Han ti ve ngial ila,High School kan kal lai chuan Mizo tawng hi kan zirlai na na na chu thiam ve tawk hian ka inhre thin.High School chhuahsanna thangkhat lian zet zawt alo nih ve tawh hnu leh,kan thiamna a lo beitham ani tih hmuh belh zel hnu chuan,ka “confi” ta lutuk lo.Chuvang chuan misual ho ngaihdan ka’n ngaichang teh ang.
All India Radio,Lunglei Station atanga an thu puan,hla thlan puan leh fakna (condom fakna ka ti mai) hi in lo ngaithla chiang ve ngai em le? “Chumi khami chu kum chumi khami-ah chuan a lo boral “tawh” a,a “lei taksa” chu vuiliam a lo ni “tawh” a…etc an tih thin hi ka ngaimawh tlat anih chu mawle! A gramatical tak chuan ka hria in a diklove ka ti ngam lo nang a,mizotawng “usage” pangngai ni hian ka hre tlat lo.
A hun leh kum an sawi kha hun kal tawh anih chuan “tawh” tih belh leh kher hi thu chuangtlai,tin, “lei taksa” tih kher pawh hi chutiang bawk a chuangtlai chu niin ka hria.Kan lei taksa lo vuiliam tur a awm chuang ami? Tin,mitthi chu an vui mai a,a lei taksa an vui liam tih kher a ngai mi aw?Mizotawng sawisakna chikhat a ni mai lo maw?An announcer pakhat hnena ka sawi lahin “broadcasting language” anih kha,i hre ve pha lovang,min tihsak daih sia,broadcasting language mizo tawngah kan lo nei tawh emni tih te ka ngaihtuah,ka bo khawp mai.
Tin,condom fakna ka tih mai,AIDS venna awareness atana an tih ni ngei tur,hla thluk mumal lo deuh an rawn chhuah zuap zuap thin hi in lo ngaithlachiang ngai em?Hetiang kher lo hian “awareness slogan” hi a tih theih loh emawni le? Mizo hla kalphung tihdalna ni tlatin ka hria,zing tin zan tin an lo play bawk sia,mizo hla kalphung pangngai ngainatu tan chuan luak a ti chhuak ziap zuap tlat,a pu Rammawia of Mizo Idol tawngkam takin “A phuahchawp” lutuk a.Misual ho ngaihtuahna chaw atan a tlak loh pawhin,a chawhmeh atan tal kan thai lang ve a ni e.
Similar Posts:
- Kristian nge Khristian?
- Mizo Tawng
- Hre reng thin ang u!
- I sam kha an lei duh e
- Waterproof case for camera
April 5th, 2010 at 2:13 am
1. “mitthi chu an vui mai a,a lei taksa an vui liam tih kher a ngai mi aw?”
Mizo tawngkam mawi a ni ve mai dawn lawm ni?
2. “condom fakna ka tih mai,AIDS venna awareness atana an tih ni ngei tur,hla thluk mumal lo deuh an rawn chhuah zuap zuap thin hi in lo ngaithlachiang ngai em?Hetiang kher lo hian “awareness slogan” hi a tih theih loh emawni le?”
Khimi lam buaipui tu te thu thu ani ang chu.
3. “mizo hla kalphung pangngai ngainatu tan chuan luak a ti chhuak ziap zuap tlat,”
Mizo hla kalphung pangai a kal dawn chuan, a zuai ngawt ta ve’ng le. Beat 3 dan zel a khuang vua a zai deuh dup dup angaih duh hmel…tunlai a Mizo hla sak dan hi western lam hla kaldan copy a nih ka ring.
Report this comment
April 5th, 2010 at 2:16 am
Eng hla nge anlo sak zuap zuap thin a,kava ngaithla ve chak ve aw, washing p0wder nirma hla pawh a tluk nange chu..Hahaha
Report this comment
April 5th, 2010 at 2:48 am
Chu ava makkkk awmve,ngaithlave ta ila ziap zuap chu style kantileh daih maithei…he he,leitaksa anvui liam a?nie,adik alawm mizotawng ti hausa tu pakhat anive asin.
Report this comment
April 5th, 2010 at 2:51 am
Lunglei radio thu puangtu Rohlupuii kha a aw a mawi ka ti bawn tawp
Report this comment
April 5th, 2010 at 3:19 am
HV-a lah hi mipa aw nalh ti ngai hlek lo hian hmeichhe aw zawng zawng mawi i thei zel a:)
Lunglei AIR hi chu an tawngkam hman a dang zar zel.
Sports lam chanchinthar puang thin pakhat pawhin EPL football inkhfl chungchang a puanna ah “…. chutia minute 15 zet an chawlh hnu leh glucose te an duhtawka an bar hnu chuan inkhel an tan leh ta a” a ti deuh kher. Glucose an bar ka ring lo na a, a ti ngaihnawm tlat.
Report this comment
April 5th, 2010 at 3:23 am
@Turu^lo, i thilchhawp hi hmeh dan hriat a har hle mai! Lunglei Radio ngaithla phak lo kan tam a, lo record keuh la, rawn share ta che… chuan kan lo hmehpuiang che!
Report this comment
April 5th, 2010 at 3:32 am
Ka lunglei awm ve lai khan Lunglei AIR kha an Mizo hla hlui kha ka record ve thrin a…Elis Saidenga, Zosangliana Chhakchhuak, etc. kha tapein ka record a, Mp3in ka convert leh thrin a…….
Mahse, a hnawn vangnge pawh ka hrelo, ka HDD pakhat leh Laptop 1 chu ka tichhe thrak mai… ka ui fu..Tape Cassette tam tak nen…….
Hla thlangtu lar zualte kha Thangchhinga, Lungchem, Elvis Kapmawia, Pangzawl, etc..ho kha anni thrin a!
Report this comment
April 5th, 2010 at 3:32 am
caribou, glucose hi tinge i zan mu, i thanharh hian i bar hawng hawng zel a ;)hairehai
Report this comment
April 5th, 2010 at 3:47 am
‘Thruama trantlang ah an trawnbet’ ami kha..Hahiha
Report this comment
April 5th, 2010 at 3:57 am
Tawitaw kungah theite a rah ngai lo zawk alawm
Report this comment
April 5th, 2010 at 4:06 am
Vamengrei hlawm vemawle…
Report this comment
April 5th, 2010 at 4:34 am
Theite kungah pawh Tawitaw a rah bik hauh lo ang
ti ve ngawt ila 
Report this comment
April 5th, 2010 at 4:43 am
Comment zawi deuh teh u…
Report this comment
April 5th, 2010 at 5:37 am
An condom faknaa an sak zuap zuap i tih chu FM Zoawi 100.7 ami hi mi :lol: .A mawi viau hi ka lo ti mai asin :evil:
Report this comment
April 5th, 2010 at 5:42 am
Tuna hla thlang uar deuh te chu Mathangi Upper Republic,Zuibawihte Ramhlun…
Pu Hv,hla thlan peih lawmman i la ve tawh em khâ? :lol:
Report this comment
April 5th, 2010 at 5:43 am
Tuna hla thlang uar deuh te chu Mathangi Upper Republic,Zuibawihte Ramhlun…
Pu Hv,hla thlan peih lawmman i la ve tawh em khâ? :lol:
Report this comment
April 5th, 2010 at 6:35 am
LRP, ssshhhh
Report this comment
April 5th, 2010 at 7:14 am
A va mak zep zuap tak m v o….kei chuan ka la ngaihthla miah leu….eng hlathluk nge an copy leh toh ang le chung ho chuan….hla thluk dangdai deuh te hi chang chuan nalh duh phian a sin….
Report this comment
April 5th, 2010 at 7:23 am
Tawngkam kam thiam kan tum luat avang hian thumal chuang tlai kan phuah kual ta vak thin a ni ber e.
AIR hi a Indian rem rem luttuk a, vaihla thluk awm sa hmangin hla thluk mak pui pui kan neih phah…
Report this comment
April 5th, 2010 at 7:27 am
A lei TAKSA, a lei rosum, a lei lam thian te, a lei taksa khi noun ni mah se noun ai awh a hman niin taksa khi adjective ang a hman a ni mai a. An vuiliam a tih ngot hi chuan indefinite a ni daih ang. TAWH hian past tence a nih zia a tih chian hi mizotawng thiam tan chu a dik ltk, tawng thiam chian loh chu present indefinite in soi top ila awlsam dik ve ve rau rauah.
Kei ka ngaimawh zawk a chu-
Khawtlang information a e.g. ram kangah MI TLAWMNGAI TE i kal theuh ang u. Tlawmngaihna hi mimal neih theih poh a nilo, kan zia a chhuah tir chang kan nei mai, ze chikhat mai a ni. Thinrim chang nei thei vek ni mah ila thinchhia na zawng zawng pumbilh a MI THINCHHIA tih hi chu a dik chuang lo. Tlawmngaihna pawh mi pakhat neih vek theih a mi tlawmngai tih theih a ni lo. Mizo tlawmngaihna kha sap pa in nei lo mah se, a hunah chuan mi polite hnam, mi tanpui peih tak, mi tana inhlanral thak ngam an ni tho. Chuvangin khawtlang informationah pawh mi tlawmngai te tih hi tawngkam dik a ni lo a a zahthlak bawk a ni. TLAWMNGAIH CHHUAHIN mitin te i kal ang u tih mai tur.
Meaning of tlawmngaihna-
Tlawm-defeat
Tlawmngaihna-self sacrifice (mahni hmasial lohna), volunteer.
Report this comment
April 5th, 2010 at 8:47 am
Rugga, i ti dik lutuk!
Report this comment
April 5th, 2010 at 9:22 am
“Chumi khami chu kum chumi khami-ah chuan a lo boral “tawh” a,a “lei taksa” chu vuiliam a lo ni “tawh” a…etc an tih thin hi ka ngaimawh tlat anih chu mawle!
Heihi Mizo tawng dik tak a ni e. Lo ngaimawh duh suh.
“a lo boral tawh a, a lei taksa chu…” han tih te hi Mizo tawng dik a nih bakah lung a kuai ngaih bik a sin! Sap tawng ai mahin a fiah!
Hla an sak ziap zuap erawh chu ka la ngaithla ve lo va, sawi tur ka hre lo.
Report this comment
April 5th, 2010 at 9:44 am
Sap tawng hi a ngial a ngan a lehlin hi kan uar ta a,hei hian kan tawngkam hman tlangpui thin a ti dik lo ta fo mai. eg.tun hunah,vawiin zan,zing chaw,chhun chaw,tlai chaw,nimin zan,mi zawng zawng sawm in ni e, etc… a tam ang.
Sap tawng a chiang leh dik kha hnam pui tawng a dik hlel a awm thei tlat a ni.Entirna dang:Hair cut hi mizo tawng chuan lu met a ni a,sam met ti kan awm ta nual a nih hi.
Report this comment
April 5th, 2010 at 9:55 am
Tawngkam hman fimkhur bakah ziaka vawn that phei chu uluk leh zual a pawimawh zia a lang chiang hle mai. An sawi tawh angin saptawng lehlin hian a nihna ang a lehlin kan tum phet chuan a mawina a bo thin. Sherlock Holmes Mizo tawnga Pu PL a ten an han let zan mai hi chu Mizo irawm chhuak a ang vet vet em a sin!
Salvation Army-a Western Command lam Chief Secy, Col Ramhluna nen kan ti ti naah chuan, “Kan officer pakhat zirsang tak chuan Blood and Fire tih Mei leh Thisen ti a kan letling hi a diklo a ti tlat mai a” a ti a. Mizo tawnga lehlin dan mawi hmang min han sawi hmuh zauh mai a. Rilru a hneh duh ngei e.
Mizo tawngah chuan Up and down hi chho leh chhuk kan ti lo, chhuk leh chho kan ti a ni. Chutiang zelin mei leh thisen tih hi Mizotawng kal phung a ni a tih teh mauh chu! Ka pawm zawng tak mai a ni.
Report this comment
April 6th, 2010 at 1:50 am
# keimah: A hun/kum specific taka sawi a nih chuan ‘tawh’ hi tawngkam chuangtlai mai a ni lo maw? Lung a kuaina awmna ka hre phak lo. Mizo tawng pawh hi tunlai kan ti dawn nge ziak kan chin ve tan a tang hian tihthlum ‘over’ kan tum lutuk ni hian ka hre thin. Tawng tluang (prose)-a hman chi kan nei a, chutiangin hla thua hman chi pawh. Hla thu chauhva hman chi tawngkam kan neih te hi thu naranah kan telh thlazen deuh tawk zawk.
#Rugga: Tlawmngaihna chungchang I sawi chu dik khawp mai.
Mahse, Mahse tlawmngaihna tiha ‘Tlawm’ lai tak English-a ‘Defeat’ tiha a dah atan chuan a uihawm lutuk ka lo ti ve mai mai. A tum ber pawh a nih lo. ‘Tlawm’-‘Defeat’ tia dah lo hian ‘self-sacrifice to others’ tih hian a fun kim khat viau a ni.
Report this comment
April 6th, 2010 at 7:19 am
@Tarmita09, i sawi tum chu ka hrethiam e. I sawi pawh hi a dik ka ti tho mai. Mizo tawng tluangtlam takah chuan, “Lala chu kum 1980 khan a thi a, an vui a..” ti ta ila a dik. Han sawi fet leh zual ila chuan “an vui a’ tih pawh hi a tul lo, mitthi chu sawi ngai lovin an vui hrim hrim pawh kan ti thei bawk. Amaherawhchu, thusawitua zirin tawngkam uar deuh hleka han sawi hian fiah sawtin kan hre ve bawk a, chuvangin, “Lala chu kum 1980 khan a lo thi tawh a, a lei taksa chu vuiliam a lo ni tawh a…” han tih pawh a dik lohna em em kei chuan ka hre lo.
Thu dang daih: “Uihawm” tih hi kei pawhin ka ziak fo dan a ni a, mahse ka han ngaihtuah chiang a, “Uih” ni lovin, “Ui” a ni zawk a, chuvangin, ‘uihawm’ tih aiah ‘uiawm’ tih hi a dik zawka hriain ka hmang ta!
Report this comment