Mizoram- India Indo thlawhna ten an rawn Bomb trum khan Hnahlan Khua chu an Bomb han tih theih a ni chiah lo. Thlawhna hmangin an hal a. Khatih lai khan Rangva Inchung kha a la thrahnem lova. An inchungte lah kha Di a ni hlawm si a. Han threlhtheih ziazang ni heklo chu, a alh ta puat puat mai a ni. Hemi trum hian Hnahlan Khaw inkang chu Pi Rovi Tuikhur vel atrangin lungngai takin Hnahlan Mipuite khan an lo thlir liam a. Tun dinhmun hi kan lo thleng ta a ni.
Similar Posts:
- Osama Bin Laden!
- Aizawl Bomb kum 41-na, Zawlkhawpui Senmei Chan Ni Kha
- Hnahlan khua
- Thlawhna Hijack!
- Zinkawng Khawthiang
March 6th, 2010 at 12:54 am
Grape wine an siam hma chu a ni phawt anga :lol:
Report this comment
March 6th, 2010 at 1:24 am
“…lungngai takin Hnahlan Mipuite khan an lo thlir liam a. Tun dinhmun hi kan lo thleng ta a ni.” han tih chu… A inkar a zau tham hle mai. “A tirin Pathianin lei leh van a siam a. Lei chu a chhia a, a ruak mai a ni a.” tih te min hriatchhuahtir rum rum e.
Patlingin mahni In kang han thlir meuh chuan kan ‘helpless’ duh awm mang e.
Report this comment
March 6th, 2010 at 1:32 am
India Thlawhna Sipaite Meitalh kha a man a to tham ve khawp mai! History kalphunga ziak hi awm se, mit leh beng ngeia hmua khang hun paltlangtute kamchhuak ziak chhawng pawl pawh awm thei se ka ti! Chi hnihin kal se … S/s Col Lalrawnliana pawhin anmahni huang chhung MNA te chanchin chu volume engemaw zat lai a ziak tawh lawm ni? Tlar khat pawh ka la chhiarsak rih lo chu a nia!
Report this comment
March 6th, 2010 at 1:55 am
Hman a Hnahlan a Nufa za kanghlum te pawh kha……
Report this comment
March 6th, 2010 at 2:55 am
@ Ku Muang I ti dik khawp mai,sipaiin in min han hal sak kha chuan en mai bak tih ngaihna awm hek lo ka thlir mittui tla zawih zawih mai le. han thinrim teh mah ila sawt chuang silo sialinen min han veng a mahni in kang chu kan en ral thaks mai mawle. Bungrua chuh ngam siloh tah tur nge nuih tur hriat thiam har khawp mai.
Report this comment
March 6th, 2010 at 3:14 am
Rambuai khan ka thin a tirim tlat zel. Kan lehkhathiam hmasate’n mipui an hruaisual nasatzia leh an duhthusam puarpawleng um tum luat avanga an mihringpui midangte zahawmna, inrintawkna mai bakah nunna thleng pawha an pawisak lohzia a langin ka hria.
Rual u, rambuai chanchin a kip a kawia an hriat leh tawn ang pawh tun thlenga la sawi tîm tlat ka hmuh chang te, talent leh taihmakna nei tha, rambuai avanga an phak tawk tur pawh thleng thei ta lova thamral ta-te beidawng hmel ka tawn chang te, mizo nawlpuiin hmasawnna rahbi kan chuan ve dawn mek laia rambuai avanga kan moral leh value system inher danglam chhe ta nuaih ka thlir chang te hian kan thin a rim thin.
Sipai lumum kut za satliahin an nawm maka ka fate pawisawi lo, hlauhlawpa inhup chawn chawn lai an vaw tur anga ka suangtuah chang te leh mihring mihrinna bosal thaka ka hmuh reng leh puih theih hauh si loh laia ka hmaa ka nupui an pawngsual tur anga ka mitthla chang te hian… KA THIN A RIM.
Kha ‘Rambuai’ teivet khan eng thil tha nge min thlen le???
Report this comment
March 6th, 2010 at 3:29 am
Sipaiin kan In mai bakah a chhunga kan neih zawng zawng nen min halsak hlawm a, hâklai nen thlîr rêm thak turin silai kengin min vau; heti khawpa inrahbehna leh incheksawlhna hian kan nunah hnuhma chhe lutuk a hnutchhiah – kan rual u, rambuai tuar pha chinte hian anmahni sual leh dik loh vang ni miah lovin vai hi an huat rualin sipai hi an hlau ru, chu chu tu mawh nge?
Hnam rethei, bakberh tê tê awmkhawm kan ni, uang tur kan awm lo, hei vang tak pawh hian kan In, sipai hâl tâkte leh a chhunga kan neih zawng zawng, a lehpek awm tawh chuang lote kha a hlu zual… Eng vanga halral nge an nih hlawm?
Report this comment
March 6th, 2010 at 3:46 am
Ran rual ang maiin min khalhkhawm a, hnam lungphum min sawinghinsakin khawtlang bil te te-a zia bik kan lo neih thin leh inlungrualna atana kalphung kan lo zawm thinte kha pawisakna awm miah lovin min thiahsak a. Hei hian kan hnam lungphum leh ziarang chawrno chu a parchhuah hma-in nasa takin a suasam a, a pawngsual a ni. Tum leh duh lawk vang ni hauh lova zam leh hlauhlawpa awmkhawm chuan kalphung mumal kan hloh a, kan mizo zepui thui takin kan hloh phah; ka thin a rim, khawnge a rawtchhuaktute kha?
Inrintawnna leh inthianthatna a bo nasa a, chhungrilah hlauhna-in tur angin min fan a, sipai leh kawktu kan hua a, kan tilang ngam mawlh si lova. Kan hnam zepui a tlu duai duai a, tungding turin tha a thum zo va, tun thlengin midang tih atan kan la dah phah ta fan a nih hi.
Kum 20 chhung he tur hian hapui na leh ngal nget angin min thoh vung vung reng a, kan hlawhchhuah ve hi maw – sa tahchhuak pek ang lek. Kan lei let theih loh nunna hlu kha zat kha a liam a, ramtuileilovin hei zat kan sawngnawi a; a tawpa kan chapopui ve hi a nep.
Report this comment
March 6th, 2010 at 4:06 am
He rambuai teivet hian chhuan hmasa rilru a pawngsual a, chhuan awm mekte nen kâr zau lutuk, inhriatthiam tawn theih loh khawpa zau a hringchhuak asin. A rawtchhuaktu tam tak hi chapo takin chhun engah kan khawpui khawlaiah hian an leng, zahna leh inthiamlohna tel miah lovin.
Thangkhat lian lek liamta-a kan hliama chingal fir hnawmtute leh sipai indo thlawhna chah chhuaktute khan kan maimitchhin laia hmarcha min barh phet tumin an kawr hak an thlak a, min la veh fo ngam nia mawle… Ka ten.
Kha zat an mizopuite bum hlumtute khan a dera inhmuam ûpin khaw eng zahpah miah lovin anmahni avanga pawngsual leh vuak thitlin tuartute hmuh laiin hmai zangthalin an duhthusam puarpawleng dang zu la sam ngam ia!!! An fate sawisak hlum ve niin, an hmaihmaah an nupui duhlaite pawngsual hlum ni ve ta se, titak hmai an pu ve deuh mahna.
Khawizu leh hnutetui luanna ram min tiamtute’n min hruaithlen aia ropui hi mite chuan thisen far khat pawh seng lovin kalphung pangngaiin an nei mai chu a ni ngai a. Fing zawka inchhalin a aia mawl zawka a ngaih a bum hian tu zawk nge maw thiam lo ta le…???
Report this comment
March 6th, 2010 at 4:10 am
@Ku Muanga : Hmaichhana inkawm ka va chak! Ka pa pa kha MNF MP zinga mi a ni a, ramhnuaiah a insaseng daih a. A fapa leh a tupain kan tuar nasa khawp. Mahse, hnam dang tawng thiam sawlh sawlhnain min chhan hle. Interpreter atan kan lo tangkai thei hram a. Capt K P Singh te kha Lunglei-ah khan in hre ve hman em?
MI ka va’n chak tak em! Tawrhna chanchin hi ka la insum rih ang e. Ka pute in kan luah lum lai —min va hual zingin, kan bilat arpui tui laite Sipai rawsawt atan khan min va han tawngpawng hnehchhuh zing tak! Ni saah min pho thul, hnar thi zawih zawihin … tuisik ngheia min dah nilen zak zak lai te … thangtharte hi chuan, chanchin hi min zawt ve mai ta sela, an duh duh hian an hriat phak loh hi chu comment ve chul ai chuan —a finthlak awm mang e, te ka ti vel mai mai! Birbala pawhin, “Thudik leh thu dik lo inkar hi chu inhnaih tak, kut zungli bawk lek a ni,” a tih kha le! Mit leh beng inkar hi zungli bawk lek a ni a, hmutu ngei chu benga hre vetu ai chuan a la chian deuh nachhan a awm ve hret! Wg Cdr pawhin Tezpur atanga vai pahnih a lo hnek ve ngawt ai chuan, Aijal hmuna mite tawrh an sawi chu a chiang kuar kuar zawk tlat zu nia!
Moderation tih lam lang miah lova tunlai kan thil vawrh luh a awm thin hi, ka lung a awi ru fu! Thalai (adm)-te rilru a inhawng hleah ka ngai!
Report this comment
March 6th, 2010 at 4:21 am
@chawnghilh, inkawm a chakawm khawp mai, i titi ngaithla ila.
Chhan bulfuk tha neia danglam ngamna leh tawrhna hi ka ngaisang, chhan mumal nei lo leh tu emaw at vanga tawrh satliah hi chu tul ka tih loh zawng tak a ni.
Taka, Exodus Politics – Pu Lalhmingthanga ziah kha an tichhuak nawn leh a, a hlu khawp asin. Kan political heritage hawizawng lehkhabu tha hi kan tlachham riau a nih hi mawle.
Dam ila, i hovin kan la MI ngei ang chu
Report this comment
March 6th, 2010 at 4:29 am
@Ku Muanga : Ka chhiar phakah a awm ve si lo, min hlep leh bik mang e. Hetiang lehkhabu tharlam/reprint bengverh zualte hi chu a genre emaw tal inkhilai dan hi a awm lo maw?
June 30, 1986 tlai thim thet thet khan thil HO, loh theih loh si kan tawng ta si! Thianpa Capt Lalthlana Sailo hi misual thiam ve se, ka va ti! A bengvarthlak lehzual awm si! R. Zamawia hnenah pawh, “I Pu aiin engkimah i chiang zawk e,” ti vetu ka nia aw!
Report this comment
March 6th, 2010 at 4:30 am
#10na a, chawnghilh comment..(“thangtharte hi chuan, chanchin hi min zawt ve mai ta sela, an duh duh hian an hriat phak loh hi chu comment ve chul ai chuan —a finthlak awm mang e,”) hi thangthar tawng pawr deuh deuh (in ti hre si. in ti hre si lo) ho hian chhiar vek se ka va duh ve.
Report this comment
March 6th, 2010 at 4:33 am
@chawnghilh, in thawn dan tal awm sela chu ka rawn thawn phal asin mawle aw.
i tla hla lulai deuh em alawm mawle.
Nia, a gist chauh ni lovin a bu pum hian kan han e-book zawk mai dawn em maw ni le
Report this comment
March 6th, 2010 at 4:34 am
@bawmrang : A ni chiah asin, thangthar-ho hian tuhrik seh thakzia ringawt pawh an hre tawh lo! Hre lo ve tak an ni!
Report this comment
March 6th, 2010 at 4:36 am
@Ku Muang : Measured in miles, YES … in thought, not that far as you reckoned!
Pu Lalhmingthanga i tih hi Finance Minister thin kha em ni? A lo nih teh chuan, Brig T Sailo aia thluak fing zawk a ni mial a (chumi awmzia chu Lalduhoma leh Brig T Sailo te Party insuihfin khan majority lak an inring hle a, mahse, Lalhmingthanga khan a’n ring neu khawp a, a mimal lungawi lohna chu thu dang ni se —result a rawn chhuak chiah chu Pu Lal Thanhawla Congress mi thar a kawi khawmte ram ropui a ni ta ut ut mai a …
Assessment hrim hrimah chuan Ex-Minister kha a lo diau lo hle! A lehkhabu ziak pawh chhiar a chakawm hle mai!
Report this comment
March 6th, 2010 at 4:38 am
Tun lai chu, ka comment ngam ve lo a ni ber mai. Kei engmah tuar ve lo (hre phak ve lo, documents atang chauha lo zirve) hian, ka ngaihdan ka rawn sawi ve vak vak chuan, a taka tuarte hian nalutuk awmlova, hlap min chak dawn in ka hria. In comment ka lo save zeuh zeuh a..! Ka hlawkpui tho.
Tunlai chu “Bomb/Bomb lo” hi hot issue a ni ber hian ka hria. Website hrang hrangah pawh a tam. Bomb/Bomb lo leh in comment ka han chhiar thin a,…tunlai thangthar ten’ “hun kaltawh a nia, engah nge in la sawi cheu” an ti ve bawk, hrang hlui hovin in ngaithei lo.
Ka rilru ah, “Struggling to Forgive” tih South Africa Political Movement a rawn lang a. Nelson Mandela leh Desmond To To ten ram an khalhngil dan…! “Bygones be Bygones” ti chungzela, theihnghilh silo vin, hmanrua tangkai taka thartharten kan hman a pawi mawh dawn hle.
Mahni mit ngeia hmute, tuarte ngei maiin, comment huangah i thiltawn leh hriat in rawn pho langhi, a hlu ka tih em vangin, ka han tuihnih ve duah a ni.
Report this comment
March 6th, 2010 at 4:41 am
@chawnghilh, glad to be reminded of that thought part…
I ngaihtuahna fakchhuakte hi khawvel lehlam atang pawh hian kan lo dawhkhawl ve zel chu a nih hi. Dam la, MI thei ngei turin i han sual zel hlawm phawt teh ang u.
Pu Lalhmingthanga chu, Former MNF Foreign Secretary kha mawle. A ‘Exodus Politics’ hi 1965 kuma a ziah, India sipaite’n theihtawpa an tihriral kha, 2009-ah revised edition an tichhuak leh alawm.
Report this comment
March 6th, 2010 at 4:46 am
@chawnghilh i address hria ila chuan hriat zauna atan mai mai “tahan chanchin” bu rawn thawn ve che ka duh khawp mai.
pawi i tih lem loh chuan add min lo pe la.bawmrang@gmail dot com ah..
Report this comment
March 6th, 2010 at 4:51 am
@Ku Muanga : Lalhmingthanga dang leh ka hriat chu … kan kawmthlangpa a ni. A nupui pawh hmeltha tak … mahse, Buai Kum 1966 khan a pawt then hlen ta a. Lalhmingthanga fapa pawh Buai kum kha chuan a la naupang fu, kum 5 mi awrh a ni mai thei. A hminga David-a a ni a, tun tlai khawhnuah BONANZA Quarry tih vel aduang chu Hlimen-ah an nei tih ka hre zui. Kha Pu Lalhmingthanga pawh kha namai lo tham chu a ni, Blue lam an tihah Pu berin a hnawl ta a nih kha!
Lehkhabu chhiar belh zel tur ka nei lo teh mai a nia aw! Chhiar tawh, thluaka mi ka sawr chhuak hram hram, dai-hriat nen! Ziak huai ve ngam vak tur pawh ka ni lo. Mi min hrilh erawh —theihnghilh a thiang ve lo! ha ha ha!
Report this comment
March 6th, 2010 at 4:54 am
@bawmrang : Thousand thanks! Mailing you later. He ti lamah i awm ve emaw ka ti asin! VUR TLA, VUR TLA i ti ve fo si!
Report this comment
March 6th, 2010 at 4:55 am
@chawnghilh, that’s the one – Davida pa kha. Fa 3 an nei hman ang ka ring, i hriat lai chuan – Davida, Tetei leh Sangtea. Vanduaithlak takin nikum khan Davida kha a thi ta a, Tetei Lungleiah a awm a, Sangtea Aizawlah a la awm thung.
Report this comment
March 6th, 2010 at 4:56 am
awm e. in tan liau liau a chah in ka chah a lawm.
Report this comment
March 6th, 2010 at 4:57 am
Ku Muanga : OMG … Davida a thi tawh amaw? Mi ka hmuh chak tam tak ka hmu leh dawn ta rih lo! :cry:
Report this comment
March 6th, 2010 at 4:59 am
@chawnghilh, nia mawle, sad but true. A hun tawp lamah thiante zarah kan va tlawh ve hram, a khawngaihthlak khawp mai.
Report this comment
March 6th, 2010 at 5:01 am
Burst!
Report this comment
March 6th, 2010 at 5:03 am
@bawmrang : Thanks alot! ka rawn mail vat ang che, ka chhiar chak khawp mai!
Report this comment
March 6th, 2010 at 8:51 am
@chawnghilh
Keipek hei bawmrang hian Tuipui Ral atrangin i lehkhabu dawn tur ang hi min present keuh asin.
@bawmrang
Kapa hi Indopui IIna zawh khan sipai a bang nupui a nei, Tahan velah inkhuarin thlawhna tla kha bel chhun tur atan la-in a han awm reng asin. Bel chhah bel bul anmahni chhun ngei kha Manipur-ah te han zuarin dawr te pawh a han kai hman. Tahan chanchin hlui sawi tur a hre ve treuh. Sumdawng vai trawng thiamlo te’n Calcutta lamah sahbawn sen chhunga thil hlu phumin an zui ve dam dam thrin niin a sawi.
Assam Regiment bang kapa inti world war veteran nena Aizawl an han bomb alh Tanhril Biakin bul atrangin kan thlir dunlai hi ka theihnghilh thei lo a bianga mittui luang kha ka mithla ah a la fiah em em ani
Report this comment
March 6th, 2010 at 3:06 pm
Rambuai thu Thupui hran hranah thu in sawi a, kan chhiar kim hman dawn hlei nem mole…
Hmun khatah awm se, sawi tur nei apiangin hman hun hunah sawi ni se, volumein then mai ila…
Nakiiinah thangtharho tan a la hlu dawn hian ka ring mange..
Ka cousin pakhat hian Fin Minister hlui Pu Lalhmingthanga ziah shortplay emawni a bu ming ka hre lo va, rambuai lai chanchin a ziah thu min hrilh nual a, a changtute chu Mountain-a leh Valley-i an ni a, a bu nei in awm lo maw ka chhiar chak ve thin khop mai.
Report this comment
March 6th, 2010 at 4:42 pm
Sonia Gandhi a lokal dawn ani lawmni,MZP ho khan banner nen lo hmuak sela!
Report this comment
March 6th, 2010 at 6:27 pm
Ku Muang you touched my heart!
Report this comment
March 6th, 2010 at 6:31 pm
Sonia Gandhi techuan a mipui tawrhna hrethiam takin a thusawi ah a telh leh zeuh amaw kha ania nga, politicise vak silovin.. NLUP chungchang kha a rawn sawi leh deuh hluai bawk anga.. Adviser a nei tha bawka he nu hi, political advantage a lak turte, damage control, narrow escape tehi a hria ania, fing tak tak ani.
Report this comment
March 6th, 2010 at 11:19 pm
Va ngaihnawm em! Ku_muang… Post tupa i dah Nil.. :lol:
Report this comment