Old Trafford Museum, Stadium chhung leh Megastore velah hian hahipa sawi tham fe thil a awm zut mai! Thil hmuhnawm leh en manhla tak tak chanchin dangte kal kanin Munich Tunnel chanchin hi ka’n sawi daih teh ang.
Stadium chhim lam ‘South Stand’ an tiha awm he Munich Tunnel hian chanchin lungchhiatthlak tak, Manchester United tantu ni ve kher lo tan pawha ngaihthlak nuam hauh lo chu ngawi rengin a lo pho chhuak a, Hnuk an ti ulh treuh thei zu nia! February 6, 1958 a ni a. Manchester pan tur thlawhna, Airspeed Ambassador G-ALZU chuan Riem Airport, Belgrade chhuahsanin chawhnu dar 1:15 (GMT)-ah Munich Airport a rawn thleng a. Thlawhna tui thun zawka Manchester pana thlawh chhuah leh nghal tum an ni. He thlawhna chhungah hian Matt Busby-a hovin Manchester United team, Busby Babes an tih mai te leh staff te bakah journalists, photographers leh mi thenkhatte an chuang a, an vaiin mi 44 an ni.
A hma ni chiah hian United team hian UEFA ‘European Cup’ quarter-finals-ah Yagoslavian team ‘Red Star Belgrade chu hnehin semi-finals an lut a. Phurna nasa tak leh hmalam hun beiseina sang tak nen in lam an pan mek a ni. Reilotea Manchester thlen inbeisei an nih laiin tum angin thil a kal thei ta lo a ni
February 6, 1958 a ni a. Manchester pan tur thlawhna, Airspeed Ambassador G-ALZU chuan Riem Airport, Belgrade chhuahsanin chawhnu dar 1:15 (GMT)-ah Munich Airport a rawn thleng a. Thlawhna tui thun zawka Manchester pana thlawh chhuah leh nghal tum an ni. He thlawhna chhungah hian Matt Busby-a hovin Manchester United team, Busby Babes an tih mai te leh staff te bakah journalists, photographers leh mi thenkhatte an chuang a, an vaiin mi 44 an ni.
A hma ni chiah hian United team hian UEFA ‘European Cup’ quarter-finals-ah Yagoslavian team ‘Red Star Belgrade chu hnehin semi-finals an lut a. Phurna nasa tak leh hmalam hun beiseina sang tak nen in lam an pan mek a ni. Reilotea Manchester thlen inbeisei an nih laiin tum angin thil a kal thei ta lo a ni.
Tum hnih tum thum lai thlawh chhuah an tum hnuah , khawl lam chian lohna avangin an thlawk chhuak mai theilo a, thlawhna chhuahsan rih phawt tura hriattir an ni a, Thlawhna an chhuahsan hnu minute 15 lekah passenger te chu thlawhnaa lut tura hrilh an ni leh ta a ni. Chutia thlawk chhuak tura an han inbuatsaih leh chu player thenkhat ngaih a tha thei tawh lo va. Thenkhatin a him deuh ringin a hnung lam an chuh a. Liam Wheland phei chu, “Hei hi kan thihna tur a ni ngei ang. Mahse ka inpeih e,” tiin a tawng chhuak nghe nghe a ni. Thlaqwh chhuah chu an han tum tan ta a, Thlawhna chu beisei hunah a kang mai thei ta tlat lo! Captain Reyment-a chu, “Karei! Tihngaihna a awm ta lo!” tiin a te thawt a. Chhiatna rapthlak a thleng mek a ni tih hai rual a ni ta lo!
Thlawhna chu a tlankawng atang chuan chak takin a in khawh chhuak a. Airport hungna a sut tlang hnuah kawng sir lehlama In pakhat a su zui leh a. A darh ta chhuai mai a ni. Chutah mei alh nasa takin a rawn zui leh a. A chhunga chuang mi 21 chu chawp leh chilhin an thi nghal a, a hnuah mi pahnih dang an thi leh bawk.
Thi zingah hian United player pariat leh staff pathum an tel a. Player dam chhuak zinga mi Bobby Charlton chuan, an vanglai hun hmang tan chauh, football khawvela hma lam hun eng tak hmachhawn mek mi pariat zet mai an han thi chu runthlak a tihzia a sawi. He thil thleng hian kar lovah khawvel a nghawr chhuak nghal a ni.
Kan hriat tlan tawh hnu vek chu a nih ka ring tho na a, kan Post tha ve leh mai a ni e. United Fan erawh ka ni hauhlo a, Chelsea tan zawk le.
Similar Posts:
- Premier League Football update (ve mai mai)
- Champions League Semi Final: Schalke 04 vs Man Utd [1st Leg]
- EPL table
- Which airport….???
- EPL latest table [November 08, 2010]
a tha khawp mai
February 17th, 2010 at 7:03 pm
Kei pawh tun thleng hian chhungkaw kim a thlawhna pakhata chuan hi chu ka la tim. Hetiang thil hi sawi zeuh zeuh a awm avang hian… :roll:
Report this comment
February 17th, 2010 at 7:11 pm
ka lo la hre ngai miah lo, a lungchhiat thlak hle mai tak a. @ Pim pom i thil tihsual khi i hria ang chu maw ?
Report this comment
February 17th, 2010 at 7:13 pm
An sana chu dar 3 a kawk vel… Pimpom, a bengvarthlakin i ziak ngaihnawm thiam hle mai, a dang pawh han thawh zel rawh khai…
Report this comment
February 17th, 2010 at 7:19 pm
@kawlhawk 3rd hun i lo chang a ni maw
Report this comment
February 17th, 2010 at 7:19 pm
PimPom i post tha khawp mai. Munich Tragedy hian tun thlengin ka mittui a la ti tla thin. GLORY GLORY MANCHESTER UNITED
Report this comment
February 17th, 2010 at 7:47 pm
MAN U KA TAN RENG DAWN..SUPER FANS!.lo hria ngai miah lo a.lungchhiat thlak lutuk
Report this comment
February 17th, 2010 at 8:01 pm
Hei !! Breaking News a tlin hi le!!
Report this comment
February 17th, 2010 at 8:02 pm
@PimPom Hmuhnawm piah lamah bengvar tlak hle mai! I thu ziak a ngaihnawm.
@Stallion .. @muantea te’n an khai fe ang che tih ka hlau deuh!
Laipui-pu te ho nen an tran rual phei chuan…
Report this comment
February 17th, 2010 at 9:08 pm
zam reng2 suh @stallion
he munich tragedy hi thleng lo ta se voi 18(joint record) ai tam manutd hi english champion an nih ka ring.. ta se!!!! player tha tak2 leh naupang te2 thi zinga hming langsar bik Duncan Edwards phei chu english footballer ropui ber tur tia an sawi huai2 mek kha a nia. Manager Busby leh Man Utd ropui em2 na pakhat chu he chhiatna thlen atang a kum 10 chhung chauh in european championship a english club champ hmasaber ni thei khawp a team tha a(n) din leh hman a ni!
Tun a Liverfool fc official hla “You’ll never walk alone” hi he munich tragedy zoh hlim vel hian Old Trafford a home game-ah manutd fans ten LFC ho sak ve hma in an lo sa toh thin zawk a ni
Report this comment
February 17th, 2010 at 10:13 pm
A chhiar chhung a rei hle mai,comment pawh min lo pek khalh treuh a nih hi.A bengvar thlak hle mai.
Report this comment
February 17th, 2010 at 10:15 pm
A ngaihnawm viau e, mahse a tawp i kharna, last para khi i ho hle mai, a ti ho zo vek.
Report this comment
February 18th, 2010 at 8:44 am
@ninja: Words lamah ka chhu chhuak hmasa a, ka lakluhna lamah ka lo paste nawn a, kan heti zo ta a nih dawn khi. Haihawt lutuk hi zawng chet a phuailuai duh thin teh e. Min ngaithiam mai teh u.
@rotekawlasepa: a tawp kharna khi maw, hethu ka post avang khian united lam emaw min ti dawn a. Chu chu a der pawn ka duh hleinem. Mahse, an chhiatna rapthlak erawh pawi ka tihpuilo phei chu ani silo.
Report this comment
February 18th, 2010 at 9:26 am
Va ngaihnawm mai mai e, Uihnited hi sir alex ngei vangin ka tran lo ve tops, Chelsea hi Mourinho vangin ka tran ve leh top ka tran ta zel rih. Fans an tih ang erawh ka ni lo. Result vel hi ka lungawi pui.
Tunlai Safety regulation ICAO leh org hran hranin an neih khirh phahna chhan pawh hi he thil thleng vang hi anih ve tho ka ring.
Report this comment
February 18th, 2010 at 10:18 am
A ngaihnawm pek mang e!! PimPom, dam reng la, hetiang lam hi ziak zet zet mai teh.
He Tragedy atang hian – vanduaina hi indelhbehtir tur a ni lova, hmasawn nan leh chak thar nana hman hi mipuitling zia a ni – tih hi zir chhuak teh ang u. He tragedy hnua United lo ropui chhoh dan em em hi a mak zawk hial a ni!
Man Utd. khelhpui apiang ka tan a ni tawp. Hats off PimPom. Mahse Aston Villa emaw i tan ka lo ti thin asin!!
Report this comment
February 18th, 2010 at 10:22 am
kei chu BRAZIL :twisted:
Report this comment
February 18th, 2010 at 1:54 pm
Ka phuloha in mi fak derna tawngkam zawng zawngah ka lawm e.
Report this comment