Kan puithiam zinga kan ngaihsan em em Rev ZT Sangkhuma chuan Condom hman inzirtir a duh loh thu inthlahrung takin Vanglaini 27th January chhuakah a rawn ziak a. Condom hman inzirtir hian sex hman kan inzirtir a ti ni berin ka hria. Media (Chanchinbu, TV leh Radio) an puan leh ziah te a rawn khak tel nuala, LPS phei chu ‘hmang turin an inzirtir thiam si’ a ti hial a nih kha.
A ziaktu hi ka mi ngaihsan leh zah zawng tak a ni a, Birla-ah min zai rual a, pindan khatah thla khat dawn kan inhrawn ve tawh. Mahse man fuh loh lai deuh a awm nia ka hriat vangin tlem thai ve tul tihna ka nei a ni. Kan khawvel hi a tlanchak tawh lutuk a umphak tuma kan tlanna lamah heng hi a thleng zo ta a nih hi.
ABC of HIV/AIDS: HIV/AIDS do dan hi ABC tia kalpui a ni a, nupui pasal nei lo tan a duan a ni deuh ber. A- Abstinence (insum, nupui pasal neih hmaa sex hman loh) a ni a. B- chu Be faithful to your partner a ni. Insum theih loh chuan kawppui pakhat chauh laka rinawm tih a ni. C- hi Condom hman a ni a, kawppui pakhat ah pawh i rinawm thei lova midang i kawp tel a nih chuan condom hmang rawh tiin tlanchhiatna an siamsak a ni.
A- ah hian NGO a thawk leh mithiam te ngaihdan ah chuan kan hlawhchham ti tih a ni. Abstinence (insum) tura inzirtir hi changel a sawi bel tum ang a ni an ti fo. NGO ho hi han zawt meh teh u. An beidawng chu ka ti hauh lova mahse harsa an ti tak meuh a nia.
Mipa leh hmeichhia kan intawh tawh chuan tek chhuai a awm thin a, chu chu mihring nihphung a nih vangin ‘control’ theih mai mai a ni lo, inven kha a fuh ber zawk a ni, engtik hunah nge ‘chance’ a awm dawn hriat va ni suh.
Nupui pasal nei lo zinga kawppui pakhat chauh laka rinawm tura inzirtirna pawh hi a hlawhtling tehchiam lo, a bikin mipaah a ni zual. Hemi a nih vang hian insum thei lo ho tan hian Condom hman mai a tha e tiin an tlangau ta ringawt a ni. Insum tura inzirtirna hi a hlawhchham titih tak siah chuan ‘CD’ thumal hi a dawhfuh lotu bengah chuan a riring ta deuh a ni mahna. Hetih lai hian insum tura inzirtirna hi thlahthlam a la ni chuang hauh lo.
Sex hi nupa inkar lovah pawh kan hman vangin he hrik hi a darh zel ai chuan CD hmang tur hian an auchhuak a ni chauh zawk a ni. HIV darh tur vengtu tur ber suala kan puh chuan a fuh lovang. Kan ti rau rau a nih chuan hmang mai teh u, tihdam theih loh HIV in kai loh nan an ti mai a ni. Insum thei lo ngang tan chuan kai palh ai chuan CD hman hi a finthlak zawkin ka hria.
Drugs atangin i zir ang u: Drugs kha HIV kaidarhtu ber a ni thin a, syringe thianghlim hmuh tur a awm thin lova, an intawm a, an kai thin a ni. Syringe thianghlim a thlawnin sem a ni ta a, drugs ti an pun phah ring an tam a ni lawm ni khah. Chuti a hnekin drugs vanga HIV vei an tlahniam a, drugs ti an pun phah awzawng lo. A ti duh chuan an ti a, duh lo chuan an ti lo mai. Hetiang chiah hian insum thei lo tana condom hman inzirtir vang hian KS an pun ka ring lova, pawhlawh taka sex hmang duh chuan an hmang tho anga, inti thianghlim duh chu an insum tho ang. Kan puithiam khan a KS an pun phah a hlau em a ka han zep tel zauh a ni e.
Drugs tih ching te tana syringe a thlawnna pek a nih tirh lai ang boruak kha HIV/AIDS ah hian kan tawng mek niin ka hria. Tunah hian sex atanga inkai hi an tam ber tawh ! HIV/AIDS percentage chu 1% aia a san chuan ‘high prevelance’ (a tamna hmun) an ti thin a. Tunah hian Mizoram dinhmun chu .05% a ni a, a hniam zawk zawk lo hle nangin tan lak chuan thunun theih chu niin a lang.
Sex kan hmang nasa: Tunlai thalaite hi i zirchiang zawk ang u. An nun hi hriatchian a ngai a ni. He article ka ziah hma hian damdawi dawrt henkhat ka zawt nual a, damdawi an hralh zingah sex hman zawh hnua rai theih lohna (I-Pill etc) hi damdawi zinga an hralh theih ber pawl zu han ni tlat a. I -pill hian rai chauh a veng a, HIV lakah himna a pe lo lehnghal. Hei hian nupa inkar lovah sex hmang kan tam zia a tilang mai awm e. Nau titla tam zia atang te leh Biak in hawng lova innei kan tam zia atang te hian kan zalen thawkhat chu a tih ngamin ka hria.
TV leh internet ah sex lama kan thalaite hruaisual thei hmehchhuah tur a awm tawh a. Ram an la duai duai a, moral assimialtion kan tawk mek a ni.
Sawrkar chuan theihtawpin hma a la ang. Chhungkua kan inven a pawimawh bawk, kan fate an him em? tihte inzawt ngam ila, titi pui ngam ila, ngaihven lamah pawh ram tang bawk ila. Kohhran pawh hian mawhphurhna lian tak a nei tih a a hriat nawn awn awn a ngai tawh a ni. Engtinnge he harsatna hi kan beih let ang tih hi ngunthluk zawka ngaihtuah a hun tawh takmeuh tawh. Ngaihtuah zui atan!!
Similar Posts:
- Mizoram leh HIV/AIDS
- Hre reng thin ang u!
- The Indian Condom song
- Catholic Pope in Condom hman a phal ta! Mahse…
- 91% knows where to get condom
February 1st, 2010 at 12:37 am
1st em o?
Report this comment
February 1st, 2010 at 12:38 am
1st TIH HI SIM TEH U!! tribal em mai…..
Report this comment
February 1st, 2010 at 12:39 am
ka hman hun ah…ka lo kawmen leh ang….
Report this comment
February 1st, 2010 at 1:00 am
Insum theih chuan trul lem lo mahse insum theilo tan chuan condom hi pai reng tur, i him emaw midang tan a him, kan ramah HIV+ve an pung zel a tlakhniam nan hian tihtur tamtak awm zingah chuan a hmei a pa hian THUT atan Condom pai keuh tur
Report this comment
February 1st, 2010 at 1:04 am
Keipawh hei hian ka ngaihtuahna a tithui thin khawp mai. Sadom leh Komara hremna kha Zu leh Sa an chen vang chauh a ni lo va, hmeichhiat mipatna awlai lutuka hman vang pawh a ni a. Hmanah chuan Zu avangin chhungkua an buai thin, mahse tunah chuan hmeichhiat mipatnaa tluk avanga chhungkaw buai hi a tam ber kan ni ta hialin a rinawm.
Chuvangin condom hman kan inzirtir hma hian hmeichhiat mipat kawnga insum leh invawng uluk lam hi uar takin kan inzirtir hmasa tur a ni.
Report this comment
February 1st, 2010 at 1:12 am
LK ah chuan Mi(sual) ah chuan 1st in chuh ringawt in an buai min ti tawh tak kha maw le.
Trha khawp mai HIV aids ven kan duh si a sex kan ti lo thei hlom lo bawk si a .Chuvang chuan a venna awm chhun CD hman tal kan in zir tir chu a dan na awm chhun anih miau si chuan uar tak in kan in zir tir a ngai a nih tak hi.
CD hman sawi uar loh mah i lang sex hmanna chu a pung tual tual zel dawn tho si a.
Hetiang ang bawk hian ZU lam pawh hi ngaihtuah a hun ve tawh khawp mai .In duh tu an tam deuh deuh zel sia .Zu in duh ten hriselna trha an neih theihnan ZU trha an in ve theih na dan tur poh hi ngaihtuah tel hi a hun toh tak zet in ka hria.
Drugs tih ching leh sex hman uar te hriselna chauh ngaih pawimawh bik hi a trha ber bik em ni le .Zu in ho hriselna te poh hi i ngaihtuah tel tho teh ang u te kan ti vei luam anih chu.
Report this comment
February 1st, 2010 at 1:16 am
Kha article (Condom hman inkawhhmuh hi!) tih kha ka chhiar fuh ve hlauh a, a ziak tu kha
Home – church
Home – job
Home – chhung hnaivai thenkhat..etc
kawng trum chauh zawh thrin a nih ka ring!!
A hnu a vanglaini a rawn chhang let tu Lalremruata chhangte (Maremruata) Vice President, Students’ Union, Govt. Hrangbana college, article tawp lam hi a tha ka ti khawp mai!!
Condom hman inzirtir hi Condom hi hmang la tichuan i duh duh in sex va hmang roh le, tih lam ni lovin i insum thei ngang lo a nih chuan condom hman nachang hria la tiin ka ngai zawk!
Report this comment
February 1st, 2010 at 1:18 am
Bible chi khat ka duh deuh ka zawng nasa hle thin a, ka feh turin he Pastor hi kawnglakah ka hmu thut a, a zawnah ka motor khalh lai ka tiding vat a, “Pastor, ….. Bible i nei em?” tiin ka zawt hrawih a; a mi chhan dan ka la hriat reng chu, ” …. Bible te chu a!” tih chiah, beidawng takin ka tlan chhunzawm leh ta a. Condom hman inzirtir a rawn duh vak lo pawh a inhmeh ka ti tho. Mahse, ka mi ngainat leh a thuziak reng reng chhiar lova awm thei map lo ka ni.
Report this comment
February 1st, 2010 at 1:27 am
Ka ngaihtuah thin keipawn sex hluar ta lutuk hi hmasawn na in a ken ve pakhat a ni miau sia.hiv kai ai chuan condom hman mai chu a tha lutuk zawk tlat mahse condom hmang reng zing ah pawh vei an awm tho zel sia 100% chuan a veng bik silo!sex lah hi a hluar zel dawn bawk si!tan lak nasat chu a ngai a ni mizoram mipui hian(pu sandman thanks k 0T miah lo nia:-))
Report this comment
February 1st, 2010 at 1:41 am
Sualna hi Church leh khawtlang pawl dang ten kawng hrang2 in an do ang. Kohhran pawhin thui takin thil an thlir a ngaiin ka hria. Sualna hi kan duh lo avang hian a awm lo ngawt thei si lo.
Report this comment
February 1st, 2010 at 1:43 am
Tin, Mizorama kan Upa ho zingah hian mahni vei zawng apiang midang ngaichang lo leh thangthar sukthlek hre mumal lova, puak pui pawp pawp ching kan awm. Kan that pui lam ai chuan, thangthar a fuihpawrh zual zawk em aw ka ti mai mai thin…
Report this comment
February 1st, 2010 at 1:54 am
Kawppui pakhat neih hi mi pangai awm dan tura khawvel ngaih a ni (thin). Mahse tunlai khawvel hi Sodom leh Gomora ang deuh kha a ni zo ta a, mi nun tluang taka kan ngaih te pawh “the other side” an lo nei leh si thin. Golf khel thiam hmingthang Tiger pawh celebrities ziangah chuan ler lo leh mi hawihhawm etc a sawi niin, chumi vang chuan company tamtak in an thil siam chawimawi tu atan man tam tak2 chawiin a hmel an hawh, mahse nula 7 lai mai a nun ruk ah chuan an lo awm reng si anih kha.
Kawppui pakhat chauh nei mihring, mihring insumthei mi leh lepchiah lo tan chuan condom hi a tullo reng a ni. Rev.ZT Sangkhuma pawh khian a thlir dan tur ka mitthla thiam deuh riai ruaiin ka inhria. Mi insum thei tak a nih vang leh kawppui pakhat aia tam neih lam a ngaituah loh avangin condom hi tul lovah a ngai ve tho a nih ka ring.
Report this comment
February 1st, 2010 at 2:14 am
condom hmang lova sex hman hi mipa aiin hmeichhe tan HIV kai a awmsam zok,chuvangin a insum theilo tan chuan hman ngei ngei tur a ni ringot.kan rinai daihih kai an tam lehnghal,mi hmuhlaiin tuman sex an hmang duh bok si lo,kan ven viau loh chuan chhungril lang lo atanga min eiraltu tur a la ni dawn; a nih hma hian theihtawp chhuahin i inveng tlang teh ang u.
Report this comment
February 1st, 2010 at 2:23 am
Hur lo ila a thra mai.
Report this comment
February 1st, 2010 at 2:25 am
Heep heep heep , HUR E!
Mipa hi em ni CONDOM inring lawk tur khera kan phut? Chuti chu kan hmeichhiate hi NATNA HRI vei lawksa diamah kan dah deuh bik tihna em ni? MHIP-in condom chungchangah kawng zawh teh se.
Hmeichhiate pawhin “Condom kan lo inring ve ang e,” tih nachang an hre lo em ni? Mipa pai turah bik chauh em ni Condom Company-te hian an siam le aw? Hmeichhe thenkhat lah hian, “Condom telin maw, chhi chhi — nuam awm lo,” an tingam bawk si! Engtin nge kan tih zel dawn?
Condom vuah dan hi kutzungpuia demonstration neih ngawt hi a fuh tawk lo, a tak takah nei zel tawh rawh se. Nupa tuakkhat pawhin, “Fa kan nei zel tho,” an ti a, an kutzungpuiah condom an lo vuah ve ngawt thin a ni awm asin! An zirtir dan ni miau hek!
Thailand-ah ka nauten CONDOM vuah dan an va zir ni zet chu an hlimpui khawp mai! Bawkbawn-ah bilh luh dan an va zir hi a lo ni hlawm a …
Report this comment
February 1st, 2010 at 2:27 am
Zu in mi pawhin zu vanga natna a thihpui a.Kan duh ber te tan chuan thih pawh kan huam thin ani lawmni kha.Chu vang chuan hur pawh thihpui theih a nih angin an thihpui ve anga ni mai lawm.
Report this comment
February 1st, 2010 at 2:50 am
#16,i hur ve lo mi!
Report this comment
February 1st, 2010 at 2:50 am
Rev.ZT Sangkhuma ngaihdan ang hi mi tamtak ngaihdan a la nih ve tho avangin a mimal hi sawichhiat leh dem vak turah ka ngei lem lo va; thil reng reng hi ngaihdan/thlir dan chi hnih chi thum awm thei vek anih avangin Condom chungchangah pawh hian culture,society leh sakhuanna mil a thiam taka hmalak a tulin a lang.
Report this comment
February 1st, 2010 at 3:19 am
grady, a ni khawp asin
A thu hrimah nupa te hi sex chungchang hre mang lova, inneih ringawt hi a hun tawhlo khawp mai.
Nupa ah pawh rai hlauh chuan rai hlauhawm loh hun ah in pawl mai tur. Chutiang chuan vanduai a rai palh awm thin mahse, a tam zawk ah chuan a pui hrim2 a ni. Aaaa, rai loh dan condom tel lovin atam
Tunlai hian US ah chuan kawppui tur mai pawh nilo, len chhuah pui tur pawh hi an len chhuah pui hmain background in check sak phawt an in tih hmuh tawh. Sexual offender an ni nge tih etc hriat hmasak phawt an duh tawh a ni, chuti khawp chuan fimkhur an in tihmuh mek.
Serious relationship/mutpui tur ngat phei hi chu thisen, zun etc test hmasak tir ngei ngei a tha ber tawh. Thisen, zun leh ilo test tih ah pawh khan natna awm thei hrang2 entirnan, HIV, HCV, Blood sugar, TB, cancer etc thlengin neih leh neih loh hriat hmasak a inchhir awm loh ber tawh ang. HIV lah hi window period a la awm cheu lehnghal.
Chuvangin, insumtheih a tha ber, thil neih vilik kual vak vak ngawt a him tawh lo. Insum theih loh chuan engemaw thut atan a hmei a pa hian len chhuah dawnin condom pai a zahthlak hauhloh. Min an hriat a an nuih che pawn, chhuanlam tur neih sa mai tur.
Report this comment
February 1st, 2010 at 3:24 am
Thawhna mual hran2 a thawkte hian kan thawhna mual a thawk ve lo te hnathawh dan kan sawi sel ngawt thin hi enge maw chen ah fuh lohna a awm thei. Condom hman in zirtirna hi ka hriselna lam tana thawk tu te an ni. Social moral zirtir tu te an ni lem lo. Kan hriselna tur a min zirtirtu chuan kan hriselna tur kawng a sawi a ni mai. Chutah chuan condom hman a tel anih pawh in kan moral lam zirtirna a nilo tih hi hriatthiam ve mai awm ka ti thin.
Sign board lianpui ah Health dept lam in ‘Condom hmang la, HIV/AIDS pumpelh rawh’ tih an tar kha a sakhua leh mipui moral lam ngai pawimawh tu te chuan a bul ah ‘Bible ring la, hremhmun pumpelh rawh’ tih an tar ve mai tur ah ka ngai, mahni thawhna mual theuh ah……
Report this comment
February 1st, 2010 at 5:13 am
Condom nen chuan anuam lo em mai,condom ka ten.
Report this comment
February 1st, 2010 at 7:00 am
@Hv, ni e, fimkhur a ngai si a “OK Tested” tih chuang ngei chauh hi kawp a tha a nih hi.
Report this comment
February 1st, 2010 at 7:14 am
condom vuah leh vuah lo te chu a titu in a hman duh leh duh loh a ni mai dawn lo’m ni?
Report this comment
February 1st, 2010 at 7:29 am
Condom chungchang hi kohhran thlirna atanga kan Rev. sawi hi a sawi awm tak a sawi a ni. Amaherawhchu, tunlai HIV/AIDS in min chimna boruak leh, heng natnate hi thih ngei ngeina nia an la lan tlat avang hian Condom hman chungchangah hian kohhran pawhin thlirna zau zawk a neih a tul tawh khawp mai.
A leh B te hi inzirtir zel chungin, Condom hman hian HIV/AIDS darh tur nasa takin a veng tih hi finfiah a nih avangin, mi thenkhat tana an nunna chhanhimna awmchhun hi “I hmang thei lo vang” tia lo khap hi a Kristian lo zawk tlat a sin! Mihring chu an thinlung lam kan hmin loh chuan inkhap zawng hi chuan thil hi a hlawhtling tha duh lo khawp mai. Heng mi, loh theih lohva Condom hman tulte hian a tul ang angin Free takin lo hmang phawt se la, chutih chhung chuan kohhran zirtirna atanga an lo pian thar hlauh chuan khap khap pawh a ngai tawh lo vang! Condom hmang rawh pawh ti ila a duh tawh hek lo vang. Chutiang taka mi nun kan siam that theih hma chuan an taksa nunna humhimna tur kawng kan zawnpui phawt chu kan tih tur a nih hmel zawkin ka hria. Chuvang tak chuan Kohhran hian HIV/AIDS chungchang hi Pulpit atangte hian inzirtir tam ila, a engamah hmaa Condom thu ngawr ngawr buaipui lovin, Abstinence, Be faithful…tihte hi Kohhran tluka zirtirtu tha tunge awm chuang??
Report this comment
February 1st, 2010 at 7:31 am
Mifing in va tam ve. Tleirawl leh rawlthar te tan chuan condom hi a hlu lutuk. Celebrities ngaisang lutuk, an incheina copy zung zung thin, a tight thei ang bera inha a, mahni in aia khawlai nuaw ti thin an tam lutuk. An tum ber chu SEX ani lo na a, an tawpna chu SEX ani thin.
Condom hi an hmang tangkai thin khawp mai.
Report this comment
February 1st, 2010 at 7:39 am
caribou, heng zawng2 khaikhawm tu atan, “sex education” hi tupawn kan mamawh tih hi ni teh se, tiraw ?
Report this comment
February 1st, 2010 at 7:40 am
@ceeagch: Nangmah ang kan thalai te zinga an tam avangin HIV hi nasa takin a darh phah asin.
Condom hmang lova sex hmang chhin chak tlat an tam thrin. Nula leh tlangval threnkhat, inngaizawng annih vanga Condom hman hreh tlat an tam bawk.
Report this comment
February 1st, 2010 at 8:45 am
Thil reng reng chu a theih chin ang ang inzirthiam hi a tha. Chutiang bawk in condom hman pawh. Hmang dawn kher lo mah ila…..
Tumkhat chu Tuipui bulah, kan zin, zan tlai tawh takah hian kawngsirah car pakhat hi a lo tla a. Thalai 4, hmeichhe 2 leh mipa 2. Kan han pui a, motor kan nawr chhuahsak hnu chuan, kan driver in kan motor a hla play tur atan CD an neih leh neih loh a zawt a. A hmeichhe pakhat chuan ‘Nei lo, kan ti ve ngai lo a!!!’ tiin min chhang a. A zan tairek tairek-ah kan han nui tak tak mai ah… hehehe…
Concert nikhua/puipunna a Condom ham puar, mi thenkhatin an rawn beng kual thin hi chuan kan la mawl zia hi a pholang chiang ve thin ngawt mai. Hmanni Boney M concert-ah pawh khan ka la hmu…. hui ha….
Report this comment
February 1st, 2010 at 8:48 am
condom hman tur size inzirtir pawh a tul lom ni… a thawl a nge?
Report this comment
February 1st, 2010 at 8:53 am
Sex hmang lo thei si lo tan chuan condom hian himna ape.pastor tan chuan hlu vaklo mahse thalai tan chuan tangkai tlat si.Pathian hian mipa thilah hian condom hi lo vuahsa se chu AIDS te hi a nep deuh ngei ang.
Report this comment
February 1st, 2010 at 8:55 am
Condom an siam hma chuan balloon an hmang thin,balloon an siam hma chuan mauchawng an vuah thin..he he he
Report this comment
February 1st, 2010 at 9:00 am
@shailendra…
Concert nikhua/puipunna a Condom ham puar, mi thenkhatin an rawn beng kual thin hi chuan kan la mawl zia hi a pholang chiang ve thin ngawt mai. …
Dik lutuk!! Sim vang vang chi!! :shock:
Report this comment
February 1st, 2010 at 9:03 am
Tin,hmeichhia i tih dawnin ISI chuang chauh ti thin rawh..
Report this comment
February 1st, 2010 at 9:12 am
“Mipa tan pawh condom pai reng tur”…wallet a pai hi recommend a ni lo, a chhiat phah thei.
Tin, nula te pawh mamawh tan chuan pai mai kha a tha zawk. Inngaizawng inkarah pawh hman inthlahrun loh tur, demand zawk tur
Report this comment
February 1st, 2010 at 9:31 am
THAWK HO TUR INDO:kohhran vrs science
Mizoramah hian Hospital lian chinah chuan Naupai zawng zawng hi an thisen test sak vek an ni a.Positive rate a sang hle mai.Heng ho hi an positive ve ngawt hi a mak na chhante:
1/chhungkaw pangai leh mi pangngai kan tihte an ni.
2/Kawppui nei leh khawsak pangngai an ni.
3/risk tlem ber tur a ngaihte an ni bawk si.
Hemi a tanga ngaihtuah ngai ta chu a rukin AIDS hian vengtinah,chhungtinah thla a zar mek tihna a ni.Heihi phat mawi leh zep a bo chi a ni lo a,pawm phawt ila.a ruk ni lovin a langsar takin i do law law ang u.Khawvelfinna leh Pathian finna hmangkawpin pheikhai rual takin a inchaltauh zawng nilovin i kal dawn teh ang u hmiang.
1/HIV hi Kan ngam lo/kan control zo rih lo tih i pawm ang u
2/Kan ram hi kan sual,kan hur tih i pawm ang u.
3/Kohhran tinin moral education sermon tam tur.
4/School/college leh University zirlaiten sex education hrechiangin ngaihven zual teh se.
5/NGO zawng zawngte sum siam ringawt bansan in tih takzetin bei teh se.
Tichuan,Kan ram hi a dam leh mahna (Ka uar lutuk em??)
Report this comment
February 1st, 2010 at 9:38 am
Hiv laka inven nan chuan Masturbation a tha ber ang.
Report this comment
February 1st, 2010 at 9:43 am
@Stallion …. hahahaha…. i sawi nen i va han inhmeh tak em NOI
Report this comment
February 1st, 2010 at 9:45 am
OT loks. Hi!! Stallion, nizan kha chu kan hneh lo cheu a ni e, chak chang a awm a, chak loh chang a awm ve bok.
#36, i inven dan ami????
Report this comment
February 1st, 2010 at 9:55 am
#38,ni e mawle a him lutuk tlat eng natna mah a kai theih loh lol..in fixture lah kha thalo ropui si liverpool,chelsea mi inkhelh leh tur kha all the best:-)
Report this comment
February 1st, 2010 at 10:09 am
A sa leh sa in nawk ngei chu a nuam alawm;Pastorte pawn nuam anti ve tho ang, mahse Khawvel hi a trawp tawh tih hi pawm ngam ang u,Pathian thu pawn a sawi lawk ani;sualna tihpun a a awm tur thu hi.
Report this comment
February 1st, 2010 at 10:18 am
I insum zo ta ngang lo anih chuan Stallion sawi khi ti ula in chakna zawng zawng a reh vek ni mai. ho lutuk…
CD hi in fit deuh tan chuan hman a chi fu. ni loh chuan phit.
Report this comment
February 1st, 2010 at 10:34 am
Hiv te hi chu kai dawn chuan mipathmeichhiat na,drugs abuser kher loin kai theihna a tam lutuk entir nan hmeichhia a koki chhuan a,a ngawng ah kap thak hri a vei zeih kai chiang tur sa a ni.Daih mai hahahahaha..
Report this comment
February 1st, 2010 at 10:58 am
Condom or Coffin? Khawi zawk nge kan duh Mizoten kan thlan chian a ngai. Kang mei threlh nan tui fim ringawt kan zawn chuan a kangral hman ang. HIV/AIDS hi mei ang maiin Zoramah a kang duai duai tih kan hai lo. Situational Ethics hmang rih ila – Condom i hmang uar ang u. “Condom a remchang loh paw’n mawza tal hmang rawh,”ti hiala inzirtir ngaih lai hun (situation) ah kan ding mek. Nakinah phei zawng a tul reng kher lo vang a.
Report this comment
February 1st, 2010 at 12:54 pm
@shailendra, ku’s a pawn ‘condom hman chu kawr chhana thak hiah ang vel a ni’ a ti a sin. :roll:
Report this comment
February 1st, 2010 at 1:31 pm
Sap ram ah chuan public toilet ah chuan condom a awm vek..$2 thlak in alei theih…
CONDOM hman hi a tangkai zia leh pawimawh zia hi sex education ah zirtir tel zel ani…hmeichhe hman chi condom pawh a awm…..
Report this comment
February 1st, 2010 at 6:24 pm
condom awm talo se Aids vei an tam phah viau chuan a pawi zawk ang.
condom awmlohna ah pawh baloon emaw polythene emaw hman tal tur
Report this comment
February 1st, 2010 at 7:55 pm
Tunlaiah kawnDawm hman thiam hi a sual lo a nia..
Report this comment
February 1st, 2010 at 8:07 pm
An retheiin an harsa ve si a, an pa lah khan a thar leina nei mai hek lo! An hman thler tawh Condom kha dendrite-in uluk takin a lo char phui chat chat a!
Report this comment
February 2nd, 2010 at 10:03 am
https://www.washingtonpost.com/....._natlalert
Report this comment
June 21st, 2012 at 3:30 am
Inzirtír pawh kan ngai lo; kan thiam furin ka lo hre ve mai mai a
. Nacháng chauh inzirtir kan ngai ka tihna.
Report this comment