Thimthainu hi rannung danglam ve tak a nih na leh a pianhmang te hre chiang tawhlo kan awm takin ka rawn phawrh ve mai mai ang e . Kan naupan lai chuan mi inhnuai ah te hian kun lut kut kut in, “Thimthainu mawng tawlh mawng tawlh, ar a khuang e lo tho ru,” tiin an vung hi kan kheuh kan kheuh anga, a mawng zawng hian an lo tawlh chhuak herh herh reuh a, chu chu kan lo man ta thin a, kan khawi e kan tia, kan hlim pui ve hle thin.
Thimthainu vung:
Lei dur tha ah te vung chhuah in, chumi atang chuan eitur rannung an lo chang thin. An bihruk na atang chuan Fanghmir emaw lo kal chu, a tawm ruk na a lo tawlh thlen hma chuan lei-thil chu a lo theh chiam mai thin a, a lo tlak thlen veleh lo man hmak in, chaw ah a ring ta thin a ni.
Thimthainu:
Thimthainu hi Daidep (dragonfly) pian phung ang takah an puitling chhuak thin. Hei hi Mizo tawng chuan “daidep” tih tho bakin hming hran kan neilo a nih hmel, an pawh an in ang hle a ni; an thla (wing) inthleh dan tih loh chu. Thimthainu puitling tawh hi English ho pawn kohna fumfe tak an nei chuanglo a nih hmel, “antlion lacewing” ti a ko te chu an awm hmel! Thimthainu (a larva) hi English ho in “antlion” an tih laiin, American te chuan “doodlebug,” an ti thung.
Thimthainu puitling:
ps. Model ngawr2
April 23rd, 2010 at 6:56 pm
Naupan lai min va ti ngai ve. Kan khaw lamah chuan Themthainu kan ti.
@HV, “Themthainu mawng tawlh mawng tawlh, ar a khuang e lo tho ru,” tiin an vung hi kan kheuh kan kheuh anga, a mawng zawng hian an lo tawlh chhuak herh herh reuh
A chunga i thu ziah khi hunkal tawh a mi a ni sia,ANGA tih i hmang hlauh mai a, hun lo la kal turah or kan tih tur sawi lawkna chauhah anga hi Mizo tawngah chuan hman thin a ni lawm ni?
Tihian a dik zawk lawng maw?
“Thimthainu mawng tawlh mawng tawlh, ar a khuang e lo tho ru,” tiin an vung hi kan kheuh kan kheuh a, a mawng zawng hian an lo tawlh chhuak herh herh reuh a,
April 23rd, 2010 at 7:05 pm
chepa, hmanlai thil kal tawh, a thara han mitthla leh hian rilru tih thar leh nan ka hmang fo mai.
April 23rd, 2010 at 7:10 pm
HV, kei chu a dik thei hian ka hre lo tlat. He tawngkam hi Aizawl ho rawn chinchhuah kha a ni a, Thangkura pawh khan a fiamthu thawhnaah a dik loh zia a sawi chhuah nghe nghe kha.
April 23rd, 2010 at 8:17 pm
HV a “thimthainu” tih hi rawn tih dik ka tum a.
Chepa-in a rawn ti “thinthainu” a.
Keia hriat ve dan chuan Themthainu” a ni ve leh hlauh.
a eng ber hi nge dik dawn ni.
April 23rd, 2010 at 8:25 pm
Ka hriatdan pawh “Themthainu” tih a ni ve tho mai.Themthainu tia hria kan tam ber.Chuvangin THEMTHAINU a ni e,kan ti mai dawn em ni ang,Misual upa lam deuh te chet a ngai a va nih hmel ve le.
April 23rd, 2010 at 8:25 pm
#33 @vivi: “ka rap” ni lovin “mi (min) rap” tih zawk tur a va ang ve.
April 23rd, 2010 at 8:33 pm
“Thiamthainu” tiin ka lo sawi ve thin. Ka tihdik leh dik loh pawh ka hre chuang lo. Lui kam tiau vut durah hian a awm chu ka hmu ve tawh, 1971-a ka hmuh bak ka hmuh leh pawh ka hre tawh lo! An tawmna CRATER hi Khasi Em a ang ka ti khawp mai!
April 23rd, 2010 at 8:34 pm
@bawmrang ka chhu sual palh a ni e. Themthainu tih zawk tur ka edit tawh.
April 23rd, 2010 at 8:48 pm
@chepa: I type sual nual a vang khian in tlai lam tawh a ni maw ka lo ti rilru vel a sin.
@chawnghilh: “thiamthainu” tih hi a pawi aw phawi ka lo ti ve mai mai.
April 23rd, 2010 at 9:11 pm
Khua a hran a koh dan a dang hret hret te pawh a ni mai lo maw?
April 23rd, 2010 at 9:14 pm
Keini chuan ‘ar a khuang e…’ tih vel kan telh ve lo. ‘themthainu mawng tawlh, mawng tawlh’ tih chiah kha kan repeat char²!!
April 23rd, 2010 at 9:16 pm
bmw, in veng ho chu in va nei tawi ve
:lol:
April 23rd, 2010 at 10:58 pm
“Themthainu” tih hi ka hriat dan ani a. Ka hre sual tih ka hre chhuak hlauh, “Thiamthainu” a ni zawk.
“Thiamthainu mawng tawlh mawng tawlh, i lu lamah ral a awm e….” ka ti daih nang a! Han belh zel teh u.
“Thereng aw mawng tawlh mawng tawlh……” ti a, thereng kan deh (hmawng sawi hmangin) te ka hre chhuak. @HV thu ro tling i chhawp chhuak e.
April 24th, 2010 at 12:14 am
Keini naupan ve lai chuan, ti khanglang teh ang.. Kan inhnuai ngei maiah hian ania themthainu a mong tolh zonga kan koh chhuah thin. Hlimpui berah cuan kn hmang cuang lo nain a gaihawm ve leh si reuh.. han soi han soi takah chuan! Inhnuai ah Motor lem kan han khalh a, a kong tur kan siam chop laiin themthainu tawmna vûng kan han hmu a,kheuh neuh neuh pahin, “Themthainu mongtolh mong tolh, i pan khuang a choi don e, i nun khuang a choi don e, Rahte rahte lo haw roh..” kan han tia!! a lo tolh zet zet zel mole.. Thianpa Ruatfela(R.I.P) cuan kut a khoih lo in a’n chhem heuh heuh a, a chhem tolh ve zet zet tho zel! Panlai nunhlui, kirtiang rel silo. Awi mo…!!
April 24th, 2010 at 2:45 am
Thimthainu tih hi Mizo tawng dik zawk ani. Mahse, thlalak khi chu thimthainu nilovin, daidep note loni lek aaa! Ka vin awih lo e, Lal-pu-h Vangchhia
Ka lawm e
–LVK
April 24th, 2010 at 3:00 am
Lal Viking, google mai rawh
Ka lawm e
Ti fing belh tu che
HV
April 24th, 2010 at 3:02 am
inva han mawngrei hlawm ve mawle.. mut nachang hrelo thawh nachang hrebawksilo :lol:
ps: ka hau na ve viau chuan ka hria
ka lawm e. lol
April 24th, 2010 at 3:07 am
ka mu ka harh, ka zung, ka mu leh dawn
Ka lawm e
hairehai
HV
April 24th, 2010 at 5:15 am
Ka hriat dan leh ka tet laia inhnuaia THEMTHAINU ka zawnpui te ho pawn THEMTHAINU an ti vek!
Chawhmeh BAI leh Chawhmeh BEI tih nen a inang kual vel e!
THEMTHAINU ka ti tho tho!
THIAMTHAINU :lol:
April 24th, 2010 at 5:41 am
Bei = to attack
Bai = to brew vegetable
April 24th, 2010 at 6:15 am
Themthainu puitling hi tiang hian a lo awm ni maw?? Ka lo hre ngai lo reng reng, ka tet lai chuan ka man ve nasa thei lutuk, Kum 16 hnu velah Themthainu puitling awm dan ka hre ve chauh nih hi!! Kuak loh theih ngei mai..hui hams..
April 24th, 2010 at 12:42 pm
Themthainu hming put chhan
Kum AD 1900 vel khan Australian tlangval Thems-a hi Zoram ah a ron chuang chhuak ve teh nolh a.. hun reilo te hnu ah ani chuan nupui atan Lusei nula a nei ta a, mahse an nupa inkar a nuam thei tlat lo, eng emaw chang hian a nupui chu a mongtolh zongin a tawlh leh hrut hrut thin a. Thems-a ngaih chu a tha zan lo. Kum 2/3 hnu ah pawh fa an nei thei ta tlat lo mai a. Chutah Thems-a chuan a nupui te thlah ho chu a chhui chiang ta a.. a thil hmuhchhuah chuan a barakhaih hle! A pizawn (A nupuia nu) chu tuna kan buaipui mek species ami hi a lo ni reng a!! An han chhui zau zel a thil tamtak an hmuhchhuah belh ta… Space a tlem si a, a tawi zawngin soi mai ang. Thems-a pizawn atanga he species hi hmuhchhuah a lo nih tak avangin a hnu zel ah, tun thleng pawh in heng rannung hi themthainu tia koh a lo ni ta zel ani. XDD
Note- Mizo ho in Thems-a hi an ko thiam lo a, them-a an ti mai thin.
April 24th, 2010 at 2:12 pm
Aizawlah chuan awm i la, archive haina tham a tling dawn tlat mai!
THIAMTHAINU tiin kan ziak tlangpuiin ka hria a,
Mahse a hla sak hian Thiam hi kan lam pial deuh a Them kan ti nizawkin ka hria!
Lehkhabu hlui keu tur (reference) kan nei hlawm lo a ni maw?
muantea han che ve teh!
April 24th, 2010 at 3:09 pm
lushai_er, muantea kalo nghak rilru reng asin, a hming ah hian
April 25th, 2010 at 1:19 am
Themthainu mawngtawlh mawngthawlh..ar a khuang dawn e lo tho ru..”ti ti ik ik” kan ti thin..:)
April 25th, 2010 at 10:52 am
Kan khua chuan Themthainu kan ti thin. Khaw dangin an koh dan ka hre lo. A hu ho in inhnuaiah kan bur fur a ‘themthainu mawng tawlh, mawng tawlh’ kan ti rual dual dual thin.
April 26th, 2010 at 6:59 pm
@HV Vawin khan upa deuhte ka kawm “Thiamthainu” tiin an sawi deuh vek. Kei paw’n a hla thulk in “Themthainu” ti a lam rik a pawl deuh avang khan “Themthainu” tiin ka hria a. Ka lo hre sual chhia-va mai!
April 26th, 2010 at 7:59 pm
@Diktea_pa: Pi Nuchhungi(RIP) khan hmanlai naupang pawnto hla leh inkhualtelem hla, etc., kha a ziak tlat a hriatna ka nei. Tah khan a chiang khawp ang le.
muantea chu ava mawngtawlh tha duh lo ve!
April 26th, 2010 at 11:28 pm
Eheu, ka nghate bak hlanin in lo ti ‘thim, them, thiam’ a ni maw :smile: Thiamthainu tih hi ka hriat dan a ni e. Mizote hian ‘thainu’ tih kan hmang tlat mai a.Nu leh Thai (nupui) hi hmeichhe lam sawina a ni. Thaichhawni Pa awm lova a Nu hlir awm ta mai te hian awmzia a nei ngei ang.Mizo nunah hmeichhiate hi sekrek leh la dehte chena thiam tak an ni chawk a, hei hian an hming saknaah pawh awmzia a nei pha pawh a ni ange. Thaichhawninu li mawnga bawk reng a, remhre taka a ei tur lo chang mai leh Thiamthainu in lei tivunga a ei tur lo chang maite hian chet hmang an thiam zia a lantir. ‘Thiam’ tih lai tak hian awmzia a nei a, chuvangin ka hriat dan Thiamthainu pawh hi dikah ka ngai mai. Them leh Thim hmanna tawngkam dang ngaihtuah hian hemi pahnih hi chu a rem chiah lovin keimahah chuan a lang. Eg. Them(Thembu, them dawh), Thim (khaw thim, thim zing).Mahse khaw hranah hman dan a hrang tih erawh ka pawm thlap.
April 26th, 2010 at 11:53 pm
@H.V : THIAMTHAINU ti chuan hnung i rawn dal dawn em ni? muantea an chet meuh chuan kan var hawk mai a lawm! Nghate a bak nge Worlbank Leihlawn a zuk endik zaw? :lol:
April 27th, 2010 at 10:46 pm
@lushai_er : Pi Nuchhungi thuziak ho chu ka lo en kual dawn nia.
“Them-thiam” tih ngawt pawh hi “Thiam-thiam” tih tur ani lo maw?
Lam pial leh thukna avang hian danglam hret hret a tam hle tih ka hre chhuak. @HV thu chhawpchhuah hi a ṭha hle mai.
April 27th, 2010 at 10:55 pm
Themthainu ka la ti fan… Tunlai thangthar ho in ‘mai’ tih aiah ‘ mei’ an ti leh ‘bai’ tih aiah ‘bei’ an ti nen hian ka ngaihdan a ngai reng…
April 27th, 2010 at 11:16 pm
Leitlangpui lam chuan kawlphetha lamah leh maimawm ril zam thlir tur in buai neuh neuh kan nei a! Duh ang a mi(sual) a har
April 27th, 2010 at 11:22 pm
Diktea_Pa, “maimawm ril zam..” ka bo mep mep hle mai
April 27th, 2010 at 11:47 pm
@HV WWW
August 18th, 2010 at 4:52 pm
Va lunglenthlak ve. Kan tet laiin thlam hnuaiah kan lut a, themthainu chu kan man ve ţhin…
Mahse tunah zawng, thlam chu sawiloh, ramah pawh ka kal thei ta hrih si lo.
May 1st, 2011 at 1:39 pm
Keini chu “chhemthainu” kan ti daih mawle..:-)