Naupan lain school kan kal ho thin a, kan pass chhuah hnu chuan a chanchin ka ngaihven zui lem lo a. Hmanni ka chhuah naah kan inhmu a, nupui leh fapa pahnih alo nei tawh a. Kan inchibai a, kan inkal pel leh mai a. Ka thiannu, school kan luhpui ve tho chuan a chanchin a sawi ta a. Ka ngaihsan em avangin hetah hian ka rawn tar lang ve mai mai a.
Class 12 a pass hnu lawkin a bialnu chu a rai avangin an innei a.. Mahse chhungte thawhchhuah ringawt rin chu a tum miahlo. Chhungkaw awmthei ve pangai tak ni mahse, hnathawh a zak lova. Hmun hrang hrangah inhlawhfa in, a chang leh lei a laia, rawra te a chhu a, insak naah te a thawk ve a. A hah thei em em a, mahse phun lovin, “Ka taksa a in fit phah lutuk a, a tha tak tak ani,” te a ti zawk a.
Sipai ah te pawh hna a dil ve a. A pa chuan a hmelhriat tha te biak sak a tum paw’n, “Keimah in kan tum chhin phawt ang e”, a ti zel a. An intlansiak naah chuan a tlan pui thenkhat te chu truck hnungah te an bet a, an thlen khalh zung zung a. Amah aia phu lo zawk leh hmelhriat tha nei ten hna an hmuh chuan a rilru chu a na ve khawp mai. Mahse a pa hmelhriat tha neih te chhu a chhawr duh chuanglo a.
A puzawn chuan a damdawi dawra thawk turin a sawm ta a. A hmaa a thawh ai chuan hahdam zawk mahse hun awl a neih tlem phah hle a. Zingah dar 8.30 ah chhuah a ngaia, zanah dar 7.30 aia hmain an haw ngailo bawk. Heti chung hian a phak ang tawkin kohhran khawtlangah te inhmangin zingkar hnatlang an koh te paw’n a tel zak zak a.
A thiante chuan nupui pasal an la neilo fur a, an zinga a tel khat em avangin an hau fo a, hrehawm tih chang pawh a ngah. An zinga tel ve te pawh a chak thin, mahse inchhung a uap hmanlo lutuk chu hrehawm a ti a, PA a nihna a theihnghilh phallo a. A hun awl neih chhun chhun chu a nupui fanau te bula hman a thlang zawka.
Han entawn tur em em a nei a ni bik chuanglo. A pa pawh an ‘sawrkar’ lai chuan contract te pawh a lo ei ve zeuh zeuh tawh a. Mahse ani hi chuan, “Ka pa pawhin a tive tho alawm” tih hi chhuanlam tlingah a ngailo aniang chu. Aman a tha zawk nia a rin dan in kawng harsa zawk chu a thlang tlat a.
Tuna kan Zoramah hi chuan ka thiana hi chu a hlawhtling thei kher lo pawh a ni thei. Mahse nakin zelah a fa ten an chhuan a, an zah dan tur chu ani ngaih pawimawh ber ani zawka. He kan thiana ang tam tak hi kan Mizo mipa ah pawh hian an la awm tih ka hria, mahse an lansarh tlatloh avangin mite fak leh chawimawi an dawng lo a. Heng “unsung heroes”, fak hlawhlo mi ropui te ho tan hian hei hi ka rawn ziak e. Keini ho tan chuan ‘Idol’ tak tak chu in ni e.
Similar Posts:
- Traffic jam hi!
- Aizawlah zu a zalen
- LAM ANG KA LO LET LEH TA E
- Lungrualna Tlangah Aw (Part-1)
- Mualhawih Par
March 8th, 2010 at 4:20 pm
Vawi 1 inhmuhna chu a ni lo a ni maw?
Report this comment
March 8th, 2010 at 4:20 pm
va entawn tlak ve le o. Ka ngaisang hle mai. Zir tur min hnutchhiah teuh mai.
Report this comment
March 8th, 2010 at 4:21 pm
Women’s day hman laia, hetiang ang MIPA chhuanawm an awm hi a ngaihsan awm hle ani.Thumps up!
Report this comment
March 8th, 2010 at 4:31 pm
A ngaihsanawm hle tak mai.
Tute emaw sawipui avanga hna hmu, thiam tak tak lova zirtirtu ni ta mai leh nu leh pate thawhchhuah saa inchhekarbawm ho khan helaiah chuan comment ve lo mai rawh u. In tan hetah hmun a awm lova, nakinah chuan hetah lo pawh a awm lo thuai ang.
Thawhchhuah nei lo khauphar thawven satliah ringawt ni lo Mizo MIPA hi Zoram khawvelah hian tam tak an la awm e, kan hmeichhiate lo zam suh u.
Report this comment
March 8th, 2010 at 4:34 pm
a ngaihsan awm hle mai a
Report this comment
March 8th, 2010 at 4:37 pm
ni e, khitiang mite khi kan IDOL dik tak te an ni.
thiamna in a phu vang ni lova, hmelhriat neih that vanga hna hmu ten ‘Pathian malsawmna’ an ti thlazen hi ka ei lo tawpsss, hetiang ti thinte hi chunglam khian engtin tak ngai ang maw…
Report this comment
March 8th, 2010 at 4:37 pm
Hmeichhia te min chawmawi niin hmeichhia nih ti nuam tu mipa te tan liau liaua ziah anih khi!!
Report this comment
March 8th, 2010 at 4:42 pm
Mizo Mipa dik tak a nih khi! Ngaihsanawm hle mai!
Report this comment
March 8th, 2010 at 4:45 pm
khitiang ang khian ka chanchin hi ka thian hmeichhia te hian an ziak har teh ang chu lolzzz… scratch that… an ziak lo ang lol
Report this comment
March 8th, 2010 at 5:04 pm
Kei chu ka ngaisang vak miah lo, mawl ka ti tlat
Naupangtea nupui leh fanau nei pawh nise, a chhungte bul atangin a nu le pa thlazarna hnuaiah theih tawp chhuahin hlawhtling ngei turin zir vat vat zawk se, class 12 pass hnua training theih tam tak a awm kum 5 rei ber lo ni ta se. Tun atang a kum nga leh tlem vel hnuah a chhungkua chu a eizawnna nghet leh tlo zawkin a chawm thei dawn a ni, chuan Mizopa pa tak leh tumruh, entawn tlak ah ka chhiar ang.
Chuti ni lova, tun atang a tla chawp a ei zawng chung chuan engtin nge a nupui/fanaute a en kawl chhoh ang tih hi ngaihtuah tham tak a ni.
Report this comment
March 8th, 2010 at 5:08 pm
Hetiang mi taima leh hnathawk nasa ho hi chu khawtlang leh Kohhranah an inhmang hmanlo anih pawn i hrethiam ang u. YMA hruaitu leh Kohhran Upa ngah ai chuan hetiang ang hnathawk mi hi Mizoram hian ngah ila kan ropui zawk fe ang. Hmeichhe pakhat ngaihsan em em ka nei ve a kan sawi ve teh ang. Hmeithai fanu ani a, a nu hovin Aizawlah an rawn pem lut a. Rethei takin bul an tan a. Rei vaklo ah taima ta na na na chuan sumdawnna te reuh te in an tan a. Zing dar 6 atangin zan dar 9/10 thleng(6 days a week) hna an thawk thin a. Kohhran leh khawtlangah an inhmang hman ngai lova, chumi avanga hrehawm a tihzia leh a inthlahrunzia hi vawi tamtak min hrilh ve tawh. Ka thiam ang tawk chuan ka hnem ve thin. Kei, hunawl ngah, Kohhran leh Khawtlanga inhmang thin ai hian he hmeichhia hi Mizoram tan a hlu in ka hre tlat anih chu.
Report this comment
March 8th, 2010 at 5:11 pm
A rilru chu a mizopa hle mai. Amah pawh a rinawm ang a, tin, an chhungkua an hlim ngawt bawk in ka ring. A fate pawh in a nazawng in an thil awh zawng an ngen ngawt lo tawp ang. A fakawm e…
Report this comment
March 8th, 2010 at 5:15 pm
shailendra, a dik ang. Keini fate zawng duh duh an ngen ngawt mai anih hi, buaithlak tak ani.
Report this comment
March 8th, 2010 at 6:50 pm
contract ei tih lai tak hi maw le ? NOI
Report this comment
March 8th, 2010 at 7:12 pm
Hetiang MIPA TAK TAK hi makpa a tan a ka duh leh pasalah pawh ka duh te anni,a bialnu rai tawh si a lehkha taima tak a zir leh rih chu thilthra pa 2 na a ni, pa 1 na chu, a thiltih palhah full responsibility la ngamin nupuiah a nei a,a phaktawkin a chawm, a fate pawh entawntlak tak makpa/mo a tan a thra tak2 a chherchhuak ngei angle..
Tiang taima leh tumruh mahni intranpuite hi Pathianin mal a sawm ngei ang a RETHEI REI LO ANG tih ka ring tlat..
Report this comment
March 8th, 2010 at 7:32 pm
Ka ngaisang dawn viaua mahse class 12 pass chauhin a thiltih hi, a bengvar ve hle anih dawn hi. Hetiang hi rethei taka laklawh na ani :roll:
Report this comment
March 8th, 2010 at 7:48 pm
“Ka thiannu” i ti si a, “a bialnu a rai” i ti leh lawi sia !
Mi taima leh mi dik hi chu an hnathawh san leh hniam vang ni miah lovin ka ngaisang em em vek mai.
Report this comment
March 8th, 2010 at 7:57 pm
#17, “Ka thiannu, school kan luhpui ve tho chuan a chanchin a sawi ta a.”
A thiannu sawi a quote chhawng leh a ni e, a thianpa nupui nei chu hmeichhia tih na lam a kawk in ka hre lo a!
Mahse “A pa pawh an ‘sawrkar’ lai chuan contract te pawh a lo ei ve zeuh zeuh tawh a.” tih lai tak hi min hrilhfiah thei in awm em?
Report this comment
March 8th, 2010 at 7:58 pm
Contract te pawh alo nei tihna ani thei em? A post tu hian a rawn sawifiah duh silo
Report this comment
March 8th, 2010 at 8:09 pm
#19, nia i pawm pui phawt mai ang, min la rawn hrilh tur ah ngai i la! A chhan chu @muantea khan sim sim tih hman vel kha a haw riau a! Sim sim hi paihte trawng bungrua pakhat a ni khan ka hria a ! Chuvang chuan “ei” han ruled out ringawt kha a dik bik lo thei a. Khawi laiah emaw a contact lo eina hmun a awm chuan in hrilh hriat ni ta zawk se tihna a ni zawk e.
Report this comment
March 8th, 2010 at 8:19 pm
lol @ 19 & 20. ka tihpalh ani e, duhthusamin ka sawi thiam lo
A pa chuan contract a hmu ve thin a, a eiru treuh! Mahse tunge a nih chu ka puan sak duh biklo. Contractor eiru inrinsiak mai r’u
Report this comment
March 8th, 2010 at 9:37 pm
Contractor te hian an eiru deuh fur. 50% te an hlep a, Pathian malsawmna an ti daih. Contractah hian anih dan tura thawh chuan 50% tihvel hlep ngaihna a awmlo an ti,
Report this comment
March 8th, 2010 at 11:25 pm
Nupui fanau chawm thei lova pasal fanau chawm zawk an tam tak viau hnu hian Mipa ropuina hi chhawm nun a ngai ta viau zawk mai. Hmeichhia-in sa an han sat awrh awrh ka hmuh chang hian engtin emawni ka awm tlat thin.
Report this comment
March 8th, 2010 at 11:41 pm
muante, i thusawi #23 ami ang te etc vang hian alawm, “hmeichhia te chona” kha ka rawn ziah ni. Mipa lam han cho dawn ila, kan chapo ve al hlawm zel si a, hmeichhia hi hmatheh an ngai tawh thin. Sad but true
Report this comment
March 8th, 2010 at 11:49 pm
HV a dik. Hmeichhe pawnfen phena biru tam tak hnuk chhuak zawnga tan lak hi a tul tawh reng a ni. Hmeichhiate hi i dah hnuaihnung ang u ka tihna ni lovin mipate hian tanlak thar leh kan ngai a ni. Hmeichhe hmasawnna hi chanchin tha tak a nih rual hian mipa hmasawn lohna hia buaipuiawm ta e.
Report this comment
March 9th, 2010 at 2:47 am
Duhthusam han sawi vel hi chu a nuam khawp mai. Nimahsela, its often far from reality.
Khitiang mi khi ka kut phah pakhat a chhiar tham zat lek ani ka hriat.
Report this comment
March 9th, 2010 at 7:04 am
Duhthusam sawi atang hian alawm reality alo lang a chuta tang chuan actuality ah kan luh thin ni.
Kutphah a chhiar tham lek kha tipung tu nih kan tum zel hi a tul reng a ni, an tlem lutuk.
A person without dream and a spirit of adventure is a loser from the start.
Report this comment