Keini ang dûang, Rinna lama chak lo ve tak, Pathian hmangaihna Thu aia Kerh Kerh sawi nuam ti; Thlarau nun Tlük leh ding-ãwn nei; a malsawmna dila, a Ram zau nana ke pen erawh tum chhin eih lo; Àwmbawr leh Mawngbawr tha deuh hmuh ruala Kross keuh mai tum uaih uaih thin; Rinnaa derdep ve takin Pathian hming meuh lama, Sakhua-na leh a kaihhnawih sawi fô mai hi Pathian pawisawi te hial a hlauhawm ka ti thin. Vei lah hi kan ngah ve phian reuh a!
Hei pui, Pathian pawisawi hlau tak leh mi tamtak ngaihdan kalh thei, Kohhran Thurin ngei pawh kalh thei- “Thihthu” tiin àt ka rawn so leh ta!
1. Mihring te thih hun/ dam chen tur hi Pathian-in a ruat lawk vek an ti maw? Han ngaihtuah chet chet hian kei chuan ka ring lo bur! Mihring pângai chuan damrei kan duh vek a, dam rei tuma phè phè kan ni. Hringfate angkhat veka min hmangaihtu- kan Pathian hian Fair lo taka dam rei tur leh thi hma tur a duan lawk ka ring thei lo. Vanduaina avanga thi thei reng chu kan ni nameuh mai. Mahse, kan thih hun/ dam chen tura Pathian ruat lam ni loin, kan thihna tamtak hi chu kan khawsak duh dan leh nun kan hman dan te hian nâsâ takin a hril tih hi thu dik a ni. Chutiang ni loa, kan thih hun hi ruat lawk a nih ngai chuan nun ulukin awmzia a neilo ang a, Doctor te thiamna leh Damdawi-in awmzia a nei hek lo ang. Thingtlang mite thihna tamtak hi Aizawla miten an thihpui ve kher lo. Dist. Capital tina kan Damdawi In neihte hi tun aia changkang zawk leh changtlung zawka thawm that nise la, Khawtinah Health Sub-Centre awmze leh rintlak dah vek thei bawk ila, thi ta tamtak te kha nungdamin an la awm ngei ang. Ram changkang apiangah mi an dam rei a, Japanese Life expectancy chu Kum 85(+) a nih laiin, Swaziland-ah erawh Kum 39(-) a ni… tih thu te atang pawh hian a chiang thawkhat hlein ka hria.
2. Thinna zawng zawng hi Pathian remruat kan ti zel dawn maw?: Hei pawh hi ka ring lo bur! Thenkhat thihna hi chu a remruatna a ni thei e, ka ringhlel lo. Mahse, heng; Vanram ngai lo tura ngaih- mahni intihlum (Suicide)-te; Chhungkaw hlim tak ni thin, Nu&Pate thih san avanga fahrah lo ni ta te; Chawmtu leh enkawltu mumal neih loh vanga nunkawng sual zawha KS leh Ngawlveia lo chhuak ta te; Chhungkaw chawmtu/ enkawltu/ eizawngtu ber a thih tak thut avanga chhungkaw tamtak khawtlang leh thenawm khawvengte chhawmdawl ngai hial khawpa lo rethei ta te; Manganna leh Harsatna chi hrang hrangin a tlakbuak zui tak te; An hmangaihte thihna avanga àt phah ta hial te; Heng zawng zawngte ka hmuh hian Pathian remruat ai mahin Setana remruat a anga ka ti. A tû remruatna pawh chu lo nise, a la dama ten Pathian kan hnaih phahnan leh Thlamuantu a nih zia kan hriatchian lehzualnan te; Vanduaina pawh Hlawknaa chhiar thei hial khawpa thlarau lam lawmna thar kan chhar theihnan tea kan hman hi Pathian duhdan zawk chu a ni.
Similar Posts:
- Pathian hian mi zawng zawng nun dan tur hi a hre lawk vek ang em?
- Pathian Remruat (I duhzawng vana an tih angin leia mi’n ti rawh se- Mt 6:10)
- Bible hi aw….
- Awmze nei lo TAWNGTAINA
- Suangtuahna vak vel
March 16th, 2010 at 12:35 am
Kei pawh thih hun tak hi chu rin thiam ber tur hi har ka ti thrin! Kan thih dan lah hi a inanglo hlawm in a rapthlak chho tual tual emaw tih mai tur lah ni.
Report this comment
March 16th, 2010 at 12:37 am
ka lo 1st ve teh mial a!
min lawmpui teh uu :lol:
Report this comment
March 16th, 2010 at 12:45 am
Ngaihtuah a ti thui khawp mai. Pathian hian chhia leh tha hriatna min pe a, dam rei leh rei loh thuah pawh keimahniah nasa takin kan chhia leh tha hriatna hian kawngro a su tih hi ka ring tlat. Kan taksa tana tha leh thalo kan tih chungchangahte, entirnan meizial ka heh em em a, hei hi nghei ta ila, ka hriselnain a that phah anga, ka dam rei phah ngei ang.
Tin, thih hun thuah pawh Pathian hian a hranin thih hun hi a ruat ka ring lem lo, inawkhlumte hi inawkhlum turin an thih hun a ruat em lovang chu, mahni kan pawimawh berin a lang.
Report this comment
March 16th, 2010 at 12:54 am
Tawite in
Pathian hian Probability in mihring nun hi a duang lo. Hlamzuih a thi te hi ka khawngaih theih luttuk. Mahse, an NU leh PA te hruai dik na hmanrua a ni daih thei.
Report this comment
March 16th, 2010 at 1:06 am
Pathianin kan thih hun a la tih loh avangin alawm damdawi in te.doctor te hi a siam..a hun a tih chuan eng anga thiamna pawhin a ti nung zo tawh thin lo anih hi le
Report this comment
March 16th, 2010 at 1:31 am
Pathian a om lo. Lo om poh nise pathian fair lo tak aniang
Report this comment
March 16th, 2010 at 1:43 am
Pathian a awm.A fair bawk.
Report this comment
March 16th, 2010 at 1:55 am
nietzsche a sawi zin deuh God is dead tih pawh kha inhnialna ala ti tam thei..tunah pawh inhnial na la ti tam tho ang
Report this comment
March 16th, 2010 at 2:03 am
In sawipa dem dem emai tum e maw tum lo emaw mihring zz kan la thi vek dawn.
Report this comment
March 16th, 2010 at 2:07 am
Inhnialna tur ka hrelo God is Dead tih velah…Fonz and 3d,in in en that loh chuan Tuarna namen ni mai
Report this comment
March 16th, 2010 at 2:12 am
equality kan tia , mihring in equality kan nei chhun chu kan la thi vek dawn tih hi ani …. @navigator God is dead ka ti ve kher lo nietzsche sawi ka rawn dah ve anih khi
Report this comment
March 16th, 2010 at 2:21 am
Pathian hi thu vek nise Setana hian tihtur a nei lovang. Thihna te pawh hi ruat lawk vek lo ni ta sela Xtian thra leh chhia tur thlengin Pathian tan chuan Sual atranga Felna lama let kha a tan lawmna tur a awm lovang. Chutiangin A Xtian mi leh sa Xross put awna vakbo leh ta ang te hi pawi a ti miah lovang.
Chuvangin RUAT LAWK tih hi rin har tak mai chu ani reng ani.Chutih rualin lei leh van te siamtu hian DUH-THLANNA min siam sak hian Pathian fair tak anih zia erawh a ti lang ka ti.
Report this comment
March 16th, 2010 at 2:24 am
Ksn nun leh kan thi engkim mai hi pathian remruat dan ang thlap ania. Engmah hian a remruat an thlak theih lo achhan chu PATHIAN ani. Hlamzui thihna te Thihna avanga thil pawi lo thleng retheihna,KS Ngawlvei dang dang te hi Pahian remruat mihringin kan siat thiam loh avanga kan ciat phah dan teh anni, a remruat hi kan duh ang vek ani ngai lo. Pathian hian free will min pe tih poh hriat ve a tha in ka hria chuan setan kan tih hian pathian remruat kantana thil tha te thilthaloah ra chhuah tir a tum reng thina voi tamtak a hlawhtling bok thin, chutak chu Free will awmzia anih.
Report this comment
March 16th, 2010 at 2:34 am
@mzvision “Pathian hi thu vek nise Setana hian tihtur a nei lovang.” Pathian hian a duh chuan Setana hi a tiboral thei lutuk ang. Engkimtitheia a ni tlat. Duhthlanna min siam sak avang tak hian Setana hi min thlemtu atan a la zuah mai mai ani zawk ang,ka ti ve tlat. Tin,thihna te pawh hi Pathian thu2 ani..a hun a tih chuan eng anga thiamna nasa pawh hian mihring nun a chhanhim thei ngailo.
Report this comment
March 16th, 2010 at 2:38 am
Lasi, Ramhuai, anotherbeingho hian THIH hi an chak ve thrin ngawt chuan ka ring….
Tar-kun Ngalfima dam turin kan in duhsaka, kei ka ngaih ve dan chuan “Tar chak lo nih hun hi ka huphurh em em a, han thi pawh ni i la, a hun ve tawh reng a ni…an ti luai2 anga! Thratlai deuh, mi ui lai te hian THIH theih se…
Mi hi damrei ta viau i la, Kan Pi& Pu Nilum ai tur a pho chhuah ngai 4/5 hi chhungti’n hian nei ta fur mai i la….
Kan taksa hi spare parts-te “Stem Cell” hmangte paw’n siam thiam mahse chatuan daih engmah a awm si lo a…” A reina chu thawhrimnate, lungngaihnate…a ni lawm ni kha!”
Hei, Liverpool 3-0 Portsmouth 1st half…….
Report this comment
March 16th, 2010 at 2:51 am
Kan thih hun hi Pathian ruat liau liau a ni e. Pathian remruat daltu erawh a nih theih. Mahni nunna hi kan duh chuan kan la thei, kan thih hun hma in. Chu chu Pathian huat zawng tak a ni. Mahni inthat chuan a thlarau pawh a that tel nghal a ni.
Kan dam chen tur pawh a ruat vek. Kan damchhung hun kan hman uluk viau chuan kan dam chhungin kan hrisel tha ang.
Eg: Chhingfuala chu tlangval hrisel tha tak a ni a, Pathianin mal a sawm a, kum 75 chhung a dam dawn. A nun a hmang tha lo hle a, zu a heh lutuk. Simna a hawikirna hun tha tam tak a bawhpelh. Vawi khat a zurui kawngthlangah a lum thla a, a spinal cord a sawh chhia. Damchhungin amahin a mutna khum a thawhsan thei tawh lo.
Chhingfuala hian a duh phawt chuan “Dam ka ning tawh e” tiin Pathian remruatna kalhin, ama nuna a titawp thei tho. Tin, Chhingfuala nunna hi Kan tihtawp sak thut thei bawk. Hei pawh hi Pathian remruatna daltu, Pathian duhloh zawng tak ani, Tualthat kan ni dawn si a.
Pathian hi a awm a, Pathian siam kan ni. Engkim hi Amah atanga chhuak a ni a, nakinah Ama hnenah kan la kal vek dawn. A then an kal hmasa ang a, a then an kal har ang. Ama hnena kan kal dan tur pawh a inang lo nuai ang. Tun thlenga nung dama min la zuah tu leh min chhandam tura a Fapa rawn tir tu Lalpa Pathian chu fakin awm rawh se.
Report this comment
March 16th, 2010 at 2:53 am
Pathian hian a fate hi chu min hmangaih em avang hian a nuamna/kan duh dan ringot hi chuan min awmtir phal loh a nih hi.Ama anga thianghlim leh fel turin min duh si avang hian.Vanram chauh ni lovin Pathianram thlenga chan neih ve turin min duh sia. Hmanni loka a Kashmira Doctorin a thi tia a declare vui dawn tepa a kuang chhung atanga lo tho leh te pawkha mihring tan chuan thilmak tak ani, mahse pathian in awmzia neia thu asawina ani reng awm sia.
Report this comment
March 16th, 2010 at 3:00 am
Kan nun kan hman danah Pathian hian zalenna min pe a ni tih hre reng i la, chu kan zalenna chu a diklo zawnga kan hman chuan sualah kan tlu lut a lo ni dawn a. Nun kawng thalo zawh tu chuan a taksa ngei pawh zawi zawiin a tichhia ang.
Thihna chung changah chuan Pathian a thu ber. Engkim chunga thu neitu a ni si a.
Report this comment
March 16th, 2010 at 3:04 am
caribou: Nau zuntir pah in i rawn trawng leh zawk thrin a ni maw! har de har!
Report this comment
March 16th, 2010 at 3:08 am
Misualho hi kan va mu har thin ve le… kan sual tak zet ani anga… a fair loh tlat mai…
Report this comment
March 16th, 2010 at 3:13 am
Zanin chu zantir te ah ka mu a, ka tho laklawh anih hi. Ka mu leh tep tawh e.
Ha ha… Nau zuntir tur lah ila nei ve si lo. Maithoks phot le.
Report this comment
March 16th, 2010 at 4:07 am
Kawlhawk hi Greece ah piang la chuan, Philosopher ropui tak ah i chhuak dawn nih hi :lol: I philosophy hi a ril thei ngaih ngaih e mai..!
Report this comment
March 16th, 2010 at 9:26 am
@kawlhawk, thupui i rawn thet ril leh hle mai a!!
1. Thih hun ruat lawk chungchang hi hriat thiam chu a har khawp mai. Mahse, Sam 139:16 ah chuan kan damchhung hun tur chu chhinchhih sa vek niin a sawi a (Mizo Bible-ah erawh an lehlin dan a chiang lo). Chutih lai vek chuan Bible hmun tam takah Pathian tih leh a thuawih, (nu leh pa thuawih pawh) dam reina a nihzia min hrilh bawk. Chumiin a entir chian em em chu kan dam leh thih thuah hian Pathianin thu a nei tih hi. Amaerawhchu, engvanginnge mi tha dam rei lo tak tak leh misual dam rei tak tak an awm si? tih erawh chu Pathianin nakinah min la hrilhfiah ang chu. Pathian ngaihtuahna leh keini mihring ngaihtuahna te hi chu a in ang lo nasa tih Isaia lehkhabuah a lan kha!
2. Thihna zawng zawng hi Pathian remruat ni lul lo ve!! Sual hnathawh avanga a hun lova thi zozai hi Pathian remruat a ni awzawng lo! Tin, kan hmelma Setana hian a bawihte chu an nunna hial tihtawp theihna hi a nei ve tlat niin a lang! Thenkhat phei chuan thlarau sual ho zingah hian thihna thlarau (spirit of death) hi awmin an sawi bawk. Keipawh thihna zawng zawng hi Pathian remruatah ka pawm lo bur!
Report this comment
March 16th, 2010 at 9:38 am
Thih hi mitinin a kan hmachhawn tur a ni si a le. Thihhnua rawn tho leh, mahni experience fel fai taka han sawi chhawng tu hi ka la tawng lo a. Tawng tawh in awm e maw! Hetiang avang hian a lo thlen hun a tawn tawp mai a nih ber awm hi maw.
Report this comment
March 16th, 2010 at 9:47 am
Kan hmaah malsawmna leh anchhia,nunna leh thihna a dah a,chutiang chuan he khawvelah hian mizawng zawng tan a haichhuak peih a piang tan malsawmna a dah a ni…vaiho pawh an hausak em hi :!:
Mahse thihhnu lam hi a pawimawh ber zawk e :!:
Report this comment
March 16th, 2010 at 11:49 am
We are the maker of our own destiny
Report this comment
March 16th, 2010 at 12:08 pm
Thihna chungchangah hian ngaihdan nghet tak ka nei ve a, Thihna temlo tura siam kan nih lai khan Pathian nen Eden huanah khan Vanram kan chen reng tur kha a ni a. Sula avangin chu nunna nghet chu lakbo alo ni ta. Mihring chu a thi ngei tur ani tih chu Pathian ruat a ni a, vaivut chu vaivutah a kir leh ang.
Nimahsela, kan thih dan tur ah hian Pathian remruat chu niin ka ringlo, sual/Setana hnathawh, a thiltihtheihna chu kan chungah alo lang a, chu chu Pathian remtihnain.
Report this comment
March 16th, 2010 at 3:20 pm
I topic hian Presbyterian thurin a kalh deuh em aw!
Report this comment