Krismas leh kumthar laia sawrkarin halpuah hal loh chungchanga a hmalakna a that teh reng nen, hei February thla kan thleng a, lo hal khu in Mizoram a khuh leh tan mek a ni.
Ka ngaihtuah a, lo hal khu hi halpuah khu ai hian a tam zawk daih awm sia, hlauhawm pawh a hlauhawm zawk daihin ka ring ta a (a tam zawk vangin).
Tunlai sik leh sa inthlak danglam leh lo hal hunlai anih vang hian ka hmelhriat te ngei, Asthma vei ho chu a then damdawiin a luh ngai khawpin an buai a. Lo hal hun hi Krismas leh kumthar ang bawkin hetiang lam natna vei te tan chuan a huphurhawm ngei ang.
Lo hal hun anih mai bakah, current a awm tha lo hian thil a ti harsa leh zual a. Ka hmelhriat pakhat Asthma vei chu tunhnai lawk khan a natna vangin a buai a, nidangah chuan Nebulizer an hmang mai thin a, nasa takin a ziaawm phah thin. Mahse hemi ni hian current a awm ta tlat si lo. Inverter hmangin tih an han tum a, an inverter-in a lo zo bawk si lo!
A chau hnep hman a, mahse vanneihthlak takin rei tak an buai hnuah current a rawn awm ta hlauh a, a rawn harh leh phah ta a.
Hetiang boruak karah hian tunlai chu kan awm a ni a, damlo kher lo pawhin heng vang hian harsatna tam tak an tawh phah leh dawn a.
Exam laia current awm lo, meikhu vanga thlawhna thlawk thei lo, meikhu vanga damlo te harsatna leh harsatna hrang hrang te tunlai a kan buaipui mek leh buaipui zel tur chu a ni rih mai si a. Engtikah nge heng harsatna hi ka sutkian theih ang le!
Similar Posts:
- Natna mak!
- Tunlai computer nung duhlo a va han tam ve
- Kan Natna te hi
- Doctor chianglo leh damdawi phuahchawp!
- Natna hi sual a ni em?
February 11th, 2010 at 12:33 pm
Tunlai chhana 1st tih vel hi chu a ho ka ti.
Report this comment
February 11th, 2010 at 12:39 pm
ni ngawt mai darkar 2/3 lek halpuah hal ai chuan kartluana meikhu zing chuai reng hi ka kham zawk.
kumthar zan khan cnn news ka en a state dang chuan an va halmawi nasa em !!!
inrinni leh chawlhni karen a lawm dawn lo zui
Report this comment
February 11th, 2010 at 12:40 pm
Tunlai hi kan bawlhhlawh leh leivung, luikawr hnawh tet tut ho hi tihfai hunlai tak a va ni em. Tuna kan tih fai loh chuan nakin lawkah ruah a rawn sur anga, heng bawlhhlawh leh kan hnawmhnawk ho hian kan tuihawk luankawr neih ang ang te hi a hnawh tlat chuan tuihawk kawngbo khan kan kawngpui te hi a tihchhiat mai bakah leimin nasa tak kan tuar phah leh ngei ang.
Chuvangin tun thal chhung ngei hian kan tuihawk luankawr neih chhun ang te hi chu lo tifai ila, chhiatna pumpelh kawngah nasa takin min pui ngei ang.
Report this comment
February 11th, 2010 at 12:54 pm
Kum tin march thla bawr vela lo hal khu luai luai lo hian engtikahnge kan awm ang aw!! :sad: Kumin lah chu February thlaa lo hal tur sorkar lamin a t ilehnghal! March 15 vela an hal pawhin mang khawh tur a tam ania! Dam ram nei phei chuan an hal puitling ngut na maw!
Report this comment
February 11th, 2010 at 1:01 pm
Kan kahwpui tihfai chungchangah chuan tlang rama cheng chu ni lo ila chu kan thli te hi a tling luau anga kan tawp viau ang.
Congress hian NLUP hmanga lo neih dan thar an siam thei a nih ngawt loh chuan Thlawhna leh meikhu hi chu kan ramah hian a in hal em em reng mai dawn nih hi
Report this comment
February 11th, 2010 at 1:18 pm
Khua a lum tan ta hle mai a :lol:
Report this comment
February 11th, 2010 at 1:21 pm
Lo hal khu ve mei mei teh se!
Ka lawm e
–LVK
Report this comment
February 11th, 2010 at 1:22 pm
Thingtlang Lo nei a eizawng te hi sawrkar in a chawm vek dawn a nih loh chuan engtikah mah hei chu mizo ten kan bansan theilo ang, tin lo hal hi an ti hma khawp mai tuman february ah te chuan an hal hman dawn mawni le, a zialo thei ngawt mai :cool:
Report this comment
February 11th, 2010 at 1:33 pm
lo hal tihrehna tur a, scheme tihna zawng zawng hi engzat zozai nge thamral tawh ang aw. Himachal Pradesh-in an tih theih hi kan ti thei ve mang si lo a. Mihring theuh theuh kan in fin hleih mang e.!
Report this comment
February 11th, 2010 at 1:50 pm
Khawpui chhungah thingkung pakhat pawn hmun an nei meuh si loh laia thingtlang loneihna hi ecology a tihchhiat chungchang hi khawpui atang hian kan vei viau thin. A zirchianna awm ta se, khawpuia kan motor khu te hian boruak a tichhe viau tho lawng maw? Thingtlang mi ai chuan khawpui hian pollution (chi hrang hrang) kan siam nasa zawk mai lo maw? Thingtlang loneitute eizawnna a ni miau si. Alternative kan pek hma chuan, an hman a tul miau dawn a nih hmel.
Report this comment
February 11th, 2010 at 1:52 pm
Nia
Report this comment
February 11th, 2010 at 2:13 pm
Lo kan hal leh zel khap te chu a, kan mawngah ek a chhuak nang maw..
Report this comment
February 11th, 2010 at 2:25 pm
Halpuah hal khap talo se boruak chu a che double a ni mai dawn sia…..
Report this comment
February 11th, 2010 at 2:33 pm
Lo neih dan thar emaw, a thlakna/ thingtlang kuthnathwktute intunnun-na tur kan neih hma chu lo hal khu kan tuar zel dawn!
Report this comment
February 11th, 2010 at 2:39 pm
#3 lalpeace i va kuk fuh kiuh keuh ve le. Ningawt reng asin kan kawrte kawrpui te hi hnawl leh leivung in a khat ani ber mai. Tu thenfai tur nge kan tih chuan “PHE” mahse an thenfai lai hi kala hmu lo, fur an nghak jeih.
Heng hnawl te hian Culvert an hnawh anga a thren phei chuan Sabereka khuangkaih tenau te an siam anga, min lo tur tur an ti min bawk ang. PWD ho kha YMA mangang hnungah an lokal leh dem dem mai ang.
Waste management Act te hi kan pass a va trul em. Bawlhlawh Privatize chiah ila kan tih lah chu lungtum hrilh ang vel anisi
Report this comment
February 11th, 2010 at 2:56 pm
“si a si a,” ti lovin, ti lo tura sawrkar in a ngen ti lova mipui an awm thei kha hmasawnna ropui tak a ni tawp. Mahse, a ni khawp mai, lohal hi boruak a tih chhiat bakah kan lo neih dan hrim hrim hi a hmanlai lutuk, a ram hmangaih loh thlak ka ni.
Thu neitu chu ni ila, Terrace system ka promote anga, tunlai lo neih dan hi chu ka khap bur ang inthlan leh hlau miah lovin (ve ringawt a, ka ni kumkhua awm chuang si lova)
Report this comment
February 11th, 2010 at 3:29 pm
Thlawhna service leh lo hal meikhu a insu buai tlat kan ramah hian, hmasawnna a rualkhai lo a nih hi. A thren phai city lam pana an thlawh chhuah vut vut laiin a threnin mang kan lo khawh leh anga.
Noise pollution pawh hi a sang viau tawh a niang tun hmaa min ti phu dawt thrin khan mi ti phu uih toh lo tlat.
Report this comment
February 11th, 2010 at 3:38 pm
@mz, vei loh theih si loh, vei a sawt vak si lo hi a tam khawp mai. Chuvangin mahni inbul leh mahni veng threuh hi sawrkar nghak kher lovin ruahtui tlak hma ngei hian i thianfai teh ang u tih hi ka rawn au chhuahpui ve ngawt a ni e.
@Epistemology, kei chuan kan lo hal khu, kum khata ni tam em em pawh ni lovin kan boruak a tih bawlhhlawh ai chuan nitin a kan khawlaia motor tlan zozaiin a kan boruak a tih bawlhhlawh hi a let tam takin a nasat zawk ka ring. Motor tam tak phei hi chu an han khu nasa thei em em mai lehnghal a..
Report this comment
February 11th, 2010 at 3:58 pm
March 16-ah thlai chi thlak hman chiah se, a tha khawp ang! Hei hi kalhmang neia ka rawn duhsakna a ni. Kum bul thla de (Bible kalphung) chho chiah hi thlai a hmuingil. Thla mang nanga thlai chi thlak chu leihrikin an ei chhe duh bawk.
March 10 vela lo hal hmanin, mangkhawh hun ngaichang leh thlai chi chu thla thar a det mila thlak a fuh khawp ang.
Lo hal an khap lehzel ten … chhung tinin nawhchi zawrh a ngai hial ang asin! Zahthlak khawpin Zoram hi kan rethei fe teh a nia!
Israel Sorkar-ah Agriculture kalphung zira kalin kan Hotute an zu teihawi a, awmze nei lo bawkin an che leh dawn tho em ni. TIMING DIK hre chiang rual thil zirchiang kan politician-hovah an awm thei ngang lo em ni? Hmingtea te, Taia_pa, Dikte-a Pa te’n Israel hlawhtlinna thuruk an hriat chian khiu khiau tawh vei nen!
Cheraw World Record hi kutdawh nan kan hman phah hlauh ang e aw?
Report this comment
February 11th, 2010 at 4:02 pm
Thingtlang lam unau ten lo an hal dawn avang in boruak a chhiat double loh nan khawpui a motor zawng2 hi tlan hrih lo se :twisted:
Asthma vei ten lo hal khu an tuar a nih chuan hal loh ni se, tichuan asthma vei chu riltram vang in a thi tho mai ang a(h) :twisted:
Lo hal khu proff thlawhna service turin AAI lampangte dawr ni se :twisted:
Report this comment
February 11th, 2010 at 4:11 pm
Lo hal hun tur Feb thla a tih hi Chapchar Kut lai a Ramdang mi lo thlawk lut tur an trum thei lovang e’ tih vang a ni thei em :?: … Hemi an hlau a nih chuan chawnghilh a rawt ang deuh khian chapchar kut zawh hnuah chauh lo hal hi ti mai zawk se,a timing viau zawk lawng maw :?:
Report this comment
February 11th, 2010 at 4:44 pm
chawnghilh, Lo hal chi ni lovin, terrace systems promote se a fel vek mai ang. Kum hnih thum nghah hram2 peih a ni mai, ahnu chu ram ti chhe lovin, hla tak taka feh ngai tawh lovin a hmun ngai ah thar tam zawkin an nei thei tawh mai tur. Mizo chu vawi leh khata “huk” thil a nih loh chuan kan bawhzui peih lo em a, rethei tlak pawh kan ni maithei a ni.
Tlang panga Leilet neih a ni mai a, Leilet hmun sawn sawn awm hek suh.
Report this comment
February 11th, 2010 at 4:57 pm
# chawnghilh “Lo hal an khap lehzel ten … chhung tinin nawhchi zawrh a ngai hial ang asin! … i ti rapthlak viau na-a a dik hmel khawp si.
Report this comment
February 11th, 2010 at 5:01 pm
riangtlei, #22 hi i duh zawk lo maw? Nawhchi zuar lova eizawn na a tam em mai, tawngkam a thlahdah thlak
NOI
Report this comment
February 11th, 2010 at 5:05 pm
Tlang pang zawng zawng hi han terrace ta ila, a chawmna tur tui hi a awm leh ngawt si lo va! 1966 leh 1970 inkar khan terracing hi kan bei ve nasa a. A khirhin a awlsam vak hran lo. Duan ang puat puat hi a ni lo!
Hal loh nan hrim hrim em ni? Terracing hian ngaw a thiat lo chuang lo!
Nawhlung te, steel-wool te, match-box te … in ngai dam rang thei … mahni thlir zawng zawng hian in ri pawm pawm mai! :roll:
Report this comment
February 11th, 2010 at 5:09 pm
@HV – nia a tawng thlahdah thlak ngawt mai ti raw chawnghilh het hut hi… (smiley lei chhuah lai lem)
Report this comment
February 11th, 2010 at 5:10 pm
chawnghilh, “si a, si lova,” tih zel chuan engmah kan ni piiiittttt ang. hairehai
Silaimual (Melthum kiang) hmun khawro lutuk ah sawn huan chhete kan nei ve, tah chuan tui kawng thui tak siamin ( tui a buaithlak avangin) kan huan chhungah tuikhuah, chunglai vel huan nei zawng zawng supply tu siam a ni. Tunah chuan tui harsa leh buaithlak lutuk thin kha awlsam takin an huan thlam kawtah tui englai pawh in a luang heuh heuh tawh mai.
He tui lakna tur zawnna ah hian ka tel ve a, kham pang sang tak tak te lawn kaiin ruam leh kawr tui awm theihna apiang mai chu tuihna tha zawngin kan feh chhuak a ni, peih leh tum chuan theih loh hi a awm tak tak love. Chho zawng pawn a tui a pump theih, generator lah hmelhriat lo kan ni heklo…. tum chuan tihdan a awm lutuk.
Terrace system ah chuan vawikhat ngaw emaw thiah kha kum khaw thil a ni tawh, tuna kan lo neih chu kumtin ngaw dang thiah/tih chhiat a ni. Kum hnih thum vel hreawm deuh hret emaw a awm a a hnu lam zawng nuamsa thei reng, hreawm ngai bawk kumtin mai an peih zawk hi chu mak ka ti thlawt.
Hmasawn tumna a awm loh chuan angai reng nih a ni tawp. Angai reng tihah khan mihring ah a ni, ram leilung phei chu kan ti chhe nasa tulh2 thung.
Report this comment
February 11th, 2010 at 5:11 pm
@HV a tawng thlahdah thlak ngawt mai ti raw chawnghilh hi… het huk nekin..
Ka comment hi spam in a man nge police in an man pawh ka hre lo, bo zel mai..
Report this comment
February 11th, 2010 at 6:58 pm
Mizo mipuite kan eizawn dan a in ang ta lo hle mai, thenkhat vansang a thlawk zawng in,thenkhat lei hnuai lam hrut zawng in, mitin mahni hna theuhah taima leh rinawm takin thawk ila, inhmusit lo ila, mi dangte thatna ngaihtuah tel bawk ila a tawk hrih khawp mai. Kalphung thar beisei lah hi khua a la var hrih si lo a nih hi.
Report this comment
February 11th, 2010 at 7:06 pm
Tu eizawnna mah hi kei chu ka ngaisang bikin ka hmusit ngai hauhlo mai. Mahse, hmasawn tum lo (ambition neilo) lutuk, phun nawi leh peih si, vuivaina hre lutuk hi ka ning. Sawrkar tih tura kan dah vek chuan engmah tak tak hi a hlawhtling har thin, a chang chuan mipuiin hma hruai a ngaihna te pawh a awm thin.
Lungleng ho pawh kum chuang an khaw transformer lut theilo, Khawchhete (Samtlang)kawng sir a an hun reng chu a khaw nawtin Lungleng ah an zawn lut tawp mai a, Aizawl a thim pawn an thim ve vak ngai tawh miah loh khu.
Report this comment
February 11th, 2010 at 7:22 pm
“Mi retheite hi kan VIP an ni” titu CM kan nei a, Mi retheite eizawnna hriat ve chhun, kut hnathawh hi chawikan leh ngaihsak deuh chu (VIP chuan) an phu ve khawp mai.
Report this comment
February 11th, 2010 at 7:31 pm
Terrace (TE-RE-SI ti ngata) an sawina hi hman hman atang tawhin a nia, keini hi chuan awih enah kan en tawh bar lo a nih hi! New Land Use an tih hi tih-NEW em em nan bul tan tlai a ngai a niang e! Thahnem in rawn ngai a, W DC atangin, a sawt tak tak ang em aw?
Report this comment
February 11th, 2010 at 7:53 pm
Lo hal i rn soisel khan Mizoram thingtlang lo nei mi te chawbel i ron soisel a ni ber e..heibak a hmuhsitna dag a om lo…kan ram dinhmun leh kan ram leilung hreciag tan chhuan soi ala zahthlak deuh e….Lo hal soisel tu tur cuan Lo hal lova tih dan awlsam leh thra zok cu misual ah mai ni lo..mizorama kan chanchinbu zog2 ah khian chhuah ila, a thra phian ag..mase cutiag ti tei leh idea nei thra hi cu kn la om meuhlo ani in a lang….
Report this comment
February 11th, 2010 at 10:15 pm
HV, #22, Ni ngawt mai terrace systems hi ma-lovin promote chu a hun tak zet tawh a nih hi. Ama’rawhchu, US te angin kum hnih thum hrehawm laiin sawrkar hian lo neitu then khat rethei tak tak chhuan cham tur te chhawmdawlna mumal tak nei turin scheme tha tak han duang chhuak se. Ka lo ngaih ve danah chuan terrace laih kha a hau tak khat ngei ang. Kum hnih khat vel chu productive vak lo mai thei bawka.
Sikkim reng mai khu a bik takin agriculture-ah kan pha lo lu lai em mai. Nepali, Gurkhali bawngpu kan tih mai mai ho lehnghal khuan min leh pel duai duai reng mai dawn a nih hi. Chu mai a la ni lo! Arunachal, kan hnua hren pereng la kaih ho, inti thahnem ngai taka Mission Field-a kan hman te khuan ramhuai speed-in min tlan pel duai zel dawn a nih hi.
Kan sawrkar te hian policy mumal deuh neiin NLUP te hi uar zawkin terrace siam nan han hmang hlauh mai se!
Report this comment
February 11th, 2010 at 10:18 pm
An hal khu leh dawn ngei chuan a lang. dem ngawt theih chu ni bik suh, a pawi titu tan chuan a dik a, mahse a mamawh tan chuan a tul ve rih tlat….
Report this comment
February 11th, 2010 at 10:29 pm
@Chimchema: He post ah hian lo hal hrim hrim ka sawisel a ni lo. Lo hal aia tih dan tha awm se ka tih vang zawk a ni. Kuthnathawktute ka hmusit na lamah min ngaih sak lo hram teh u.
Kalphung thar awm se ka ti takzet a ni.
Report this comment
February 12th, 2010 at 12:36 am
Chimchem, Lo nei mite hmuhsitna a ni lova, lainat vanga a tha zawk ni a hriat, mi ram chhe berh ve tak tak pawh an in todelh phah na hi tih ve ni zawk ta se, tih sawi ho na a ni.
Lungleng khaw ho khu kan naupan lai/hma ata tawh, ka pu khan Aizawl ah te riak a mi zia te zira an hawiher te leh hmasawn dan tur te rilru nei a hawi zau turin a ngen thin. An khaw haw leh vat vat ngawt mai kha an thlahlel a, tun thleng mai hian khatiang ang ho kha chu Aizawl atanga mel 7 emaw lek e tilo chuan mawl tak tak hlir an la ni mai.
Mahse, nu leh pa, a na chang hria a khawpui ah te cham peih a mi ningkhawng hriat tum ho te kha chuan an fate Aizawl lama an chhungte in a khawsa ten lehkha an zirtir ta a, changkan fe fe te pawh an awm tawh a ni. Lungleng lal in a la khawsa! Huapa, Lungleng High sikul a thawk ta khu, a pan an huan terrace ah a siam a, min hla tak tak, chhuk chho em em mai, Tlawng kamah te lo an neih laiin an ni chuan hnai te ah terrace buh, thar rang leh ranglo an thar teuh teuh tawh mai a nih khu an terrace tet phu lovin.
Lo vah lai ang vel a nitin kum hnih/thum emaw vel hah a ni mai, a ram zau zawng leh hmun a zirin.
Report this comment
February 12th, 2010 at 12:54 am
E khai,
Van hauna angreng ve le! He hehh…tah tlawk tlawkna tham a lom. Lohal hi chu a pawi a ni. Hal loh theihdan awm se la a tha ngawt tak ang! Sokar lam hian hmalak awmtak a nia…ka lo ti ve mai mai a…
Report this comment
February 12th, 2010 at 1:06 am
Jaspi, kei chuan tumah ka hau lo ania, titi khawphung kan sawi a ni ngai e.
Report this comment
February 13th, 2010 at 4:29 pm
Lo hal khu ka ning te hi inti ve bawk.. enge ni a in inhriat hlom hle. Halpuah te chu nawksak bawl nan hal ni awm tak.. Lo hal hi chu kan pumpelh theih hlol loh, a tel lova awm theih loh anih miau si a..
A bikin azl thralai ten ka ning, nun a ti khaihlak tih in ching.. SIM ruu..
Report this comment
February 13th, 2010 at 4:35 pm
LO neih dan an thlak hunah kan sim ang chu
Report this comment