December 19, 2009 khan Washington, DC Metro area chu vur tlak nasat avangin nasa takin an lo buai tawh. 2010 kum kan han kai a, vur tla chuan zia lam aiin zual lam apan ta tulh tulh mai le.
Snowmageddon an tih tak mai, worst snow storm of the century/4th worst ever in Washington, DC area an tih chu…
February thla tir a lo ni a, boruak thlir tu te chuan tun kum zabi chhunga Washington, DC area a February vur tla nasa ber tur ni ngei a an ngaih kan hmachhawn mek tih chu an puang chamchi ta mai.Zirtawpni, February ni 5, 2010 a lo ni a, chawhma dar 10:00 vel chuan vur chu a phingphisiau tan ta nge nge a ni. A tuk Inrinni tlai lam pawh chuan reh lam ai mahin a zual ta tulh tulh mai a, khaw vawh lam lah chu a tla hniam zel bawk a.
Inrinni zan dar 9 vel bawr, Vur tla an reh meuh chuan 30″ vel chu Washington, DC metro area a vur tlak chhah lam chu a ni tlangpui ta a ni. He vur tla nasa tak mai (snow storm/blizzard) hian a tlakna hmun vel ah hian mipui tan harsatna namen lovin a siam ta nghe nghe a ni.
Washington, DC kiang mai, Falls Church khua, Virginia state ah chuan Fire Station chung chuan vur rihna dawl lovin a chim a, a chhungah hian firefighter 18 an mutlai a ni nghe nghe. Falls Church ah hian Fire Station 38 awm thinin pakhat in a tlem ta a nih chu. In chung rih lutuk vanga chim mai hlauhawm vanga rauh san/chhuah san TV leh radio lamin a puang reng bawk. N.E Washington ah vur rih dawl loh vang bawkin Lutheran biakin a chim bawk a, an lainat awm hle mai. Vur rihna dawllo thingkung zar bal leh thingkung, a zung chawp a phawng hmun tin kil tin maiah hmuh tur an awm, car delh, in delh thlengin.
Hemi vur sur nasa avang hian Washington, DC area ah in (house)180,000+ in electric an nei lova, tun Thawhlehni zing hian in sing telin an la neilo a ni. Kawngpui te chu ti ping vekin, hnathawhna a awm tam tak chu haw thei lovin an tangkhang reng ta mai. Ina awm te lah khawiah mah chhuah ngaihna a awm heklo, vur thianfai tu tur te leh emergency service/ rescue crew te chu hmun tam takah chhanchhuah ngai zawk te an ni ta bawk nen, US capital leh a chheh vel chu a buaiin a buai nuaih mai a ni. Tun tum vur tla hi cubic meter 30 niin, olympic size swimming pool million 12 ti khat thei niin an puang!
Thing tlu in BMW a delh bet
Water gate building lar chu
Ka hnathawhna inchung atangin vur sur lai (zan)
Kan hnathawhna hmalam atanga luhna (front entrance)
George Washington Memorial Hospital kiang
hairehai
Tukverh atangin Washington, DC kawngpui
Tun Thawhlehni ni 9 hian a dang 10″-20″ a sur belh leh tur thu an puang leh ta, khawiah mah vur paih na awm silo chu kan awmna hmunah theuh kan tang leh thup mai dawn a nih hmel hle mai. Vur 30″ awmsa chunga chhah tawk rawn belh leh tur chu a nghahhlelhawm loh hle a ni. State hrang hrang a County tam takah chuan vur tlak nasat avangin, sikul te chu chawlh tir an nih bakah sawrkar pisa te pawh duh a kalloh awih a ni hlawm. Sikul te hi an chawl nangin an summer chawlh emaw an kaih tawi sak leh ang ( an make up nan)
Similar Posts:
- Thlasik
- Haiti ah lirnghing rapthlak!
- Nimin, vawiin!
- LEI MIN ( Lungrem chim ):
- Heaviest Recorded Snow Storm of December!
February 11th, 2010 at 12:59 am
@pu Muantea: I mail mi lo pe la, Password set dan chu ka lo hrilh ang che!!! Misual ah hian ka ziak duh lo!!! tih rual in, chu naupang chuan internet kal tlang a trang in sex movies, adult movies vel an thlir theih loh nan security password leh block dan ka lo hrilh nghal bawk ang che.
Report this comment
February 11th, 2010 at 4:39 am
Tunah hian Maryland ah ngawt pawh $30 million vur thenfai nan an hmang ta, an buai hle mai. Tunah tlai dar 6 a ni a, thli vawh lam -25.C (-10.F) a ni e.
Report this comment
February 11th, 2010 at 4:42 am
Maryland chu a la tla pan zawk, Pennsylvania-ah a tla chhah fe zawk bawk —mid-atlantic hi a zau tham riau!
Tuna vur tla hi tuizawp ta se, Mizoram mipuiin engtia rei meuh nge domestic purpose-ah kan hman thlen theih hial ang le?
Report this comment
February 11th, 2010 at 4:45 am
kan awmna pawh Washington DC ang em chuan a tla lo nan, a chhah ve khawp mai. naupang hovin school chawlh nuam an ti rap mai..
Report this comment
February 11th, 2010 at 4:49 am
Pu.H.V
BAT MAN i van ang ve :lol: teu teu a….
Tunkum hi kumdang ai vur a tla nasa hrim hrim. Kei chu zia om, tuifinriat al in a lo ti ral zel a…
Report this comment
February 11th, 2010 at 4:54 am
@mkima : Kei pawh sikul ka kal lai chuan GAMES leh RECESS hi nuam ka ti ber thin! :lol: Global Warming hi —mak thei bik eeeeee!
Report this comment
February 11th, 2010 at 4:56 am
Pu. Hva chu an nawr tel em chu ani a maw? hehehe
Report this comment
February 11th, 2010 at 4:58 am
Chawnghilh@ i dam mo? chu tunah pawh Games i khel char2 a ni lomni?
Report this comment
February 11th, 2010 at 5:00 am
@mkima : I vang thei em mai! I ngaihawm thin alawm le … i biru daih thin a! :mrgreen:
Report this comment
February 11th, 2010 at 5:04 am
chawnghilh, vur tlak nasat vangin Lushai chokra pawh Germany ah a a cham a nih chu….hna lam a rawn ko e.
Nichin mai, thli nen an thawk tak tak kha chu khaw hawi a tawi tak tak thei hle mai a. Thli kha 40+ miles/hr te khan an thaw zui ania.
Report this comment
February 11th, 2010 at 5:05 am
chawnghilh@ nia kan hman lo ve em tin ani. a lang chu ka lang ve zeuh2 reng tho nan, i han ziah leh tak tak chuan, ka chhan zawh hman loh kha, a tha in ka hre si lo va , ka ziak lo lak law2 a ni e.
Report this comment
February 11th, 2010 at 5:32 am
Baltimore ah state of emergency an puang a, police leh rescue lam thawk nilo pawn an chhuah chuan an “ticket” (pawisa chawi)dawn a ni.
Zanin hian 2″ vel a sur leh dawn an rawn tih leh pek chu. Tichuan, Thawhlehni ah chance of snow an sawi leh ta pek
https://www.wtop.com/?nid=7
Tunah chiah khan TV a an rawn puan danin, vur sur 1″ apiang ah $1million (Rs. 45,000,000)a lo berah sen angai tih an rawn puang (mahni area te te ah)
Report this comment
February 11th, 2010 at 6:13 am
Tunah hian Washington, DC metro area ah in (house/home) sing khat bawr velin electric an la neilo. State hran hran atang te in helai vel hi (mihring in) an rawn pui nasa hle a ni.
Report this comment
February 11th, 2010 at 9:34 am
Washington hun kal tawh zawng zawng aia vur sur tam/rapthlak ber tum ah puan a ni ta chiah e (The worst snow storm ever in Washington history, officially) Tunkum hian Washington, DC area ah 55″ vur a sur tawh.
Report this comment
February 12th, 2010 at 11:39 pm
chawnghilh, shailendra, keimah etc teh hian snow storm pic hrang2 en tur a tam khawp mai. https://www.facebook.com/pages/DC50/65421276070
Report this comment
December 11th, 2013 at 8:20 pm
[…] United States a Washington Metro Area-ah hian vur tlain sur ve ṭhin mahse a tlangpui thuin vur surna ṭhin hmundang ai chuan a ziaawm fo ṭhin. Kum 2009 thlasik chho velah khan hrat theih chin a Washington Metro Area a snow storm nasa ber chu a awm a, 2010 February a mi phei kha chu”Snowmageddon” tih hming a chawi ta nghe nghe a nih kha. Stromageddon […]
Report this comment