“Sangha i man ve ang hmiang” tih thawm chuan ka ngaihtuahna chu ati harh zawk hian ka hria a. “Ni e..” tiin Serlui tuikhuah avanga sangha lo tam ta leh, chi inthlah pung tura Serlui fintu lui hnar lam pan khawm a, lokalte chu, an tui zo tawh ang tiin, an tui zo haw lam chang turin kan thawk chhuak ve ta a.
A kawng hi rin ai phianin alo bel hlerh hlurh lemlo a, chutih rualin a kawng nuam zawk hreloin, Tialte lui dung kan zawh thla a, KURUNG hel ngai alo tam nasa mai chu niin kham pangah kan lawn thul, Adventure Team lam pawh kan iang lek lek mai. Mahse, a hlimawm dangdaiin ava nuam si em aw. Tialte lui hi Serlui fintu Tialpui zuk fin ve leh chhawngtu a nia.
Sangha tamna hmun tak Tialpui Lui chu kan zuk thleng ve ta. “Aw mi an tam, Beramno Lal lenna khawpuiah chuan..” tih mai tur emawni!! Kohhran leh Pawl te deuh Inkhawmpui zat zet chu kan ni ang chu, Lui dung tluanin mihring chitin, anlo zi mur mur mai a, Lui ka kal tawh a zawnga nuam ka tih ber tum a ni hialin ka ring.
Thenkhatin kerh kerh Mautheiah anlo thli kerh kerh a, thenkhatin chaw an ei, thenkhat an Sangha puar luah khawpa tam phurin an haw mek a, Thenkhat anlo kal ve mek bawk. Thenkharin, “Khulai deuhah khuan Restaurant leh Bar a awm..” anlo ti! Len theh a piangin hlawhchham a awmlo, Sangha 10 vel tal chu a tlem tum pawhin kan hnukchhuak tho zel mai.
An man hnem hlawm em avangin a hringa hawn sen pawh a ni hlawmlo, Pic a kan hmuh ang khian hmun tin maiah a repna an siam a, keini pawhin kan han siam ve a, Kan Sangha man sa chu meiin kan han ur a, a bulah Changel hnah hlai tha tawkah, Mauthei ngei maia chhum kan Sangha man tharlam tak chu kan han bun hnuyk mai a, Mizo buh ngei mai hemi atan bika kan lei ngat chu kan han thet khu ram ram mai bawk a. Chaw ei tlem a har ngei mai.!
Hetiang hian hmun tin maiah len an pharh sup sup mai a, Mizo zingah len deng thiam Petera ang mai kan lo tam khawp mai!
Ka ngaimawh deuhte chu, an Sangha man ate deuh chu chhar duhlo a, vaukama kalsan ta mai ho kha ka haw ngawt mai. An duhlo a nih chuan tuiah khan chhuah leh mai tur hi a nia. Tin, Sangha an tui hmaa, Tui tura Lui hnar rawn pante, lo mantute kha ka huat zawng tak an ni. An tui zo lochhuk hun kha lo nghah ve mai tur hi a nia.
Atawp berah chuan, kha hun nuam leh hlimawm tak, Sangha man khawmpui kha Aizawl khawpui atangin Palai an tam ber a, 4 wheeler leh 2 wheeler ding zawng zawngah MZ 01(Aizawl District)an tam ber a, MZ 05(Kolasib) in an dawt.
Similar Posts:
- Ngawi dawhnaah ka tel ve a !
- Builum
- Ka Hlau!!
- Serlui Tuikhuah leh Builum
- Serlui ‘B’ (Updated with Pics)
(Y)
April 12th, 2010 at 7:08 pm
Sangha ka man ve chak top top..
Report this comment
April 12th, 2010 at 7:27 pm
A va han nawm hmel ve le..
Report this comment
April 12th, 2010 at 7:32 pm
La kal ve ngei chu ‘lawm’ tumin han tum zel phawt i la.
Report this comment
April 12th, 2010 at 7:35 pm
Tunah tak hi chuan a kal chi tawh lo, an hawn sen loh kha lui kamah a vum ther thur mai a, uih hluah hluah , uih vung vung a ni ringawt, CHHUANMANG ROREL dik tak a ni e.
Report this comment
April 12th, 2010 at 7:58 pm
A nawm dawn reuh khi, helam sangha man dan chanchin pawh hei le —
https://chawnghilh.wordpress.co.....oat-house/
Report this comment
April 12th, 2010 at 8:05 pm
Nuam viau ang chu maw,,,,, a tui bawk ang, a tharlam dawn sia,,,, mahse kei chuan Tuirini sangha tui ka ti ber…. he he…
Report this comment
April 12th, 2010 at 8:15 pm
@pingpong, tinge min sawm ve loh? Leitlangpui a kan MI dawn hunah ka hrilh ve miah lo ang che :twisted:
Report this comment
April 12th, 2010 at 8:22 pm
ping-ling-pong, I sangha man chu kerh kerh seh-hmehah min rawn thawn ve mai la… :evil:
Report this comment
April 12th, 2010 at 8:23 pm
In rap nu vek a lawm
.
Nuam ngawt ang
Report this comment
April 12th, 2010 at 8:26 pm
Sangha man a lui a kan riah thin lai min van ti ngai e…chaw ei a tui sia, EK hi a te sei zeeet bok. chuan sangha te ho hi an buai thlak, Len emaw Hawlhrawk emaw a man te hian alian thlan chhung hian athen te chu an lo thi hman toh thin bok sia…an lo per chhuak thin bok nen
Report this comment
April 12th, 2010 at 8:54 pm
@shailendra: Ka tihpalh. Min sawm ve loh ten.
@Kawlhawk: I sawi har em alawm. Mahse, kal leh hunah chuan ngei ngei.
R.Lalropuia: Kal kan tam lutuk a, kephah hlaipui pui khan an rap per chhuai chuai a tin ni.lol.
Report this comment
April 12th, 2010 at 8:55 pm
sorkar hian nuai tam tak seng hian sangha hi dah th rih lo se ka va ti e, kan renthiamlo em mai.
Report this comment
April 12th, 2010 at 9:03 pm
#12. tak tak a, Leitlangpui MI hun chuan a hman hman kan tleh phei huk ang chu. mi(sual) banner khi siam bawk ila. A chungami ang khian. kan tar kulh dawn nia. Silk printing an ti emni kha? awlsam te in a siam theih ang. mi(sual) tan chuan a senso ka lo tum ang…
Report this comment
April 12th, 2010 at 9:07 pm
Ka chak ve zong tak a ni….mahse kei chuan sangha ai chuan ulawng rep hi tui ka ti zok mah nia,uchang poh….
Report this comment
April 12th, 2010 at 9:12 pm
mi(sual) MI ah chuan sas hmeltha tawwwwwwwwwwwwwwwwwwwwwwwk an tel dawn chuan ka kal ve ang
Report this comment
April 12th, 2010 at 9:12 pm
@Pu Shai, Ku_Muanga te hian chutiang dawr chu an nei alawm. A siam thei em em ang. Ti ngawt ila
Report this comment
April 12th, 2010 at 9:37 pm
@kawnga, mi(sual) home page, Breaking News etc tih vel, dinglam a lang khian, Vei lam a main post, a chanve vel lang tho in, camera a han shot zawk a frame khata lang awm ang vel khan. Idea chu man mai em aw? Lo siam se, ka in sawi bat aiah ka rawn tum ang…
Report this comment
April 12th, 2010 at 9:58 pm
Sangha man chu a nuam viau na a, taksa a sil duh them thum ngei mai. Sangha paih uih hnekhnuktute kha an huatthlala tak tak a nia.
Report this comment
April 12th, 2010 at 11:12 pm
Va nuam dawn ve…thil makvetak chu Sangha ei duh thak lo pawh hian aman chu an peih thei tlat tho..sangha man hi anuama,ahlimawm bawka..inti Petera deuh pah a Len han den te hi nuamve tak ani…
@Pimpom…Shilendra..mi zui rawh u..mihring mantu ah ka siam ang che u..
Report this comment
April 12th, 2010 at 11:13 pm
Hetiang ang a sangha duhtawk a man hi chu chawnghilh te hian Potomac an ti nge an uar an tih kha min hruai ve duh tak ang maw
Report this comment
April 12th, 2010 at 11:18 pm
@Shailendra: Engtik ah nge MI chu? In rel tawh tihna nge duhthu in sam? Ka tel ve duh ania.
Serlui aj chuan ka va kal ve chak e aw. Mahse sangha a tam tih avanga man chiam chiam te chu….a dik nang. Ti khan lo awm ve mai mai se, tu pawi an sawi pawh ni hlei lo. Han ti ngial pawh ni ila…. keini chu perh phak lohva sava fu lai pawh au thlawk lui hram thin kha kan ni tlat a.
Report this comment
April 12th, 2010 at 11:38 pm
@caribou, date la fix lo. mahse tun thla ah tum e.
Report this comment
April 12th, 2010 at 11:44 pm
@PimPom min va hlep ve!
@Shailendra han chiang hma teh u, pu-te in lo zin dawn chuan parṭhi lo siam lawk a ngai dawn sia.
Report this comment
April 12th, 2010 at 11:52 pm
A phurawm dawn viau mai. Lo sawi hawt teh u. Nuber kiangah ka mut san dawn che u. Mangtha phawts ule.
Report this comment
April 12th, 2010 at 11:59 pm
kawlhawk hman ve leh kan ti mai don mi? chak awm toh khop mai. muantea khan kawlhawk lo nawr se, kei pawh mahriak te’n mang lamah kan leng ve phot tawh mai ang e.. haha…
Report this comment
April 13th, 2010 at 12:10 am
@Dikpea_Pa: Kan hloh hlepah kan chhiar a ni ber e.lol.
A hmun thleng tur a kalkawng thui zia te, haw kawng chhoh zia leh Luidung nawm si zia te kha atinuamtu an ni vek mai.
Report this comment
April 13th, 2010 at 12:23 am
Lunglei MI
A HMUN : Lunglei-ah a ni tawp mai!
A HUN : shailendra, kawlhawk, mzvision te hman hun
INVITEES ; mi(sual) tawh phawt a phur phur..
ORGANISERS : Diktea_Pa, kawnga, saitawk,Ku Muanga,caribou, sonju (a va vang ve le!!!)
THU LO BER : muantea
PICS I/C : shailendra
FOOD ( abikin arsa part hrang hrang) : kawlhawk
BANNER : Diktea_Pa, Ku Muanga
BORUAK I/C : saitawk
BEISEI NGAM LOHTE : HV, chawnghilh, elcee, bmw, irre, amanda, flying, chepa leh kal thei lo hrim hrimte.
LOKAL LO MAI SE : keimah,aryan, sandman, Benjamin RTZ( an intithu awm em mai!!)
Report this comment
April 13th, 2010 at 12:24 am
@muante : kawlhawk no chawm lai khawih chu ‘Nupa tang thenna’ a nih kha in lo hrereng dawn nia!
Report this comment
April 13th, 2010 at 12:31 am
Muante, motor ka rui nasa thei sia, Lunglei MI chu ka lo kal ve lo mai ang! I van reh ve a..current in nei lo ve mi?
Report this comment
April 13th, 2010 at 12:42 am
Muante, BMW chu kum 80 a hnaih dawn tawh sia, lokal velo mahse hrethiam mai ang u. A tar deuh tawh em mai.
Report this comment
April 13th, 2010 at 12:42 am
E khai! Ti tak tak kan va ang sawt em! Chief Organiser-ah Muantea ka rawt e. Caribou-an lo pui se la.
Kei pawh Hair Dye ka tih vat vat a ngaih hmel a nih chu :lol:
Report this comment
April 13th, 2010 at 12:59 am
Kei pawh vawikhat chu Medeterian ah nghakuai kan chiah a thlasik vawh lai in zing dar 5 ah kan tho a kerh 2 chneg 50 helam cheng man kan keng a zing dar 10 thleng kan chiah a nuam ve tho sangha kan man kha zuar dawn ta ilang cheng 10 man poh a tling lo tawp ang . hahahahhahahahah
A nawm dawn kha ka kal ve chak ve khawp mai.Serlui fintu lui a sangha man association in lo din leh tawh lo maw .Member lo chu man ve phal loh te in lo tih leh hman leh pek hlawm lo maw .hahahahahahahaah
Report this comment
April 13th, 2010 at 1:04 am
Hetia sangha puang vak hi a chhan a awm a ngem le ?
Report this comment
April 13th, 2010 at 1:07 am
Pimpom, min hmuchit!!
Report this comment
April 13th, 2010 at 5:47 am
mimawl tih takah ti khian a lian leh a te nen an man vek anga, a awm tawhloh hunah generator nen an rawn thawkchhuak leh anga, generator pawn man tur a hmuh zawh tawh loh hnu ah tur (poison) nen an rawn thawkchhuak leh anga, thaichhawni nu atanga dawntial tin ther tiat lek pawh an man chereu vek mai ang mizo mivir sa heh hiam huam ho khi chuan.
Report this comment
April 13th, 2010 at 7:03 am
@Aryan: I sawi dik. Ei theih anih chuan kan zuah ve ngai lo.
Report this comment
April 13th, 2010 at 8:17 am
Aryan poh hi ei thei nise chuan kan ei zo vek toh ang ka ring.. hehe
Report this comment
April 13th, 2010 at 8:41 am
Sangha man chu keipawh englai pawhin ka ready reng, potomac luiah vawiinah pawh thiante man ka va zui ve a, kan mana kan chhuah leh vel…
Report this comment
April 13th, 2010 at 8:46 am
@muantea/kawnga/Diktea_Pa etc etc., MI chu i ti hlawhtling ngei ang u. Tun thla chhung ni thei ngei se. Khawchhak atang hian E.Lungdar road-ah ka rawn tek phei nalh mai ang. A remchan hun hun a ni mai…
Report this comment
April 13th, 2010 at 9:19 am
Ka va kal ve chak ve awww… Sangha man hi nuam ka tih ber te zing a mi a ni a, mahse len hi ka la deng miah lo a, thiam ve mai turah in ring ila
Report this comment
April 13th, 2010 at 9:22 am
@Aryan: Kan man rem mailo ang. Pakhat tui pawh kha atam lutuk tlat. Tin, mawl zawng kan mawl veklo e, hei a mawl falte vengin Forest guard lam an awm reng a, DC order khauh takin kenkawh reng a ni. Nikuma Chinai hmanga mantu an man pawh magistrate in alo chhuah ngawt mai a, YMA lamin an umzui a, a tang leh tawhin ka hria. Dan bawhchhia an awm leh tawhlo tun thleng chuan.
Report this comment
April 13th, 2010 at 9:33 am
@khuluaia: Sangha a puan nachhan ni bera lang chu. SERLUI tuikhuah hi a ni. Tui a lo tama a thuk tak vang hian Lui hnarlam a chi thlahpung turin tui thuklo zawk panin an rawn cho anih hmel e.
Report this comment
April 13th, 2010 at 9:51 am
Ei tham loh a tê nawi zual leh lak sen loh kha chu tui chhungah thehlut leh hram hram teh u.
Report this comment
April 13th, 2010 at 9:59 am
nia, mahse an thi duh reuh ltk a … reilote lak chhuah pawn an thi nghal mai zel a ni… tin kan mizo sangha ang hian an tuar a fei lo deuh in ka hria…
Report this comment
April 13th, 2010 at 11:37 am
I report thiam khop mai, chhiar a nuam a, kal ve i ti châkawm. Sangha ur lai thla khi a sangha lang lo zawngin i ron la daih sia!
Lên den leh nghakuai chiah bâk hi phal loh ni reng mai se a thra ang. Lênkhang zar thleng hian phal loh nise.
Report this comment
April 13th, 2010 at 5:15 pm
A nuam ngawtin ka ring, hetiang anga tam sangha man hi ka chak ve khawp mai. Mahse ka ti daih dawn.
Kan lui dunga sanghate hi a theih dan danin kan man thin a, len leh nghakhuai mai duh tawk lovin – chinai atanga dynamo thlengin kan lui dung hi kan hawlh rawk rawk mai zawng a nih hi maw…. Nakin lawkah chuan kan Mizo sangha neih nghahrah, nghalim, nghavang, thaichhawninu etc te hi kan la suasa rem mai dawn niin a lang ta, kan sorkar pawhin lui dunga sangha tlem ta lutuk hi an vei hle a niang phai sangha no a sing tel tehmeuh an chhuah fo thin.
Ka rilru-a riak ta ber chu –
1. Mizorama sangha kan neih chi hrang hrang, Pathianin Mizoram lui hrang hranga awm tura a duan hi kan tichereu thei mai dawnin ka hria.
2. Kan minister leh mi thahnem ngai ten phai sangha, mizoram luia la awm ngai lo an chhuah fo thin hi thil tha tak mah nise, pathianin kan lui dunga cheng tura a ruatbikte vawnhim tlat hi a tha zawkin ka ring tlat
3. Mizoram sangha bik hi vawn him a tul tak zet a ni.
4. Sangha man ka sawi sel lova, kan mamawh tawk bak thlenga kan susam thin hi ka hua a.
5. Vawiin atanga kan Mizo sanghate hi uluk taka kan humhalh chuan kum4/5 lekah Serluia a tam ang hian an tam mai dawn a ni
6. Hetianga kan lui dunga mizo sangha ngei mai an lo pun hunah hun bik neiin (no nei tura an fuan loh laiin) man theih hun siam ni se la, Len leh nghakuai bak sangha man nan hman phal lo bawk ila, chutih hunah chuan phai sangha aia tui leh hang zawk mizo sangha ngei mai hi Aizawl khawpui leh mizoram khaw hrang hrangah hnianghnar takin kan hmuh theih ka ring tlat a ni.
7. Hetiang tihlawhtling tur hian kan lui dunga mizo sanghate hi hum halh tlat an tul. A humhlah turin mimal tinin mawhphurhna kan nei bawk a ni
Report this comment
April 13th, 2010 at 7:16 pm
Ram tam zawkah hi chuan nghafuan man hi an khap tlat a, hetian sangha inthlah chawnna ber tur kan lo man zel chuan rei lovah kan sangha te an chi a mang thuai mai ang.
Report this comment