Mizoram kalphung hi mak ka ti thin!

March 20th, 2010 2:46 am by hlatekhua

Mizoram sorkar leh mipuite khawsazia a mak ka tih thin em em mai ka’n sawi ve teh mai mai ang. Kan thil vei zawng leh ngaihmawh zawng kan thlak zung zung leh kan chhui zui tha peih mawlh lo hi mak ka ti tawlh tawlh mai. Entir nan, MNF sorkar lai khan mobile medical unit (van) an leiho kha a motor hlui cheithat a ni tiin khatih laia opposition lama awm te khan an tlangaupui nasa hle a.

A thlalak, video leh still, TV-a an tihchhuah chuai chuai te kha kei pawhin ka hmu ve a, ka hmuh ve chin kha chu a hlui ni ngeiin ka hria. Motor thar hlak hi ka nei ve nual tawh a, khatiang kha a ni ngai miah lo! Kha thil kha tha lo ka tih ve em avangin a dik lohzia auchhuahpuitute kha ka tan rilru ve hle thin.

Mahse tunah khatih laia motor hlui tia iak iak te kha an han sorkar ta a, thil dik lo titute chhuichhuaha hrem daih tawh hunah hian eng action mah an la la ta lo. Mipui lam lah hian kan sawi leh peih tawh mang hek lo.

Hei aia mak ka la tih zawk chu…hman lawk khan kan Health & Family Welfare Minister hian a Department-a Director  (leh mi dang, Minister hlui etc) ten Aizawl Civil Hospital Ayush building sakna tur pawisa thenkhat Contractor hnen atangin an eiruksak ti khan vantlang hmaah media kaltlangin a puang hluai mai a. Thil kalphung pangngaiah chuan khatianga Minister meuhvin a sawi tawh kha chuan khami ni la la khan kha Health Director kha suspend nghal hmak awm tak hi a ni a. Mahse tunah pawh chu pa chuan a hna ngai chu a la thawk mawlh mawlh reng tho!

Minister kha a thar a nia, sorkar kalhmang a hre tawk lo a niang han ti dawn ila, chu Department changtu Secretary chu Chief Secretary a ni a, dan hre lo rual a ni bawk si lo. Pawisa dawngtu nia an puh Director lah chuan a pha lem lo ni maw…. “chutiangin dik lovin pawisa ka dawng lo” tia  court-a defamation case file nghal hmiah awm tak (Minister-in a puhna kha a dik lo a nih chuan), chutiang thawm lah awm chuang hek suh. Mipui lam lahin engmah kan ngaihven zui leh tawh mang lo niin a lang.

Hetiang mai maia kan kal chhung chuan kan hmangaih Mizoram hi ram ropuiah kan siam mawlh lo ang maw le!

Similar Posts:

Recent Posts:

24 Responses to “Mizoram kalphung hi mak ka ti thin!”

  1. 1
    winning Says:

    A dik chiah.

    Report this comment

  2. 2
    neiliana Says:

    NGO pawh ni lo NGO lo pawh ni lovin Sawiselpawl/Thudikduhpawl ding ila a tha ngot ang. Ka lo vei toh thin ania i ron posta a lawm awm khop mai..

    Report this comment

  3. 3
    H.Vangchhia Says:

    Eiru an tam lutuk a, han inti chhe thei vak an awm hrihlo te pawh aniang e.

    Eiru lo, sipai rilru nei! kan mamawh an awm hrih hlawl silo. :(

    Report this comment

  4. 4
    awmawmpuia Says:

    MMU motor lei chungchang leh OPD building chhawng khat bo chungchangah hi chuan Congress ho hian dawtin an lo puh mai maiah ka ngai.

    Report this comment

  5. 5
    ninja Says:

    Kihhnawk thenfai / Kihhnawk hailan….thil thu hmun a ni ang em?

    Report this comment

  6. 6
    Zephenath Says:

    Congress-in an sawichhuah leh taklohna chhan chu chutiang ang thil chu tihve an tum te pawh a ni mahna…tunah chuan mahni mawng hlimna chance a ni leh tlat tawh a, ngawih chuh kha Fing nihna a ni leh tawh…Congress tan!

    Report this comment

  7. 7
    chawnghilh Says:

    Chuti ve maw? A ni khawp asin!

    Report this comment

  8. 8
    mzvision Says:

    Kal phung kan nei lo ka lo ti ve hmaks thrin, phuahchawp vekin kan kal, kalphung mumal fel fai rin tlak langtlang system hi chu kan la hlat fu ani mai lo maw :?:

    ZG te khawvar nghah lah hi a var har ve sia, system mumal a seilian lo tlchawp rorel deuh hi kan kal dan chu ani rih mai lo maw

    Report this comment

  9. 9
    H.Vangchhia Says:

    Thu rel awm ve thin mahse, a tla chawp in an kal mai thin ni hian keipawn ka hre thin. “… a tul dan a zirin program te hi tih danglam theih an ni ang,” ti a an au thin ang deuh kha an nih thin hmel!!!

    Report this comment

  10. 10
    khamrang Says:

    Kan va han lem hlawm tak, biakin kan inkhawm te hi Divine Comedy ani ringawt, vanramah kan hmui chauh hi a kai ang tih a hlauhawm khawp mai.

    Kalphung eng angin tha mahse, he khawvel ropuina lem, duhamna,itsikna,in sawichhiatna,hlim hlawp huau huau kan bansan loh chuan kan la chawh khawp ang. Chung lamah khian diklo taka kan sum lak luh te hi kan chhawm chho dawn silova.

    Report this comment

  11. 11
    H.Vangchhia Says:

    Hlemhletna thil atanga fihlim, Mizoram that na tur a nih phawt chuan term danga tlin loh pawh pawi ti lo a, thil fel lo chin fel duhna tak tak nei mihring kan mamawh.

    Report this comment

  12. 12
    XaiA Says:

    Thil awm mekte hi lo awm tawh sa kha a ni a:thil lo awm tur te chu lo awm tawh sa bawk kha a ni. Thuhriltu 3:15

    Report this comment

  13. 13
    H.Vangchhia Says:

    Xaia, an ziak sual ani lo maw :D NOI Kha Zoram_Genesis pawn Zoram thar apiang dawna tih kha . A ni lah hi a reh hmek mai a, a yahoo msg lah a lut ngai ta silo, a dam ang chu maw, angaihawm vung2 khawp mai.

    Report this comment

  14. 14
    hiho Says:

    House a kan minister in ‘kan chhawr toh lo ang’ a tih poh a hnu lok a CID ah Tra la la..

    Report this comment

  15. 15
    swiftymcvay Says:

    “motor thar hlak hi ka nei ve nual toh a”……hlatekhua chu van hausa em2 ve oooo

    Report this comment

  16. 16
    keimah Says:

    Mizote hi thil thar bawh huam huam mi kan nih avangin khang Motor Hlui thute pawh kha a hlui leh tawh a, tuman an uksak leh tawh lo a niang! :)

    Eirua puhtu leh a puhate pawh angkhat vek an nih avangin han thinur thei bik awm hek lo! Infiamna ang lekah an ngai a, Meida lama an inpuh kual vel hnuah a rukin zanriah an kil ho leh dar dar mai thin a lawm! :) Ka mimawl rinthu mai mai a nia!!

    Report this comment

  17. 17
    Stallion Says:

    Politics ni miau hek.

    Report this comment

  18. 18
    Bawngkuaivuna Says:

    A dik khawp mai. Health Minister berin chutianga a tih te chuan,a chilper pawhin lei a thlen hma ngei khan a Director chu a suspend anga a chhuitir nghal tur ani. A suspend lova a chhuitir leh ngam silo anih chuan amah leh amah kha nuihzatburah a insiam tihna ani ang. Chutiang zelin Congress Ministry hian an thial zawhloh an sehthla anih chuan an Ministry ngei pawh hian ala tuar ngei ang. Ministry hmasa kha tawngtam lutuk avanga buaina leh a tawpa tlakna ani tih hrereng tehse. Work more talk less antih kha….

    Report this comment

  19. 19
    Diktea_Pa Says:

    “A zung nen lam pho ro” tum hi, pawh phawi hma in chawm duah hluah phawt a ngai a niang :)

    Report this comment

  20. 20
    Sony Says:

    In khual telem an ang, ti mai ang.

    Report this comment

  21. 21
    pibuhdeng Says:

    @Pu Admin, ka comment sual tlat mai. huhu. he ka comment hi min lo delete sak teh u.. leh lampanga k comment na a nia ka lo comment sual tlat mai!! va zia lo tak

    Report this comment

  22. 22
    VaiVa Says:

    @pibuhdeng: I comment hi kan delete dawn lo. I comment sual a nih chuan a hnuaiah khan edit tih i hmu ang. Kha kha click keuh la, edit leh mai ta che :P

    Report this comment

  23. 23
    dr_feelgood Says:

    ‘Kan in ang, rin tlak loh’

    Report this comment

  24. 24
    Kork Says:

    In rawn post chu a tha hle mai!!! sawisel tur tumah kan awm lo a ni ber a niang e..

    Report this comment

Leave a Reply

You must be logged in to post a comment.