langsar zual te an ni a, adang tam tak pawh a la awm bawk a ni:
1. Tiranga
2. Talab
3. Chandragupt
4. Manali 1000
5. Sheetal
6. Soni 1000 etc.
Gutkha hi thil chi hrang hrang betel nut, tobacco, cardamom, lime, sweet leh flavor colour in chawhpawlh atang a siam a ni tlangpui a. India ram hmun hrang hrangah a chunga kan sawi tak hming chi hrang hrang pu khian hralh chhuah thin a ni. Cheng khat atanga cheng ruk, cheng sawm man thleng in a awm. Zorama kan buaipui ber chu TIRANGA hi a ni a, a dang pawh awm ve tho mahse kan hriat tlang lawn ber chu a ni. Kan sawi tak angin Tobacco (Vaihlo) kan tih hi a tel tam hle mai a, chu chuan natna tam tak a thlen thei a ni. Natna a thlen theih langsar zual ah chuan Oral Cancer(Ka chhung Cancer) hi a ni a, ram tam takin an buaipui mek a ni, tin taksa tana thalo natna dang tam tak pawh a thlen thei bawk. India ram damdawiin lian Tata Memorial Hospitalah pawh Gutkha kaihhnawih avanga mouth cancer an tam phah hle thu an sawi bawk.
Gutkha(Tiranga) kan tih hi Vaihlo nen in ang renga ngaih a ni a, a nicotine content avang hian a addict theih a, tin a carcinogen content avangin cancer chi hrang hrang a thlen thei a – pumpui cancer, pumpui lawng, chaw dawt cancer,heart attack, sub mucous fibrosis (ka bawr vel ah pan ang deuh, an that theih loh, a rei hnu chuan cancer ah a chang thei) te pawh a thlen thei a ni. Mizoramah ngei pawh Tiranga ei nasat avanga ka chhung cancer case hi kan nei nual a ni. Gutkha hmuam/ei nasa chuan mut hun mumal an nei thei lova, concentration te nasa takin an hloh thin a ni.Tin ka chhung leh hahni te a tidum in a tibal a, a tenawm duh hle bawk. Tiranga hi han hmuam hian reilote ah a zawp mai a, chu chu a senduk khuk thei a ni. Chu chuan a Tobacco(Vaihlo) content a tam zia chiang takin a tarlang thei awm e. Tin thil dang tam tak pawh a that lohna sawi tur a la tam ang a, heti lam hi chu han duh tawk phawt ila, kan mithiam zawk ten an tawnhriat atangte leh an damlo neih tawh atangte in min hrilh hre zau thei zawkin a rinawm.
A thatlohna tlangpuite kan tarlang tawh a, engtin nge a dona kawngah hian tan kan lak ang tih lampang hi ngaihtuah zui a ngai hle awm e. Hmanni chu kan thianpa pakhat High School teacher a ni a, Tiranga avanga an school an buai zia thu te min hrilh a,a bik takin hmeichhia in mipa aia an hmuam nasat zawk thute min hrilh bawk a ni. Chutiang taka kan zirlai ten thil tha lo an buaipui ta mai hi a lungchhiat thlak hle in ka hria a, a dona tur kawngah pawh hian tan lak nasat a ngai hle a ni. Ram thenkhatah chuan chhiah an la sang hle a, tin Goa ah phei chuan Food and Adulteration Prevention Act 1945 behchhanin an bandh hial bawk. He Act hnuai ah hian Poisonous Food a nihna anga bandh a ni a, a chhan chu Gutkha ah hian Magnesium Carbonate a awm ngei tih hmuh chhuah vang a ni. Mizoramah NGO hrang hrangte pawhin hma an la chho nasa hle a, zawrh han khap ve thin bawk mahse a lakluhna lamah duh thala kan lakluh theih bawk si avangin khap hleih theih a ni lo va, chuvang chuan kan Sorkar chak tak hian hma la se, Mizorama lakluh hi khap thei hial se a tha hle in a rinawm. Tin nu leh pa te kan pawimawh hle bawk in ka hria a, kan fate hetiang ei ching an lo awm anih chuan an khawsa zia ah te chik ila, an thisen (dawl dang leh dawldang lohah) te chik ila, ti lo tura kan fuih thar pawh a pawimawh hle bawk a ni. Mizote hi chu a dik a dik chuan in tihhmuh ching tak kan ni a, ei loh ngam te pawh kan in tih hmuh chhoh zel te pawh a pawimawh bawk a ni.
A tawp ber atan chuan kan ram hmelma nakin lawka kan thalai te nun suat mai tur Tiranga lakah kan fate an lo fihlim theih nan leh thalai te kan fihlim theih nan Zoram mipuite i tang tlang ila, hma thar in la ho teh ang u tiin Zoram mipuite kan insawmin kan in ngen a ni e.
Similar Posts:
- MHIP leh Tiranga
- Mizo society hian kan priorities hi kan hai deuh thin em ni aw!
- World No Tobacco Day Pualin
- Thu ro tling te…
- Hepatitis C (HCV) tana hmelma thar!
January 9th, 2010 at 2:41 pm
1st
Report this comment
January 9th, 2010 at 2:58 pm
tleirawl, thangthar ho hian an ching em em mai leh nghal a. Thaw hah te an neih phah a, lung (heart) te a ti thalo thei bok. THALO TAK ANI
Report this comment
January 9th, 2010 at 3:01 pm
tiranga chiah khi ka hria…
Report this comment
January 9th, 2010 at 3:30 pm
Thil hi a hun lai a awm ve a. Petrol hnim, kanza zuk, progxyvon a inchiu tih vel te kha. Tiranga te pawh an la sim ve leh mai ang.
Report this comment
January 9th, 2010 at 4:31 pm
sap ho in sweets leh chocolate etc an ei uar a, mizo thalaiin Tiranga…. kei chu Kuhva.. :lol: :lol:
Report this comment
January 9th, 2010 at 4:54 pm
Mihring ka hi a hlei khawp a, hmawmsawm tello hian tumah hi kan awm tak tak theilo a ang. Hmawmsawm tello chuan thaw te hi a lo rimchhe ve khanglang thin bawk si.
Report this comment
January 9th, 2010 at 6:03 pm
Vaihlo hi chuan min tibuai vak lova,kuva ber hi a ni ka buaipui chu.Nghei pawh ka nghei zing tawh na laileng..
Report this comment
January 9th, 2010 at 6:11 pm
sawi sawi mah se la ka nghei dawn chuang lo…. :twisted: wonder-a te sum siam nan tal pawh :twisted:
Report this comment
January 9th, 2010 at 6:27 pm
amen
Report this comment
January 9th, 2010 at 8:15 pm
Guthkha dang…Sir Gold,Shekhar,Kuber,etc,. Kuber hi Kolkata lamah a lar viau a ni awm e.
Guthkha/tobacco product ei tam vaiho hian ka chhung natna chu an nei tam khawp mai. Oral sub-mucous fibrosis tak hi chu a tam lemlo.
A man a to vak si lo a,a lo addict theih viau bawk si ni tur a ni. Aizawlah pawh veng thenkhatah chuan dawr a zawrh pawh an khap tak kha mawle!
Report this comment
January 9th, 2010 at 8:27 pm
WARNING!
Report this comment
January 9th, 2010 at 8:55 pm
That hi chu thalo mo le!!!!! Sim ruala bansan hmak chi..!!!
Report this comment
January 9th, 2010 at 9:27 pm
Maharastra ah chuan Goa(Gutkha tho)a lar lutuk,Tiranga chu hmuh tur a awm pawh ka hrelo,Goa hi chu hmun dang ah hian chuan hmuh tur a vang ang reng,a awm zeuh zeuh chauh.A that loh zia hria in anni chuan Gutkha hrim hrim hi 2003 khan an bandh daih tawh,a zuar lui an man chuan packet khat pawh ni se cheng sangnga (Rs5000) an chawi tir hmak hmak,jail luh phah te pawh an awm hial in ka hria.Keini ve hi chu kan harh chhuak tlai deuh thin, mahse a black in cheng hnih ten an la hralh ru ve tang tang thin tho.hehe!
Report this comment
January 9th, 2010 at 10:38 pm
Awi petrol hnim chinlai tak kha a@pc_a ka hre ve hman teh a sin trum thum vel chu ka hnim ve hman in ka hria rualu deuh ten petrop an lei a bottle 1 kha cheng hnih vel niin ka hre ta pawn chhia in kan hnim a .a changkang deuh ho khan spon khawi lai motor seat a mi emaw an pawhthlak hnar a zah duh teh a sin .A rim an dak khan an in hum nam sak trhin maw le
Talap an tih ang kha zoram lam ka lo hre ve lem lo tiranga kha chu ka hria helam ah chuan manipur lam unau ten an nei reng trhin patling te hian an hmuam deuh reng trhin maw le thil hygene tak chu anih lo top an maw le
Report this comment
January 9th, 2010 at 10:41 pm
Zoram hmelma man chu a va tlawm ve :smile: Ka ei ve tawh thin, Kuva hring rah nen a eipawlh kha tui ka ti tlat pek a,ka ei reng a ka addict chuang miah lo :smile:
Report this comment
January 9th, 2010 at 11:18 pm
Kan vei a te nau sawt viau mai. A lawmawm lamah ngai ang u. Thil te nau taka lang hi a te nau lo viau mai thei bawk. Zu, Sex, Corruption, etc. misual vei langsarte han thlak zuai nan a that fu awm roh hi a. Addict lo thung ila..
Report this comment
January 10th, 2010 at 12:03 am
Tleirawl ho hian an hmang nasa, pawi tak a ni, sim har an ti em em lehnghal a.
Report this comment
January 10th, 2010 at 4:24 am
Gorkha? Gurkha!
Gutkha … hi Zoram tan chuan chhiatna lam aiin piansualna chi khatah kan hman phah niin ka hria. Surti an tih kha 1966 khan vawi khat ka hmuam ve a. Khaini an tih hi 1972 khan vawi khat ka hmuam ve. Ka duhtawk hle. Ka ten.
Tunlaia Gutkha produce reng reng ka khawih lo tawp a; mi dang pawh duhsakna ka hlan ngai lo! Khaini hmuam bialnu nei ta ila, hrehawm ka ti khawp ang.
A then chuan an duh ngang mai, an hmuam a, a tui an lem pep pep. An hmel pawh a da pep bawk. An ngeih ka ring lo, rulhut chu an pai ka rin loh phah!
Champhai nula pakhat pawh a bialpain a kiss dawn a, “Awi ka u, lawk lawk,” a ti a. A ka atangin a paih ri thlawrh a, “Khai le, ka u …” a ti an ti! He nula hming hi ka hre chiang lo, VaiVa kha lo zawt mai rawh u, a hriat loh chuan Shailendra emaw Paeia emaw zawh tawh mai tur! :lol:
Report this comment
January 10th, 2010 at 8:10 am
Heng thil hi chu halpuah ang khan BANNED tawp theih a ni chiang mole..chhiatpui kan tam tawh khop mai..Kohhran hian zu nen category khatah dah hmak bawk mai se.
Report this comment
January 11th, 2010 at 8:42 pm
DILBAG pawh hi Norht India-ah chuan a lar khawp mai.
Report this comment
January 11th, 2010 at 8:44 pm
Kei chu heng hi ka hmuam ngai lo.. tuibur pawh hmuam loh hram tum nak a lai a :lol:
Report this comment