Bible chuan “Thawk peihlo chuan ei pawh ei suhse” ati a, ei pawh eilo chu an thi nge nge thin. “Thawk peihlo chu thi rawh se” tih nen ek sa man. Chuan, mirethei te kan inti thul, zah nachang lam kan hre hlawm lo!! Kan retheihna bul chu kan THATCHHE em em mai hi a ni. “Kan rethei em a..” ti tawhlo hian “Kan thatchhe em a..” tih zawk tur. Mizo Israela pemte reng maiin hna an thawk nasa mai.
Chhandamna chungchangah hian kan ngaihdan hi a inpersan nasa!! Kum 100 lai chu Kristianna in min chiah ve ta. Thenkhat chuan chhandamna hi Lal Isua’n alo thawk zo tawh a, amah ka rin veleh chu min chhandamna chu ka chang a, ka chhandamna hi tuma tihbo theih leh engmahina tihbo theih a ni tawhlo an ti! Mitin an thiltih ang zela relsaktu tur hian a pawm ka ringlo.
Kan Bible chuan mithi te hi rorelna ni nghakin an awm thu leh alokal lehna niah thlan ata an thawh leh tur thu chiang takin a sawi a. Kan Pastor leh Upa te hian, an chatuan ram pan nghal ang maiin an vui liam thin. Pawm harsa ka ti deuh. Rorel sakna pawh nghak hmanlo a, an lo han (han kan ti ve ngawt a) kal thawt thawt chu ka ring chiahlo. Ghost Film ang deuh khan Khawvelah hian an thlarau hi an lo la leng suau suau mai tur a sin.
Sual hi engnge ni? Kan chiang tawklo em aw? Kan inzirtirna avang hian sual ni a kan ngaih tam tak hi chu kan siam chawp(Kan ngaihdanah) ni maiin ka hria. Bible in Dan chunga dan rip tak tak chher chhuantu a tihte kha kan ang zo ta. Khan dan khermei tak tak siamtute pawh kha Kan Lal Isua’n thiam a chan hauhlo nia! Zu in te pawh sual em em angin kan inzirtir a, SUAL lah lo zuk ni hauh lo a.
Thiante u engnge in ngaih ve dan le?
OT pawh awih.
Similar Posts:
- Chhandamna Man To Zia Hi I Ngaihtuah Ngai Em? – Part 1
- Hlamzuih
- Chhungkaw tan thusawm pek.
- Chhandamna Man To Zia Hi I Ngaihtuah Ngai Em? – Part 2 (Adapted From My Sermon, “A Costly Christmas” Delivered on Dt. 27-12-2015)
- Zahmawh sawi hi sual a ni em?
February 7th, 2010 at 6:04 am
Sunday zing thang thang a Pathianthu rawngkai kan chhiar hrep chu. Nileng nun a vawn ngei beiseitu 1-na ka ni e…
Report this comment
February 7th, 2010 at 6:07 am
OT lo mai teh ang.
Illustration atana ka hman fo chu Rameses-ah kalhlen beram thisen avang chauhva khawngaihnaa kalchhuak an ni a. Tuipui Sen an dai kai hmain sualin a umzui. Israel fate tan erawh damna, Sualna Aigupta an chhuahsan nain —an thinlungah Aigupta-na an chhawm tel a. Apis rangkachak sebawngno thla thum chhung lekin an be leh hman! Tawrhna a thleng.
Jordan Lui an dai kai dan leh Tuipui Sen an dai kai dan a inang tawh lo.
Kawnglakah dan leh hrai an zir kim hman. Dan bawhchhiat avanga thihna a thleng zauh zauh. Atira chhuakten sa chak rau rauvah Kalhlen beram sa chak lovin Aigupta sabel tuihang an chak zawk thin kha thil chhinchhiah tlak a ni. An tlu hlum ta vek reng a, Democracy Suak duh ve lotu mi pahnih chiah leh kawnglaka piangten Ram Tiam an lut.
An chhandamna vawng nung zui lovin kawnglakah an tlu hlum, chutiang ni ve lo turin Hebrai Lehkhathawn ziaktu chuan Kohhranho a fuih uar bawk. A tawp thlenga rinawm original mi pahnih an awm a … kawnglaka piangte nihlawhna pawh a lang tel.
Krista lokal leh hun—NI KIN NI-ah ringtute thawhlehna a thleng chauh ang a, mitthi zawng zawngte nunna thaw (nephesh/ruach) erawh chu a Petu Pathian hnenah thih velehin a kir vek zel.
Tin, ringtute lawmman dawn tur pawh Krista lo kal leh huna kan dawn chauh turin Isua hnenah lawmman a la awm kim vek rih. Krista lokal hunah leh a Lalramah Rorelna leh Lawmman dawnna hun a intan ang. Meet you there, brethren! That was writ —for our admonition!
Hei hi Bible thu atanga a tawi thei ang bera rawn summarized a ni e.
Report this comment
February 7th, 2010 at 6:53 am
keichu zu hi sual anilo ti mah la, a thatna ka hre lemlo khop mai…
Report this comment
February 7th, 2010 at 7:31 am
Ralte, Zu thatna tamtak zinga thenkhat te:-
1. Inkawm hlim nan
https://findarticles.com/p/arti....._17909398/
etc
2. chhiar hram teh khai
3. Mi dawp nan a tha tak a ni thei
Tak taka, a thatna a tam lutuk, mahse inthiam lo ho tan chuan a tha chuanglo. Sawihnu sawi leh ta ila, engkim mai hi a lutuk chin ah chuan an thatna hriat/hmuh tur a awm lo khawp ang, Pathian thu buaipui thlengin!
Report this comment
February 7th, 2010 at 7:49 am
1st para khi… Ka vei tak a ni. Article pawh ziah ka tum ut ut thinna, “Mirethei min hmusit” an tih ka hlauh vanga ka ziah ngam rih loh a ni.
Mirethei kan tih zinga 70% hi chu thatchhiat vangah ka ngai. Anmahni thatchhiat vangin an rethei emaw, an thlahtute lo thatchhiat vangin an rethei laklawh a, retheih kha an chhawm a, chuvang chuan dinchhuah leh a harsa emaw a ni thei. Thlahtute thatchhiat vanga rethei tan hi chuan dinchhuah lehna chance a tam. Mahni thatchhe ve leh bawk si tan erawh Hnam Run leh Bhavan an bel fuh viau a nih loh chuan… Thatchhiat hi a inthlahchhawn theih deuh emaw ni lehnghal ni…
Midang 30% erawh chu sawrkar kalphung fuh tawk loh vang leh vanduai vang liau liauva rethei an niin ka hre bawk. CHANGE a thleng tak tak a nih chuan mi taima chu an rethei reng lovang.
Report this comment
February 7th, 2010 at 7:57 am
A dikna chen a awm ve ngei ang
Report this comment
February 7th, 2010 at 8:02 am
Thawh tur hriat loh/neih loh hi thatchhia tih lantir tu, hriat awlsam ber te zing a mi a ni awm e. Hna awm tur chuan ngaihtuah a, um zui a, beih fan fan angai fo. Chumi hnu ah pawh tawrh hram hram peihna etc neih leh neih loh avangin hlawhtlin leh hlawhchham a awm leh thei (vanduai ve reng chu thuhran nise!).
Chumi tur pawh ngaihtuah peihlo emaw, ngaihtuahna hlawhtling tura tumna nei peihlo te chu mihring nunna hlu lutuk zah miahlo an ni thei ngei ang. Pathian in khawvel a thil hlu ber, “nunna” min pe tawh a, a enkawl chu siamtu hre reng chungin keimah ni mawh a ni ve tawh. Mi mawh ah dah tum tlat hi mi suaksual nihna a ni.
Mizoram ah hian hnathawh dan tur ngaihtuah dan, ngaihtuah pawh peih lo hi kan tam ngawt ang.
Report this comment
February 7th, 2010 at 8:08 am
Thawh tur ka hrelo tih hi chu dawt ani; mahse dinhmun a tleu laklawh chuan kumtluan a; asur asa hnuai a thawk chung hian a retheih ngawih ngawih theih tih hi ka nun hian apal tlang tawh;mahse miin a thawh trang trang chuan; in thawhven hun chu a nei nge nge thin.
Report this comment
February 7th, 2010 at 8:21 am
ThaiBoy, Hma sawn zel tum chunga neih phak tawk zela lungawi thiam te hi mirethei an ni ngai miahlo asin. Hausak pawh tum ila, keini aia hausa an awm zel a, retheih pawh tum ila chutiang tho. Mi dawihzep anga awm lova, beidawnna inhneh tir loh hi a pawimawh ber foin ka hria, ka nun kawng chhuk chho a ka tawn atanga kan thlir chuan!
Mi neih ang neih ve zel tumna hi rilru retheihna siamtu a niin ka hria.
Report this comment
February 7th, 2010 at 8:25 am
Pu Hv,Nupui hi neih belh zel ka duh ani, Nupui hmu chuan thil tha a hmu ani tih ani si a
Report this comment
February 7th, 2010 at 8:34 am
Thil tha i hmu nitin tihna a nih chu, Hairehai
Report this comment
February 7th, 2010 at 12:16 pm
5. Hotshot chu ka rilru a awm zawng zawng min lo sawizawh sak vek alawm, ka thlawp mai ang che.
Report this comment
February 7th, 2010 at 1:23 pm
PimPom, Keini ang duang, thuhla ngah satliah ho ai ngawt chuan i thu a thain a ril daih mai, a dang pawh han thawh zel teh khai.
Report this comment
February 7th, 2010 at 8:32 pm
Retheihna hi Thatchhiat vangah ngawt ka puh phal lo, ram inrel bawl fuh loh vang te, society kal phungte hian a hril thui hle. Mahse thatchhiatna hi retheihna lampui pakhat chu a ni meuh mai.
Report this comment
February 8th, 2010 at 3:40 am
“Chuan, mirethei te kan inti thul, zah nachang lam kan hre hlawm lo!! Kan retheihna bul chu kan THATCHHE em em mai hi a ni. “Kan rethei em a..” ti tawhlo hian “Kan thatchhe em a..” tih zawk tur. Mizo Israela pemte reng maiin hna an thawk nasa mai.”
Helai thu hi a dik pumhlum lo deuhin ka hria kei pawh. Thatchhiat vang ni lo va rethei tak tak hi chu an awm thoin ka hria. Ram kalphung dik loh vang leh rem hriat loh vangte pawh a ni thei. Amaherawhchu, a tlangpui thuin MIZO te hian hna kan thawk tlem tih hi chu ka hmuh dan a ni ve tho mai.Taima na na na chuan dinchhuah ve hun (mahni tawk teah) an nei chawk.
Helai thuin a lantir leh chu Israel rama Mizo pem thla te kha Mizoramah kha chuan an lo thatchhe ve tho tihna niin a ngaih theih.
Mitthi thawhlehna, etc thuah chuan @chawnghilh #2 sawi hi ka ring ve mai e!
Report this comment
February 8th, 2010 at 3:05 pm
@Kawlhawk: I ti zahthlak lutuk. Hunawl changa han pik liam ve puat mai thin hi chu a nuam ve reng reng a.
@keimah: I thu rawn lak chhuah lai tak khi, kei pawhin ka chhiar nawn lehin fuh tawklo chu ka ti deuh a, mahse, a tamber retheihna thlentu hi chu thatchhiatna hi a ni ve reng rengin ka hria. Dinchhuahpui tur lam ngaihtuahloin, eikhawp changchang chauh kan rilrua a awm mai hi, min ti piangsualtu a ni.
@Thaiboy: Thiltha chhe tak tak hmu hi kan awm ve nual ang em le?Lolz.
Report this comment
February 8th, 2010 at 10:17 pm
Thatchhiat vanga rethei tih chu a dik rual rualin za-a za chu ka pawm thei tlat lo. Kawla ni chhuak chhiara hna thawk kan thingtlang mi te hi nuam pangai tak chu awm chu awm ve bawk mah se khaw khatah kutzung tang chhiar tham lek an ni lo maw? Kan sawrkar administration, kan society leh kan value system avang hian mi rethei tam tak kan chher chhuak mai niin ka hre ve tlat.
Mirethei kan tih tam zawk hi idea tha lutuk nei tur chuan kan beisei ngam lovang. An education neih te en hian idea tha tak han chher chhuah chu har ve deuh tur chu a ni. Pi Kimi sikula atanga pawl li pass te, pu khuma sikul atang sikul atanga pawl sawm zo ta lo te kan ni nawk awm si a. Chuvang tak chuan hruaitu thain han hruai se kawng tam takah pui theih an ni ka ti ngam.
Aizawl atangin inthlan dawnah dawtthu tinrenga bum kawm an nih hnuah raja-an an han siam a, Mizoram budget-ah hian thintlangho share hi 10% pawh a tling ngut na maw? Chhut chian chuan tuna Mizo zinga nuam deuh ho hi sawrkar thau sawk lova hetiang dinhmun din chho ta 10% an awm kher ang em?
Kan education system te hi nuihzatthlak tak chu a ni in ti ve thin lo maw? Eizawnna ngialnghet din tur lam hawi hi hmuh tur a tlem fu a ni.
A grassroot level atanga Mizoram hi din thar a ngai a ni. A-Z hi a baui rup ni ber hian kei chuan ka lo hria a. Kan sawrkar chawm B Sc. Agri zir chhuak te lah chuan vaimim hi phai ramah a tha deuh a, chutiang khatiang degree-ah chuan! Enga tikah nge tlangramah hian vaimim hi productive zawka kan chin theih ang tih te hi an zir chhuah ve ang le? BE a hminga pass ten kan Engineering Dept te an han hova; project lian deuh han awm hlek se an ei theihna tur hisap tel ranin Vai contractor an mahni anga duham bawk an han thlang leh a. A ram neitu mahin a ram a hmangaih loh chuan kha vai khan eng vangin nge kan ram chu a rawn hmangaih ringawt ang ni.
Israel hruaitu te hi Mizo hruaitu rawn ni thut mai se hmuh theihin Mizoram chuan hma kan sawn mai lovang maw?
Report this comment
February 8th, 2010 at 10:38 pm
@tarmita: Ni e, kan education system hi chuan beisei ala phak mawlhlo a nih hmel hi.
Mahse, tumruhna leh taihmakna inkawp tlata kan kal chuan kan ramah hian eng hna pawh thawk ila, kar tawpa BPL Buhfai khulna tur takngial pawh neih loh hi chu thil harsa tak a nih ka rinmg a ni.
Tin, Rethei ka sawite hi kan man tawklo pawh a ni mahna, Taima ila chu RCC Building chhungah kan awm vek ang tih lam ka sawi tum a ni hauhlo. Rethei hi tute nge tih kan tehna atangin he post pawh hi a dikin a diklo thei ngei ang.
Tin, kan retheihna ata min khai chhuak turin sawrkar beisei berlo in, mahni kutkawih ngei a dinchhuah hi kan inzitir tur a ni dawn lawm ni.
Sawrkar thau sawh kan tum tlat hlawm avang hian lehkhathiam hnahmulo pawh kan tam ta. Mahni kutkawih ngeiin maw le.
Report this comment
February 9th, 2010 at 12:45 am
PimPom, a dik chiah.
A thuziah tha tak bekhchhah nan system manganthlak tak kan neih hi siamtha ila retheihna tam zawk chu kan paih bo thei ngei ang tih hi ka sawi tumna a nia.
Sawhthing hi entirnan lo hmang ta ila. Sawhthing hlawk tura kan ngaih lai chuan zoram pum deuh thawah system mumal awm hauh lovin kan han thar chhuak tak taka; bagha pawh kan pelhtir hlei thei lo chu a nih kha. A markekha tu nge control ta le!
Mipui mawl ve tak tak cheng sing hnih khat um khan theih tawp chhuaha an hah pui, an tawih ral mai mai hmuh kha ram chruaitu tan chuah tahpui tham a ni ngei tur a ni.
Chutiang a thlen loh nan chuan market survey te lo neiin systematic deuhvin a dehralna kha lo zawng hmasa ta se, eizawnna ngial nghet tak mi tam tak siamsak ni thei ngei tur kha.
Kan sawi tak duah chu.
Report this comment