A nuam ka ti (ti khanglang ila) ! ‘Nuam tih chi a ni hleinem’tiin tute emaw chuan min khak duh hialin ka ring. Mahse, nuam ve mai mai tak zawng a ni (kan khua-ah ngat phei chuan).
Mualpheng khua, Biakzauva putea kha a tlangval laiin, tumkhat chu mitthi an nei a. Zingah thlanlai tura kal a tum kha a chhungte’n, “ Lo lamah hlo thlawh tul lai a ni si, zing feh a ngai,” an ti tlat mai a, thlan lai lovin an fehtir a. Chuta a lungawi lo, thlan lai chak lutuk bawk si chuan, “Hmm..lo zawh hun chu(h), thlan lai char char ang,” a ti e, tih thu hi an sawi thin a. Thenkhat tan chuan nula rim ai pawhin a phurawm zawk daih mai thei a sin !
Thlan laih ni chuan thlanmual chu tlangvalte infiamna hmunah a chang a. Thlan chhunga awm rei thei nih inchuh leh, a lut hnem nih inchuh reng rengin kan inbuan a. Bawngtuthlawh leh suahdur tlar a hranin a awm a. Duh zawk zawk kan zawm a. Kan intirameikai zui mai a. A kar lakah tlangval uang thuang leh luh hnem tum, intlar tha ve duh lo, thlana zuang lut an han awm ngei a. A kotlanga val upa thu khan, “ Kha kha thehchhuak rawh u,” a han ti a. Bawngtuthlawh emaw, suahdur zawk emaw a vawn hman hma hma-in an piai chhuak thuai thin. Hetia kan han tih pah vel hian, kan ri luih luih mai a. Nuam dangdai deuh a nia.
Hetia kan rik luih luih lai hian tuemaw hian, “ Khi le, nula an lo thleng e,” a han ti ngei a. Kan hawi rual suau zel. Tlangval leh pathlawi rual awmkhawm hi chu “nula” tih thawmah hian kan dak nghal hru lo thei lo ni ber hian ka hria. Thenkhatin thlan chhunga lut hnem nih tuma theihtawp chhuaha tan an lak laiin, a then, a zelthel pawl an lo awm ngei bawk a. Thlan laihna atanga hla deuh hlekah titi an lo vawrh a. Zahmawh leh eng ilo, ho mai mai an lo sep a. Thlan laihna-ah hian mi taima leh taima lo a hriat theih viau thin a ni.
Thlan laih nikhua hi chuan pathlawi hram tlahawlh deuh hi awm ngei sela. A ko tlangah hian lo pawt zuah zuah sela, sawihreh hi nei map lo se, boruak an chawk zangkhai a, a nuam duh. Thlan laihna-ah hian ngawi ta thup mai ila, infiam leh inchai vel hi khap ta tlat ila, thlan lai peih hi kan awm mang pawhin ka ring ngut lo.
Naupang deuh, an thlan laih ve vawikhatna val upa lamin an han fiam vel te hian a tihlimawm a. A chang leh thlan phiahna YMA President-te In atanga la turin an han tir a. YMA President fiamthu duh ve bawk a lo nih phei chuan, “Secretary te’n an kawl,” te a lo tikual leh vel a. Kan zonunmawi ze-rang pakhat lanchhuahna zawng a ni ve ngat mai.
Ram changkang chho zelah khawpui lamah chuan thingtlanga thlan kan lai hut hut anga tih reng a rem lohna chen a lo awm chho tan ta a. Kan hnam nunzia-a bet tlat, thlan laih te pawh hian engtikah emaw chuan min la kiansan anga. Hmun danga an tih ang hian, khawtinin “Thlanlaitu” te hi kan la nei lovang tih pawh a sawi theih ta loh a nih hi.
Similar Posts:
- Synod thu vuakthlak – hnungtawlhna!
- Tlangval ni leh thei ngat i la chuan tlangtlan nula ngat ka nei ang..
- Thlan laih Privatise ang
- Thlan mual
- Sam ve thung hi le..
April 20th, 2010 at 8:02 pm
Kan lai 1st a nge..misual ah hian
Report this comment
April 20th, 2010 at 8:03 pm
Hlwhfa rawih kha a tha mai a lawm. Veng thenkhat pawn an tih tawh kha.
Report this comment
April 20th, 2010 at 8:10 pm
Engpawh chunise athavek maiin ka hria kei mimawl hian.
Report this comment
April 20th, 2010 at 8:10 pm
Ve tlat mai a, hlawhfa lakmai hi a tha kei pawh ka ti!
Report this comment
April 20th, 2010 at 8:13 pm
@machhungi : Seramporeah i zir thin em?
Report this comment
April 20th, 2010 at 8:14 pm
Nia, anei in la se, nei lo in la lo se….
mahse, harsa ve tak chhungkua tan chuan buai thlak ve ngawt ang..
Report this comment
April 20th, 2010 at 8:14 pm
Thlan laihnaa in tìh pem/hliam palh hi a dam har duhbik e,te pawh antih thin tak kha…ni e,Pa tawngthei deuh uang peih deuh nidanga kan kawm chak em em loh pawh hi Thlan laihna ah chuan kan hnaih surh surh duh khawp e anti bawk..
Report this comment
April 20th, 2010 at 8:16 pm
Mai mai! Duh leh Aizawlah te chuan hlawhfa ruai se la; kan khua angah te chuan a la tul teuh lo :twisted: (aryan tai hrim hrim ka ang e)
Report this comment
April 20th, 2010 at 8:22 pm
Japanese ho hnathawh nasat ang te khian thawk nasa ve ta ila, thlan laih hi chu a har ngawt ang te kan ti ngawt anga, Japan ram phei chu ka la kal hauh lova. :lol:
Report this comment
April 20th, 2010 at 8:23 pm
Thlan lai tura hlawhfa rawih chu a Mizo lo tah2 viau ang chu… lo chhawr tawhna a awm chuan a van mak emm emm ve le!!!!!!!!!!!!!…hlawhfa tur pawh an va hmu thei zawk ve,,,,
Tlangval-in tlawmngaih chhauah a kan lai suau2 mai hi a mizo in a nuam ber zawk…..
Report this comment
April 20th, 2010 at 8:23 pm
Luh kan in chuh nasa ve hle thin.Phawk a chhuah tum phei chuan chirhdiak kan siam a,samah kaih chhuah pahin kan in tat a,mahse lut lo laklawh khan berh an hlauh a vangin an ti tha duh vak lo a,mahse kan phut vak ngai bik lem law :!:
Thlanlaih hi thil nuam leh chakawm zawk zawk a nih loh a vangin thalaite ti phur zawngin thlanlaih hian val upa ten an sawng bawl a,Mizo nun a hahthlak leh chakawm loh kha nuam awm deuh in an lo siam a,thalai min tiphur thiam thin kha rual u te an lo fak awm hle mai.
Report this comment
April 20th, 2010 at 8:29 pm
Thlanlaih leh hlawhfa rawih aia tha ka hria. Inhalral. Kei chuan ka duh tlat. Thlanmual tur a van tawh bakah inphum hnu a harh chhuah leh ka hlau.
Report this comment
April 20th, 2010 at 8:34 pm
#sony..i sawi ang deuh khian i harhchhuah leh duh hmel tlat..SONY hi chu a cial ve sia.
Report this comment
April 20th, 2010 at 8:37 pm
Hlauhawm deuh asin.
Report this comment
April 20th, 2010 at 9:08 pm
thlan lai tur a Hlawh fa lak ngai bak ah thlan laih lawk sawi mawi YMA hruaitu kan veng hian nei ve lo se ka ti.
Veng thalai te thatchhiat/tlawmngaih loh zia a t lang ka ti hlawhfa lak hi chuan.
Report this comment
April 20th, 2010 at 9:16 pm
Khawpui lian ah chuan thlan lai tur a hlawhfa lak chu tih makmawh anih hun a lo la thleng ngei ang le.Chu mai nilovin mithi vuina hmun hi nei hun te kan la mamawh ngei ang le.
Report this comment
April 20th, 2010 at 9:17 pm
Hlawhfa lak an tih chuan engzat nge an rate le aw. Azl haw remchan ah te pocket money siam nan a tha dawn tlat
Report this comment
April 20th, 2010 at 9:21 pm
hiho, Aizawl veng hrang hrangah hian thlan lai hi an tlem thei khawp asin. In veng han sawi la, thlan in laih leh huna rawn en a va chakawm em. Mi hi kan buai tlang tawh ani, chu chu a taka kan hmachhawn mek ani. Kan Hotupa hmasa anga mumang/duhthusam rama chena nuih ver ver ringawt hi a ni ber lo. :lol:
Report this comment
April 20th, 2010 at 9:22 pm
Hlawhfa lak leh lakloh chungchang hi hman deuh lawk khan khel anih hrep tawh kha maw le..
Hlawhfa rawih ate kha hnamdang nge annih thin aw YMA member..inhlawh tura hman Tlawngaihna a ke pen tura hman lo..
Report this comment
April 20th, 2010 at 9:33 pm
Kan vengah chuan hlawhfa kan la mamawh rih lo.Kuangte pawh hi lei angai tep tawh ang
Report this comment
April 20th, 2010 at 9:47 pm
@awmawmpuia thlan lai tam lam pang ka sawi lo..tel e maw tam e maw.. mipakhat phumna tur lai tur cuh veng tin ah hian awm awl deuh2 aan tam ang ka ring..
‘Mi hi kan buai tlang tawh ani’ te chu la ti deuh2. buai chung2 poh a mahni tul kalsan a mi tana thil tha tih hi a ni lawm ni Tlawmngaih na chu? thlanlai tur a hlawhfa lak zoh hian eng a tan nge hlawh fa an lak leh ang? mithi chhung te men pui tur in mi niang? tun din hmun ah chuan Ruang awm zana meng tur hlawh fa lak chu OVER kan thi theuh ang.. mahse Kan Pi pu te khan an hun lai chuan Thlanlai tur a hlawh fa lak poh hi an ngaihtuah chuan OVER an tih ve tho ka ring.
Report this comment
April 20th, 2010 at 9:49 pm
Khawpui lamah chuan hlawhfa rawih pawh atul tawh ani maithei. Hmun thenkhatah pawh thlan laih hi buaithlakna chen a awm tawh hlawm.
Report this comment
April 20th, 2010 at 9:51 pm
Khawpui lamah chuan hlawhfa rawih pawh atul tawh ani maithei. Hmun thenkhatah pawh thlan laih hi buaithlakna chen a awm tawh hlawm..
Report this comment
April 20th, 2010 at 10:02 pm
@awmawmpuia..thingtlang khua, khawi hmunah pawh thlan hi chu tlangval thalaiin an la laiin ka ring. Keini khua chu Rulchawm a nia..nula tlangval an tlawmngai a (kei tak hi ka awm meuh lova) khua azawngah chuan khaw nuam ber mai niin ka hria. Mahni khua a ni bawk nen
Report this comment
April 20th, 2010 at 10:07 pm
A chunga inziak anga lirnghing te kan tawn chuan thlan laih tur a tam viau maithei.
Report this comment
April 20th, 2010 at 10:07 pm
hlawhfa a laih chu awlsam phian ang, khawpuiah mi changkang leh buai tak tak ho zingah chuan thlan lai tur a awmni lo kham ziah pawh uihawm duh awm sia, Mahse ka thlan tur hi thlang thei dawn ila chuan Mizo tlangval rual, tihluihna tel miah lova; ka tan liau² a an laihah chuan phum ka duh zawk ngei ang.
Awlsam sawi takah chuan, inhal ve law law mai ila, thlanmual tur hmun awl te hi kan van tawh sia, mahse kan chhungte chu ni lo se
Report this comment
April 20th, 2010 at 10:08 pm
Ka sawi hmaih : Khaw khat thlanlaitu neih hun hi ( a awm dawn ngai te a nih chuan) zonun inherdanglam mek zinga ka ngahahhlelh loh ber pawl zinga mi a ni.
Tawng thu chhe lovah, nitin mitthi kan nei lem lova, mitthi neih tuka thlan laih a tul avanga kan sawrkar hnathawkte hian an hna te an thulh a, office hial an kal loh phah a nih chuan, kei chuan ka hrethiam ve meuh lova. Thlanmual hi hla tak takah kan nei hlawm tih chu ka hria a. Zing vartianah tlangval tlawmngaite kha lirthei hmangin kal mai ta sela, thlan laih chhung hi chu a rei lem lova, chhun lam hna thulh em em lovin a tih theihdan a awm ka va ring em.
Report this comment
April 20th, 2010 at 10:11 pm
Tlangval ruai thei khawpin sumdawnna emaw nei ila chuan thlanlai, hnatlang tih vela an kal ka phal miah lovang.
Report this comment
April 20th, 2010 at 10:24 pm
@21 hiho, tunlai hian a awmawl awl hi a lai tha peihlo lo hi an ni leh bawk si a lawm mawle. Aizawlah hian veng hrang hrangah mi in luah in ka awm kual ve nual tawh a, thlan hi ka lai ve thin a. Kan tlem thei ta em mai a, duhlo hle mah ila kan hmabak chu ani tho tho ah ka ngai deuh mawle. Mitthi lumen te pawh hi kan la titawp in ka ring asin, a la hla deuh maithei a. Ka comment hmasa a ka sawi khi kan Hotupa hmasa nen in inang ka tihna ani lo ania aw. :lol:
Report this comment
April 20th, 2010 at 10:58 pm
mmmm.. dei.
Report this comment
April 20th, 2010 at 10:59 pm
Thlan laih nuam ti zingah kei pawh ka tel pek a. Mizorama ka haw hnuhnun ber Dec 09-Jan10 pawh khan ka han lai a. Mahse tlangvalhovin ‘ka pu, lut ve fo suh’, ‘a kotlang atang khan a tihdan min lo hrilh mai rawh’ te min lo ti ta thin a, a inthlahrunawm letling thei.
Hlawhfa ruaia thlan laih kan chin theuh hunah chuan thlan laih thin laia kan experience te thangtharho kan la hrilh thin ang chu!
Report this comment
April 20th, 2010 at 11:05 pm
hlatekhua, i sawi hi keipawh ka ni chiah. Thlanlaih a kan han infiamnak nak thin te, inkawm ngai lemlo pawh innel tak maia kan ti ti tlang bawrh2 mai te hian engemaw chenah Mizo nih a ti nuam a, a ropui ka ti bawk.
Hetiang ho mai mai anga tam takin an ngaih, thlanlai tur an awm thin tho chung pawh a, chhuanlam siama thlan laih kan hman tawh lo etc an ti hi kei chu chhuanlam fahrah mai niin ka hria.
Ka tawng tun lo haw lo se, hetiang ang tun hma atanga Mizo culture tha kan chhawm loh a, kan hnualsuat zel dawn chuan Mizoram hian ngaihawmna tur a nei dawn tawhlo a ni ber ang.
A ram leilung lah kan ti chereu nasa tawh mai si a, kan culture la awm chhun te te kan paih bo zel bawk chuan kei Mizo nih nawmna, Mizoram kan ngaih thin chhan tur hi a vang dawn sawt hle niin ka hmu lawk.
Report this comment
April 21st, 2010 at 8:21 am
Hlawhfa ruai a thlan laih tir te cu, a veng chhung tlagval/mipa ava zathlak dawn ve a….Mizoram ah thlanlai tur a hlawhfa ruai veng/khua an awm chuan Veng thatchhe tak a ni tih a hriat….
Mihring kn buai toh a,thlanlai hman kn awm lo tih te cu DAWT muhlum a ni rigot, thatchhiat vag mai2 mole.
Report this comment
April 21st, 2010 at 8:41 am
Tih fuh vak loh nikhuaa tlangval tlemte chauh an thawhchhuah hian a hahthlak an ti thei khawp mai. Ka vannei a, ka la tawng ve lo hlauh.
Report this comment
April 21st, 2010 at 8:57 am
Hahthlak tak a ni. Kei chu hlawhfa ruai thei khawpa hausak ka chak zawk fe.
Report this comment
April 21st, 2010 at 9:56 am
Tlawmngai tur hian kan invau lo chauh chu anih tawh hi. Hahthlak tak ani.
Report this comment
April 21st, 2010 at 10:41 am
Nie. Zahthlak bawk. Inphut a tam mah2 hi alawm generation gap siamtu chu.
Report this comment
April 21st, 2010 at 10:41 am
Thlan laih hi khawpui lamah chuan harsatna chin a awm ta!
Kan vengah erawh khawtlang in pawh tlanna hmanraw pawimawh tak a la ni fan. Zo ze mawi in zirtirna hmun/hun pawimawh takah ka chhiar lo thei lo.
Report this comment
April 21st, 2010 at 1:43 pm
Tlawmngai tura kan inphut nak nak lai hian phut ngai lem lo, tlawmngai tak tak an la awm teuh tho mai….
Baal hmaa thingthi ngai lo tih ang maiin
Thlan laih erawh hi chu tuna kan kal dan pangngai hi a la tha rihin ka hria, a peih lo chuan an hman reng pawhin an lai chuang lo, a laihna hmuna an kal ve a nih pawhin…!
Report this comment