Mizoramah Reserve Bank of India (RBI) pawmpui loh bank 14 a awm mek tih chhui chhuah a ni. Heng bank-te dinhmun hi Mizoram sorkar hriattir a ni tawh.
RTI Act hmanga Vanglaini zawhna Superintendent of Police CID(SB)-in ziaka a chhannaah, Reserve Bank of India Act 1934-in a phut anga registration nei lo Mizorama private bank-te chhui chian hna hi 2008 September atang khan Mizoram Police CID-ten an lo thawk tawh a, an hmuhchhuah dan hi kimchang taka report ziakin Mizoram sorkarah a thehlut tawh tih tarlan a ni.
Heng Bank zinga a tam ber hi Karimganj leh Silchar vela hmunpui nei, a neitu pawh henglai vela mi tho niin chhui chiangtute chuan an hria a, Guwahati, Kolakata leh Delhi-a hmunpui neia insawi pawh an awm bawk. Heng bank zinga thenkhat chuan an hnena pung awma pawisa dahtute hnenah pung tlem zawkin pawisa an puktir a, thenkhat chuan sorkar hnathawk hnenah chauh loan an pe a, thenkhat chuan sorkar hnathawk pawh ni lo, an hnena pawisa dahtu pawh ni chuang lote hnenah loan an pe tho.
Pawisa dahtu (depositor) tur zawn, loan puk duh zawn leh loan an pek chhuahte rulhna khawn khawm chu an hna thawh deuh ber a ni a, agent 20 vel nei leh 300 lai nei pawh an awm. Bank thenkhat chuan an hnenah thla tin 3% punga pawisa dahtirin, thla tin 7% pungin loan an pe thung a; thenkhat ve thung chuan thla tin 6% punga an hnena pawisa dahtute hnenah thla tin 2% pungin loan an puktir thung. Heng bank dawrtute hi mi sing thum aia tam an awma ngaih a ni.
Bank thenkhat chuan an hnena pawisa dahtute dah hun chhung an tiam a tawp hnuah pawisa pek chhuah tur an neih leh si loh avangin harsatna an tawk mek tih report-ah chuan tarlan a ni a, thenkhat erawh chu pawisa dahtu leh loan latu an la awm reng avangin buaina tawk rih lova kal hram hram an awm bawk.
Report atanga a lan danin harsatna tawk tawh an awma a lan laiin, an harsatna tawh chinfelsak tura Police emaw Court emaw hnena zualko erawh an la awm lova hriat a ni.
RBI pawmpui loh bank nia an hriat, CID-ten Mizoram sorkara report an thehluha a lan dan chu hetiang hi a ni.
1. Corona Projects & Developers Ltd
Local Office : Zarkawt.
Head Office : 3rd Floor, Upstairs, SBI South Guwahati Br, Ulubari Guwahati
Regn. Office : NH-44, Patharkandi Road Karimganj.
Branch Chairman : H. Lalbuatsaiha Ramhlun Venglai
Head Office-a Managing Director (a hming tarlan loh) chu Mizoram Police hnena in-report tura koh a ni a, a kal lo.
2. Relation Socio-Economic Culture and Organisation
Local Office : Dawrpui, Aizawl.
Head Office : Guwahati
Proprietor : A.Bhatacharjee, Karimganj
He bank-a pawisa dahtute hian hmuhkir leh an inrin loh vangin ukil ruaiin an nawr mek.
3. Fourth Corner Business:
Present Address : Hunthar Veng Aizawl.
Owner : J.Peter H.Zama, Leithum.
He bank-ah hian pawisa dah 400 vel an awm a, loan la 4000 vel an awm thung. Pawisa dahtuten huntiam ral hnuah pawisa an hmu kir thei lo a, mahse complaint an nei rih lo tih report-ah tarlan a ni.
4. Barak Agency & Services Pvt. Ltd
Office : Zamawia Building Zarkawt, Aizawl
Head Offic : Baral Mukh Guwahati
Regn. Office : Tarapur, Silchar Opp. Lion Eye Hospital
Branch Manager : Nurul Islam, Karimganj
Board of Director : Zohmingthanga Zote, Hunthar Veng.
5. Legacy Finance Company Ltd.
Owner : Zothanpuia Sailo Venghlui
Address : Chandmary, Aizawl.
6. Green Valley Consultancy Services Pvt. Ltd.
Head Office : Shillongpatty, Silchar
Manager : Biswajit Singh, Hailakandi
Local Office : Zarkawt, Aizawl.
7. Desire Agro, Resorts Development Pvt.Ltd.
Local Address : SL Chhuangpuii Building, Dawrpui.
Managing Director : Ashok Bose Kolkata
Executive Director : Sanjay Shaw, Kolkata
He bank-ah hian mi hrang hrang pawisa dah cheng vaibelchhe 4 zet a tling tawh a, lakchhuah hunah an pe chhuak thei lo a, thawktuten an Head Office Kolkata (address tarlan loh)-ah pawisa an zuk dil a, chhanna mumal an hmu lo a, District Consumer Forum-ah zualko an tum mek tih report-ah a lang.
8. Tower Infotech Pvt. Ltd.
Herad Office : Kolkata, West Bengal
Managing Director : Ramendoy Chattopadhoy Howrah
Branch Manager : Siddiqu H. Mazumder
Local Office : Zarkawt, Aizawl.
9. Daffodils Company
Regn. Office : GS Road, Ulubari, Guwahati
Local Office : Thanzauva & Sons Building 6th Floor Zarkawt, Aizawl
Branch i/c : H. Lalropuia Electric Veng.
10. M/S Swarna Jayanti Agro Tech Ltd.
Head Office : Karimganj, Assam
Local Office : Sanghnuna Building Dawrpui, Aizawl
Local MD : Maynul Haque, Barkatpur, Karimganj
Manager Head Office : Nurul Islam (Barak Agency & Services Pvt. Ltd-a Branch Manager Nurul Islam nen hian mi thuhmun an ni em tih chhui mek a ni.)
11. Zawlbuk Real Estate:
Office : Biakchhunga Building Chanmari, Aizawl.
Hqrs. Office : Noida, Uttar Pradesh
Hqrs. MD : Henry Lalremsanga.
12. Vanso Technocraft.
Owner : Daniel L.Vanso (26)
Office : A/54,Zarkawt(Lalrawna Building) Aizawl.
Manager : Lallawmchhunga, Sakawrdai
He bank hian Company Act hnuaiah emaw, Firm & Society-ah emaw registration engmah a nei lo. Motor pathum, Tata Tripper, Omni Van leh 407 truck a nei a, an hnena pawisa dahtu mi 150 hnenah, hun tiam ral hnua pawisa an pek kir theih loh chuan heng an motor-te hi laksak turin thu an tiam vek tih report-ah a lang.
13. Ananya Project and Construction Limited:
Owner cum : Papu Kuri, Ols Station Road Karimganj
Managing Director
Head Office : Karimganj.
He bank-a pawisa dah tura lak khawm, 2008 October leh November thla amite kha Chiahpuamah dah a nih vangin buaina an tawk deuh a, Aizawl branch hawn tirha an mi rawih Mizo pahnih chu bantir an ni nghe nghe.
14. Mizo Land Travels & Cargo Service
He Agency neitu hi Pu J. Lalchhawna Zemabawk a ni a, mi 12 velin pawisa an dah tlingkhawm chu Rs.12,71,000/- a tling a, pawisa dahtute hnenah a motor Bus 1, Maxi Cab 2, Cargo Vehicle 1 chu affidavit siamin a dahkham mai thin tih report-ah tarlan a ni.
Heng Private Bank/Agency-te hian Reserve Bank of India Act 1934 hnuaia registration an nei lo vek tih report-ah chuan tarlan a ni a, a tam zawk hi chuan Central Govt. Incorporation-ah emaw, Company Act No. 1 of 1956 hnuaiah emaw, ROC (?) hnuaiah emaw registration an nei thung. Hetihlai hian heng a hnuaia tarlante hi chuan eng registration mah an nei lo ni awmin report chuan a tarlang.
S/No. 3. Fourth Corner Business
S/No. 11. Zawlbuk Real Estate
S/No. 12. Vanso Technocraft
S/No. 14. Mizo Land Travels & Cargo Service
Similar Posts:
- Sawi lawl lawl mai awm.
- Kar Khat Bank a collapse
- Courier service
- Bank Letter Maksak
- Sorkarin vai hnenah (kan)ram kum 99 chhung atan a pe…
January 19th, 2010 at 10:39 pm
Tin, kan ti leh teh ang a HEADLINE khi ka helh deuh tlat bok a, khing a chung a hming lang company ho khi bank an nih rinzawn theih turin an hming a awmlo reng reng a, Bank han tih ringawt khi a dik thei dawn em ni le, bank awmzia kan hriatloh vang hian em ni? RBI pawmpuina an neih leh neih loh ah kan buai tak. an thil tihdan ah an dik e ka tihna nilo in, chanchinbu phek hma a chuangtir vah tur chuan kan editor lam te pawh hi an fimkhur a thalo mo le?
hei hi han en ve chhin teh u….
BANK Definition:
An organization, usually a corporation, chartered by a state or federal government, which does most or all of the following: receives demand deposits and time deposits, honors instruments drawn on them, and pays interest on them; discounts notes, makes loans, and invests in securities; collects checks, drafts, and notes; certifies depositor’s checks; and issues drafts and cashier’s checks.
https://www.investorwords.com/401/bank.html
Report this comment
January 19th, 2010 at 10:49 pm
herc: dik chiah. ama’rawhchu ka’n ti teh ang..
an function ang ti tur hian RBI pawmpuina a angai anih ka ring. RBI hi India ram finance leh banking lamah an thu hle a, hetianga RBI rawn lo leh phalna la lo, dan leh duh ngaihtuah lova lo tive ngawt thin ho hian mipui an tih chhiata ram economy a tih chhiat a’n hlauh vanga RBI dah thu pawh anni in ka hria central. hmanni lawk ah pawh chiahpuam chungchangah mi tamtakin sum an chan ani a, chuvangin fimkhur zawka kan kal naturin hetiang lam hi mipui pawhin kan hriat a tha ve hle ani.
Report this comment
January 19th, 2010 at 11:32 pm
Funny: a dik chiah, RBI registration pawh hi nia, an kalpui dan leh an scheme leh in nghahna a zirte pawh a ni ve thei bawk anga, chu ai ber mai chuan, mipuite hian investment kan ti dawn a nih pawh hian an offer ah mai hian tawlh tlu lo in, kha offer kha engtiang in nge an pek theih a, lo invest ve dawn pawh ni ila eng ang taka scheme/project reliable nge a nih tih erawh hi chu kan chhui chiang zel chu a hun tawh viau a ni.dik tak chuan chiahpuam ang chi te pawh in nghahna bulfuk nei miahlo a ni a, a interest/hlawkna ah kan tawlh tlu a, ring leh ring lo in an invest hlom a ti kha an thleng ta a nia. Mipui te hian decision kan siamdan ah hian kan fimkhur tan chu a ngai a ni.
Investment hi chu a tihna tur a la pung zel dawn, tin investment tel lo in ram a changkang ngawt thei bawk lo, ram economy leh changkanna in nghahna pakhat a ni ve tho.
mahse a thlan danah hian kan fimkhur a tha mai in ka hria.
enge i ngaih dan ‘Funny’.
Report this comment
January 19th, 2010 at 11:39 pm
herc: sawi dik leh khawpmai
chiahpuam ah khan kanu u ten anlo dah ve a, kanu in dahlo turin ava hrilha, an lachhuak veka, chutah an dahna agent khan dah turin ava thlem leha, “buai pawh nise ka tihfel sak vek ang che u”, tiin..
chuan an dah tha leha.. nuaih 5 an chan chu ani zui der.. hairehai
mahse hemi thatna ve chu hetianga an chhui chhuah zel chuan mi bum nana ti an tlem phah deuh maithei sin
Report this comment
January 19th, 2010 at 11:48 pm
halleluiah!!!!!! a dik chiah an tlem phah ngei ang…CID lam hi han tang teh se….
Report this comment
January 20th, 2010 at 7:27 am
@herc: i tanfung chu a dik khawp mai, mahse Aizawl an rawn luh tirh khan an investment zawrh ho zingah khan ka tel ve hlauh mai a, “Post dated cheque kan pe lawk thei” te an rawn tia. kha cheque kha an mahni ZRE ho cheque mai2 a ni si a!! khatiang te kha enge a awmzia ni ta ang? Post dated cheque hoh zia chu a hre chiang ber tu te zingah i ni ve awm sia. In bumna chikhat chu a ni mai lo maw? A staff ten’a min rawn tlawh tum hian Video an rawn keng tel a, H**** Lunglei…?? an kawm na an rawn ti lang a, khata a thil sawi tam tak kha ka la dah tha vek a, hei tunah hian a thil sawi ho hi a va thleng leh si lo ve. eg kum 2 chhung in chuti zat a pung ang etc. ZRE a sum invest ka mi hriat chian pawh in hei tun thleng in a la thei lo, a dah lai khan “Investment tha ber, chhe thei tawh lo leh hniam thei lo” an tih vang khan a dah a nia! Tunah pawh hian la chhuak sela a pung nen a chhut in Fixed Deposit nen danglamna vak a va awm lo ve. Chupawh hei an la chhuak thei bawk si lo!!
Report this comment
January 20th, 2010 at 11:52 am
@pehtreh,i sawi kha keipoh ka hria,a dik chiah i sawi ang khan PDC an pe ngei mai, Mahse PDC nen a inkop MoU kha i lo chhiar em le, Mou kha mipui aiawhin Assotech nen an nei ve thlap a,chuan an ni in assotech a investment ti ho pawisa kha clubing lo tihsakin flat pawh PDC bakah khan alloted vek a nih kha. Assotech ho chu Delhi airport ah pawh khan ka hmu thin a an advertisement kha. india rama building sang ber tur pawh an sa ni awm tak a ni. an website ka en ve bawk a, project pawh an zo hnem tawh phian mai.
AN lak chhuah theih loh chhan kha chu ZRE Office a kal a zawhfiah mai chi ah ka ngai. khilai khi chu keini mimawl hriat piah lam, business internal thil a ni tawh tlat.
mahse Times of india ah te hian han en chuan kolkata, mumbai leh delhi chhuak ah hian, builder’s turu tak tak a kan ngaih te pawhin PDC leh assured return chu an pek nasat hmel khop mai. competition atan an hmang ber tawh a ang. a then phei chuan Good For payment cheque te pawh an issue a nih awm khu mo. khu vang khuan a nih ka ring september 2009 pawh khan parliament session thar ber a ngaihtuah ho turin real estate regulation an buatsaih phah tak nachhan pawh.
han sawi zau deuh tur hria kan awm em le?
Report this comment
January 20th, 2010 at 12:11 pm
@herc: Assotech e tek lo e, Aizawl a Axis Bank current account hawn thar, a hma thla 3 vel tal transcation pawh en tur awm lo kha enge maw a hlut viau na tur niang le?
Chubakah Hei a video ah hian a mah ngei in pung ngei ngei tura sawi zuah zuah si, hei tunah pawh a dah tawh te tan chuan a pung nena lak a hun tawh a nih hi, khawnge a investor tur an zawn lai pung ngei2 tura an in tiam na te kha? a pung tur zat tam tak an sawi te nen pek a va hun ta ve
A thuihhruai te zingah i tel ve em ni? i va han sawimawi em em ve? Fixed deposit anga pung ngei2 tur a sawi zuap zuap si pung leh thei si lo! ennge ni a chhan? Times of India, Estate requlation, ek ke bale lam a ni lo. A pung ngei2 ang ti a an sawi a, a pun leh si loh chuan mipui an bum a ni mai lawm mi? An la talh lo va, a vannei ngawt a lawm le. tiraw
Report this comment
January 20th, 2010 at 12:26 pm
@Herc “mahse Times of india ah te hian han en chuan kolkata, mumbai leh delhi chhuak ah hian, builder’s turu tak tak a kan ngaih te pawhin PDC leh assured return chu an pek nasat hmel khop mai” Hetiang teh duah a ni lo. Rs 10000 dah chuan, an sawi angin Rs 30000 emaw a aia am vel tal chu hmuh a hun tawh. Tunah Rs 10000 dah pawh in an sum lu an la theilo a nih hi! chutih laia “Times of India, Mumbai,Kolkata de de de de” Hetiang ang hun tiam ah an pe thei lo a nih chuan nga ti nge kha ti chiam2 a Piantharna thu ang mai an rawn sawi. Mizoram Mipui an va han zah lo em em ve. Kum 1 chhung a, pung nena pek an in tiam a nih chuan pe mai sela.
Enge sawi tur nei chuan han sawi zau deuh teh se
Report this comment
January 20th, 2010 at 1:07 pm
@pehtreh: ka tanna lam hla nilo in, i invest ve a nih chuan an office ah i leng mai lo em ni. office an neih ve kha. chuan an pekchhuah loh chhan chu i hre mai ang chu. a ek ke bal e lam a nilo tih ringot kha nangni ang mi puitling chuan a fact in lo zirchiang ve turah ka ngai a a chungah khian company dang ho pawh ka ziah khi,
Insuarance i claim a, hmuh hun tur an tih a i hmuh theih loh vang khan an zahlo che in mipui an zahlo tihna a ni lo a, chhan an neih ve vang a nih ngei kei chuan ka ring.
chutiang chiah chuan tuna pawisa pe chhuak theilo ti a an rawn tarlan ho hian chhan an nei ngei ang.Mahse, an zingah khian Real estate hi ka hriat chhun a nih avangin ka han sawi mai a ni e.
tin fixed deposit ai chuan tha teh meuh mai tihfuh chuan.kan thiante delhi leh pune tih vel a company dang atang lo ti tawh kum 5 kum 6 liamta a mi te pawh hian an hlawkpui khawp mai.
anmahni ZRE ngei atanga a let a hlawkna hmu te pawh an awm nual kha. han leng la han zirchiang ve rawh. khatia ralkhat atanga ak ak lo khan, tichuan i invest ve a nih phei chuan i tih ngei turah ka ngai a, abak sawi belh tur pawh i neih zawk ngei ka ring. Tin, Recession kha nikum a ni tih ka han hrilh leh hram ang che. real estate firm lian in an tawrh dan leh investor thlenga an tawrh dan i lo zir chian duh takin.
an
Report this comment
January 20th, 2010 at 1:22 pm
Mimawl fe an nih loh chuan khing company hotu an tarlan te khi an talh ngawt lo ang. mi an chhiatna lai ngawt hmuh tum ho hi chu an ropui ltk bik ka ring lo ve ngawt….mahse diklohna nei a mi an bum erawh chuan man vat se ni mai lawm. diklo tak tak ho chu an man hmiah2 mai reng a lawm.
Report this comment
January 20th, 2010 at 1:36 pm
@Herc: Kei chuan invest lo ve, “hlutna chhe thei lo leh hlutna tla ve thei lo” tih zawng a midang an rawn thlem dan kha a dik lo a alawm.
Insurance chung chang ah chuan mi dang claim hi ka lo hmu ve nual tawh a, a bikin Traditional Insurance ah hetiang anga hunbi nei thlap a pe chhuak leh si lo hi ka la hmu lo tlat pek a nih chu. Unit Link a nih chuan “Subject to market Risk” a nih zia an ziak kur ngiai nquai a lawm. Hetiang anga Recession vanga risk lo awm te a nih chuan, investor an zawn lai te khan sawi tel se la. “Chhe thei lo leh hlutna tla hniam thei miah lo” tih zawng a sawi dawn chuan Fixed Deposit bak hi sawi tur a vang khawp a sin, a pung tlem deuh mai a nia. Real Estate Investment leh Fixed Deposit hi ka khai khin dan zawk a chu hunbi thliah nei a pung awm tura an sawi na lai zawk kha a ni. Pung tha lutuk leh Risk awm bawk silo a rawn sawi vakin Mizo mipui min bum a ni. Insurance ah chuan a bikin ULIP ah chuan Risk a awmzia chhiar tur a awm
Dawt hmanga mipui bum duhtu te, fakmawi tlat tu hi mi rilru bal tak an nih ve duh hmel, mi ropui tak chu a ni lo phawt ang.
Report this comment
January 20th, 2010 at 2:28 pm
@pehtreh: i ngaihdan a ni a ka tawmpui lem lo na chung che in ka zahsak ltk a che.No Offence..an ti thin a mi khah…:)
Nia, Khing ULIP te SIP te leh Mutual fund hrang2 te khi chu keini aia thiam zawk ziah ah ka dah mai anga, an ziahsa chhiar tur pawh a awm teuh tawh bawk a. Mahse kan la ti hram teh ang, Real Estate a investment ti capital lost ta hi sawi tur ka la hre miah lo nia. kan u te Dwarka a flat nei te pawh khu kum nga vel a ni tawh in ka hria, offer an hmu tha thei khawp mai. Chuvang chuan anmahni ZRE in a project an zawrh te hnen a investment ti te pawh khian an chan hlawm hlak chu ka ring lem lo a. chutiang bawkin mi dang dang te pawh khi.
Amaherawhchu, Mipui te hi chu kam fimkhur tlan viau chu ngai ka ti ngawih ngawih a ni. base neilo lutuk a a hlawk a vang a ngam leh ngam lo a lo invest hi chu kan sim a ngai ka ti hle mai…. mahse tihngaihna tak pawh hi a vang ang reng si a. Ti ve lo mo? Pehtreh…
Report this comment
January 20th, 2010 at 2:32 pm
Lalpa ah hian kan ro tehi invest ila a tha ber.
Report this comment
January 20th, 2010 at 3:40 pm
@herc: Nia, Real Estate Investment ngawr ngawr hi ka sawisel miah lo, dah rei deuh chuan chhiat pawh a chhe lo mai thei . Mahse Rs 10000 dah in Rs 20000+ kum khat chhung in a pung dawn tih chiang lutuk a sawi kha a dik dawn em ni? Hei tunah pawh a lo pung leh si lo a nih hi!! Hun a rial deuh ah chuan a pung pawh a tha thawkhat ang. Mahse Kum 1 ah 50% in a pung ang emaw Kum 2 ah 150% in a pung ang ti dawt in a sawi lawk theih dawn em niang? An sawi lawk a, Post Dated cheque thleng in an pe sia, kha zawk kha a ni ka sawi zawk ni. Khatianga pung tha te chu neih zawng2 nen an invest a, kum khat a ral a, a lo ni leh si lo a nih hi. Kha lo liama Inbumna. A nihna tak sawise, risk awm thei te, a pung tur zat pawh pawh a ni “maithei” te ti sela, chutiang ah chuan Risk la ngam in invest sela. Hetiang vang hian mitam takin, investment duh reng vang pawh ni lovin, neih thing lungkhawng in an zuan luh pui a, mi tam tak mangang in an siam a sin. Heng mi te lungai au aw hi i hre ve nange? An pawisa neih zawng2 an chhuh sak vek a sin, tunah an sum lu engtikah nge an hmuh let ang tih pawh an hriat tawh loh hi! Nanmah ah inchan ta che
Report this comment
January 20th, 2010 at 3:46 pm
Mi tam zawk te hian engmah chhui chiang peih tak2 si lo a mi hmer kan hrat hi chu sim a hun ta e. duh chuan a hmunah kal a mahni in zawh fiah mai hi tha ber ang.Thutak leh thil tak a om lai in dawt pawh a in zep ve thin kei chu office ah ka len chilh a ka zawt a ka chiang e
Report this comment
January 20th, 2010 at 4:00 pm
Chiang ringawt a lungawi thei chuan pawisa a ngah duh hmel e. Neih zawng zawng dah a la chhuak thei chuang si lo tan chuan chiang viau mahse lungawi a har ngei ang le.
Report this comment
January 21st, 2010 at 10:15 am
@Pehtreh:A pawisa ngah vanga lungawi a nih mai ka ring lem lo,cheng khat pawh nise bo mai tur atan chuan khawvel a mi hausa ber pawh hian a phal chu ka ring lem lo, mi in a genuine taka thil a hmuh chuan mi pangngai chuan a hrethiam mai zawk thin in ka hria.
Report this comment
January 21st, 2010 at 12:05 pm
@herc: “mi in a genuine taka thil a hmuh chuan mi pangngai chuan a hrethiam mai zawk thin in ka hria”. Ni e mipangai, nangni ang te sum ngah ten tawn chuan in hre thiam mai ang. Ka mi hriat ve ho chu maw, an neih zawng2 an dah tang a nia auh! Tunah pawh an harsat phah lutuk. Chutiamg mi ho chuan an hrethiam tho mahse an harsat phah, sorkar hna an thawk bawk si lo, an eizawnna in a tuar phah lutuk tawh. Hetiang ang mi hi ka hmu nual. Heng hi enge i ngaih dan leh? Kum khat ah 50% in a pung ti a an sawi chuan pe mai sela, invest vek hnu ah a awmzia inhrilh fiah leh chu INBUMNNA a ni chiang bang. Nih leh nangmah khan Real Estate Investment ah 50% in kumkhat ah a pung ang ti in i sawi dawt ngam em?
Report this comment
January 21st, 2010 at 12:31 pm
@Pehtreh: Ni e, mizo te kan la thiam lohna chu hei hi a ni reng bawk a ni, kan neih zawng zawng kan invest thin hi. a tha tih vang emaw a, neih zawng zawng invest kher tur a nilo a, financial management hi awareness kan la neih tawk loh vang pawh a ni ang e, mihring leh khawvel hma lam hun hi tumahin kan sawi thei lo tih hi kan hriat vek chu nih mahse, a inven na practical a apply hi kan la thiam lo ni in a lang.
anih chuan mi an bum a nih chuan complaint te launch se man mai ang hmiang, mahse complaint launch pakhat pawh an omlo a nih si chuan bumna a tih ngawt theih dawn em ni? bumna kan chhiar dan te pawh a lo in ang lo a niang e.
TI ve thei dinhmunah chuan ding ilang chuan project ka zawrh sak a te’n 50% ah a pung ang an tih a, a pung theih chhan tur a genuine a ka rin bawk chuan ka sawi ngam em em ang. mahse relevant documents chu ka en vek phawt ka ring builders hnen atangin.
Report this comment
January 21st, 2010 at 1:04 pm
@herc: “TI ve thei dinhmunah chuan ding ilang chuan project ka zawrh sak a te’n 50% ah a pung ang an tih a, a pung theih chhan tur a genuine a ka rin bawk chuan ka sawi ngam em em ang. mahse relevant documents chu ka en vek phawt ka ring builders hnen atangin”.Tuna i sawi ang chiah hian an sawi a, a pung leh ta si lova, tuna i sawi ang bawk hian an pha leh. Hetiang tluk a INBUMNA.
Ih mawm Herc, Financial market ah hian khel lova thlasik lo thleng tur an sawi lawk ang hian engmah a sawi lawk theih loh, Hei tunah pawh i tih ve theih loh ten an rawn ti a, an ti sual der a nih hi. Nang aia ti thei te pawh in an tih sual chuan nang phei chuan i tisual nasa awm, bum tur pawh i hmu tam vak lo ang. Bum fin an ngah tawh em mai.
Report this comment
January 21st, 2010 at 1:15 pm
@pehtreh: hehehe, ni e. marketing strategy lam atanga kan sawi dawn a nih chuan, SIP te mutual fund leh i ULIP te ho market dan kha i hre ve emaw chu, real estate tlawhchhan nei leh assets hmuh tur awm pawhin a sawi thei lo ang i tih chuan, against neilo leh assets tlawhchhan tur om lo hian engtin nge a pung tur nih an sawi theih bik anga, mahse an sawi si a, chiang tak takin. keichuan 3 years back a mihring thusawi hi marketing ah pawh kum thum alo ral chuan applicable tawh lo tam tak a awm tih hi ka rin dan leh ngaihdan a ni e.
Report this comment
January 21st, 2010 at 1:21 pm
@Herc: SIP te mutual fund leh ULIP te chuan document ah risk a awm zia an sawi thin, mahse hei risk awm na miah lo ah khan an invest a, a lo pung leh si lo a nih hi! hei hi eng marketing strategy nge?
Financial management chu Mizo te chuan kan thiam lo teh meuh mai, chumi kan thiam lohna tak chu ngatinge a thiam hovin advantage ah an hman? A hre tawh te chuan risk awm thei te hrilh se la, comission duh vang ringawt a project va zawrh te chu a va tha lo ve, INBUMNA tenawm lutuk a ni.
Report this comment
January 22nd, 2010 at 2:14 am
@pehtreh:teh hram dawn che chuan lehhh..
Recession a awm hma khan India ram, abikin metro-city ah khan real estate project dik(hei pawh hi a awmzia i hre leh meuh ange mo!)hi risk a awm an sawi ngai ka hre lo, hriat ang zawng2 hi ziah vek sen a nilo a, khatiang anga ngaihdan innghahna ho lutuk ‘Inbumna tenawm’ tih ringawt a i rilru leh taksa zawng zawng i suk rual tir dial dial mai kha chu pawi ka ti hle mai. mahse i ngaihdan ni tawh rawh se.
Builder’s thenkhat DDA in a chhanchhuah te kha i chhiar ve turah ka lo ngai a, i lo chhiar lo fuh palh a niang e, khang te kha han chhiar lang chuan i var uar mai tur, supreme court pawhin common wealth games a nih dawn avanga investor ho pawhin nghak hrih mai tur mipuite a chah te kha i lo hmu lo a niang e,Real estate mai a nilo, economic times te hi nitin i lo bih ve tawh anga, chuan sumdawnna chi hrang hrang leh financial investment te pawh an current situation hre zel chungin helaia i investment tih na (bajaj, reliance, icici prudential, icici lombard etcc) te’n harsatna an lo tawh pawhin hriatthiam puina i lo neih ve theih nan.
Bumna chuan mipuite a lo ti fing turah ngai phawt mai teh ang.Chutia buma an om tawh ni a i hriat si chuan…
Report this comment
January 22nd, 2010 at 10:23 am
@herc: he he, “Hnar hnuai ah phat na awm lo” an lo tih thin hi chu a lo dik viau a nih hi, ka hriat duh chu ka chiang ta e.
——————————————————-
Hei hi ka comment tawp na ni sela he topic bik ah chuan, a bak INSAWIFIAH CHAWP NGAI INVESTMENT hi herc a hian rawn chhun zawm rawh se. Sawi tur a la ngah ang, kum khat na ah an tiam zat a pung thei miau si lova. Real Estate Agent Aizawl ah a lo luh tirh atanga kei Zopa in ka lo thlir ve dan hi chhiar tu dang te ka chah duh a ni. Thiam taka INBUMNA a ni tih hi in lo hre dawn nia.
Thiam takin an sales agent ho in an rawn thlem ang che u a nga, kum khat ah 50%, kum 2 ah 150% tih ang reng vel in an rawn tlawn nui heuh heuh ang che u, a tlang pui thu in hmel fai lampang an rawn ni ang, inchei nalh thlerh thlawrh, tel rimtui in hnawih ngat, Post Dated cheque te pawh an rawn leklam viau ang, thlalak tam tak bakah video te pawh an rawn keng ang, RISK awm engmah an rawn sawi pui hauh lo ang che u. Hetiang ho lakah hian lo fimkhur hle ang che u, keima sawi mai ni lovin kan sorkar pawh in a chhui chian tawh khi. Organised INBUMNA a ni tih lo hria ang che u.
Tichuan keini Zopa lungmawl engmah hre lo, kan thawh chhuah hah sa, kan lo khawl ve ker ker kha an rawn thlem chhuah sak ang che u, lungmuang takin a him emaw tiin Real Estate ah chuan invest ve ngei ang. Hun a lo vei anga, kum a lo tlin chuan an lo sawi lawk tawh 50% la chhuak turin beiseina nen an pisa ah va phei ta la, chuta an lo chhan dan tur che chu ” Recesssion, Delhi, Mumbai, Kolkata kan thlir chuan….” tih emaw, “DDA in a chhanchhuah chung chang te”, economics time chhiar tura thu rawn te, a tam mai a chunga a INBUMNA sawimawi tu Herc a comment khi chhiar vek mai ru, thu mak pui2 la hriat ngai loh te pawh in hriat belh teuh mai ang. “Real Estate Investment” ni lovin “Real Estate inzirna” a lo ni der mai ang. Tum vang leh tui vang ni miah lovin “Real Estate Inzirna” ah admission in ti fel der a ni mai. Tichuan heng hi in hmuh let tur chu a ni:
kum khat returns chu INFORMATION, kumhnihna returns chu MORE INFORMATION, kum thum na ah chuan investor te chu EXPERTS an lo ni ve tawh ang, mi rilru diklo nei chuan bum tur an zawng ve tan ang. In vanneih chuan kum 3 emaw a aia tam ah in Pawisa dah in hmuh let theih chuan in lawm hle ang, hei aia rei pawh a ni thei.
Vai mi hausa ho Game a ni a, hahtaka in thawh chhuah sa kha tih pun in duh chuan RBI a inregister Bank ah te dah u la, a nih loh pawh in IRDA a hnuai a inregister Insurance Company ho Traditional insurance ah te dah u la a him ber. Risk a awm lo tluk a ngaih a ni. A pung ringawt thlir lo in a RISK awmthei kha thlir tel tur, hei hi tuna kan Real Estate Agent ten an rawn sawi lan duh miah lo, mitam takin an pawisa an dah tan na chhhan kha a lo ni ta a ni. Tichuan Pawisa dah a pung nena hmu tura inngaih laiin INFORMATION hlir in dawng mai ang, Herc a hi a hming tak anih phei chuan lo fimkhur na sa ang che u. keima sawi chauh pawh ni lovin kan sorkar pawh in a rawn au chhuah pui tawh khi ka ti nawn leh ange. Kan police te in ti tha ka chhuang a che u.
@Herc, rawn chhunzawm rawh le, i ta vek a ni ta, word mak deuh deuh rawn phawrh chhuak leh rawh le, a pung thei miau si lova heng te pawh hi rawn sawi fiah leh la Stratootnization, strantootnism a thlen vangin a pung lo a mi? Khreuhmatically strategy hmangin in an rawn khul chhuak leh dawn? i hre zawk daih ang, rawn chhun zawm rawh le. Investor pawisa duh reng vang pawh ni lova ti tang te hnena i words of Comforts kha kan lo ngai chang e.
A nih auh
NB: Vanglaini daily newspaper ah leh internet ah te a darh chiai chuai tawh a. He ta an rawn chhuah ho te tan chuan Chem lova lu inlak sak na a ni. INBUMNA a ni lo a nih chuan IPC section 499 na “Defamation” hmang in an rawn chhang let ngam dawn em i lo thlir ang u.
Report this comment
January 23rd, 2010 at 8:03 am
@pehtreh: hriat loh lam te hi midangin an hriat a min hrilh hian hrelo zawk nih hi a har thin a niang e tiro, mi thusawi fundamental logic deuh a lo lakchhawn a chumi lo hnial chu kan thiam tawk a la ni hrih a nih mai hmel hi mole,
ni e, i sawi hi a diklo ka ti reng reng lo a, real estate hi ka zuk dah sang hlur lem bok hek lo, mahse i rawn ziahna key diklo a ka hriat ka han sawi mai ani. nia, mizo economic atang leh kan rilru kaldan atang hi chuan investment dang hi kan la thiam lo ni in a lang(bank bak hi chu).
chuan keipawh sawi thui vak ngai in ka hre tawh lo. an dik emaw dik lo emaw chu, company pangngai an nih a an dik anih chuan an chhanlet leh let loh ilo thlir phawt mai teh ang. Tin, ka word of comforts lam ni lo in, mi hi an chhiatna kan sawi duh a nih chuan i zir chiang peih phawt ang u ka ti mai a ni e. “dont judged people unless you walk a mile in their shoe” an lo tih kha.
Report this comment
November 21st, 2011 at 3:32 pm
top resorts in kerala…
[…]RBI pawmpui loh Bank 14 a awm; Mizoram sorkarah report pek a ni | mi(sual).com[…]…
Report this comment
November 21st, 2011 at 3:39 pm
^—- spam ve khanglang delete ru.
Report this comment
December 3rd, 2011 at 5:36 am
Wide Fit Shoes…
[…]RBI pawmpui loh Bank 14 a awm; Mizoram sorkarah report pek a ni | mi(sual).com[…]…
Report this comment