Khawvel kalphung a inthlak danglam a, ram buai, inneihna (matrimonial), zirna, eizawnna, chanchin tha hrilhna (mission), hnathawh vang emaw thil hrang hrang avangin Mizoram pawnah kan tlan darh nasa ta hle. Mahni nawmmak leh hnam dang lawm hrim hrim avang te pawhin kan tlan darh hle bawk. Tunah phei chuan India ram chhung mai ni lo, khawvel kilkhawr ber ber kan thleng ve ta nual mai. Heng ram danga khawsa te hi Diaspora tiin an sawi thin a, India mi, ram pawna khawsa mekte chu Non-Resident Indian (NRI) tiin an sawi thin. Mizo, Mizoram pawna khawsa mekte pawh Non-Resident Mizos (NRM) tih ve mai tur a ni ang. (Tuna tang chuan Ram pawn Mizo fate hi NRM tiin ka sawi tawh ang)
Tun hma atangin chanchinbu leh khawlai titi ah kan NRM-te chanchin hi hmuh tur a awm zauh zauh thin. An mahni kan ngaihdan phung erawh a dik tawk lo hle tih chungchang te, ram leh khawtlang sukthlek fuh tawk lo leh kan NRI te hian Mizoram tan an thawk ve ngei a, tih theih pawh an la nei deuh deuh ang tih chungchang hi he thu ziak tarlan tum chu a ni.
Tun hnaia tualchhuak chanchinbu pakhatah chuan Pu HT Sangliana (MP) chu, a hun pum (a that lai zawng zawng) Zoram pawna hmang liamin Mizoram tan thawh nei reng reng nei lo tiin a in ziak a. Hemi hnu lawkah hian chanchinbu dang pakhatah chuan ka article ziah review-naah chuan heti khawpa Mizoram hi a vei a nih chuan ‘Mizoramah rawn chuang chhuak teh se, bul han tan rawh se’ tih lam hawi tarlan a ni.
Khawlai ti ti ah hetiang thawm hi ka hre ta zeuh zeuh a. Hnam dang laka inven him tum tlat thin kan nih lai hian kan Mizo pui ngei NRM te chunga kan ngaihdan pawh hi a kal sual phah lek lek thin niin a lang. He ngaihdan hi thalai zingah a intuh chho zel a. Kan ramah kan tawt tan a, khawvel dang hawichhuah duhna a awm a, mahse thalai tamtak chu a ti tim ta tlat a ni.
Hman deuh khan USA Mizo tlangval pakhat hian web-site pakhatah Mizoram chungchang a rawn sawi ve a, midang ho khan “nang, mahni nawm maka ram danga tlan bo khan engmah rawn sawi suh” an ti let zek mai nia!
India Hnam Dang NRI-te
Khawvelah hian eng hnam mah hi mahni lawngin an awm thei lo. Khawvela hnam lian leh changkang a piang hi an vak darh tam mai thin. Colonialism hunlai chuan, Sap ho chuan khawvel an hrutchhuak hneh hle a ni. Heng ho hian khawvel leh ram politics kalphung a thlak danglam zia leh hna ropui tak an thawh thin zia hi dispora studies atang hian alang chiang em em. Mizo-te pawh pi leh pu atanga intodelh tak tak ngai lo, hnam dang mamawh reng hnam kan ni.
India rama state thenkhat Kerela chu an state in a chawm zo meuh loh avangin, an thalaite chu khawvel ramdangah an tlandarh nasa em em. Hman deuh a, Bill Gates a dawt chiah khawvel mi hausa kha Kerela mi a ni. Middle East a hnathawk a khawsa Kerela mi te hian an state tan pawisa an ruh haw ringawt pawh hi tam tham tak a ni. Mi ram atanga an thawhchhuah apiang kha an ram tan an rawn hawn let leh thin a ni.
Tin, Bengali, Tamil, Punjabi leh Telegu etc India ram pawna awmte hian an ram tan an thawh nasat zia hi sawisen rual loh a ni. Tunhnai lawkah pawh, India ram pawn Telegu-ten Hyderabad-ah khawmpui lian an nei a, hospital changkang tak tak an rawn sa nghal hmiah mai nia. Hei mai a ni lo, Foreign rama India mi thenkhatte chuan India ram chanchin hi khawvel hriatah puanzar an tum tlat a. Khawvel University hmun tin an luah ti tih tawh avangin India ram hi khawvel zirna pawhin hlamchhiah theih rual a ni tawh lo. Tunlai khawvela thiamna nei chungchuang zingah India mi an ther fuk tawh mai nia. US President in Hyderabad a tlawh kur zu theihna chhan chu, an NRI te hnathawh a ni.
A nih leh Enge Mizoram tana hnathawk kan tih ber hi?
Thenkhat ten Mizo leh Mizoram tan thawk kan tih hi enge? Mizoram ngeia inbengbel, sorkar hnuai emaw thawk chauh hi em ni Mizoram tan thawk kan tih? Thawk tih hi politicsl term chauh em ni? tih pawh hi zawhna awm thei a ni. Dik tak chuan, Mizoram mi tam tak hi chu, chik zawka en chuan “Mizoram tan thawk” tih tur ber an ni lo mai thei. Mizoram chawi kan aia, mahni tana, dik lo chung chung pawha inhaivur ching kan tam hle tawh a. Mizoram hausakna ti da tu mai mai hi kan tam viau a ni. Thawhchhuah nei mumal lo, cell phone hum mawi thei viau si te, Show Room thawmhnaw chauh inbel tum te, MR a hnathawk mahni hlawhchhuah zat aia tam thawmhnaw lei ziah thei te hian Mizoram tan hian enge kan thawh ber le? Kan ei tla duak mai a ni lo maw? A nih leh Politician-te hian hna an thawk tha tawk em? tih erawh kei a chhan tul a ni lo.
Mizoram chhunga awmte hian Ram pawn Mizo fate ai hian kan thawk nasa tak zet em? Eng kawngah te nge? Competition tenawm avanga rilru tihnat fo ai chuan phai lamah Mizo an tlan darh tan ta chum chum te hi eng chen nge kan dem dawn? Mahni tan nunkhua tha zawk duh lo an awm em ni? Mi thenkhat angin, thil tithei deuh emaw Minister chhungte nei ve se, an tan phaia tlan a tul dawn em ni?
Kan NRM te hian ram pawn atang hian thawh an nei em?
Kan NRM-te hian hna ropui tak tak direct in emaw indirect pawhin an thawk nasa hle thin tih hi kan hriat a tul. Heng an hnathawhte hi Mizoram chhungah kan hriatpui tawk loh avang hian hna an thawk lo a ni lo. Ram leh hnam chu thil pakhat mai a ni lova, thil chi hrang hrang a ni. Chung thil hrang hrang atang chuan, mahni tihtheih tawk awm te te hi tamtak a awm. Ram pawn hmun thenkhata Mizo awm tha duh lo te hlimthla (image) ringawt hi kan NRI te hlim thla vek emaw tih palh a hlauhawm hle.
Kan tunlai khawvelah hian engkim hi Mizoram chhunga atanga thawh vek theih a ni hauh lo. Mizoram rambuai laia inremna thuthlung rem an nih dawna lo thawk hlawh ber ber mipui ten kan hriat kher lem loh chu, phai lam kan central service a officer te an ni. Pu Sanglianate MP (Bangalore), Pu C.Dothanga IPS (Hyd), Pu Lawmsanga IPS (Chennai) leh Pu Lal Rinawma IRS (midang tamtak ten) ten Mizo zirlai, dam lo, mi harsa an puih nasat zia te hi Mizo hnam tana thawk an ni lovem ni bik le?
Ram pawna Mizo zinga zirlai zinga ti tha tak tak te, Central Service tling thinte hian Mizo hnam an chawimawi a ni. Mizo zinga India ram aiawh a foreign awm thin zingah pawh L.Keivom leh Zikpuia Pa etc chu Mizorama tana thu ziak lama thawhhlawk ber ber an ni.
Mi ten kan hriat mumal hauh loh, tu emaw ram pawna mahni duh dan a khawsa mek pawh hian Mizoram tan thawh a nei ve a sin. A chhe berah- Mizoram sum a ei ral lo, ram danga atanga a hlawhchhuah atang hian pawisa emaw bungrua emaw a chhung te a thawn ve ngei ang. Hetiang hlir hi mi nuai 1 awm ta ila, Mizoram chuan pawisa a dawng ve nual ngei ang le.
NRM te hi kan hmang tangkai thiam em?
Kan NRM te kan chhawr tangkai thiam hi a hun tawh a ni. India state dang – Andra Pradesh, Kerela leh Punjabi etc ten an chhawr tangkai thiam zia hi kan hriat a hun ve tawh a ni. Kan ram leh khawtlang hi than tir kan tum tak zet a nih chuan, pawn lam atanga thlirna thlenga kan pawm thiam a, kan sengluh tan a ngai.
Globalization in kan khawvel min suartluan a, kan hnam venhim tumna avanga kawngkhar khar ping zawng ringawt hian eng chen nge kan kal theih ang. Tunlai khawvel chona chhang ngam turin kan rilru hi kan inpuah chah a, khawvel zau zawk kan daidar a, thlirna zau zawk hmanga kan inthuam ve hi a hun a ni. Khawvel in Mizo hnam an hriatchhuah ve theihna tur kawng kan zawn a hun tawh a ni. Chu hna thawk tur chuan NRM te hi kan hman tangkai thiam a tul tak zet a ni.
NRM-te tan chona!
Kan NRM te hnena “Mizoram in vei tak zet a nih chuan, Mizoramah lo chhuak ula, rawn thawk rawh u” an tih fona chhan hi ngaihtuah rawh u. In lakah hian Mizoram mi ten beiseina sang tak an nei a ni tih hre rawh u. In nunah hian hmuh tur a awm em? In chhungkua leh in fate ziarangah hian Mizo nihna hi a kim chang ta lo em ni? Juda, Chinese, Gurkhali, Italian ten khawvel an daidarh zia leh mi hnam nun zah tlat chunga, an hnam ziarang an vawn him thin zia hi theihnghilh lovang u. Khawi ramah pawh awm ila, kan chhuahna bul-kan motherland theihnghilh tu kan nih palh chuan a pawi viau ang. Chu kan motherland ti hming mawitu kan ni thei vek a ni.
Bul kan ran theihna entirna pakhat lek han sawi ila; kan awmna ramah hian khawtlang pawl mai ni lo, literary club-te/ studies club pawh kan din thei a ni. Chung hmang chuan Mizo-te chanchin pawh kan puang zar thei a ni. Rawngbawlna theihna kawng hi a awm a ni. Chung rawngbawl theihna kawng haichhuak tur chuan kan awmna theuhah leadership quality nei tha ten bul an tam a, insan mar hi a hun ve tawh a ni. Heng bakah mimal pawhin thil tamtak tih theih a ni. Tin, a bul berah chuan kan awmna hmun theuhah hnam dang te entawn tlak nih tum theuh ila, Mizo hnam hi a mawi mai dawn a ni.
Heng bakah kan awmna khawtlang theuhah awka chhuah pha nih kan tum a hun a ni. Hnam dangte hi competition nasa zawka kan neih pui a tul. Kan rama awm Chakma ho chuan, Delhi tlangah awka (Voice) min neih khalh fo mai thin. Keini ai chuan an game hi a sang hret zawk niin alang. Delhi tlangah Mizo engmaw zat an awm mek a, Mizo-te tan awka (Voice) neitu nih kawngah tan an lak a tul. Hetiang zelin- khawvel hmun hrang hrangah Mizo te hi mahni hma zawn theuhah kan tan tlan del del a hun a ni. Kan zavaiin Mizoram mite emaw NRM-te emaw ten ram leh hnam tan mawhphurna kan neih a inchen vek a ni.
Similar Posts:
- Mizoram Pawn – Ka thil huat te
- Zirtirtu hna
- Mahni hnam tawng thiamloh a zahthlak
- Airtel Mizo customer care
- Zirlai 1588 in technical course seat 239 inchuh dawn
(Y)
February 21st, 2010 at 2:05 pm
Bei thui thei deng deng ve maw le… :lol:
NRM ho hian Mizoram chanchin hi an ngaihven in a Resident ho aimah hian Mizoram News te hi an hre zawk chawk a nia. Mahni chhuahna ram nge nge chu a lo ngainatawm a ni e. (Tunah ulukly in kan chhiar chhuak dap dap tawh ang e… :!:
Report this comment
February 21st, 2010 at 2:32 pm
ka tui love
Report this comment
February 21st, 2010 at 2:36 pm
Chhiarchhuah dap hnu hian kan comment ange. Pu HT Sangliana han sawisel vel tu Editor chu chhuichiang ila a nawi khawpin ka ring. Hna dang thawhtur hmuh zawhloh vanga Chanchinbu chhuah ve ta mai mai, mawl fu fu hi ka hre hnem viau. Mizoram chhunga awmte chauhin Mizoram tan kan thawk ni a ngai tu chu mi mawl tak an ni hrim hrim ang, chawtak khuk a khuk pui tlakah ka ngai lo. He Post hi a tha ka ti hle mai. Sawibelh tur vak ka hre lo, AMEN kan ti mai teh ang.
Report this comment
February 21st, 2010 at 2:40 pm
nia. sawi belh tur vak kei pawh in ka hre lo e… i nunpui tawp phawt mai teh ang :lol:
Report this comment
February 21st, 2010 at 2:48 pm
NRM = Non-Recognisable Mizos :roll:
Report this comment
February 21st, 2010 at 3:00 pm
Vai chhe thawh khawm hlawh bak eiru tute hian mizoram tan cheng engzat nge ram pawn atrang hian an lak luh ve tawh han ti khang lang i lang hua tak tak in tam awm.
India mai pawh ani lo Nepali Sri Landka lam mi te pawh hi ram pawn ah an chhuak hnem in sum an ram lam ah an hawn hnem teh a sin .An ram sorkhar pawh in hetiang a ram pawn a an thawh thei nan hian hma pawh an la nasa teh ani a.Chuan pawh an chhuang zawk hial a sin.
Report this comment
February 21st, 2010 at 3:45 pm
Pu CH Chhunga(Fam) Mizoram Ex CM khan Mizo sawrkar hnathawk phailama awm ho khan mizorama lo chhuaha an trangkai tur zia kha an sawi pahin awm an dil fur maia. Pu CH Chhunga chuan “Nangni ho hi kan Mizo Ambassador te in ni in thawhna hmunah thra tak leh rinawm takin hna thawk ula, Mizo mikhual khualbuk in nih zel pawh a ngai ang.” tiin engemaw chen a lo hnar. Mahse tunah chuan a lo chhuak chhun te hi chuan kan ram tana an contribution hi nge sang ang. Zawlnei Jona ang pawh ka hmu treuh mai.
Report this comment
February 21st, 2010 at 3:59 pm
A ngaihnawm bakah a thra hle mai, mit thip thrumin kan chhiar chhuah vek chu le.
NRM te hian rual an awt a, ram an rawn vei hle thrin a, hei hi thil lawmom tak a ni phawt.
Kan ramah hnain min daih ve deuh tawh bawk a, NRM te hi dem lo ang u, ‘marawhchu kan ramah hian lo let leh ngei se, an experience thra tak2 te kha ram tan rawn hmang trangkai ngei rawh se.
An awmna hmun threuh ah hnam nun ze mawi leh kan sakhua lantir hram hram rawh se, uisa ei ti zawnga hnam dangin hmin hriat na tur ang kha chu a trul lem lo.
A tam thei ang ber kan mithiam te hi ram dangah hna thawkin chhuak se a thra ka ti. A hmun thru tur hi chu kan indaih tho ang. Bombay a IAS, IAAS, IRS rual an awm khup lai te kha chuan han zin chang pawh hian thla an ti muang riau nia.
Tunah chuan US ah pawh zin dawn ila HV te chawnghilh te Spa Jongte leh mi dang2 misual thiante khan thla an ti muang dawn teh asin.
Report this comment
February 21st, 2010 at 4:50 pm
Lal Aryana a ni mai a lawm :lol: :lol:
Report this comment
February 21st, 2010 at 5:18 pm
NRM (Nam Reng Mai) ho chu Sandman ang te hi nia
Report this comment
February 21st, 2010 at 5:29 pm
gulf a hnathawk ho hiiiii america rama negro sal chhawr ang tak tak in arab hovin an chhawr ania, awt reng reng su, lo ti phawt teng.
Report this comment
February 21st, 2010 at 5:30 pm
Ele, siki khat pawh Mizoram sawrkar laka beisei lo leh tha taka hnathawkin an la ‘Mizo Em Em’ tho mawle
“Mizoram ah rawn kal rawh u” = Eee, tuna an hnathawh ang hi Mizoram-ah a awm emia :?: 
I ngaihtuah hmul peih vel mai mai e a…
Report this comment
February 21st, 2010 at 5:49 pm
India mi Doctor leh Scientist tam tak India ramin an thiamna a mamawh vangin kohkir ani mek,chuan ram pawnah ani emaw ram chhungah ani emaw hna kan thawh peih chuan a tha ani mai,a duh chu ram dangah chhuak se a duhlo chhuak lo se; mahni in enkawl thei turin hna thawk ila a tha ber.
Mizoram tan a thiltha ti tur ber chu a chhung a chengte kan ni ah ka ngai.
Report this comment
February 21st, 2010 at 6:19 pm
NRM hi Category hnih in thren ila pakhat chu NRMi = India ram chhunga zoram pawn a cheng. Pahnihna chu NRMa= abroad a cheng.
NRMi hi chu awrkar hnathawk leh BPO etc vela thawk hi an ni deuh berah ngai ta ila. An amwna hmun-ah chhiah an chawi, sum an khawl thei vak lo Zorama chhungte sum thawn thei phei chu mitlem te fel fal deuh an la ni. Mahse Mizoram Budget ei hek lova mahni hrawk inchawm an ni thung. NRMi ho hi mikhual leh fate dah thrin ho te an lo buaipui thrin, zirlai fel deuh te nen. An trangkai kan chhuang veks mai. Mahse pawh ngam loh khawpa Zo-ze kalsan Vai-zia pu tawh erawh an awm tho mahna.
NRMa ho hi chu chhungte chawm leh leirem an rah ve nana, sum leh pai tam tham tak Mizoram/Burma a chhungte thawn thei vek an ni ti ila a sual tam miah lovang. Anni pawh hian khual chhia thra an dawn changin an inphal em em deuh vek.
Heitia NRM te inhawnna leh mi tranpui an hnialohna hi ka chhawr treuh tawh. Chhawr theih thrak loh ka phone min hung up khum pawh ka tawng tho,
Burma lam kan NRMa te hi an adaptability a sang hle, antennae pawh an nei thra an belh chi khop mai, an tlawmngai an inphal/hawng hle zel ka tawn tawh te.
Hengho service ti mai ila i mamawh ve anih pawhin inthlahrung lo la mahse an za deuhthaw-in mihnuaia thawk an ni tih hre chungin beisei tawk neih thiam erawh a trul khoops
Report this comment
February 21st, 2010 at 8:43 pm
“NRMi hi chu awrkar hnathawk leh BPO etc vela thawk hi an ni deuh berah ngai ta ila. An amwna hmun-ah chhiah an chawi,
sum an khawl thei vak loZorama chhungte sum thawn thei phei chu mitlem te fel fal deuh an la ni.Mahse Mizoram Budget ei hek lova mahni hrawk inchawm an ni thung.”Ka nui huk mai, Mizoram Sawrkar hnathawk nih ka va han chaaaaaaaaaaaak emmmmmmmmmm :lol: Cashier nih ka chaaaaaaaaaaakkkk berrrrrrrrrrrr maiiiiiiiiiii :lol: Chiahpuam ah khan ka chiahpuam nasa ngawt ang :twisted:
Report this comment
February 21st, 2010 at 8:54 pm
VaiVa hi NRM ve tho. Therefore if NRM = Non-Recognisable Mizos, Vaiva is Non-Recognisable Mizos :lol:
pu mz sawi “…Mahse pawh ngam loh khawpa Zo-ze kalsan Vai-zia pu tawh erawh an awm tho mahna.” tih hi a dik hmel lutuk, Vairam a Mizo cheng/pasal nei ho leh Mizo hmeichhia India pawn a hnamdang nei tam tak te hi… uak
Theih ang angin khawtlang leh mimal ah “tih” (contri) neih ka tum zel ang…
Report this comment
February 21st, 2010 at 9:24 pm
Deleted: Double Reply.
Report this comment
February 21st, 2010 at 9:26 pm
HV, Zozia chu enge aw :?: Sapram a cheng mizia hi Sapzia tihna eloa :?: Zozia kalsanin an cheng ve tho ani lawmi :?: Skin colour preference ani thei angem le :lol: Vai/Midum makpa neih ai chuan mingo makpa neih hi a nuam reng ani :twisted: A neitute zawng Zoram tho annia, sawithui loh ah chuan
So, Where is Zozia and Zonun :?:
Report this comment
February 21st, 2010 at 10:39 pm
@pu mzvision: Experience ang hi ka tawn tam tak zinga mi ani tlat.
Ram hrang hrangahkan han zinkual, abik in abroad a awmte hi chu an tlawmngai in mahnichhung khat ang mai in kan in thleng kan in mikhual. Kan in nel em em hlawm. Tih rual in fel lo tawk leh mahnihnampui te zinga tlumtla lo Hnamdang ngaisang/ngeina an awmve leh zoh zoh thin.
Trumkhat tia kan sawivek vek chuan sawi ve law law maite’ng.
Nulapatkhat, Canada rama hnathawk, visa tawptawh, Hnahthawh contract tawptawh bawksi hawn ngai in awm leh hawnna tur neimiah lo. Airticket leisak in Aizawl ka thawn thleng. Tah chuan ticket man chu kan pe let angche ti in a ticket manchiah chu ka dil. Aizawl kan va thlenchuan mi an pe tha duh der tawh lo. Ticket ka leisakna mante min tlawm la te mi an la ti. Hahthlak thei chiang. Ka ticket hralhchu nise kawng awm mahna. Tah ka khawngaih ve hlawmbawka, sing khat ai tam deuh chu ka la ngaidam hram. Tah a nu chuan, abroad a awmte hi rin pawh ka ring lo che u. Mi a tihkhum hmaichhan ah, ka thinsa ve phat chuan ni e, I Fa nu ang chu kan awm tam lo, I fa nu ang ah midang ngaimiah suh. Awm theia khawsa thei leh midang te puih hre miah lo 100 a 90 vel kan awm hi lawm hle rawh ka tihkhum ve hmiah kha.
Anfanu kha mi feltak leh rin awm leh thawkhlawh tak ah an lo ngai mahse lo ni hoh lo, an rin dan ai mah in a lo chechhia tasi khan, a nuleh pa te chuan an fanu ang tur vek ah mi an lo ngaive. Ka la tihkhum, kan ram in Mautam a rawntawk, tah chuan tu nge rawn thawk a rawn pui tu che u? ti in ka tihkhum nghe nghe.
Kan ram leh kan hnam kan hmangaih in kan theih na chin ah thawh kan tum threuh.Article ziaktu pa sawi ang khian, thawhho na tha kan neih a ngai ni ber in a lang.
Ka sawifo thin, Chin Hills lama tang a thlathla tamtak te, abroad a awmte hian Chin Hills hi a chawm in an chawm tawhtun ah chuan. Project liantham leh an mah ni khua theuh, Electrict eng an pe chhuak thei deuhvek tawh. Arei lo vang, tia mizoram a in thlahdah chuan, Chin Hills lampawh Eng “Electrict” eng lamah kan la phak dawn lo.
Burma sorgar in Chin Hills Develop na tur in a pui mang lo tluk ani, tih rual in ramdanga awmten, Kawng te, Huan, Lo, Biak in, Eng thleng in tun hi, Contribution siamin an thawk tan mup mup mek ani.
Report this comment
February 21st, 2010 at 11:28 pm
Trumkhat chu NRMa ka tawngsual, India rama a thrianten hei in ramah a lokal dawna buaipui a ngaih takin ka han phone lawk che ania a tih thlap khan ka lawm khoops. Anmahni lo Mizo chhungkaw dang ka thlenna khua-ah an lo awm ka tlawh kan hlim hle. midang zawng erawh ka phone an ram ka tlawhthei ka lawm zia leh kan ram tana ka awh te pawh kan hrilh hlawma.
Vanduai thlak tak maiin ka hawn dawnin ka buai ta tlat mai,”I kal tumna country ah hian visa i nei silo i connecting flight hian 2days gap a awm si chuvang chuan kan thlawhtir ngam lo che” min ti ta mai. Ka risk ania hei chu flight dang-ah ka in transfer mai ang min kaltir hram ru ka tih pawh chuan thlawhna ka chuan a rem ta tlat lo. Chumi khua-a ka va biakpa chuan “in mawl lutuk thrin a, hetiang ang hi chu ka pui thei lo” a ti hmaks. Mahse duhai rei kha ramah khan ka cham ni 2 hnu-ah ka thlawk haw leh ta ka ticket tlem chawibelihn ka endorse tir.
Chu ram airport ka zuk thleng chu Transit Visa min lo pe, Burma mi leh mizoram mi te’n min lo hmuak, an khua nileng min fanpui ka lawm roops
Report this comment
February 21st, 2010 at 11:29 pm
chhawngte_ll, hnam tin te hian ze dang theuh kan nei, vai ram a khawsa rei tawh emaw, vai pasal nei te emaw hi chuan an pasal te zia an la tlangpui. Mipa pawh hi Mizoram pawn a awm, vairam a khawsa si tam tak te hian vai mizia/chezia an copy nasa tawh. Mipa te erawh chu hmeichhia ang lo takin a piang te emaw tetlai atanga awm tawh nih loh chuan an zia ang tak pu chu an tam lemlo niin a lang. Zo-zia ngainep a intih vai tingtang tum erawh an awm nual mai.
Zia han tih hian, mizia, chezia, ngaituahna hman dan/rilru sukthlek dan etc te a kawk thei ang.
Vun rawngin zia a siam lem lo, kan nitin hun hman dan leh hmun leh hmanpui te avang hian Zo-zia a ti bo tual tual thei, Zo-zia nei emaw inti reng chungin kan khawsak pui te zia hi engemaw chen ah put a lo awl khawp mai.
Mahni kan inphal leh phal lovah a innghat thung, kan ngaituahna leh rilru in tunge ka nih a hriat tlat chuan Mizo takin felfai tak tho siin khawiah pawh a khawsak theih reng a ni.
Keimah ah ngei pawh hian, “Khatin awm bik suh, an hrethiam lo, chutiang chuan awm ve mai tur…” tiang ten advice angreng ka dawng zeuh2 fo mahse, Zoze thalai ka hriat ang ang hnathawh na ah Mizo tam tak tih angin apply ka tum ve thin. A tir chuan an hrethiam lemlo pawh aniang, tunah chuan a dan a dang ta daih mai… hnamdang kan hnathawh pui te zia hria in mahni hnamzia hi mawihnai taka apply theih a ni.
Report this comment
February 22nd, 2010 at 7:12 am
Good Morning!
@flyinga’n “Ram hrang hrangahkan han zinkual, abik in abroad a awmte hi chu an tlawmngai in mahnichhung khat ang mai in kan in thleng kan in mikhual. Kan in nel em em hlawm.”
-Vairama awm te mikhual(zin veivak, sumdawng,damlo, hnazawng, etc.) neih ang hian abroad a awm Mizo te hian nei ve se fel bik/tlawmngai bik kan tih ka ring lo!
“Ka sawifo thin, Chin Hills lama tang a thlathla tamtak te, abroad a awmte hian Chin Hills hi a chawm in an chawm tawhtun ah chuan. Project liantham leh an mah ni khua theuh, Electrict eng an pe chhuak thei deuhvek tawh. Arei lo vang, tia mizoram a in thlahdah chuan, Chin Hills lampawh Eng “Electrict” eng lamah kan la phak dawn lo.”
- India ramah rawn tlan ve se chuan an chawm bik hauh lovang, an taimak vang leh fin bik vang pawh nilovin an awmna ramah pawisa value a san vang zawk a niang e. Dollar/Pounds a hlawh la ho hian an thlakhat hlawhin Nano car an lei thei deuh vek ang, mahse Rupees a la ho hian an kumkhat deuh thaw a ngai ang! chutiang vel chu a nia. NRMi leh NRMa hi tehkhin vak theih a ni lo.
Report this comment
February 22nd, 2010 at 7:55 am
@Daffodils: “.Vairama awm te mikhual(zin veivak, sumdawng,damlo, hnazawng, etc.) neih ang hian abroad a awm Mizo te hian nei ve se fel bik/tlawmngai bik kan tih ka ring lo!”.
Vairampur a seilian ka ni vea, ka hriat chin chu ka hre thawkhat viau ve in ka in hria. Diktak chuan, A awmhmasa ten a lo kalthar te kan lo dawnsawn dan hi a fuhtawk lo fo thin. Zirna run belduh te admission harsat na an neihchante’n kan pui duh lo chawk thin tiangkha a tam khawp. Chungah chuan theihang ang in admission tih vel leh khualzin sumdawng tamtak te kan lo mikhual thin abik in Delhi lamah leh Jaipur kan awm lai hian. Mitam tak in, rin neiran/hmelhriat te neiran in sumdawng duh a lo kal leh puihngai an awm, chung an hmelhriat techuan lo puihduh lehsi loh te, admission lo tihpui duh lo te an awm nawk.
Abik in, Mizoram a tranga lo kal Dam lo tam zawk chu Mizoram house ah an thleng. Chungah harsat na tamtak an tawk Damlo ten, room Book tawhsa te pawh lonise, Officer fanu fapa te, an pa ten ka fanu ka fa pa a lo kaldawna room lo ngaihtuahsak ta che u ti in an rawn phone tawh chuan, damlo awm, lo book lawksa te room pawh chhuhsak in an thlen tir mai thin. Tiang kha a tam, Abroad ah chuan kan la tawng meuh rih lo a, kan zin na chin a awmte mizah awmtak tak te an nifo hmelhriat miah lo in, an awm tih kan hriat in kan han contact a an ni pawn Hotel vel a thlentir ai chuan an Inn ah nge thlentir in mi an sawngbawl a kan kalduh navel ah mi an hruai in engmah pek ngai lo mikhual zawk a lawm i nih ti in. Tlawmla tlat zel in mi an sawngbawl thei hi ka fak lo thei lo.
“.- India ramah rawn tlan ve se chuan an chawm bik hauh lovang, an taimak vang leh fin bik vang pawh nilovin an awmna ramah pawisa value a san vang zawk a niang e. Dollar/Pounds a hlawh la ho hian an thlakhat hlawhin Nano car an lei thei deuh vek ang, mahse Rupees a la ho hian an kumkhat deuh thaw a ngai ang! chutiang vel chu a nia. NRMi leh NRMa hi tehkhin vak theih a ni lo. “.
I thawk dikna laitam tak a awm, tihrual in an ram an hmangaihti a chiang hliah hliah in siamthatna kawngah an thawknasa hle tih chu a hriat theih mai. Tiang hian thawkve in kan ram leh kan khua te siamthat kan duh chuan Abroad ah kal thei chu kalsup sup i la a enghna pawh thawkvek peih mai i la kan ram chuan hma a sawn pui phah theih ang tih thu mai ani.
Report this comment
February 22nd, 2010 at 8:04 am
Daffodils, Mizoram atanga India ram pawn a khawsa mek Mizo te hian Chin Hills atanga ram danga khawsa te hi mahni khaw tan a thawh lamah tam takin kan tluk tlat lo mai. He thu hi sawi nuam lo tak leh zahthlak tep (tan vangin) thil ni thei mahse, a dik tlat a ni.
Chin Hills ah chuan US a awm te hian pawisa an thawh khawm thin a, chu chuan damdawiin te sikul te leh Library etc tha tak tak an ramah an sa thei tlat. Mizoram atanga ramdang pem ho te hi chuan hetiang tih lam hi kan hnaih loh hmel hrih hle mai.
Mizo, Mizoram a mi te hi ( awm mek leh pem te pawh) mahni inti vei tak, tangrual thiam lo leh a nachang hre tha duhlo kan nih alang fo thinin ka hria… sad but true
Report this comment
February 22nd, 2010 at 11:02 am
HV, anih leh saprama awmte hi zozia kalsana sapzia la anni em le
Israel a pem ten Israelzia an nei, keini erawh Vaizia kan pu ta thunga…Haire-Hai :lol: “Kya baat he, Bhaiji!!
Report this comment