Hman deuh khan LIVE-IN chungchang hi kan khel hrep tawh khan ka hria a mahse, ka rilru a la kap riau avangin ka han thar thawh leh dawn a nih hi!
Engpawh chu lo ni ta se, India ramah hian students, workers ho thahnem tak chu an ngaihzawng te nen inkhat a khawsa ho in, nupa ang deuh maiin an awm tih kan hre fur awm e. Hei pawh hi chhuanlam dang kan siam ang tho in, “ram changkang zawkah pawh an ti tho alawm,” etc tih ang zawng a sawi a awm thin. A nih chuan ram dang, Americans ang te hian live-in ang hi lo ti thin an nih pawn “eng vang nge” tih ka hriat dan tlem ka sawi ang.
America ah hian nupui pasal inneih hi Ram dang ai hian a awlsam zual emaw tih tur hi a ni a, inneih tir thei hi an tam em em mai a, sumdawnna/eizawna atan a hmang pawh an tam hle mai. Inneih a awlsam ang hian inthen erawh chu harsa tak a ni thung lawi si a. State tin hian dan hrang an nei theuh nangin, inthen tur te hian a tlangpuiin kum khat an nghah angai thin.
Inthen hian a tlangpuiin hmeichhia te hian Ro an hui hnem in, In (house) te hi an chang tlangpui a, an hlawk phah thin hle a ni. Hetiang vang te hian mipa rosum neih sak duh vang te hian hmeichhe pasal hausa zawng an awm tam hle ang tih chu ngaihruat thiam a harsa lo ang chu. Hmeichhia in a Ro a chang tha thin han tih ngawt hian, an awm hran hnu, an la inthen hma si khan,a tu a zawk zawk pawh khan midang lo kawp ta sela, hriat chhuah a nih si chuan, a Ro khawm tur kha a chan phah thei thin thung.
A hmei a pa hian life insurance leh thil dang dang, kawppui te an thih palh a khawm vek theihna chance te hi inneih chuan a tam em em mai bawk. Bank account te hi lo intawm ta se, an kawppui khan rilru dang aput thut chuan a hming a awm ve avangin, ama thawh chhuah lo pawh nise, lo la chhuak vekin a tlanbo pui daih thei bawk.
Hetiang leh thil dang tam tak awm thei a awm avang te hian, innei tak tak si lo hian mi tam tak te chuan an ngaihzawng te nen thu awmze nei takin an inrem siam thin. Chumi hnu chuan LIVE-IN kan tih ang hian, ziak a nupa nihna lehkha a awmlo tih mai loh chu innei pangai nen danglamna awm vak miah loin, fa nei hial khawp te pawn an awm dun ta thin; tar kun thleng pawn awmdun an awm tho niin kei chuan ka hmu.
Chuvangin, ram danga an tih thin dan emaw, an nun dan kan copy ve dawn a nih chuan, mihur leh lepchiah kan nih loh nan an nun te hi uluk takin i zir chiang hmasa thin ang u, ka han ti a ni e.
Similar Posts:
- Mipa chu MIPA! Hmeichhia chu THIL.. :)
- Mizo in Sawnpai kan tih hi…
- Nupa inthen hi
- Kan hla sak te hi
- A buaithlak viau thei
March 19th, 2010 at 5:28 pm
Tlem kan lem sak teh ang LIVE IN (laif in)
Report this comment
March 19th, 2010 at 5:28 pm
Live-in /Living Together hi chu Mizo society tan chuan thil tha a lanih rih lovin ka hria. Tin, Live-in kan awm a nih pawn Mizo society-ah kan la tel duh chuan mi sawichhiat leh rel te pawh hi pawisa lo ngam se, a chhan chu kan culture a ni lo tlat a ni.
Ka awmna ramah hi chuan innei kher lo pawn boyfried/girlfriend/partner te hi sawrkar-ah form eng eng emaw fill up hian an hming ziah tel a ni thin a, innei nen a dang em em lo. Chuan kum-2 an awmtlan tawh chuan an inthen dawn a nih chuan sawrkar danah an thil neih,rosum zawng zawng an in zahsem hmak. Mipa thawhchhuah choh pawh nise, hmeichhia hian a zahve an chang tur a ni. Hmeichhe thawh chhuah choh pawn nise, mipain a zahve an chang tur a ni.
Report this comment
March 19th, 2010 at 5:48 pm
Nuam deuh tur a sin.
Report this comment
March 19th, 2010 at 6:19 pm
Ni e, a tisual tawh ten an tawnhriat an rawn Post hi la tawng ve lo ho hian fimkhur nan i hmang ang u!
HV nge nge.. Misual te i duhsakna a hlu e! 
Report this comment
March 19th, 2010 at 7:07 pm
@chepa sawi ang khian Live-in hi nuam tak pawh nise society-a kan la tel duh chhung chuan a pawmawm loh khawp a ni. Tam tak chuan inlakn changkan nan an ti deuh emaw ni hial ni.
Inneihna hi a zahawma thianghlim tak leh urhsun taka tih chi a ni. Nun hi fiamthu thawhna chi a ni lova, finkhur taka hman tur a ni zawk. Live-in hote hian an fate hi anmahni ang chiah hian rawn awm ve dawn ta se an phal chiah angem?
Report this comment
March 19th, 2010 at 7:26 pm
“Tam tak chuan inlakn changkan nan an ti deuh emaw ni hial ni.”
Awihawm loh lutuk.
Report this comment
March 19th, 2010 at 7:36 pm
Ben, Nangmah in em ni i LIVE-IN?
NOI hairehai
Report this comment
March 19th, 2010 at 7:40 pm
Live-in thenkhat ka kawm tawhte chet hmang atangin a pawina lah that loh lam an thlu lo tawp tih ka hmu a, thenkhat phei chuan an uanpui zawk em ni hial aw..tih theih turin an tawng avangin..’..inlak changkan nan an ti deuh emaw ni hial ni’ tiin thu ka la khuh zawk a ni e.
Report this comment
March 19th, 2010 at 7:49 pm
Mizo te thil tih reng reng hi chu inlak “changkan nan” a ti ah kan puh zel mai dawn anih hi
luh khung, makpa chhungkhung te hi inlak changkan loh vanga tih an niang
Report this comment
March 19th, 2010 at 8:29 pm
Live-In hi chu inneih loh chuan hmeichhe tan a pawi duh fuin ka hria.
Hmeichhia chu a pasal neih dawnin a tunhma hun an chhui sak bik a,
Report this comment
March 19th, 2010 at 8:33 pm
Mizo society leh tradition hrim hrimin LIVE-TOGETHER a keng tel ve lo. LIVE-IN hi a dang hret! Nupa ni tawh sa pawh mi hnuaiah hna an thawk a, luah tur in an lo ruahmansakah an va cheng dun a. A thiangin a thianghlim tho, chu chu LIVE-IN a ni.
LIVE TOGETHER-a Mizo hmeichhia, hnam dam mi nena hetianga awm chin tawh hi chu fuih fuih chi an ni hauh lo, an kawlh ru khawp! Hnam dang dan leh hrai hi an chhuangin an chelek ha ha zel mai! Ka experience-ah chutiang hmeichhia chu ka tawng tlat, mi liak hrep mai maw le!
Mizo culture sawipui an theih tawh loh! Thlengtlawrzuana khawsa hreh lo, mahni tlaktlum nana mi dang rel phar thiam an ni tlangpui bawk.
Report this comment
March 19th, 2010 at 8:59 pm
“Nupa ang chiaha khawsa dun” han tih hian a chiang lehzual deuhvin ka hria. Language hian kan perception hi a lo influence nasa khawp mai a. Live-in han tih hi chuan a la ziaawm viau a, a mizotawng ngei maia han dah erawh hi chuan pawmzam mai chu a har deuh a ni. Mizo chenna khawpui hrang hrangah hian sawi tur hi an awm nawk mai a. An nu leh pate hriatpui lohva ti an ni tlangpui hlawm bawk a. An nu leh pate’n an han hriat lah hian an fate thusawi an awih zawk tlangpui bawk a. A buaithlak ve ang reng khawp mai. Kan society tan hi chuan thiltha zawng a ni hrih mawlh lo mai. Thil tha nih hun a awm angem aw tih hi zawhna lian tak a ni. A pawng ataka thutlukna siam mai hleihtheih pawh a ni hauh lo leh nghal a..
Report this comment
March 19th, 2010 at 9:08 pm
chawnghilh, #61 hi a nih duh hmel teh hrep mang e hairehai :lol:
Report this comment
March 19th, 2010 at 10:39 pm
Pune leh Delhi vela Live-In Mizo ka hriat ve thin te kha chu Auzawlah an hmelhriat loh in pelh ngawk thei tlat! Kum khat chuang khum khata mu ngei an la ni zui.
Mizo society hian Live-In hi chu kan la zo ve hlawl lo a ni. Mi tamtakin phaia awm Mizo hmeichhia nupui atan an IAI tawh pawh hi a dem nahawm love. Nuthlawi neih nen enge a danglam chuanna le? Chu a-chhap-ah hmaisen eih lovin Dan khatnain nupui/pasal kan la nei ngam zui lehghal!
Kawng leh lamah chuan Kan Synod inneihtir dan hi chu siamthat/ennawn a hun ve tawh ngawt mai. Biak In hawng leh hawi lo vel hian tu min ti-tim hran tawh si lova.
Report this comment
March 19th, 2010 at 11:00 pm
Local TV Operator ten MTKP Inkhawmpui Live-in an pe chhuak
Report this comment
March 19th, 2010 at 11:22 pm
Nun thlah zalenna leh lepchiahna nuam pawl tak chu a ni ve ngei ang, Ganja zuk ruk ngawt ai chuan a thlakhlehawm deuh. Mahse kan Mizo NUN nen a inmil hlawllo a ni ber e! Hetiang Live-In ho hi kan veng tereuhte ah pawh hian Phai lam a zu hmang ka hre nual tlats! Zialo thei ngei! ka hmu hniam sawt tih te lah hi an hre der silo a. Helam a fel awm tak, khu lam a loose tak hi an tam ta mai! a chhan lam ah rilru i sawr bing teh ang u.
Report this comment
March 20th, 2010 at 1:38 pm
Misual dotcommer zingah hiam LIVE-IN kan bang bik ka ring lo! Vairam khawpui Mizo awmnaah hi chuan LIVE-IN an awm vek, Mizo LIVE-IN hi chu hur/inthlahlel vang a ni ber, chhungte hlauh tur awm lo nana chu bialpa an leng rei deuh a an riak nghal a, chaw an ei nghal a, zan leh an nghak leh law law mai… LIVE-IN tih hmingchhal an tam lo, mahse LIVE-IN nena danglam chuang lo an tam ang, heng LIVE-IN ho hi private a thawk an awm nual, Mizo leh Mizo mai nilo, Mizo-Vai, Mizo-Naga/Nepalai/Meite etc leh Mizo-midum in kawp pawh an tam, in kawp tih hian inngaizawng pangngai nilovin an in riah chilh, mahse LIVE-IN inti lo an awm nual. Vai ramah Mizo LIVE-IN ho hi a tam zawk chhungte hriatpui lo a ni.
Mizote tan hi LIVE-IN ringawt na tur chhan kan nei vak lo, inneih kan duh leh awlsam takin kan inru thei a, dowry vel kan nei bawk si lo, chhungte duhsak loh pawh vawi thum vel an in ruk chuan kan pawm mai, chuvang chuan inneih mai hi a tha zawk. LIVE-IN sawi mawi duh vang inneih hmaa in hriatchian a ngai kan tih hi ka support lo full thraks! Chengtlang reng si, in hau reng bawk si, in then thei si lo, innei bawk si lo, an tam lutuk, inneih hma a in test chhin vel a ngai lo reng reng….. Vai rama Mizo hmeichhiate hming chhiat em em na chhan pakhat chu an bialpa te nen a innei silo nupa ang a khawsak tlang vang niin ka hria….. kan Mizo nula fel tak tak te thlengin an hmingchhiat phah, a chhan in ang vek tura ngai an tam vang.
LIVE-IN TOGETHER HI KA SUPPORT LO FULL….
Report this comment